شبيت انا ضوي على جال مطلاع 000 في راس مرقابن عسيره طلوعه
 

لا حدك الله للـردي شيـن الاطبـاع
اللي كما هيـش الرخـم ذاك نوعـه
لبان لـك شقـه فـلا يفيـد مرقـاع
واليا طلبته ما صغـا لـك سموعـه
ان شاف له شطات عوجن له انصاع
تمساح غابـه لبـدت لـك دموعـه
طرطوث عرقه مستمدن مـع القـاع
شربه طفيلي والعظـم سـد جوعـه
مثله مثل طرفا الخلا سيلهـا ضـاع
تكسـرت مـا باقـي الا جـذوعـه
لا ضابط الوزنه ولا موفـي الصـاع
وان شاف له حاجه نهبهـا قطوعـه
كرن على وجه الردي ذيخ الاشنـاع
يمـد مـن زود الشفاحـه جموعـه
عصرن به المقرود له شوحن رفـاع
مختلطن البطال مـع زيـن طوعـه
ما ينتميـز خاتمـه بـاي الاصبـاع
ولا تعرف الكـف مـن راس كوعـه
قلبي غدا ما بين ضرغـام واضبـاع
ويقنب عليه الذيـب يشتـد فوعـه
نجـزر الدنـيـا بلـيـا تـجـزاع
وانعـدي المـرات حـزة بلـوعـه
دنيا تفانـت بيـن خاسـي وطمـاع
ما تنفع رخومه ولـو طـال بوعـه
واشنون طراد النـدم تقـرع قـراع
تلعب مع الشرقـي تدانـت مزوعـه
ما للكبر فـي بـال الاخيـار ميـداع
ما ترفض الميسور نفسـن قنوعـه
حتى نبي الله قبـل طيـب واكـراع
رمز التواضع والكرم مـن طبوعـه
والله لو اصغي سمعي لكـل مريـاع
واطالـع لعيـر الغنـم فـي نكوعـه
ان تنتقص عندي تواصيف الاسنـاع
وامسي على جرع الصقطري وازوعه
لا تلتـوي باللـي مرابيطـه مـزاع
اللـي قليلـه بالمواجـب سنـوعـه
لا خايفـن ربـه ولا قيـل فــزاع
يبني على بعـض النوايـا شنوعـه
شبيت انا ضوي على جـال مطـلاع
في راس مرقابـن عسيـره طلوعـه
غديت في ضلعـان الاقفـار نجـاع
هتـاش ليلـن والنسانيـس روعـه
وادنيت بن الكيف والقـاف مطـواع
اطوع من طبوع النضا فـي نجوعـه
الجو صافي والسهل صـار مربـاع
والطلح مـن ريـه تثنـت هزوعـه
من كثر ما يبـرض تهـزع تهـزاع
والطير غنـا فـي محانـي فروعـه
وامركد الشاهـي بـه اوراق نعنـاع
وامقـرب الدلـه معاهـا قـدوعـه
ولهب من بيـن الدعاثيـر ذعـذاع
هي ونسـة اللـي مستكنـه يلوعـه
انا اشهد ان البر غالـي مـا ينبـاع
ما يصلح لهاشـل بنفسـن جزوعـه
يبي وسيع البال بالطيـب لـه بـاع
يبني على موخـر صحيبـه دروعـه
يصيـر للرفقـه شفاتـن ومنـفـاع
ينير لعيون الخـوي مـن شموعـه
يشادي شيال العطـر طيبـه انـذاع
نفسه تريفة حال مـا هـي هلوعـه

[align=center][size=5][color=#000000]صقر الشيابين


قصيدة رائعه


صح لسانك واعتلى شانك


دمت بخير[/color][/size][/align]

[B][size=5]صقر مشكور على هذى القصيده

وصح لسانك[/size][/B]

[color=#CC3333][size=6][font=Comic Sans MS]صح لسانك ...

لاهنت يا بعدي..[/font][/size][/color]

[size=4]][][§¤°^°¤§][][[size=6][color=#FF1493]صح لسانك اخوي صقر
وتقبل ردي وودي[/color][/size]][][§¤°^°¤§][][[/size]

صقر الشيابين

صح لسانك

لاهنت على القصيده الجميله

تحياتي لك ،،

لاهنت على هالقصيده

الف تحيه لك

صح الله بدنكم و كل عام وانتم بخير

[size=3][color=#0000FF]ماشااااااااااااااء الله عليك ياصقر الشيابين...قصيده في قمة الروعه

والابداع والجزاله,,,,صح لسانك....ولكن عندي ملاحظه صغيره..[/color][/size]

على الشطرين الاتيين:
[color=#FF0000]ولاتعرف الكف من راس كوعه..
والله لو اصغي سمعي الكل مرياع,,[/color]
ارجومراجعت الوزن فيهن....

[color=#0000FF]اما باقي الابيات ماعليهن كلام وصح لسانك مره اخرى ولاتحرمنا من

ابداعك....اخوك ،،،[/color]

[align=center][size=6][font=Comic Sans MS][color=#000000]

قلبي غدا ما بين ضرغـام واضبـاع
ويقنب عليه الذيـب يشتـد فوعـه
نجـزر الدنـيـا بلـيـا تـجـزاع
وانعـدي المـرات حـزة بلـوعـه
دنيا تفانـت بيـن خاسـي وطمـاع
ما تنفع رخومه ولـو طـال بوعـه




قصيدة محبوكة ...ابدعت قوافيك،، ومفرداتك..

صح لسانك ..

وبإنتظار جديدك..[/color][/font][/size][/align]