ودّوه دكتور المحاني ولاطاب !!!
 

السلام عليكم

يقول منصور الدجيما الروقي



[poet font="Simplified Arabic,4,black,normal,normal" bkcolor="transparent" bkimage="" border="inset,4,sienna" type=0 line=200% align=center use=ex length=0 char="" num="0,black" filter=""]


البارحه عدّيت في راس مرقاب = قعدت به لين النجوم أكهبنّي

قعدت أخيل النجم والدمع سكّاب = لين الجفون من السهر حمّرني

وليا نشدني واحدٍ ويش الاسباب = قلت السبب غروٍ صوابه مكنّي

غروٍ صغير مستذيرٍ ولعّاب = لعب بقلبي ثم راح ونطلني

واونّتي ونّة قريصٍ كله داب = كله صلاة الصبح وأصبح يونّي

ودّوه دكتور المحاني ولاطاب = والقلب من دكتورهم مرجهنّي

تكفى يابو متعب ترى القلب منصاب = صابه دقاق العود ومافيه ظّي

مير ارحموني ياعريبين الأنساب = عطوني اللّي بالمحبّه قتلني

حبّ الفضيحه حطني وسط الانشاب = مالي جدا كود البكا والتمنّي

أبكي طوال الليل وأكظم على الناب = وادموع عيني بالخدود اجرحنّي

أنا أشهد أن الحب ياناس جذّاب = قبلي قتن جدّي وعقبه قتنّي

ومن لامني في الحب عساه ينصاب = يبلى ويصبح بالدميّ متجنّي

وإن جوّزوني تبت من عرض من تاب = وأبقا سعيد وفي الحياه متهنّي


[/poet]

وهذا رد الشاعر حسن بن مقيبل الدجيما الثعلي


واعذورني اذا سقطت بعض الابيات لان القصيده لم تصلني كامله


[poet font="Simplified Arabic,4,black,normal,normal" bkcolor="transparent" bkimage="" border="groove,4,burlywood" type=0 line=200% align=center use=ex length=0 char="" num="0,black" filter=""]

أوصل جوابٍ يم منصور بكتاب = وقلّه جوابك في كتابك وصلني

وإن كان مشتاقٍ لتلعات الارقاب = ضم ّ المراجل والمراجل تدنّي

والود قبلك بذّ ابو زيد وذياب = وعقب الدجيما مات وهوه يغني

وكثر التمني مادركه كل نصاب = ولاينفع المخلوق كثر التمني

ماخاب من يكظم على الغيظ ماخاب = وبعض العلوم ابدايهنّه يعنّي

إن كان يامنصور مشفق وطلاّب = ماني مخلّي واحدٍ صار منّي

أبذل له المجهود في كل الاطلاب = وليا زبنّي دون من يزتبني

وان شفت في الماء زول ماني بشرّاب = ماني بشرّاب لمن ماه يهنّي

أعنز على مولاي حلال الاصعاب = اللي ليا منّه عطا مايمنّي

وإن شفت لي هسه من الربع الاقراب = ماني بسايل كان ماسيل عنّي

منصور يامنصور موقفك غصّاب = يوم اللّحي بأنيابها يظرسنّي

منصور يامورد هيوبٍ ورهاب = ياوافي الاخصال من كل فنّي

غصبن على الحاسد ولاهو برغّاب = من لابتن افعولها بينّني

راعٍ الهوى خسران ماهو بكسّاب = ترى البني خسران تبّاعهني

والود درب الطيب في كل هنداب = منها الدلال ونجرهنّه يدنّي

وذبح الغنم حيلٍ كبيرات الاذناب = وصينيتن فيها العصيب متثنّي

وبنتن عفيفه تمشط الراس بخضاب = من خصلتن افعولهم يعجبني

ومصونةٍ تشفيك في كل هنداب = لاصار ماعنها العيون ارمشني

ودروب الشجاعه مالها عد وحساب = عرف وظفر وأفعال ماهو تمني
[/poet]

[COLOR=purple][SIZE=4][ALIGN=CENTER]صح لسان الشاعر منصور والشاعر حسين


ولا هنت أخوي ابو سعود


ومشكور على هذا الإختيار


تحياتي لك

أخوك النايف [/ALIGN][/SIZE][/COLOR]

مشكوور اخوي ابو سعود الله يعطيك العافيه
بس انا اظن انك غفلت عن الشطر الاول من قصيدة حسن واظن الماقف الاول
فيها بكتاب

الله يعطيك العافية يابوسعود والشاعرحسن من الشعار المخضرمين وكذلك من الرواة المحسوبين وياليت تحطله ديوان في قسم الدواوين

اخي جرير شكراً لك على الملا حضة حيث قمنا بتعديلها

مشكور والله يابو سعود

والله يبارك فيك ويعطيك العافيه

وتقبل تحياتي

النايف - جرير - الحصان - ذياب

أشكركم على مروركم الكريم ولكم مني خالص التحيات ومبروك

حلول شهر رمضان المبارك ...


الحصان ابشر طال عمرك راح نحط له ديوان بس اعذرني هاليومين

كنت مشغول شويتين :D

الله يبارك لنا ولك ولجميع المسلمين بالاعمال الصالحه

تم إضافة ديوان الشاعر حسن بن مقيبل الدجيما

[url]http://www.otaiby.com/dewan/index.php?order=1&limit=9[/url]


وسنضيف قصائده إن شاءالله في القريب العاجل

مشكور والله يابو سعود وتقبل تحياتي
 

مشكور والله يابو سعود

والله يبارك فيك ويعطيك العافيه

وتقبل تحياتي