|
لي ثلاث سنين محد ٍ مشغل ٍ فكري وبالي
غير خل ٍ لا لحظني وألتفت يقضي عليٌـه سالب ٍ مالي وحالي فدوته حالـي ومالـي ويل حالي لا نظرني بالعيـون النرجسيـه تل قلبي تلٌـة حبـال السوانـي للمحالـي أو كما تلٌـة شليويـح العطـاوي للعبيٌـه البلا أني مشغل ٍ قلبي وسيد البيض سالي والله إني ماتحليته عقب عيـد الضحيٌـه لي ثمان شهور ماشفته ولافـارق خيالـي صورته في خافقي في صبح وألا في عشيه أتقرٌب منه والمجمول يبخل فـي وصالـي كل ماقدمت حسنه قـدٌم المجمـول سيٌـه قالوا العربان خلٌه طردت المقفـي هبالـي قلت لو أبا أتركه مافيـه فالعربـان زيٌـه مثل ماقال أبوحجرف وأعتبر قوله مثالـي أتمثٌل في كلام أهل الشجاعـه والحميـه لعنبو من يترك الصافي ويرجـع للحثالـي كلمة ٍ من هاجس ٍمايـوم غنٌـا بالرديـه والسلام ختام واللي مشغل ٍ فكري وبالـي زول خل ٍ لالحظني وألتفت يقضـي عليٌـه |
[frame="10 50"][color=#999966][size=4]كانك على قولك تمنى لي الخير
............................ ساعدني انسى حبك اللى خذاني خلى حياتي تنقلب كلها غير ............................ وانسى الحبايب والزمن والمكاني حبي لك ابلغ من جميع الاساطير ............................ ماله بقاموس الهوى وصف ثاني لاشك انا اشعر بالنهاية وش تصير ............................ واحسب حساب افراقنا بالثواني بيني وبينك واقع الحال تحذير ............................ وعند الموادع ماتفيد الاماني كرهنى بنفسك ولو بذنب صغير ............................ القى به اعذاري واعود لزماني المشكل انه مابدى منك تقصير ............................ وهذا يزود واقعك في كياني[/size][/color][/frame] |
[color=#CC3366][align=center][size=4]قالوا حبيبك يسمع الشعر قلت ايــه
يقراه بــعــيونــي قبـل تـسمعونـه لولاه حتـــى طــاري الشـــعر مــابيــــه مــير اكتبه من شان خاطر عيــــونـــه هـو روح شعـري وامنياتـه ومـاضـــيــه جــذع الشجـر وش كـان لولا غـــصــونــه أكتــب لغــيره والقصايـد تجي فـــيــه كــن القـصـايــــد حـالفـه مـا تخــونـــــه هـذاك لا منـــــه زعــل قمــت اهــاديـــــه حــتى وهــو مــخــطــي تـعــذرت دونـــــه يمــكن لو انـه يلمـس الجــــرح بيــديه يستــغرب ان اللي لمســها طعـونــــه[/size][/align][/color] [size=4][color=#000000] أبطـــى وهــو غــايــب وزلّــــت حــراويـه وانـــا مــن الــعـــام اتحـــرى مـــزونـــه هــو مـادرى انـي فــي غيــابه محــاتيه ليتـه نشــد عــن حــالـي اللــي يجــونـه واقلــبي اللــي تــوه افلــــت عـــراويه كــيــف انــسرق وضلوع صدري حصونه عجــزت أرده كــن مانـــي بــراعــــيــه يوم انتثر شوقه وهاضت شــجـــونـــه يـبـســن عروقه لكـن اللي يعـزيـــــه إن اكــثر العــالم تـــردد لـــحــــونـــه خـافو مــن الله لا تـجــيـبـون طــاريــــه لا صــرت أنــا مـوجــــود لا تـــذكـــرونـه لــو كــل غــالي جــابـه الله لغــاليـــــه مــاشــفت لك مخــلوق تبـكـي عـيونـه[/color][/size] |
إلى متـى وانا اتحـرّاك وارجـــــيك ...........
................................ والله ما صـارت وانا آقول مشــتاق مدري !.. بديت آشك وازداد تشكيك ............ .................................. كنك تلمّح لي على كلمة ( فـراق ) |
انا من كثر حزني صرت اشوف ان السعادة:عيـب!
ــــــ ومن كثـر الالـم شـفـت الدوا ياصاحبـي : عـلـة |
غريبة كيف تتغير ... بعد عشرة عمر وياك
تبيني أنسى عشرتنا ... وأعيش العمر أتمناك أبي أسأل أنا شسويت ... غير أني أشوف أرضاك أجيك بلهفة أشواقي ... وقلبي والحشا يهواك اذا في مره أنا أخطيت ... لاتحكم علي فرقاك زرعت الحب في قلبي ... وأسقيته بصافي ماك وتالي تأمر أني أرحل ... وتحرمني حلا لقياك دخيلك لا تخليني ... حبيبي عايش لذكراك أبي أحيا أنا فقربك ... وأبي درب وطته أخطاك حبيبي تذرف عيوني ... دموع من الغلا تفداك مكانك في وسط قلبي ... ولا أحدن فيه أبد يسواك واذا عزمت تخذلني ... ولاودك في يوم ألقاك صحيح أقول متغير ... ولا أنت اللي أعرفه ذاك عسى النسيان يذكرني ... ويصاحبني الين أنساك |
يامخلصه لاتبــعدين الهقاوى
. . . . . . . أخــاف لارحــتي بــعد ماتردين أنا عليّ أساعدك بالرجاوي . . . . . . . وإنتي إذا خان الزمن لاتخونين |
الزلامي قال رمح الهوىصابـة
والهوى ماصابنا من على اولنـا ياهل البيت الخضر سكرو بابـة سكـرو بيبانكـم ياعـرب عنـا ومسكو طفل الهوى الي بلشنابة كل ماجينـا مـن الـزام قابلنـا هز رمش العين والاضحك نابه ضحكة منهـا النجـوم يتهاونـا امسكـوة ابيتكـم قبـل نبلابـة ونطلع لاتامنـون العتـب منـا ورعكـم يلعـب ودنيـاة لعابـة مادرى إنـا قـد لعبنـا وهونـا لايكلمنـي ولايطلـع الجـابـة لو صبـاح الخيـر كنـة يلعنـا مايخاف اللة ولايرحم اصحابـة جاهـل بعيونـة السـود يفتنـا اتمنـى حـرب مدفـع ودبابـة والعيون السـود عنـي يصدنـا ودنا بيت الهوى نقطـع اطنابـة ونطلب المولا عسى العفو يشملنا |
الوقـت يمضـي بيـن يـومٍ وليلـه
والآجل مكتوبٍ على صفحـة كتـاب واليا انتهى المكتـوب مافيـه حيلـه مهمـا يقولـون الاطبـاء فالاطبـاب مرحـوم يامـن لارضينـا رحيلـه لكن لا جف القلـم جـات الاسبـاب رحـل عـن الدنيـا زعيـم القبيلـه وترك فراغٍ من يسـده بعـد غـاب شيـخٍ تبـا تتعـب دروبـه بديـلـه لا كثرت الابـواب بـابٍ ورا بـاب حملـه قليـل اللـي يبـا يرتكيـلـه يبـا يعجـز لـه شبـابٍ وشـيـاب ما كـل مـن يبـرك لحمـلٍ يشيلـه ولا كل من شال التفق للهدف صـاب رجـال صعبـات المواقـف قليلـه لكنهم يرجـع لهـم حـل الانشـاب سلطان ابن جهجـاه رمـز الفضيلـه نزه الجنـاب مسكـتٍ كـل مغتـاب نعم الامير ونعـم مـن ينتمـي لـه ابناه وابنـا العـم واحفـاد واقـراب ذوي حمـد لاشتـب راس الفتيـلـه مهوب عن حـوض المنايـا بهيـاب يـوم العـرب مابيـن عيلـه وميلـه ومابيـن نهـابٍ ومابيـن غـصـاب لامـن كـلٍ قـام صاعـه يكيـلـه ولا عاد عن وجه المعاديـن مجنـاب وتناوشـو سـرد المهـار الاصيلـه وتواعدوا فالمعركه قطـع الارقـاب تعـرف مواقفهـم خـلاف الذبيلـه لاجت من بيـن القبيلـه والاجنـاب تطلـع مواقفهـم كـبـار وجليـلـه تشهد بها الاجناب من قبل الاصحاب ولهـم قبيلـه فالمـعـارك ثقيـلـه يفرح بها المضيوم في حـزم كـلاب عتبان اهل سمـر البيـوت الضليلـه يامن بهم المطلوب من كـل طـلاب اهل الكرم واهـل السلـوم الجميلـه قومٍ لهـا صطـوه وهيبـه وتنهـاب نعـم القبيلـه فـالامـور المهيـلـه ونعم الزعامه لا غشا الزمل ضبضاب |
البارحه ياذيـاب عقـب القمـر غـاب
الدمـع مـن عينـي سريـع اندلاجـه علـى وليـفٍ تـل قلـبـي بـكـلاب عليـه قلبـي سايـر الـهـم سـاجـه عليـه قلبـي تقـول يكـوى بمشهـاب مشهـاب لـحـامٍ فـتـح زر تـاجـه ماني من يركض علـى الدبـك نصـاب طـرد القفـا للرجـل عيـب وسماجـه مشفوح انا في حـب تلعـات الارقـاب واشرب قراح المـي واتـرك هماجـه وادري عن الطرف الخفي حدر الاسلاب رمز الهوى ماهـوب هـرج ولجاجـه الصاحب اللـي صافـيٍ لـي بالالبـاب اعرف مـواري غايتـه مـن حجاجـه واتعب وراه ولـو تعرضـت الانشـاب وارجيه مثـل الـي يحسـب لخراجـه كني سجيـنٍ مقعـده مـن ورى البـاب ولحدن سمـع فـي حجتـه واحتجاجـه مصوبـن منـي وانـا منـه منصـاب والكل منـا مـا حصـل لـه علاجـه الكـل منـا مـن مشاكيـه مـا طـاب جـداه تلـت ونتـه مــن خـلاجـه ياراكـب اللـي للعباعـيـب جــذاب فرتٍ علـى اول طلعتـه مـن كراجـه لانحنـا الخـط التـوى كنـه الــداب واسبق من الصاروخ وقـت انزعاجـه فوقـه غــلامٍ للمهـمـات لــولاب معايشـن بقـعـا بـعـدل وعـواجـه يلفـي لـقـرمٍ للمواجـيـب قـضـاب يفهـم طريـق المرجلـه وانـدراجـه لا شاف وجه قـال حيـه ومـا جـاب يقـوم بالواجـب علـى كـل حـاجـه |
| جميع الأوقات بتوقيت GMT. الساعة الآن 11:39 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها