قصيدة في الجيـب ][::الشـآص::][
 

[color=#8B0000]ياراكب إللي هيض القلب ممشاه __ صافيآ ماخالط الصوت تشويش

موزون بليتينه والمكينه مصفاه __ ماوقفوه بالورش جافيه تبويش

بين التجار غاليآ مشتـراه __ ماحل بسوقه رخصآ وتبليش

يعجب العين نوزه وملفاه __ جديدآ مديله في نجد ماحيش

لاستعز يشدي فرخ القطاه __ ليا استقلت وأفردت الريش

من صنع اليهودي نكارة الصلاه __ عبادة الأبقار حمران الطرابيش

وارد الفين على كيف ماتبغاه __ يرقا الشامخات والنفود والمخاشيش

والتانكي حط له ثاني خواجتآ سواه __ ثم وصل التحويله على دقة الفيش


من طوكيو اليابان منشأه __ ثم دخله للسعوديه من غير بخشيش

وخـلاف ذا ياجارآ عواه __ حضر الفكر ولايجي بك مغاشيش

بسند عليك القاف وأنضاه __ من خاطرآ زاده الوجد تنهيش

أختار جزل المعنى وأقراه __ وأنقيه عن جميع التشاويش

طلعه القديه غرب ممشاه __ عشيآ ولاقبل الصبح تغبيش

ثم ليا بديتها وزان منباه __ خف القدم على الابنص بشويش

ولستعز وأخذ فالخط مستواه __ ونوشت له الخامس تنويش

وبدالك ظلم قصوره مبناه __ بيضآ مثل مزون الرشاريش

عده على برزان ربيع القلب وهواه __ سلم على اللي بنوا بالقلب جماريش

ربعآ يمهم القلب منحاه __ لزوم تجيهم مطرش تطريش

بلغم سلامي بالك تنساه __ سلامآ من خفيات النشانيش
[color=#000000] [color=#000000] [/color]
[color=#F4A460][size=2] ][::: الشـآعـرٍ عمــر بـن سـهـيـل الغنـآمـي العتيبـي :::][[/size][/color][/color][/color]

[color=#FF3399][U][B][size=5][font=Simplified Arabic]رائد العتيبي

تسلم وصح لسانك ولسان الشاعر عمر[/font][/size][/B][/U][/color]

بنـت عتيبـه :: تشـرفت بمرورك الذي نور كل ماحولي

تحياتي أخوك رائد

[color=#0033FF][size=5][U][B][font=Simplified Arabic]الله يشرف مقدارك يا رائد وتسلم. يا الطيب.[/font][/B][/U][/size][/color]

صح السانك والسان الشاعر عمر


لاهنت يالغالي


تحياتي لك



ابــن روق

ولد روق :: هلا وغلا فيك يالغالي . وصح بدنـك وتشرفت فيك مرورك ياعز المراجل

تحياتي أخوك رائد

صح لسانك
و لسان الشاعر الشـآعـرٍ عمر بـن سهيل الغنامي العتيبي
مع تحياتي

مستـر :: أسعدني مرورك طال عمرك وصح بدنــك

قصيــده عنـوآنـهـآ][:: هـووول::][
 

بعض الغلا ياخذ له ايـام ويـزول ** وبعض الغـلا نفنـا وهولايزالـي
وانته غلاك بوسط قلبي على طول ** ماينمحـي لـو طوّلـن الليـالـي
يصول حبّك داخل فؤادي ويجـول ** آمـر تدلـل ياحسيـن الـدلالـي
اعيونها لاسلهمت ياعـرب هـول ** اتضّيع أشنـاب وعقـول ٍ ثقالـي
العين عين مذير ٍعافـت الجـول ** الكسر ذيّرها عن فـيّ وظلالـي
قطعت من شانه تضاريس وسهول ** وقنبت فـوق النايفـات الطوالـي
لعيون خشفٍ ضامر القد مجـدول ** يالعنبوها من التـرف والجمالـي
اصفر عفر برموشها الموت مسلول ** تقول شلفا ذيـاب وزيـد الهلالـي
كانون رّوح وابتدأ شهـر أيلـول ** شهرين طافو ماتجـاوب سؤالـي
واليا اتصلنا دايم الخـط مشغـول ** وش علمك بحالـي أبـد ماتبالـي
يازين طمّني برسالـه ومسكـول ** اطفي لهيـب زايــد باشتعالـي
وكانك عشقتي غيرنا مابقى حلول ** روحي بطريقك جعل دربك سهالي
يابنت أنا عزيز وعّزي من زحول ** زحول الرجال أهل الفخروالفعالي
أنا عتيبي منثني سيـف مصقـول ** من باعني بعته ولو كـان غالـي
بحفظ ملف قضيتي بسـم مجهـول ** وبنساك وابقى داله ٍ عنـك سالـي

صح السااانك يا رائــد ولسان عمر ..


وصح السانك في قصيدة هووول