الهرج واجد والفوايد قليله
 

آخر الجديد آمل ان تنال رضاكم واستحسانكم (القراءة اولى من الردود)

[poem=font="Simplified Arabic,6,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
الشعر ولّع في خفوقي فتيله=باقصى معاليق الحشا تشعل اشعال
ماكل بيتٍ نسمعه نهتويله=بعض البيوت يمر ماكنه انقال
ان ماكسبت الشارده والجزيله=مالي مع اهل العرف مخرج ومدخال
الهرج واجد والفوايد قليله=وقت الصمايل تختلف بعض الاقوال
قولٍ بليا فعل وش ترتجي له=ضربٍ من التظليل وازعاج واجدال
احدٍ يحصل من كلامه فشيله=واحدٍ تشيله كلمته فوق ماطال
اللي يبي درب الخنا والرذيله=يطلق عنان النفس ويعاشر انذال
على طريق الغي يلقى زميله=والكل منهم لاسود الفعل يحتال
واللي يبا العليا يروم الطويله=يسعى لها ويثبت اقوال بفعال
يمشي على درب الشرف والفضيله=ماينحني لو فيه كف الدهر مال
يسعى لكسب الغانمه والجميله=ويحط له في ماكر العز منزال
اللي يبي قطف الزهر ينحني له=ماتكفي النيه لتحقيق الآمال
نيل المنى لابد له من وسيله =بالصبر والمجهود يتغير الحال
من غاص في غب البحور المهيله=لابد يصبر لين ياقف على الجال
لاصرت في غربه يبي لك دليله=بس البلا لاصار في مخك هبال
مايقنعك شرح العميل لعميله=يبلش بك اللي مقصده ينصح الضال
الحر في دربه يخاوي مثيله=والبوم ماله بالمراقيب مدهال
ممشى الهبيل بجنب ناسٍ هبيله=لو يعرفون الدرب مافيهم الدال
العاقل ان ماجاك حاول تجي له=احذر تماشي في مماشيك جهال
ترى الخوي لازم خويه يشيله=واحد من الاثنين لابد ينشال
النفس تهوى كل برقٍ تخيله=لاهملتها ترميك في وسط الاهوال
احذر تطاوعها بما تشتهي له=اضغط عليها لين ترضى بالاحوال
ترى القناعه للنفوس العليله =تحصين حتى عن مرض جمع الاموال
اد الصلاه الواجبه والنفيله=صم وتزك وحج ياطيب الفال
احرص على الارحام واللي تعيله=وامك وابوك اجزل لهم كل مكيال
والجار له حقٍ حرامٍ تزيله=وفه حقوقه واعذره كل ماعال
البخل رسمٍ بالوجيه البخيله=يبين لاجا صاحبه يدفع ريال
والبيض يكفي من هواهن حليله=تحفظك في غيبتك وتربي اجيال
بين النساء بالشكل تلقى بديله=فرقٍ بسيط وجوهر الشكل لازال
الفرق يظهر بالصفات النبيله=بالعقل والاخلاق ماهو بالازوال
احرص على بنت الرجال الاصيله=السالمه من هرجة القيل والقال
اسئل عن المنزال قبل تعني له=ماكل شجره ينوجد تحتها ظلال
ماكل وادي لو تسايل مسيله=تطلع بوادر بذرته عقب ماسال
وقت الرخا يطلع لك الفين حيله=تلقى الخوي والجار والعم والخال
ووقت الشدايد تنصدم بالحصيله=يطلع لك النصاب والنذل والذال
تلقى خويٍ شهم يسوى قبيله=والا الدويني منظره بس تمثال
الطيب ميزه والفعول تهدي له=ماكل من يلبس من الشمغ رجال
قافٍ دعاني مابغيت ارتكي له=فجر بجوفي من عنى الوقت زلزال
حاولت ابين زبدته وتحليله=في نص ساعه سقته اقفاي واقبال
قلته وقلبي فوق صلو المليله=وارتاح بالي يوم روضت الامثال
وصلاة ربي عد وبل المخيله=على الصدوق الصادق بكل ماقال[/poem]

صح لسانك يالمرشدي
 

[color=#00008B][size=4][align=center]الأخ الفاضل ... عبدالله المرشدي ...
اسم في عالم الشعر ليس بحاجة ٍ إلى شهادة مثلي
ولكن من باب اعطاء كل ذي حق ٍ حقه
أقول صح لسانك قصيدة جزلة من رأس جزل
معانيها سامية
ماكـل بيـتٍ نسمـعـه نهتويـلـه = بعض البيـوت يمـر ماكنـه انقـال

اللي يبي قطف الزهـر ينحنـي لـه = ماتكفـي النيـه لتحقيـق الآمــال

من كل قلبي أهنئك على هذا الابداع ....

دمت متألقا ....
تحياتي مع صادق الود[/align][/size][/color]

[QUOTE=فهد الروقي;326215][color=#00008B][size=4][align=center]الأخ الفاضل ... عبدالله المرشدي ...
اسم في عالم الشعر ليس بحاجة ٍ إلى شهادة مثلي
ولكن من باب اعطاء كل ذي حق ٍ حقه
أقول صح لسانك قصيدة جزلة من رأس جزل
معانيها سامية
ماكـل بيـتٍ نسمـعـه نهتويـلـه = بعض البيـوت يمـر ماكنـه انقـال

اللي يبي قطف الزهـر ينحنـي لـه = ماتكفـي النيـه لتحقيـق الآمــال

من كل قلبي أهنئك على هذا الابداع ....

دمت متألقا ....
تحياتي مع صادق الود[/align][/size][/color][/QUOTE]

فهد الروقي



صح بدنك


وشهادتك وردك لحاله شهاده


تقديري

صح ألسانــــك ياعبدالله المرشدي ...

قصيده جزله من شاعر جزيله ....

سجل كامل الاعجاب بالقصيده واسلوب راعي القصيده ...

نحتري جديدك ...

[align=center]اخوي عبدالله

لله درك ولا فيك حيله

صح السانك وصح السانك وصح السانك مليون

جزله كــ العاده :) ولا يبيلها شهاده




تحياتي[/align]

صح ألسانــــك ياعبدالله المرشدي ...

قصيده جزله من شاعر جزل

وتستاهل علاها حب خشم كبر النير
....

أخي القدير عبدالله المرشدي

صح لسانك ولا هنت

رائعه من رائع

لله درك تقبل فائق التحايا

ودمت بود

[quote=ذبّاح الحايل;326233]صح ألسانــــك ياعبدالله المرشدي ...

قصيده جزله من شاعر جزيله ....

سجل كامل الاعجاب بالقصيده واسلوب راعي القصيده ...

نحتري جديدك ...[/quote]

ذباح الحايل


صح بدنك

وعلى شانك


لاهنت

تقديري

[align=center][quote]تلقى خـويٍ شهـم يسـوى قبيلـه
والا الدويني منظـره بـس تمثـال
الطيب ميزه والفعـول تهـدي لـه
ماكل من يلبس من الشمـغ رجـال[/quote] [/align]

[size=5][align=center]الغالي

شاعرنا المبدع

الاخ عبدالله المرشدي

صح لســــــــانك وعلى شانك

[glint]إذا كان للتميز عنوان فأنتم عنوانه[/glint]

بيض الله وجهك

ننتظر جديدك

لاعدمناك

كل الود والاحترام[/align][/size]

عبدالله المرشدي


صح لسانك



صح لسانك



ليييين ترضى




قصيده في قمة الابداع والجزاله



لله درك




اعجابي الشديد بهذه الدره



اخوك