كل الشكر والتقدير لابو سعود
 

[ALIGN=CENTER][TABLE=width:80%;background-color:transparent;background-image:url();][CELL=filter:;][FONT=Simplified Arabic][SIZE=5][COLOR=darkblue][ALIGN=justify]
سلام علاكم
مسيتوا بالخير
ياربايع مسالخار
بعد مجلس بينكم
اقول بعيد المراميس اعقص ماخليت ولا مذروره
بعدي والله ابشر والله بالعرقه .
العود الازرق : اما يخثع لحالها
ماشافت عيني مثلها تروع القلب اللي مايرتاع
ولايهونون الربع الباقين ..
طبعاً بعد ما قعدت عندكم واحد يتنشدني .
والله مبرك منها ولا حزه : يعني الساعه المباركه
عسا ماتعد خلاف على احد : يعني عسى ماشر
عينت الفلاينه : يعني سوال عن جماعه معينين
ماعينت مستمطر من متسان (مكان) : مافيه علوم مطر
الا خشم الشبرم وايمن قليشه وفاضت بطاحه يقولون يابلفيت ان جاهم اللي ينخش الطوارات : يعني اسماء بعض الدير يابلفيت : يعني خبر نص ونص انها ممطوره . الطوارات : الطيور . مثل الحنديه , والصراطي , والشول , والرقاعي , وخميسه . ام سالم او ام صالح ,
وبالمناسبه : خيش علاك النصر اللي يخيش علاك : يعني جلس فوقك النسر
وبعد هالكلام اذكر من الكلام اللي وعانا علاه : يعني سمعنا من اهلنا
اذكر مايلي :
ياويليييييييييي:(:( لويسمعني جدي وانا اقول بذكر مايلي يبا يفضخ قلتي بالمقمر اللي فوق الطبلون : يعني مطرقه الي بالسياره الددسن القرمبع : يعني سيارته الدادسون الخرده
ويفضخ قلتي : بعنى يشج راسي ,
المهم ماعلانا ماهوب دارن عني .
فلان جانا اليوم ونقلب على وجهه ما حتا قعد : يعني جا مستعجل ورجع
هذا وجهك : تقال انت جاين على ولاك وهذا وجهك من اهنا:يعني هذه وجهتك متجه لنا , أهنا : يقصد بها البعد ,
تلقا الخلا : يعني شرد
تقلع : يعني اخّرج : يعني تقال لطّرد
الترمبيل : السياره , يقال : تقلع عني أهنا وطاتك اللترمبيل
ابك انت ماش احد : يعني ما فالحمض احد : يعني التقليل من شانك
اصخالات : تقال ارضعتو الصخلات : يعني صغار الحلال الغنم
يلهج امه ماحصل لون : تقال لصغير الابل والغنم اللي مايلقا حليب في امه
الناقه مخالف يعني : خالفت رغبته وعصت الامر ولايوجد بها الحين حليب
ابهل على الخلافات : يعني فك شمايلها
عطني الزدح (القدح ) الطاسه , المتع , : تعني الاناء مثل الكوب : يعني الكاس
الغبيبيبه : الحليب اللي له يوم , الطماقه : الحليب الحامض , الصّخينه :يعني الحليب المسخن , شرق المضير : يعني اجعله تحت اشعة الشمس
انتبو لحلاكم لايتقطع مزرين ندوره هها عيالي ياعيالي انا بهبط يم السوق ولاني بقاعد اباخذ ادناتش وبجي بين الصلاتين القايله ون جاكم فرّقنا تقضوا منه والزموا العلم عانوني ابا جيب الكم برتكان وقريض وحمبص وبرندا وصلصه ؟؟؟
وصيه ابو لعياله تبي تفسير كلمه كلمه !!
مزري : لا استطيع ، هها : تاكيد وزجر ، بهبط : بنزل ويقصد نزول الى المدينه ، يم : باتجاه ، ادناتش : يعني وقت قصير ، بين الصلاتين صنقرير القايله : يعني بين الظهر والعصر ، صنقرير القايله : عز القيلوله
فرقّنا : البائع المتجول ، الزموا العلم : احفظوا الوصيه
عانوني : يعني المتكلم ، برتكان : برتقال ، قريض وحمبص : مكسرات
برندا : ميرندا ، صلصه : معجون الطماط او الكيتشب ياوييييييييييييييلي :eek::):) بعد لويسمعني جدي اقول كيتشب تسان (كان ) لاحاجه بطني لآن اشرب الرقه ، ايه هاذي تبي تفسير بعد
لاحاجه : يعني ماعنك وعنها يعني لامحاله ، بطني : ذبحني يعني طقني ، والا قال ماوالله تخلا فيها يادهين المعظم والا قال والله لآن احملتني علاك لنسى عفوالله فيك والا قال والله ليسمع بفعلي فيك اللي ماضني لهالحين يالسرسري اعلمك بالعلم ماتطعمه
ارمله بغيت انسى اشرب الرقه : يعني اطيح على الارض من شدة التكفيخ بالخيزرانه
والله ماتخلا فيها : مدري وش يقصد بــ فيها مار يعني الوعيد والتهديد
دهين المعظم : حتى جدي والله مايدري وش معناها الانها مسبّه
احملتني علاك : اجبرتني افعل بك وتركبك يسمع بفعلي فيك اللي ماضني : هاذي ليامنه طاش من الغضب يعني اللي مابعد اتولد يسمع بتكميخه وتصفيقه ، تصفيق ماهوب اللي نعرفه حنا لياجاوب زين الطلاب صفقوله لا يعني تسفوف مخمسات طراقات بالكويتي
السرسري : يعني السربوت الداشر : وكلها سب ..
العلم ماتطعمه : يعني ماتفهم مالك ضميمه برحة هذال كلها عدم الفهم.
العوشزه : يعني الشواره يعني الطلحه يعني كلها اسماء اشجار
القشعه، الرمثه، الربله، القفعا ،الحربث ، الحبله ، الفنون ، من انواع انباتات كل هالاسماء
تفصيلات الذبيحه :
شلوط الراس : يعني اشوي الراس بالنار
الفراسن : السيقان العنزات والغنمات
قصب الصلاخ : هذا وشلون اوضحه لنيران :confused: يعني من الامعاء يخصص للي يصلخ الذبيحه ، البحيثاء : نوع من المعده يختلف في نقشته مثل الشاتسله والمحاوي يانيراااااان:rolleyes:
والباقين كلهم والله انهم اكبر مني ولا يحتاج ابين لهم
الفزره : مابين الرقبه والفطحه ، الفطحه : العمود الفقري
وبعد طبخ الذبيحه يقال : اغرفوا لفلان حقّه : يعني بقوله بعض الاكل
وتستاهلووووووووووووووووووووووون الشحم كلكم
وتحياتي ارجوا ان لا اكون طولت عليكم [/ALIGN][/COLOR][/SIZE][/FONT][/CELL][/TABLE][/ALIGN]

[COLOR=blue][SIZE=6][FONT=Times New Roman]


ويـــــــــــــــن الناس


بعيد المراميس وينك


والا خلصت الكلمات اللي عندك


انا عندي بس والله مدري لو بعضها مكتوبة ما عاد أجمع


استلموا





مخثرق .. وفي رواية .. مبابي >>>> كثير الكلام بغير فائدة

مهذري >>>> اي مخرف يعني مفوت يقط خيط وخيط

بايه >>>> اي ضائع أو ماله راس وتطلق على أشياء كثيرة

لان وعند البعض ( لين ) >>>> الى أن

تلطك وفي رواية تلغفك >>>> تقال عند عدم الرضا عن شئ ما وإطلاقها واسع


ولا زال هناك كلمات لم تكتب بس شدوا حيلكم وتذكروا


الى اللقاء




العود الازرق[/FONT][/SIZE][/COLOR]

رائع
 

بصراحه الفكره مره رائعه
وتدرون بعض الكلمات انطقها صح وبعضها يخلف الله
:):)

ذباحة الحايل لطامت العايل= اهل الكرم والشجاعه

العمره = معدن دائري لحفظ الفناجيل

المطماه = الملعقه الكبيره مصنوع من الخشب

العدله = اناء لحفظ الاغراض مصنوع من الصوف

ما شاء الله ...........!!!!!!!!!!
 

[SIZE=5][COLOR=deeppink]اعقب يا بعيد المراميس مقوى باسك ...؟؟!!!


و يهبي يا نيران مسخط قلبك ......؟؟!!!!![/COLOR][/SIZE]

الحقيقة ان اكثر مناطق المملكة العربية السعوديه نطقا للحروف العربية
(اقول الحروف العربية ) كما تنطقها قريش والعرب في الجاهلية هي المنطقة التهامية الممتدة من جنوب مكة الى ما يقارب بلدة القنفذة ،
وهذا ليس كلامي بل كلام علماء اللغة العربية ، اما بقية مناطق المملكة
فبعض المناطق لا ينطقون بعض الحروف بل يبدلونها بحرف اخر ، اي مثل اخوانا المصريين ،فالمصري مستحيل يقول جمل بل يبدل حرف القاف بالجيم ،فيقول قمل يقصد جمل ومثلهم اهل تعز باليمن فانهم ينطقون الجيم قاف فاذا اراد ان يقول جميل يقول بدلا منها قميل ،
اما في المنطقة الوسطى من السعودية اي منطقة نجد وما حولها ، فيقلبون حرف الكاف سينا ،فيقول سيف حالك؟ يقصد كيف حالك ،كذلك
يبداون بعض الاسماء بساكن وهذا شيء غريب جدا في اللغة العربية
فاذا اراد ان يقول قهوة يقول قْهوة (أقهوة) وكذلك بقرة (ابقرة) وغيرها
اما اهل الجنوب جيزان ومعظم اليمن فانهم ملغين حرف العين من لغتهم
فاذا اراد ان يقول علي يقول بدلا منها ألي اي يبدلون الالف بالعين ،
كذلك يستخدمون (ام) بدلا من اداة التعريف وهي لغة عربية تحدث بها الرسول عليه الصلاة والسلام يقولون ام بيت يقصد البيت
ام اهل الشرقية ودول الخليج فلا ينطقون الجيم ابدا فاذا اراد ان يقول
رجل قال ريل كذلك حرف القاف لا ينطقونه فيقولون جاسم يقصدون قاسم حتى انهم يكتبونه جاسم بالجيم . اما اهل تهامة فانهم ينطقون الحروف العربية كما هي منذ الاف السنين .علما ان الناس بعد انتشار التعليم تقاربت اللهجات ، فلا تستطيع تمييز الناس باللهجة لانها باتت متقاربة جدا

[SIZE=3]ارجو ان تفيدونا بمعاني الكلمات الاتية:[/SIZE]

يبا الفيت
عفش( بكسر العين)
يهربد
طويل ذراع
سنكلي
عقور( بسكون العين)
مطمه
جاب العيد
مرم(بسكون الميمين وكسر ما بينهما)
سمق(بسكون السين والقاف وفتح الميم)

موضوع جميل :D
عندي تعليق على كلمة أبك وتأتي بمعنى الحث على شيء ...مثل أبك أكل ...أبك قم..أبك أسمع......وتأتي وقد تعني التعجب والاستفهام مثل : أبك انت علامك ؟؟ أبك انت وش فيك؟؟:p
وتجد في بعض الهجات العربيه ما هو قريب منها بشكل كبير فا تجد عند الشوام من لبنان وسوريا يقولون للحث على شيء كلمه ( لك) مثل : لك كول , لك قوم , لك تعى هون
وللأستفهام يقولون لك شوباك:D

السلام علاكم
عندي كلمات مدري الربع سبقونا ولا سبقناهم الي هي:
أغر هات ما = رح هاته ما
لطتك بقعا = جاتك مصيبه
أرواح معي للبيت = امش معي للبيت
مبدول = غبي لا يسد الدرب

ماشاء الله على الاخوان ماخلو شيء:D

[B]

[SIZE=5]فكره حلوووووووووووووه ويعطيكم العافيه

اتهبووون مخي ضرب فيوز وانا اقرا:rolleyes:

انا بعطيكم اللي عندي :

الجذيبه او الزريبه : المكان المرتفع واللذي يحتوي على حجر متراكم بعضه فوق البعض أو الجبل بس الجذيبه تكون اصغر من الجبل شوي

الرقعه = قطعة القماش

العزبه ( وهي صندوق يحتوي على اغراض الرحلات ويكون مجهز في كل لحظه ومزود بجميع الأغراض اللتي تخص رحلات الصيد ورحلات التنزه والسفر ) وبس

العشه = <== والله مايمديني اشرحها لكم بس تراني اعرفها <== عاش مصرف . المهم انها غرفه مصنوعه من الخشب او من الخيمه

التيزار :D : وهي القطعه اللتي تتكون منها اطراف الخيمه :D <== والله مدري انا جبتها والا اعميتكم معي

عساك بالساحق الماحق : كح كح
مثلاً : انت تهاوشت مع واحد ودعي عليك وقال عساك بالساحق الماحق <== تكفون اللي يعرفها زين يجي يفسرها تراني من جنبها :p



النباطه = النبيطه ، النبّيله مع دغم الباء : وهي عباره عن خشبه تكون على شكل رقم 7 ويقومون بقصها من اغصان الشجره اللتي تكون على شكل ( 7 ) ويضعون ثم يقومون بقص قطعتين من لستك السياره او السيكل :D ويضعون في كل شعبه من شعب النباطه قطعة لستك وتكون مؤخرة اللستك عريضه شوي <= مانيب مكثر ومتعبٍ نفسي لأني لو شرحت قعدت للصبح اشرح :mad: افهموها مثل ماتفهموها :D



نجي لألوان الاغنام

العنز الربدا : يكون لونها ابيض واسود

العنز الخضرا : يكون لونها مائل للرمادي

العنز الحوا : هذا اللون يكون اسود مع اللون المائل للأحمر والبرتكاني :D

العنز الصبحا : وهي العنز اللتي يكون اعلى راسها ابيض وبقية جسمها مختلف

العنز الحجلا : تكوت مؤخرة يديها ورجليها بيضاء وباقي جسمها لون مختلف

نروح للأمراض اللتي تصيب الاغنام وبعطيكم منها اللي اعرفه او الي يطري على بالي

الجدري : او الجرب : المرض ذا يسلب جلد العنز سلب ويطير شعرها ويخليها اربع وعشرين ساعه تحك جسمها على الشجر والجدران والحضيره ويالله مشي حالك الله يعينها ويكفينا شره

ابو سعيبيله : سعيبيله يعني سعابيل يعععع ادري فيه ناس تلوعهم كبوده الحين وابو سعيبيله يخلي العنز سعابيلها تشختر ( تصب ) اربع وعشرين ساعه وساايله على شفايفها وفمها

ابو ركب : يصيب الغنم في ركبها ويخليها ماتمشي على رجولها ويدينها بس تحبي على ركبها

ابو رمح : المرض ذا اذا صاب الغنم خلااص اغسل يدك منها الا اذا ربك لطف بحالها


ـــــــ

الشحيمي :D :: <== نوع من انواع الطيور صغيرر جدا <== استرر على ايام زمان كنت كل يوم تحت الشجر واصيد في الشحيميات بالنبيطه :D . وهاااااااتك كبساااات وشوي :D ويطلق عليه طوار <== طوار هو الطير صغير الحجم

السمينيه : :D نوم من انواع العصافير ايضا بس السمينيه تنقسم الا قسمين
سمينه يكون بطنها اصفر وضهرها اسود : وهذي نطلق عليها سمينية المعزا لأنها داايم تكون في حظيرة المعزا وفي مراحها :D

سمينيه يكون بطنها ابيض وضهرها مشخط اسود وابيض <== استرر على اللون يذكرني بنادي يوفنتوس . هذي نطلق عليها سمينية الضان ودايم تكون في مراح الضان وماتقرب المعزا بينهم عداوه :D






أشتف = أشول . تطلق على الشخص اللذي يستخدم يده ورجله اليسار في كل شي مثل لعب الكوره ، رمي الحجر ..... الخ



اخصرك منه : اتركه عنك ، لاتفكر فيه .

مثلا جاك واحد قال لك فلان يقول انه البارح حصل مطر على الديره الفلانيه . وانت عارف ان فلان تسذوب ومايجيب علم . ترد على اللي جاك وتقول له اخصرك منه :D <=== امممممحق تفسير
ـــــــــ

نروح للأمثال

( من اكل في بطنه ومن قعد واغبنه ) <== :D المثل ذا يقولونه للي يترك الأكل . يعني يعني يعني جاك ابوك والا امك والا اخوك وقال لك قم تغد والا قم تعش :D وانت مسوي زعلان وتتغلى عليهم يردون عليك ويقولون لك هالمثل عشان يحروووونك :D ان اكلت في بطنك مو في بطن غيرك وانت بكيفك وان قعدت او ان مااكلت واغبنك يعني انت الخسران وانت اللي بتندم وانت الي ضريت نفسك بنفسك <== الكلمه ذي تحرررني بقووه مادانيها :D



( يامن شراله من حلاله علـّــه ) : اللي يقدر يفسرها احسن مني يجي شباب وصبايا :D
انا بقول لكم اللي اقدر عليه وبعطيكم مثال : مثلاً انت رحت تبيلك شي من واحد غثــه وبلشه وعلة نحر ولزززقه ومايصدق على الله احد يعطيه وجه والغثيث ذا عطاك الشي اللي تبيه وماقصر معك <== هالغثيث ذبحك وكل يوم مسير عليك وكل يوم يشرب القهوه عندك واكله وشربه عندك ومسوي نفسه يمون <== انت عشانك عطيته وجه وانت اللي جبت الغثا لنفسك بتقول هالمثل ======> ( يامن شراله من حلاله عله ) <= ادري طولت عليكم على بالي فاهم ومسوي ذكي وادري انكم تعرفون معناها . بس يالله هذا انا اذا قعدت اشرح لك قرب المخده بس واسحبها نوومه
:D
ــــــــــــ
فيه شي ابيكم تقولون وش معناه

( قم تغد عساك بالغده ) او ( قم تعش عساك بالعشه )

المعذره اذا احد فسر هالكلمات قبلي انا لأني بصراحه ماقريت موضوعكم كاامل
و انشاء الله ماطولت عليكم ولااخذتو في خطــّركم علي :D

سي يوووووووووووووو[/SIZE][/B]

الله يرجك يالمحقني

قسم بالله مت ضحك :D


تسلم يالذيب ويسلم جميع من شارك في إثراء هذا الموضوع


ولازلنا في انتظار مشاركات الشباب :D

بعيد المرااسيم وربي انك تدوووخ ,,
بس عندي لك ملااحظه :( كلمه ميدي) مو كلمه عتباان
اتووقع حقت الحظر ولا كلامي خطااء؟

من çلن‏ç يçيىله : يْني منُي ن‎َك ‏èل ûيٌك



َ‏ يç مىيï : يٌïïونهç مُيçè çلُمله


مٌكï يçنمç : ê‏çل للمٌىوى وٌَيْ çليٌكé



يèç çل‎يê :: َو‎ ي‎ْل من èçè çلَîٌيé èه



ولنç ْوïé

السلام عليكم ورحمة الله وبركاته
الى جميع الاخوه والأخوات من عتيبه ومن محبين قبيلة عتيبيه
اليكم كلمات بسيطه اختبار تعرف بها العتيبي او العتيبيه على طول وهي من لهجة عتيبه التي تكاد تكون ملازمه للغالبيه منا

كلمة حليب / حليب تقرأ بكسر الحاء فدائما العتبان يكسرون الحاء
كلمة خالي / خالي يفخم الخاء دائما اي خاء مفخم وليس مرقق
ولعل التفخيم ناتج عن شجاعتهم وقوتهم ورجولتهم لان الترقيق يدل على الدلع .
كلمة بيض / نقول اذا تحدثن باض نقلب الياء الف .
لقد جربت هذه الكلمات مع كثير من العتبان ووجت اغلبهم يتكلمون بها
حتى بعضهم من اللهجه اعرف انه عتيبي .
وتقبلوا تحياتي / جدتي حليمة السعدية العتيبيه

والله من قل الشغل عندكم

هههههههههههههه

ماسكين لي تفسير الكلماااات البدويه

الآن في الوقت الرااااهن شباابنا الله يهديهم وبناتنا

عليهم كلاااااام ( يبط الجبد) على قولة الكويتيتن

كلاك كله مائع.

مثلا يقولك ( أتركه عنك هذا خكا)

و ( وربي صدق)

ومثلا إذا بيبك تروح معه ( يالله قووو)

ياناااس مافيه زي لهجة أهلناااا صدقووووني

سلمت يبو سعود



شكرا للجميع


لي عوده قريبا


اخووووك

كحيلان

[size=4][B][align=center]ههههههههههههههههه ... حلو الموضوع

ما خليتوا شي؟ هههههههههه..تسلموووووووووووووووووون [/align][/B][/size]

الاخ بعيد المراميس

يازقينك زقيناه ذكرتني بالعميته والمدرا والمنشزه والغراره والطريدزه
وغارها واجد

ههههههههههههههههههههههههههههههههههههههههه

رهيب بعيد المراميس

الوحد = الشيء المجهول خخخخخخخخ

وش معنى بعيد المراميس؟

:D ههههههههههههههههههههههههههههههههههههه :D

والله موضوعكم حلووووو مررررررررره والله اني فاطسن ظحك

الله يخليكم لنا ذخر في المنتدى يا بعيد المراميس انت والشباب

لاكن فيه كلمه دايم تطلقها عمتن لي الا وهي

حوووووووووووووه = واعتقد انها تعني الاستغراب من شي صار ولا
تكون قد علمت به :eek:


:D :D :D

:D انا اقووووولك وش معنى بعيد المراميس :D

ااااااااااااااااااااااسف علا التدخل يا بعيد المراميس :D :D

ولاكن اعتقد ان بعيد المراميس = تعني الرجل الطلق الحرك

الذي ينجز المهام الموكله له في اقل وقت ممكن ويفعل اشياء

لا يستطيع احد ان يفعل مثله او ان يجااااريه فيها :D :D

السلا11م عليكم ورحمة الله وبركاته

ابو سعود استــــــــــــــــــلم

السحلـــه + وفي معني ااخر الغظااره +وفي معنا اااااخر الطاسه
وهــــــــي من الاواني اللتي كا البدو تشربون فيها الللبن او الماء
او الحليب وهي كبيره وترور العطشان

قاعتها= وهي تعني ااخر ما تبقى من الشي المسكوب في الطاسه

المفساح والمقطار= وهي لعبه يلعبونها البدو في اوقات فراغهم وهي
عباره عن اللعب على الارض المنبسطه على طريقه رسم مربع والعب فيه بثلاثه احجار للرجل الاول وثلاثه من دمن البل للرجل الثاني لغرض
التفريق بين ما مع الرجل الاول والرجل الثاني

المراغه = وهي الارض اللتي اذا مشيت فوقها تثير الغبار من حولك

العجه = وهي الرياح اللتي تتصارع كلأعصار وتحمل معها الاكياس
والنفيات وهي تقوم بتنظيف مراح البدو

القرطاس= وهو الكيس الصغير

التزلته( وهي الجلته ) = وهي عباره عن الحصى الذي يوجد به ماء من
من أثر الامطار او يكون من الينابيع......

العبيله= وهي عباره عن خلطه سريه مكونه من مرقة الذبيحه مخلوط
معها حليب النياق وهي تغني بعض الشيبان عن وجبه كامله :d

ينقل إلى قسم المواضيع المميزه