[poem=font="simplified arabic,5,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كلن على معمر يهج ركابه=شطرٍ يميز مطلعه كتابه للشاعر اللي فاز بأول بيرق=لمحمد بن فطيس وهو اولابه غنى وانا غنيت مع طاروقه =كلن على معمر رفع مشعابه يالله دخيلك من زوال النعمه=يالله عساها ماتصير نهابه شعله وشبت فالهشيم اليابس=شبّابها ماينطفي مشهابه صكو عليها الغرب منا ومنا=لين اصبحت نيرانها شبابه وحنا نتفرج في سنى شعلتها=لكن حسافه مانقول الجابه بدال مانرفى خمال الامه=نفتح مجال لشلةٍ مرتابه نضحك على حال العرب ماندري=باللي حصل من حولنا مانابه واجب علينا نتعض بالحاصل =ونوحد صفوف العرب ونجابه الشرق الاوسط في صفيحٍ ساخن=والغرب لترابه يسيل لعابه ماقلتها راضن بفعل معمر =ولاني براضي عن فعول اقرابه اقولها للي يبي فرقتنا =مافي حقوق المسلمين طلابه حنا حماة الدين باسم الدوله=مانلتفت للزمره اللعابه الله يعافينا ولا يبلانا =والله يعين المبتلى بمصابه هذا ترا واقع حديث الشارع=ياقع به اللي مايحسب حسابه قلته وانا من لابةٍ معروفه=شاعر سعودي من شباب عتابه [/poem] |
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحمد لله الذي بامره تتم الصالحات=الواحد الفرد الصمت خالق جميع الكائنات اللي جعل هذا البلد امن وشعبه مطمئن=تجبا له من اقصى البلاد ازكى والذ الطيبات حنا ترا في نعمةٍ من فضل ربي فاكهين=امعززين امكرمين وعايشينٍ في غنات كل ذي نعم محسود والحساد كثرو حولنا=قامو يبثون الدجل والزيف عبر الشائعات اما تمسكنا بكتاب الله وشرعه نختلف=ونصير عرضه للتفرق والتمزق والشتات حكامنا ال سعود ميزان العداله من قدم= رمز الوفا والنبل راعين العلوم الغانمات نفخر بهم ونجلهم ونحبهم حبٍ نقي=حب من الرحمن خالص مادخلبه مغريات نقولها مليون مره للصديق وللعدو=في دينا مافيه شي اسمه شغب ومظاهرات شكرامن الاعماق للشعب السعودي كلهم=شكرا لقادتنا وشكرا للعيون الساهرات [/poem] |
[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الصديق اللي معه تحلى الصداقه=غير اطباعه بلا ذنب وخطيه الله اكبر عقب هذيك العلاقه=عقب ماكنا سوى صبح وعشيه دارت الايام واعثت فالرفاقه=لين كلٍ صار مايذكر خويه ودي ارسله مع الاشواق باقه=سبع ورداتٍ حمر في مزهريه [/poem] |
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بنتٍ تفحط على دباب=وسط الثمامه تطعسبه لاساقته ماتحسب حساب=متعوده ماتغرسبه تطلع على طعسها ماتهاب=تطلع سما ثم تنكسبه اليا اقلبت والهوى غلاب=مالت على من تونسبه ابراي لله عليها ثياب=لكنها تخلف الحسبه مافيه برقع ولا جلباب=ولا فيه شي تدسسبه من شفتها ماعليها نقاب= حالي بديت اتحسسبه ماني معافى ولا منصاب=ولا فيه شيٍ ماهوجسبه قفيت من وضعها مرتاب=والعيب لله ماوسوسبه [/poem] |
[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
السابق اللي مالقوها من حصيل السابقين =والتاليه يشتالها من لايطيق الاحتمال بذر السنين الجرد زرعه مايثيب الزارعين=تنداه شمس القايله والبرد جاله من شمال [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هو مادرا اني ميتٍ فيه وابغاه =يومه يعرض لي على الدرب لاجيت [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحب لاهنت جهز بطاقتك=يمكن بعد يومين نحتاج صوتك احتاج صوتك معي واحتاج فزعتك = لاجا نهار فيه شتني وشوتك سجل بيانتك ومصدر هويتك=عجل قبل ميعادهم لايفوتك حتى لو التسجيل ماهو بحارتك=لازم هلى شاني تحفى سبوتك اوعدك لامن فزت لضمن سعدتك=والضامن الي يضمن اسباب قوتك ابوصل الخدمة اليا باب حضرتك = وهديلك شماغك وثوبك وكوتك وان كان ماصوت ابقطع علاقتك=مافادني بالعام الاول سكوتك [/poem] |
[quote=عبدالله المرشدي;1119351][poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحب لاهنت جهز بطاقتك=يمكن بعد يومين نحتاج صوتك سجل بيانتك ومصدر هويتك=واحرص على تصويتهم لايفوتك حتى لو التسجيل ماهو بحارتك=لازم هلى شاني تحفى سبوتك وان كان ماصوت ابقطع علاقتك=مافادني بالعام الاول سكوتك [/poem][/quote] هههههههههه كأنك تصور حالنا فالتصويت [color=wheat]مدري متى نصوت بدون عنصرية [/color][color=black]!!![/color] صح لسانك ياشاعرنا |
صح لسان شاعرنااااااا
|
عبدالعزيز الفرج
لاهنت صوتك وصل العنود البريكي صح بدنك [poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] غادين لا والله مانتم بغادين=الغادي اللي ينجم فالقوايل وان قلت لي وش قلت في زارع التين =قلت الدلاليل ماهنا من دلاليل ماحرك اوباما قضية فلسطين=وعباس عانه مبتلش بالفصايل ماني موردها بليا براهين=ولاني مدرجها على قول قايل [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحر طار وجا مكانه دجاجه=ماعاد تفرق بين عاقل ومرجوج العقل نعمه والسماجه سماجه=ياشينها لاقالو الناس ملبوج ماشوف لي بمقرد الخلق حاجه=بيني وبين المعمعه باب مزلوج [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الكلام الحلو يثر فالسموع=يقنع اللي يسمعه لو ماقنع كم ربوعٍ راح مع دربة ربوع=وانت توعدني على قلة سنع [/poem] |
وانت توعدني على قلة سنع
وأنت توعدني على قلة سنع صح لسانك ياعبدالله وجدد إعجابي بك يالذيب ،، لاهنت |
لاهنت ياعبدالعزيز تشجيعك يسعدني ويحفزني ومرورك ببلاحدود يشرفني
وهذي هي كملت يالذيب [poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الكلام الزين يثر فالسموع=يقنع اللي يسمعه لو ماقنع كم ربوعٍ راح مع دربة ربوع=وانت توعدني على قلة سنع اتحرا من سبوع اليا سبوع=كل يوم اقول عقبي وش صنع كم سهرت الليل واضويت الشموع=في حراوي قطف وردٍ ماينع مادريت انك من اولها قطوع=كنت اقول اكيد يعطي لو منع اخذ الوجهه على الموعد قطوع=واكتفي بالعذر لو هو مصطنع لكن الشرهه على قلبٍ قنوع=ليه من كثر التردد ماقنع [/poem] |
[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه مامرحت لين اصبح الصبح =سهرت ليلي كن ماني بصاحي سبحت بافكاري على راحتي سبح =لين التمست النور فاول صباحي كبحت مايطري على خاطري كبح=وحاولت اعدي ليلتي بارتياحي العاديات اللي لهن بالوطا ضبح=في خافقي خيالهن ماستراحي اسمع حنين الزمل ومخالطه نبح=والقى الموده قبل اشوف المتاحي احدٍ على مد النظر يبعد الشبح= واحدٍ تعود نظرته فالمراحي كم واحدٍ يذبح ولايحسن الذبح=وكم ناجحٍ ماهوب ويا النجاحي ياكثر ماضيعت يامدور الربح=مار اطلب الله رحمته والسماحي [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رد التحيه فرض في دين الاسلام=واجب على المسلم يرد التحيه وحد الجفا والهجر ثلاثة ايام=ثم عقبها كلٍ يصالح خويه [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كامل الاوصاف جابت لي هدية=بس كانت غير عن كل الهدايا بنت شيخٍ ماتناظر للرديه=عينها تاقع على اللي به مزايا الكفوف البيض مدتها سخيه=كن ربي مبتليها بالعطايا يوم جتنا زايره عيد الضحية=بارك الله فالعياد وفالضحايا [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يذكر صاحبي بالخير=اللي طرى ذكره على بالي [/poem] |
[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياربعنا ياللي على الشر عجلين=ردو طلايع جيشكم فالحدايق مادامني موجود من حين لا حين =مافيه داعي تقلبون الحقايق انا لها وان عودة للبراهين =عندي على قولي دليل وثايق ماتلحق الشكات غير الرديين=لكنَ اشوف الوضع ماهوب لايق اشره على اللي يقلبون الموازين=وام الغطا مالي عليها طرايق [/poem] |
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الدلبحي مكرم الضيفان =ياسعد منهو تعزوابه فارس ليا بارو الصدقان=يجيك فازع بمشعابه [/poem] |
[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعض الرسايل تسد النفس لاجاتك=ماعاد ودك تناظرها وتقراها [/poem] |
[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا اله الا الله اثمن مانقول=حق مافيها شكوك ولاجدال [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ان طعتني ناسب المطران=واقرب من الطيب تحظى به قبيلةٍ قدرها له شان=تلقابها انمور وذيابه ماهمها كاينٍ من كان=للعز والمجد كسابه قبيلة امطير والعتبان=بالقول والفعل تتشابه [/poem] |
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
موج البحر يغرق الغطاس=وين انت ياللي تبى الدوره الموج الازرق ظفر بالكاس=من عادته سّيد الكوره حاضر وماضي عريق الساس=قليل في حقه اسطوره يستاهل الفوز والنوماس=يستاهل قلوب جمهوره [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرحبا يامرحبا مرحبا يامرحبا =ياهلا ثم ياهلا ياهلا باصحابنا [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله لتبطين وانتي في خفوقي=جالسه باقصى الضلوع متكيه [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اشوف واسكت كني احيان ماشوف=اصد كني رحت ماشفت حاجه [/poem] |
[poem=font="simplified arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
ارخصت نفسي واشوف انك تجاهلني=ماكني اسهر واعاف النوم باسبابك انا من الصد والهجران متعني=اهواك يافاتني واموت واحيابك تخطي عليه وتزعل ماتحملني=ماتعتذر عن خطاك وترحم احبابك حتى ولو كان طبعك صعب جاملني=تراك بالعذر ماتصرف من حسابك بادلتك الود وش بك ماتبادلني=كنك عليه تشح اليا ضحك نابك اعطيتك القلب يوم انك تئملني=بالحب والشوق غيره ماتهقوابك احيان تصفي معي مبسوط متهني=واحيان مدري وش اللي جاك وارتابك تسج عني وكنك بالهوى تمني=كنك تقول انت غادي والبخت جابك احس كنك قريب وتبتعد عني=لاجيت بالشوق تبعد ماتهنابك مدري هذا كره والا ماتمني=ماودك اشواق قلبي حين تخلابك تعال كلك كذا علك تطمني=لاتخفي اللي بصدرك داخل حجابك ماتدري انك لحالك قاربٍ مني =والا انا قبلها ماكنت بشقابك والا قل ارحل عزيز ولاتبهذلني=مافيه داعي توقفني على بابك قلها صراحه طلبتك لاتجنني=ماعاد بي حيل جنب وابعد احرابك اعلن خضوعي لحبك بس مكني=والا عن الصد صرح واشعب ركابك[/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يبقى الهلالي رفيع الراس=ويفاجى الكل بحضوره انجازه اصبح حديث الناس =كلن يبي يظهر شعوره موج البحر يغرق الغطاس=وين انت ياسابح بحوره [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بين النسا بالشكل تلقى بديله=فرق بسيط وجوهر الشكل لازال الفرق يظهر بالصفات النبيله=بالعقل والاخلاق ماهو بالازوال [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
علمو محبوبتي تعطف عليه=لا يطول غيابها اكثر من كذا العنود اللي مباديها نقيه=حبها فالقلب موذيني وذا [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه حلمت حلمٍ خيالي=واصبحت ادور للخيالات تاويل حلمت كني فالطويله لحالي=واجر من عذب القوافي مواويل وشفتك بعد غنيت تمشي قبالي=وتقول عندي لك علوم وتهاويل [/poem] |
[poem=font="simplified arabic,5,black,bold,normal" bkcolor="transparent" bkimage="../backgrounds/17.gif" border="none,4,gray" type=2 line=0 align=center use=ex num="0,black"]
السكارى بعد نص الليل يرقون الرصيف=لابدا التركيز يضعف في مسارات الخطا وانت عاقل لك عيونٍ مبصره مانت بكفيف=كيف في عز القوايل جيت عايم بالخطا لاتحط اللوم من فعلك على ظهر العسيف=وانت تركب لك جوادٍ طول عمره مامتطا عمر خيل الكذب يذبل كنه اوراق الخريف=باطل ماكان باطل لو على غيره سطا الظروف الها صحيح احيان تيارٍ عصيف=تجبر الرجال ينزل من بروجه للوطا بس يبقى الحق حق وسيف مامثله وصيف=لاتدنى بالسفايف ثم بها تتورطا العتب واللوم للي مقصد افعاله نضيف=واضح مبداه راسه مايدسه بالغطا مانلوم اللي من اصله لو كبر عقله خفيف=لو يشوف النار قدمه وسط جمرتها وطا مشكله لاصرت صاحي بس تفكيرك ضعيف=ماتعرف ان التعامل فن فيه اخذ وعطا الحياه دروس فيها موقف صعب وظريف=والمواقف تفهم الجهال مع طول البطا[/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي وين انت عني وانا وين=كم لي وانا انطر جيتك واتحراك اراجع المكتوب من حين لاحين=واقول عجل لاتاخر بلقياك [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كم واحدٍ يذبح ولا يحسن الذبح=وكم ناجحٍ ماهوب ويا النجاحي ياكثر ماضيعت يامدور الربح=مار اطلب الله رحمته والسماحي [/poem] |
[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ثلاث سنين وضحى تشتكي من حب بن عجلان=وتطلب ربها وترجيه يكشف عنها الاحزاني وبن عجلان عانا من غثى الاشواق والحرمان=وتصبر لين ربي جابله مكحول الاعياني [/poem] |
[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الجادل اللي حبها ساطين في=ماضنتي من حبها الحال يبرى لاشفتها ودي بمركاز وعصي=كني ضرير تايه وسط غدرى [/poem] |
[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اشوف واسكت كني احيان ماشوف=اصد كني رحت ماشفت حاجه حتى لو ان الوضع بين ومكشوف=اقول مالي في علوم السماجه المشكله لاشافها شخص ملقوف=قفابها عجلٍ يسابق عجاجه [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماعاد عندي شي وش ودك اقول=كل الذي يطري على البال قلته [/poem] |
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كن خصره من قليل الحال عاري=فوق ردفٍ ماشكا جوع وعرا نابي الردفين والبطن متواري=مدمج الساقين مشيه بخترا كن في صدره مثل بيض القماري=يجرحه لبس الحرير من الطرا [/poem] |
جميع الأوقات بتوقيت GMT. الساعة الآن 03:16 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها