قصيدة أعجبتني (القصيدة عشره على عشره لا تفوتكم)
 

يقول الشاعر تذكركت العزوبيه و حبيت أهديكم هذه القصيده
.

يا كثر الاصحاب يوم اللعب والدشره

................ يـوم المـلاهي تـدوّر مـن يلهيها

مـن اول شقـتي بالنـاس محتشــره

................ يوم العـزوبية الي كنت مغـليهـا

واليوم لا عـاد لا خـوه ولا عشـــره

................الله ولا رفقة هــذي تــوالـيــهـا

ناس مع المصلحه عشره على عشـــره

................ وان حــدك الوقت حدة لك جنابيها

اللي حـياته مـع البيلوت والنشره

................ واللي يحـب الدشــوش ولاهيٍ فيـها

واللي على الخط دايم فاغر الكشره

................ سمّاعـته طـول ليـله مـا يوطّـيـها

واللي مزاجـه مع القصات والبشـره

................ ماله هـدف والنصـايح ما يدانيـها

واللي مع الناس لا يفـقه ولا يشـره

................ شقـراً مع الخيل لا هجّت تباريـــها

ذي عيّنه في شباب اليـوم منتـشـره

................ عسـىالذي جابهـا من الارض يـمحيها

اهـل المصالح معرّفتهم كماالقشـره

................ لا نظّف الراس بالصــابون ينهـيهـا

هـذا كـلامٍ علينا واجــبٍ نشــــره

................ وما تحـرق الجمـره الا رجل واطيها

صح لسان الشاعر

اخوي تركي

الشاعر هو سعيد بن مقبل الاكلبي

زميل لي واخ عزيز شرواكم

وهو مشرف الشعر الشعبي بمنتديات الصايره

وكذلك مشرف القسم الخاص بالشاعر سعد بن جدلان بنفس الموقع

تحياتي

مشكور أخوي تركي على هذا الإختيار

اخوي ذياب المرشدي مشكور على التعقيب وشرواك الطيب.....

العطاوي مشكور على المرور ....

مشكورين ياشباب

والله لا يهينكم

مشكور يالثبيتي على الاختيار

وصح لسان الشاعر

اهـل المصالح معرّفتهم كماالقشـره

................ لا نظّف الراس بالصــابون ينهـيهـا

هـذا كـلامٍ علينا واجــبٍ نشــــره

................ وما تحـرق الجمـره الا رجل واطيها


صح لسااااااانك ولساااااااااان الشاعر

وعزالله انه صدق


لك خااااالص الشكر والتقدير عزيزي

اخوك
مـــــاجـــــــد

يعطيك العافية على النقل المميز اخوى
وارجومنك ان تنقل مثل هذة القصايد ترى فية ناس بحجتها هالايام هذة
تقبل حضورى ومرورى مشكور اخوى ,,,,,,,,,,,,,,

[size="5"]صح لسان شاعرها

وصح نقلك الرائع

تحياتي لك[/size]

[font="comic sans ms"][size="6"]يعطيك العافيه
طرح مميز
لاهنت[/size][/font]