بعد صحبة الرجال حرمة تصاحبها ،، محلول من وجودك يكفي صح لسانه
 

السلام عليكم

وطيب الله حظكم .. لغز يقول راعيه

تحيرت باسمه بنت ولا اسمها رجال ............. لكنه تقوم بمهنة تعــذبهـــــــــــــــا
تغير عليها الوقت مع طيبين الفــال ............... بعد صحبة الرجال حرمة تصاحبها

[quote=سعود بن فيصل;1012373]السلام عليكم

وطيب الله حظكم .. لغز يقول راعيه

تحيرت باسمه بنت ولا اسمها رجال ............. لكنه تقوم بمهنة تعــذبهـــــــــــــــا
تغير عليها الوقت مع طيبين الفــال ............... بعد صحبة الرجال حرمة تصاحبها[/quote]

عليكم السلام

وبيض الله وجهك يابوفيصل على النقل والنشاط المميز
وبصراحه جميع الألغاز المنقوله التي تطرح في القسم يتم البحث عنها في قوقل وإذا كانت محلوله ماتثبت وأنت ماشاء الله عليك كل الالغاز إللي تطرحها مانلقاها في قوقل ماعدا اللغز هذا لقيته في قوقل وحاولت اشوف موضوعه وقالوا لازم تسجل ونرسلك كود وسالفه طويله عريضه وبعد سجلت وشفت الموضوع طلع اللغز غير محلول ومافيه غير رمعه وحده وكانت عام 2008م وبعدها جيت أثبته واشوف له رمعه تناسبه


وش تقول في القهوة واسمها رجال إذا قلنا البن
كانت مع المحماس وهالوقت صارت مع الطاحونه الصفراء مدري البرتقاليه

صح لسان راع الغز

انا مابحثت في قوقل ياولد ثابت ولكن اللغز عجز البيت الاول فيه ماكتمل يجوز مانقل صح

واما عن الرمعه انا اقول اذا كانت البن وهو حل وارد وبدل ماكان الرجل هو اللي يديره الان اللي تتديره مره

واما الطاحونه مالها علاقه الا اذا كانت بديله لاالنجر والمحماس مايقضي الغرض في الطحن

والاقرب انها بدل مخاوات النجر خاوت الطاحونه

ولك ولصاحب الغز اطيب تحيه

صدقت يابومقعد

إذا كان المقصود بالحرمه الطاحونة فالمحماس ماله علاقة لأن النجر هو إللي استبدلوه بالطاحونه

ولكن أنا قبل أرمع دوخني هاللغز ولحس مخي ومعاد اجمع

هلابك ياولد ثابت

شكراً على الإطراء .. وماتميزنا الا بوجود المشجعين شرواك

وإن ماحرصنا على التجديد والتميز بمتندى قبيلة عتيبه .. وش له مسجلين؟

عموماً .. بالنسبه للرمعة

انت تقول البن او القهوة

وانا اقول رمعة طيبه وتركب مع الابيات .. لكن والله ياخوك عندي حل غير اللي تقول

والا انت على حده ... لاعدمتك

مرحبا ومسهلا يابو مقعد

بالنسبه للأبيات فهي منقولة من صاحبها حرفياً .. وملاحظه في محلها
لكن نطقها يعتمد على التنوين والتشكيل

شكرا على المداخلة ياعزيزي

لاهنت ياسعود على اللغز الكايف واقول صح لسان راعيه
بالرغم من عدم اكمال عجز البيت الأّ أنه لايعيب جمال اللغز وفكرته

جاااري التفكير

[size=4][color=black]لاهنت على النقل ياسعود بن فيصل وصح لسانك صاحب اللغز[/color][/size]
[size=4][color=black][/color][/size]
[size=4][color=black]ولنا عودة بعد التفكير ,,,[/color][/size]

[size=5]صح لسانك يا خوي سعود على طرح الغز الجميل ورمعتي با الكفاله والسواقه[/size]

وش تقول يابوفيصل في المحماس وفيه ناس يسمونه مقلاه
وكان يستخدمه الرجال في صنع القهوه والآن تستخدمه المرأه