|
(( قـــــصــــــائــد في مــــدح ربــــعي عتـــيـبه ))
السلام على الجميع
يا جماعه الي عنده قصيده في مدح عتيبه لا يبخل علينا وان شالله ما اقصر عليكم قصيدة لمخلد القثامي في مجلس ابن رشيد حنا عتيبة كم حريب لطمناه ودقلاتن مثل الخيال الرزيني أعلونا برهاط تلطم قرياه وحدودنايم الحسا نازليني وجنوبنا وادي الدواسر نزلناه وشمالنا يم المدينة قطيني وحنا ترا نجد المسما وليناه وضاعت حقوق هلها الأوليني النصر جا في اربع سنين مسماه لين أودعت سبع القبايل طنيني كم راس شيخ عن متونه نقلناه واصبح تهرجبه كلاب القطيني تبرهجي في عتيبة وأشربي ماه تبرهجيي يا قارحات الحنيني والله لولا شيخن وطتنا زكاياه ما ناخذ القصره من الحاربين ابن رشيد تجيه سبق الخيل مهداه ابن رشيد مروع الغافليني |
حنا هل الوادي عما كل عادي ...لاجت شيوخ القوم تسحب جرودها
نحدهم ونردهم من هواهم ...والموت للي جاب قومه يقودها والسيح والافلاج والخرج ملكنا ....والى بني رمحاًجنوب احدودها ويحدنا من شرق ربعاًخالي .....الرمله اللي غيرنا مايرودها ومن الشمال المنسونيه حدنا.....بهضابها البيضا ركزنا عمودها ذيداننا ترعا بكل قراره ......ترعا مضاميها وترد اعدودها هاذي ديرنا والاذاني تسمع ...واللي يسد اذنيه منها جودها حنا بني زايد بزود افعالنا ....والزايديه كل يوماًبزودها نفعل بفعل اجدودنا ونزوده...حيث الضرايب تتبع امهدودها حنا هل البل من قديم اوتا لي....فنس الخشوم اللي زياناًخدودها تفرح بنا لا صاح صياح ريبه...لا حنت الفاطر تبي مفرودها نلحق على قباًسكنا ضهورها ...كن السهوم المطلقات اجسودها لامن رمت بقناعها الزايديه ...على جثيل الماو ساقت قعودها انورد الاسيف بيضاًلوامع ..ونصدر الاسياف حمراًحدودها وشلفاًعلفها منكبود اعدانا...تمضي بحربتها ويشرب عودها خيالت الحرشا ونعتزي بها ...عزوت حراراُ مرثتها جدودها وخيالت الجدعا وهي عزوتنا ...لا نفخت بعض الرجال الغودها وراعي اصخاف الشول سيفاًقاطع ...الى انتخا صاب الخيول جمودها نرعابها غصباًعلى كل حاسد ...يبرا لها خيالها نمرودها فرسانها مندونها تنطح العدا...باللي تقص الراس من جلمودها |
عتيبة جناح الصقـر وثبيت اعضاه ## ولايستـوي طيـر بغيـر اجنـاح
رعو نجد بالسيف اليماني وبالتفق## ومعها من العود الطويل ارماح وضدوا بني قحطـان ومطير كلهـا ## وخلوك يا نجـد العريض ابياح وكم حلة غاروا عليها مع الضحى ## وراحت نهايب في يدين افلاح وكم فارس خلوه في دارس الثرى ## ينوشه من العقبان كل اشناح ويـا رب ترحمنـا وتحسـن ختامنـا ## وتجعل لنا عند الذنوب اسماح |
العتيبي في طويل الصوت غنا ....... يــوم جا للــعب غـايات وسيــله
لابدينا القاف نلعـب لعـب فــنـا........عن هزيل القاف نبدع من جزيـله خـبـر اللي من عتيبه في وطنا........ يحتمي ميقاف ربعه والقـبـيـلــه لاوقف في ساعة الميقاف عنا........خـبـره بالغبن والله والفـشـيلــه كـيـف ينسا عادت ٍ فينا ومـنـا........عـن مـواقف لابـته ينفـض شليله الحمايا ساسها من دور اهلــنا........من سنـين ٍ ماضيه ماهي قليلــه يوم صولات القبايل مااشـتـحنا........ نحـتمي جور الزمان ونرتكيلــه قـالــه من لابــت ٍ رجــل ٍ تـغـنا.......لابت ٍ نفـزع بها في كل عـيلـه الشاعر : عبدالله محمد عبدالله الدعجاني |
لا قلت الوزنه
لا قلت الوزنة وربعي مشافيح أخلي الوزنة لربعي و أشومي و اليا رزقنا الله بذود المصاليح يصير قسمي من خيار القسومي اضوي اليا صكت علي النوابيح و اللي قعد عند الركايب مخدومي و ان كان لحقوا مبعدين المصابيح معهم من الحاضر سوات الغيومي اليا ضربت السابق أم اللواليح كلن رفع يمناه للمنع يومي يا من لقلب عانق الفطر الفيح كنه على كيرانهن محزومي ما اخلف وعدهن يقع تخلف الريح والا يشد الضلع ضلع البقومي يا ناشد عني تراني شليويح قلبي على قطع الخرايم عزومي |
يا الله يلي نطلبه دايـم الدوم
يا مخلف النيه بنقض العزايم الكبد ما تقبل من الزاد مطعـوم ومن شافني كني عن الزاد صايم البارحه عيني قزت عن كرى النوم يـوم الثـريا قابلـت للنعايـــم تخالفت بالقلب قالات وهموم يوم الشكاله ماتهم البهايـم بالليل اهوجس لي بقالات وعزوم للروح خلاقٍ وللعمـر سايـــم ناسٍ نصالحهم وناسٍ لنا قوم وأكوان يعبى غبها كل حايـم يا ما سكنا نجد من غير تسلوم بصولات تلقابه صفا الجو غايم يا نجد والله ما نزلناك بسلـوم ولا انته بورث جدودنا بالقدايم ويا نجد اخذنا فيك حد ومعلوم وصفا جنابك عقب نطل العمايم اخذناك عقب مدارك العمر بالسوم سومٍ يخسـر لابـسات اللـثايـم كم خايعٍ بين الحريبين ماسوم كلٍ يباه واصليــن الكظايـم عاداتنا نرعى الخطر دايم الدوم يرعى دبشنا فيه والحظ قايـم نمشي بربعٍ كنهم دولة الــروم ومركاضهم بالضيق يجلي اللوايم لا صاح صياح الضحا جن حثلوم الخيل بالفرسان عجـلٍ همايـم يازين سجاتنا على الفطر الكوم يومٍ بلاش يوم جبـنا الغنايـم |
بديت ذكر الله على كل ماكان 0000 كتاب رزق العبد فيما ينوبه
واللي مهيضني على بدع الالحان00 هرج مدورة الدواوي رموا به قلته وانا من جيلها الوقت فكران 00 ابا اتعجب من زماني عجوبه وانا كما طير على روس عسبان 00 بس يتحرى وين تذري هبوبه ولاني مسوي سالفة ظبي رمان 00 الرزق بالدنيا وانا اعرف دروبه يااهل الركاب اللي لفيتو مسيان 00 ليا صارقاصركم زهاب وجلوبه اما ادفعوهن يم قصر ابن فيحان 00 والا ادفعوهن يم بدر التجوا به والمدح كله والثنا لابو سلطان 00 مسلط يااهل ضيم اللياي التووا به والا ادفعونه على طير حوران 00 الياحل بالا سعار قحط وشبوبه عند ابو ماجد قضبوهن بالارسان00 هداج تيما اللي نحا الهجن صوبه وتخيرو في نسل مسلط وسلطان 00 يااهل النضا مابه عليكم معوبه ماكر حرار كلها فرض رحمان 00 وتبعه يقنص ماعنا وصقروا به تواجهون صحون رز وخرفان 00 وتبجحوا عقب الجفا بالمثوبــــه واليا سرحتو فوق سلسات الاقران 00 ماصار يامال الربيع اهرجوبه هذي سواة شيوخنا كل ماشـــان 00 وجه الزمان ولاذ در الحلوبه وذا طبعهم من قبل عصر ابن بدران 00 سلم على جدانهم ولعوا به ماعندهم في وقت شـــان او زان 00 ماجودهم من مالهم واعبثوابه يوم ان خطو اللاش يسمن مع الضان 00 يخضر ويابس مع يباس الدعوبه ماجمعو مــــال لوارث وديـــان 00 من مات مات ومن قعد سد نوبـــــه الا ومع هذا لك الله بــو كـدان 00 اليا زبنهم مجرم عنـــــــزوا بــــــــه لوكان هو من حبل الادراك بلشان00 نسل حبال الحمل وهم اشتقوبــــــه واليوم نرعى في ذرا حكم سلطان00 00حكم السعود اللي حموه وبنوا بــــه فزنا بعز وجالنا عندهم شــــــان00 00 والعلم الاول ماجهلنا دوربــــــــه وان جا نهار فيه سوقات الاظعان0 000 مولمين لمن بغانا وجوبـــــــــــه والخيل قرح وابيض الخـــد ميدان 0000 وكل يمد يديــــــه قدر محسوبـه ياناشد عنا بالافعــــــــال ثبتـــــان 0000 جـــد يعرفونـــه جميــع العروبه ماحدرت جده لنجد لصمــــــــــان 0000 ثابت االى زعزع جميـع اعتزوبه في ضف ابو ماجد بني عم واخوان 00 وراي يقوم من الامير اقتضوبــــــه ماقال ذا روقي وهذا ابن شيبـــــان 0000 يضفي على عوراتهم ردن ثوبه هو بيتنا المبني وحنا له اركــــان 0000 وحنا ذراة اللي يقطب جنوبــــه ظل لنا عن لاهب القيظ هــولان 0000 ومن اونسوا ولب السموم التجوا به مقدم عتيبه تتبعه سر وعـــــلان00 00 هيـــــــلا تهايل غالبة ومغلوبــه يرعون نبت الوسم من حيث مازان 0000 ومن اين ماطاح الربيع نزلوبه ولهم بنجد اليا اصرم العود مقطان 00 على القسى واللين مارخصوا به ولانزلوها بالعواني والاثمـــــــان 00 وقد انزحـــوا عنه الشمال وجنوبه بمصقلات سيوف بيدين غلمــــان 00 وشلف على قب ولـــــوف محسوبه فرسان عيان على شعب راكـــان 00 تمحا اليدين ودثرهم مامحوا بـــــه يتلون شيخ فعل يمناه قـــد بـــــان 00 ساس على مــفراص مااسترفدوبه مقدم ثمانين الف بسنا وعنـــان 00 واسمه مقاديم الحرابه حكوبــــــــــه شيخ اليا من العدو بالردى بان 00 نبب على الهيــــلا جميع وبدو بــه واليا نوى له واحد بات سهران 00 من ولبهم حسب دقايق ذنوبـــــــه كونه تصابيح وسنا الصبح مابان 00 يرتع بغرات العدا ماهقوبــــــه رثعة عقاب لابرق الريش شفقان 00 غادي على جول الحبارى عقوبه واليا صفق ذولا بذولاك حدمان 00 كم واحد بنحورهم طوحوبــــه وغدالها مع طلعة الشمس دندان 00 غادي لطقطاق المخابيط شــوبه مثل البرد ينهل من غـــر الامزان 00 محتـقها ماهيب عنـه محجوبه |
ياراكب حر يخم الوطا خم0000يطوي رهاريه الخلا طي خامــــــــــــي
معرب الجدان مايلحقه ذم0000يشدي لدانوق قفاه الولامـــــــــــــــــــــي مورد النسنوس وافي المحزم0000لاهوب ادن ولا اقعس بالسنامـــــــي بين الشقاره والشعاله يتاهم0000عينه كما كير الصنانيع حامـــــــــــــــي وخفه تقول ريال كنه مقلم0000وزاره عن الكيعان شبر تمامـــــــــــــــي امربع يم الحجر مايلطم0000اما مع ابن صويط ولا ابن لامـــــــــــــــــي جابه بطيني سروق متاهم0000وركبه على خيط الشفق بالظلامــــــــــــي ونصابه(........)وظلا يسومي0000شراه من هو صامل يوم سامــــــــــي ولد المريبض بالمطاريش مهتم0000وقلبه من الفرقا طواه الهيامـــــــــــي جابه ونوخ صد راسه تيمـــــــــــــم0000وسمى وشال الكورعجل الولامي وعزم على مشي بالاثنين واجــــزم0000ورجل بلا جزمه يسمى خمامي واخذ عصاه ولاذ في الكور واصرم0000تكل بجال الله مغذي اليتامــــــى وسرح صلاة الصبح قدم يتعلـــــــــم 0000من الكويت مبنية بالاسامــــي وعطى رهاريه الدبادب وزلــــــــــم0000لا هو بلا مجنب ولا حد شامـي لا قام يمشي يافتى قلت روجــــــــــم0000روجام مدح شافت الليل زامــي تغانم الدحو وفروخه تظيــــــــــــــــم0000الليل ممسي ومعجل باغتنامــي ورد جراب وجاه ركب للاسلــــــم0000ارهى على الشربه ولو كان ظامي وعداه للزلفي وشبهر وكظـــــــــــــم0000جفل وجنب ذب خل العدامـــــي ورد الشريميه ولقا بها جـــــــــــــــم0000واسقاه حتى انه تبرهج اجمامــي وروح عصير وعقب الاخير نســم0000في قصر ابن ناصر كريم الكرامي ابشر بفنجال كما لونه الــــــــــــــدم0000دم الغصيب اللي ذبحها الغلامــي واليا نشدك وقمت عقبه تعلـــــــــــــــم00علم ترى حمض الرجال العلامي وذكر غرضك وبخصك ماتوهــــــم0000ونزل لك العتبان علم تمامــــــــي وذكر على عرجا نجور تزاهــــــــم0000نجور برقا مثل حس الدمامــــــي واسرح وقيلهم على الهون مهتــم000وخصه على الروسان صلب العظامي واليا ضربت الجو عرض وتعـــزم0000ويجيك من هو صامل يوم قامـــي خاله وابوه مطبعينه على ســــــــم0000ومن غير دينه جوده بالخطامــــــي حولت بالمجلس وفزم وقامـــــــــم0000وعقب المصافح ريعوا بالسلامـــي خص الشيوخ وجارنا والمحــــــــرم000سلام احلى من قراح لظامـــــــــي اهل بيوت علها ماتهـــــــــــــــــــدم 0000ولعلها بالعز دايم دوامــــــــــــي فيها الفداوي دب الايام يكــــــــــــرم0000ذولا ينبونه وذلا حيامـــــــــــــي وغير الكرم فيهم شرور تعظــــــــــم0000شر لطلاب القشر والزعامـــــي ياليتني في نزلهم واتعتـــــــــــــــــــم0000اليا رفض هذا وهذاك قامـــــــي اليا سروا حبابت النوم واقفــــــــــــــم0000والكل منهم مهتنن بالمنامــــــي رفضوا مطاليق على النار تشعــــــــم0000فرحوا براعي اللجج يوم قامــي وجات السوالف والمثايل تقــــــــــدم0000ماحاسها ابن فلان عجل الكلامي سوالف لاجات تعرف وتفهــــــــــــم0000ماهي خراميط الرخوم الفدامــي |
نو نشا من روس عـالي جبـالـه
وخيّل على ابن حميد هو والشيابين وعقب اوجهوا جاء فزعةٍ من شماله اولاد روق مرجـــحيـن الموازين مالوا علينا ميلـــةٍ باحتـمالـه وألهوا حباه وتالي الفعل جاء شين من ضرب اهل عمهوج رحنا دباله مار اقمحن يا لابسات السباهـيـن ما كن قشعه في جماهير جاله قنيب ذيبٍ في علو الضلاعين وابن محيا ضايقـــونا عيالــه وصكوا على شمر سوات الشياطين وشبت حرايقها وراحت اشعالـه وعارض حرايقها مهار ومتاقين |
فـــلاح بـــن شـامـان الـشـمري هــذه الـقـصيده:
ســــــــــــــــلام مــــــــنــــــــي لــــلــــمــــقـــدم تــــريــــحــــيـــب .................اعــــــــــداد مــــــــــا خــــــــــط الــــقـــلـــم بـــــيـــــد كـــــتــــاب وعـــــــــداد مـــــــــا غـــــنــــوا هـــــــــل الـــفـــطــر الـــشـــيــب ....................بـــــــــأرضٍ خـــلـــيـــه مـــــــــا بــــهــــا غــــيــــر الاعــــشــــاب وأعـــــــــــداد مـــــــــــا ذعــــــــــذع نــــســـيـــمiالــهــبــاهــيــب ...................وأعـــــــــــداد مـــــــــــا ســــجـــيـــت رجـــــلـــــي لـــــلاقـــــراب مـــــــا هـــــــي غـــريــبــه مــــنـــك يـــــــا كــــاســـب الـــطــيــب .....................حــــلــــيــــاك مــــــــــــن نــــــجـــــمٍ تــــبــــيـــن ولاغـــــــــــاب شــــريــــف مــــــــا يــــدخــــل عــــلــــى ســــاســــك الـــعـــيــب ...................مـــــــــن يـــفـــعـــل الــحــســنــا بــــالاجــــواد مــــــــا خــــــــاب لـــــقـــــيــــت بـــالـــعـــتـــبــان خـــــمـــــســــة عـــــــذاريـــــــب ....................الـــــطـــــيــــب والـــــنــــخــــوه وتـــــقــــديــــر الاجـــــــنــــــاب دون الـــــخـــــوي يــــــــــا طــــــــــون حــــــــــر الـــلـــواهــيــب ...................وان حــــــــــــــدت الـــــدنــــيــــا يـــــفــــكــــون الانـــــــشــــــاب . فـــرد عـلـيـه الـشـاعـر : تـريـحـيب بـــن سـويـلم الـعـتيبي قـائـلاً ii: حـــــــــي الـــكـــتــاب الــــلــــي مــــــــن الـــشـــمــري iiجــــيــــب ..................اقـــــولـــــهـــــا بـــــالـــــصـــــدق مــــــــانـــــــي بـــــــكـــــــذاب يــــــــــــا مــــرحــــبـــا عـــــــــــد الــــنــــجـــوم iiالـــمـــراقـــيــب ...................تــــرحــــيـــب مــــشــــتـــاقٍ لـــــيـــــا شــــــــــاف الاحـــــبـــــاب بــــكــــتـــاب ابــــــــــن شـــــامـــــان رجــــــــــل الـــمـــواجــيــب ....................فــــــيـــــه الــــجــــواهـــر بـــــيـــــن صـــــايـــــغ وحـــــســـــاب بــــنــــيـــت لـــــــــــه بــــأقـــصـــى ضــــمـــيـــري دوالـــــيـــــب ....................هــــــــــذا الــــرصـــيـــد الـــــلـــــي كـــنـــزتـــه وراء الـــــبــــاب مـــــــــــن شـــــــــــأن ثـــــامـــــر يــــرخـــصـــن iiالــمــطــالــيــب .....................جــــويــــنــــا الــــطــــيـــب لـــــــــــه الــــــحـــــق غــــــصـــــاب خــــويــــنــــا نــــنــــصــــاب مــــثــــلــــه لــــــيـــــا iiصــــــيـــــب ......................نـــــمــــرض مـــــعــــه ونـــطـــيــب مـــثـــلــه لــــيــــا طــــــــاب يــــــــا عــــــــل مــــــــا يـــفـــتــق عــــلـــى مـــثــلــه iiالـــجــيــب ....................والله يـــــجــــيــــره مــــــــــــن صــــــواديــــــف الاســــــبــــــاب |
| جميع الأوقات بتوقيت GMT. الساعة الآن 10:16 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها