|
نعم نعم حنا قبيلة مناعير= حنا عتيبه مانهاب البريه
عنا تفر القوم مثل العصافير=والي بقا ينساق سوق المطيه روقي وبرقاوي على الشر والخير=لسيوفنا صوتن يلجلج دويه |
قال العصيمي من ضميـره تهيـض=كما الدر من خلـف لذيـذ شرابهـا
تكلـت المربـاع والصيـف كـلـه=وخريفهـا مامـل منهـا جنابـهـا نشق الدير بين الرضـا والغصيبـه=على شان حمر وسمها فـي رقابهـا واليا شعاها صايـح مـن خريمـه=غزيـز خيـل سابقتـهـا ركابـهـا ولحقوا على زينات الاوعـاد ضمـر=سـواة الاهلـة معتبيـن حزابـهـا لحقوا وثـار الملـح بيـن الدياقـا=في عبلـة بيضـا يلالـي سرابهـا وصاحوعليهـم صيحـة عاصمـيـه=بصافي الحديد اللي معـرب زهابهـا راحوا شلايح فـي يـدا كـل مقـدم =روحة يعرضهـا الخطـر مايهابهـا عصيمي وشيباني ومذخـور مفلـح=واولاد القثامي نومست من عدى بها برقا هل العادات في الليـن والقسـا= والاد ثابـت مانسينـهـا جوابـهـا اهمـه مبانينـا ومرسـى جدودنـا =ذياب تلهـب فـي مراسـي ذيابهـا والاد النفاعي والطفيحـي وسربتـه=لطم الاعادي شيبهـا مـع شبابهـا لو انه بعيد ونـازح عـن ديارهـم=سو المشوك ما سلم مـن صوابهـا والاد المقاطي وروق كسابـة الثنـا=كسابـة النامـوس يـوم اعتقابهـا ناحو رجا ل الشام والشرق واليمـن=وثنوا مطاويع العدى مـع صعابهـا وانا احمد الله يوم انا مـن عتابـه=درعي عـن ايـام كثيـر حسابهـا سواة البحر ما طبحـه كـل سابـح=يقع بالمذلة والمراكـب غـدى بهـا وفكرت في الهجرة وهاجوس خاطري=وفكرت فيها يـوم اشـوف اقتلابهـا تجي البنـادم بيـن خـوف وغفلـه=وتغثرب الماء عقب صافي شرابهـا ولو زينت له يـوم بالطيـب منهـا=اليـوم الاخـر ماتخلـي عيابـهـا ومن عاش فيها قال ساعة استقـرت=قـرت لـي الدنيـا ولازم نصايهـا مايـدري انـه ميـت عقـب ميـت=تلعب به اللي شذبهـا فـي عقابهـا مرحوم يامن هو على العـز والنقـا=تمـوت روحـه ماتقفـت قرابـهـا ولا هو بضيق الصدر عند ابن عمـه=تغطي بروح مـاش حـي سرابهـا ولاياخذ الـزلات مـن كـل جاهـل=ا ليـا سمعهـا يـم بيتـه سرابهـا يشيلهـا شيـل الجمـل للعـدايـل=واليا وصل ميحـال ربـي رمابهـا حاذور لاتشنى عضيدك مـن المـلا=لوشفـت لـه روح كثيـر حسابهـا ومشايـن الاخـوان ويـا القرايـب=مثل الحصون اليا استلمهـا خرابهـا عدت به العربان مـن كـل جانـب=وقوم تسج ابهـا العـرب واذهابهـا ومن صار روحه عن مشاين قبيلتـه=واكرم ضيوفه يـوم تلفـي ركابهـا وكفى حياض الخصم باهون بصيرته=ونطح مع اول عزوته في اشتبابهـا واختم كلامـي بالنبـي والصحابـة=عـداد ماخـط القلـم فـي كتابهـا وعـداد ملاحـت بـروق المخايـل=من المزون اللـي تناشـا سحابهـا |
العصيمي حزام اليا تكلم كلامه=فيه حكمه وله عند الرياجيل قيمه
يمتدح كل من للطيب يكرب حزامه=وكل من للمراجل فيه شوق وعزيمه ويمدح المنتدى واللي يسير نظامه=يستحق الإشاده والوفا والحشيمه منتدى عتيبه الهيلا بحور الشهامه=اسم كله فخر كله معاني جسيمه اسم من في سنام المجد حطو علامه=بالفخر والمراجل والعلوم العظيمه مجدهم راسي ارسى من رواسي تهامه=وصيتهم مرتفع فوق النجو م المقيمه يوم سل السيوف ويوم عصب العمامه=ويوم الارياق تنشف والشفايا محيمه فعلهم يودع الصقر المسمى حمامه=جارهم في نعيم وفي حياتن مقيمه وضيفهم واجبه فلة حجاج وكرامه=والخوي بينهم راعي شداد وقديمه فرض واجب عليهم حشمته واحترامه=صف واحد واسم واحد ونيه سليمه |
قلته وأنا من لابتن تلحق التال = بياعتن للروح في ملتقاها
ربعي عتيبه وإن حداك أشهب اللال = ريف الركاب اللي جديدن حفاها يلقون اهلها الكيف والبن وظلال = وحيلن تقلط غالين مشتراها نمشي على ما تشتهتي كل مشوال = اليا نثرت دهم المخاييل ماها يا مانزلنا وادين عقب ما سال = ترعا بنا العرا ويكثر قراها وإن صاح صياحن ورا طارف المال = تفرح بنا اللي قاصراتن خطاها وتصافقت صم الرمك مثل الاجوال = ولحدن يميز ليلها من ضحاها ربعي هل العادات ماضين الأفعال = عدوهم سحم الضواري عشاها لواية الحيله على كل محتال = ربعن تروي حدها من عداها كم واحدن حدوه ربعي على الجال = ليا من عج القاع غطى سماها وكم شيخ قومن من ظهر سابقه مال = لاشبت الهيجا ودارت رحاها يشهد لنا التاريخ في ماض الأجيال = وتشهد لنا عرجا ويشهد حصاها ويومن بخشم العرق حطه على البال = يومن به المرضع تضيع ضناها لاجا لسرفات السبايا تجهوال = وكلن يطلع بندقه من خباها والمدح ما يرهم على كل رجال = ولا كل من هام الطويله رقاها |
ياالله يامعبود ياحي يا قيوم
ياللي على تبديل الاكوان قاوي تبرج لقلبن به هواجيس وهموم طاويه من هاجوس الايام طاوي تغيرت الايام يومن بعد يوم مافيه يومن مثل يوم متساوي والسر مابين المعاليق مكتوم والجرح يلقى له طبيبن مداوي جتني بنات الفكرمع لذة النوم صحيت من نومي واناله شفاوي جبت القلم والبوك مغرم وملزوم شعري غني وانابشعري غناوي طرى علي القوم ومواجه القوم على ضهور مبعدات الغزاوي قومن لهم طبع وتقاليد وسلوم اكل عليه الدهر عسر المطاوي معادباقي غير تاريخ وعلوم وروايتن يروي بهاكل را وي يومن القبايل بين هازم ومهزوم لي عزوتن منهاتهاب العزاوي لوسع الميدان لرماح وسهوم ربعي عتيبه مخلفين الهقاوي لقبلو ركابت الخيل حثلوم اوهموعليهم مثل نجم سماوي وان حطو الميعادفي يوم معلوم للخيل خياله وللموت هاوي العمر له ساعات والاجل محتوم والصبر عروى من قوي العراوي دقلاتهم جمعن مثل دولة الروم بندق وسيف وضرب رمح قناوي وهيبة رجالن بينهمالراي مبروم يكفيك عنها مايقول الخلاوي لطامة العايل وذباحة الكوم بالعسر باايام الزمان القساوي اول منازلهم ورى ضلع الاكوم وغربي حضن شرقي طوال النزاوي والله جعل نجد من الغيث مرحوم وعليه من مطلع ربيعه ظهاوي تشاوروبراي والامرمحسوم وكلن على الطرقه معزم وناوي شجعان مابينهم دراويش ورخوم وانحوكماسيل نسيله نحاوي مع دربهم طيرالسعديدرج الحوم يباالعشاءقدامه الليل ضاوي والله كتب والله قسم كل مقسوم وصب البلاوي في نحور البلاوي وراحت قبايل نجدشتان وقسوم وصفى جنابه من جميع البلاوي وارست قواعدنجدنا دايم الدوم في الديره اللي ماتجي بلمناوي ماجت بحبت راس واكتاف وخشوم الى بعدماجاءللمشوك تعاوي في ظل شيخ عنده الراي محتوم شيخن يصدر معضلات الدعاوي تركي لاعرضن الارواح للسوم حماي قطعان البدووالشواوي ومسلط كمى حراًمع الجوصاروم يهوي على خشمه هواية نداوي وهذال اخو هملا ومقعد وسلوم واباالعلاوايضابخيت العطاوي وابن محياهيبته ترحي الزوم يشهدعلى فعله كلام الفراوي ومرزوق ابن فمصان وشثروم والهيضل الهيضل بعيدالنهاوي وابن جامع له المجدمرسوم والضيط شالح مزبنن للجلاوي ومحمدالعبودهامن للعلاهوم وابن قشعان من دون العشايرقداوي وحزام لمعارك الخيل خازوم شيخن لميدان المعارك هواوي ومحسن تاريخه عن المدح مخدوم وبن زريبه لاردالبرى مايراوي واللي بقي مدحهم مخلد ومفهوم وارجوالسموحه من جميع النحاوي امدح بني عمي ولاني بمليوم حبلي على هداج تيماءرهاوي وكل القبايل بينه بطيب مقسوم يوم ابتهاج الخيل والذيب عاوي واليوم حناشعب مكرم ومحشوم في ضل سيف العدل واهل التساوي ال السعودمناصرةكل مضيوم درع الجزيره لشريعه نجاوي واختامهااعدادماهل ديموم صلوعلى راعي المقام النباوي |
هـات القلـم ياللـي تجيد القـرايـه=واكتب على الصفحه بيانن بتفصيـل
للي حذف لـه هرجتـن فـي قفايـه=والهرج له سامـع وراوي وتسجيـل وللـي يبا رايـي تبـيـع ٍ لـرايـه=يقـول برنامجـك يحتـاج تعـديـل قلـه تـرى مانيـب شاعر دعـايـه=ولاخذعلى نظم القوافـي محاصيـل مـالـي بتـرويـج القصايد هـوايـه=ولالي هدف في كثرة القول والقيـل الا ليـا زادت عـلـوم خصمـايـه=وكثرت بصندوق البريـد المراسيـل والحذف من دونـي وشـيٍ ورايـه=وغنتبهـا فـوق الجريـد البلابـيـل رفعت لي من بيـن الاعـلام رايـه=وللبيت عمدانـه وللحـرف تحليـل وضربت مابيـن العيـون بعصايـه=لابان غيض هـل القلـوب المغاليـل وليا ركـب فـوق المحالـه رشايـه=يبـا يدلـن الجـمـال الجـواديـل والمجتمـع يحكـم علـى مستوايـه=لا جاء المجـال وميـزوه الريجيـل وفالناس شاياتـن وانـا فـي شايـه=مانيب عن واجب هل الواجب بخيـل اقـوم بالواجـب بمعنـى العنـايـه=واعرف مقام البدر والجدي وسهيـل واعرض عن المعرض وراع الوشايه=ولانيب اصد عن الوجيـه المقابيـل ولا يشتكـي منـي رفيقـي خطايـه=وصديقي اصدق معه لو طول الطيل مـدام واف ٍ لـي يحصـل وفـايـه=رفقة شرف مـا يعتريهـا عراقيـل وقومي هل المعروف واهل الرعايـه=للواجبـات اللـي عليهـن دوالـيـل عتبـان يزبنهـم كبـيـر الجنـايـه=لا مالقـى عنـد القبايـل مداخـيـل يـوم الحرايـب يحكمـون الرمايـه=لا جاء المفاهم من خشـوم المفاتيـل يـوم القبايـل عندهـم نجـد غايـه=والا امتـداده معتلـج قـرح الخيـل وسنا الاسنه مثـل شمـس المرايـه=بهجـنٍ مشاويـحٍ وخيـلٍ مشاويـل اخذوا على المثنـاه صـك الولايـه=من محكمة حدب السيوف المصاقيـل وصارو لها عن كل طامـع حمايـه=ومن دونها شربوا رهيـب الفناجيـل شرقـي منازلهـم بـلاد الفـوايـه=وغربي منازلهم بلـد محبـس الفيـل وفيهم الى شـان الزمـان ارتكايـة=وقت القسا مثل الجمـال المحاميـل اليا صار في بعض الرجال التوايـه=تبينـوا لـمـدور الـبـن والهـيـل وحيل ٍ عليهن الشحـم تقـل صايـة=وكلامنا احلى من شـراب الشهاليـل ويكفي عـن الشـرح الكثير الروايـة=مصـادر التاريـخ فيهـا التفاصيـل ومدام هـم قومـي وسـاس انتمايـه=وعضدي الى صكت علي المحابيـل وشلون اجنّب عن طريق اعضدايـة=والـدرب مرفوعـه عليـه القناديـل ومن لا اهتدى بآثـار الأقـلام تايـه=اللي تقـص اخبـار جيـل بعدجيـل للمهتـدي يابـيـن درب الهـدايـة=والمنحرف لو كان يعطـى درابيـل يمشي علـى عميـاه حتـى النهايـة=والى انتهى دارت عليـه المحاحيـل عميـت ماخصيـت راع الحكـايـة=وان عاد علمناه مـن سـاري الليـل |
ماعلموَك أنك صغيرّ ومطفوق = للبنت دار وللرياجيل ملقا
حنا عتيبه الهيلا برقا مع روق = واللي يرحب بالسلاطين يبقا ماذلنا من خلقة الأرض مخلوق = أهل المكارم ربعي روقٍ و برقا ننده بسامينا وتابس بها احلوق = وكل الأيادي بقضب أيادينا عرقا كم شاربٍ من فعلنا صار محلوق = جعل الوجيه اللي بها اشناب تسقا الغيمه اللي وسطها ربعي بروق = الي تحتها بوبل الأمجاد غرقا نجد العذيه فوقها شمسنا شروق = وصارت سماها بالسلاطين زرقا ربعي عتيبه وبارد الوجه مصفوق = والسبت من حطه ترا الأحد يلقا وين أنت يابو صوت مبحوح ومخنوق = ياللي على كثر السوالف تسلقا يوم البضاعه غاليه داخل السوق = حنا شرينا اللي اخذتوه سرقا رمح القهر في صدر الأيام مدقوق = في غرب راسه وآخر الرمح شرقا أيه أفتخر وكل مطرود ملحوق = بالفعل ماهو بزود حكيً وقرقا حنا بشر بس الولي حطنا فوق = الله خلقنا فوق وشـ عاد نرقا الله خلقنا فتنه لكل غرنوق = ومن العذارى ميته كم طرقا منطوقنا جزل ومع جزلنا ذوق = يطرب لنا فوق الغصن طير ورقا قبيلتي مالي مع الناس معشوق = وأنتي غرامي دون لقيا وفرقا بين الضلوع العوج موطنك معلوق = ياأطهر من الطاهر وأصفا وأنقا لو غنوا الشعار مليون طاروق = محدً يجيب اللي أجيبه على القا الشعر جسم وحنا في قلبه عروق =كل حرف روقي وكل طاروق برقا |
وأهني من زرفلت بـه بكـرةً حـره
معطن مزاليج والا معطن الجـودي وأقفى عن الهاجري وأقفى عن المره لو ما جـا مـن الاجـواد منقـودي ربعي عتيبه من العارض ليا الحـره سقم المعادي ليا جاء العلم مـردودي والعلم الآخر اليا عقبوا على الجـره والسبر جاهم من اللي قدم مطـرودي جاهم نهـارٍ جبالـه منـه محمـره ثم ثار عج الرمـك وازداد بـارودي هذي طريحـه تـزر الـدم وتثـره وهذي قلاعه والأخرى تصقل العودي تجمعـوا كـل منهـم كـل حزبـرّه والشيخ ينخا هل العـادات بفنـودي لعيون من حبنا واللي لحـق شـره فعلٍ يداوي كبـود ويجـرح كبـودي |
لاتحملوني بالكلام وزود العتب كثر المناقيد
..................................عتيبة تراها للاصالة أرض وللعزة سماها ماينقض عهدها وميثاقها مافيه تبديد .................................ماترنوي كل الفيافي لأجدبت إلا بماها نفوسهم للشقا والعنى متحمله صعب المكابيد ...............................عتيبة تفزع ظهر للناخي من صافي دماءها هم للفخر والشجاعة والكرم أول المواليد .............................وهم الأُسود الضارية الرامية من رماها هم نعم الرجال ونعم السند ونعم المعاضيد ...........................هم الدروع الحصينة لكل من يحمى بحماها ربت عيالها على السخى وعلى الطبع العنيد ......................... وأرضعت نخوتها وشهامتها لأصائل نماهـــا |
حـنـا عـتـيـبــة فـعـلنا يـفـتـخـر بـــه & فينا الكرم والـمرجلة والـشـــجـاعة
زبن الضعيف اللي وقـع له بكــربه & عدونا مـهـزوم في نصـف ســـــاعة رجالنا ينـطـح من الـقـــوم ســـربة & ونـقري ضـيوف الـبيت يوم المـجاعة ناطا الـخـطــر مـاهم بـعـده وقـربه & ونفرق صفوف الخصم بعد اجتماعه يشهد لنا نــجــد(ن) شماله وغربه & وتشهد لناحدب السيوف القطــاعه كم راس شيخ(ن) طاح منا بضربه & واصـبح غدا للطير هي والسـباعه من شافنا بالعـين ماشـيـف دربــه & ومن شافنا فالنـوم يصحى بــراعه |
يامغيب الشمس تكفـى لاتعجـل فالمغيبـي
وقل صبحي من لساني لايطول في غيابـه وياهجوس الليل هاتي وأن بغيتي روحيبـي أفزعي للشاعر اللي قـام ليلـه وأنتخابـه دعوتي من ليل(ن)أسود بس واشيبه وشيبي من عفاريتٍ تهاوش جنها مـن دون بابـه قال تكفى وأن نخيتك ويش تفعـل ياعتيبـي قلت أقوم كل قرم(ن)قال أعود فـي عتابـه قال وأن دقر نصيبك وأنت تدري وش نصيبي قلت أقوم مع عتابه كل قرم(ن)من شبابـه قال تقدر تفزع أبهـم قلـت قلـي يانديبـي والله أني لك لعصب الرأس وبـدأ بالقرابـه بنتخي بعيال شيخ(ن)طيبهـم قـدام طيبـي قال منهم قلت روق اللـي تـروق لنشابـه وقال بس وقلت أزيدك لاتعجـل ياصحيبـي وقال منهم قلت برقى نسل شيب(ن) لذيابـه خذ كلام الشاعر اللي لاوقف ضد الحريبـي أن بغيت الفعل جابه وأن بغيت القاف جابـه والله أنه من نخانا مـن نخانـا مايخيبـي قال خابر بس حنا قلـت لا تنطـق بجابـه خابر أن أخصامنا الجن لاتروح ولاتجيبـي وأدري أن أبليس يحسب للعتيبي في حسابه تدري أن العيب فينا لابغيـت تقـول عيبـي فاتنا عصر أبرهه مـع بدايـات الصحابـه والله أنا فالمعـارك مانحـذف ألا نصيبـي وأنشد الأيام عنا وهـي تسبـق باالأجابـه لكن أنته في حمانا ودعـي الله يستجيبيـي نقذ أبليس المولي مـن فعولـك ياعتابـه الولد فينا شبيهه من بعيـد ومـن قريبـي لو تحط السيف جنبه قلت ياكثـر التشابـه؟ ومن تردى من ورانا قلت يايمنـاه عيبـي أقطعورأسه بسيفه ونطلوهن فـي زهابـه وأحمدالله ياعتيبـه يـوم ليلـي ينتخيبـي والشجرمن دون ضله ويش يبغابـه ترابـه وسمحولي ياقبايل لامريـض ولا غريبـي شاعر ويمدح عتيبه لاعجيـب ولاعجابـه بارك الله بأرض تمشي فوقها ساق العتيبي ويرحم الله من تحتها ومطريلـه ياسحابـه |
مدام ان المعاني في الظماير والهجوس أحظار=نويت أسري على البابور وانقى الحص من قوره
قناديل المثايل قدم عيني كنها المقطار=على كيفي تجي وتروح منهيه وماموره أنا اللي لابغيت الشعر مدفع من وراه ايجار=آسوق القاف وهجوسي بعون الله منصوره أهيم إبغبتن ظلما تهيج وترهب البحار=يموج الموج والحيتان في القيعان مغموره تلقف للغشيم اللي تخير فالدروب أيسار=على قول المثل كلن بعرفه يقنعه شوره فلا ياراعي القرطاس سجل بالحروف أسطار=عسى يمناك ياابن الناس محفوظه وماجوره تذكّرت الزمان اللي مضى يوم السنين أجوار=لحوح الوقت مايرحم وفيه القوم مجبوره يطير النوم من عيني ودمعي ينتثر همار=يصب الدمع فوق الدمع والاوجان محروره على ربعن تضد القوم لوإن الجموع أغزار=لها تاريخ ماينسى ولو غابتبه أعصوره صناديد الرجال أهل المكارم محتمين الجار=هلا الناموس فضخ الروس لا لارقاب باتوره قبيله بالمراجل والمعالي مالها حكار=تعلت في سنام المجد واخذت بالفلك دوره تعيش أبعز ماترضى بغير العز مهما صار=وبين الناس بالوقفات مخبوره ومشهوره تسلسل من هوازن والحقيقه ماعليها غبار=ولا منك جهلت أنشد عن اللي تطفي الثوره تبى تنبيك ناسن فالقدايم تنشر الاخبار=تهرج في زمانٍ فات يوم الجوع ودهوره عتيبه روس قومٍ تعرف الميراد والمصدار=على روس الطواغي تهدم البنيان وقصوره سلاطين المجالس فالمعارك دمها فوار=تضد الضد بقسى الضد والعدوان مدحوره على نجد المسمى شبت النيران فالمحدار=راحتن تطحن واعلامها بالنصر منشوره ترستبه وصار الخير منها والفلك سيار=على كل الشقى تصبر وشهب البيد معبوره ولا منه زبنها شاكي الاوجاع والاضرار=تشوف الغبن بعيونه وصوته بح حنجوره يصير بوسط عيطاً محتمينه حاكمين الشار=تداحمله جموعاً تارد الميراد منعوره وفينا طبع فالخوه ماننسى خوة الاوقار=ولا نغدر ولا نظلم ونكره راعي البوره لا حيث ان الخوي حقه علينا مايبي معذار=ونفسٍ تنتويله بالردى ماهيب معذوره خوال المصطفى الهادي محمد شمعة الاخيار=تشرفنا وزاد النور فوق النور من نوره حليمه بنت سعديه تراها ربت المختار=تغذى من لبنها كامل الاخلاق والصوره كسبنا العز تلو العزولنا فالعرب مقدار=وبنينا البيت في صلبٍ وساسه داخل أصخوره يقول ابن الخلاوي والخلاوي عارفٍ سبار=يعد أوصاف ماجوده ومكتوبه ومذكوره نعتنا بالوصوف اللي صداها ثابتٍ بقرار=وكلٍ ماخذإ قسمه بميسوره ومقدوره ترد العايل العامي بشلفٍ ظربها جزار=ليا صابت شجيع القوم تفري قادمة زوره مثل فارس ولد سحمان يوم إن الرحى دوار=تشوف القوم من رمحه علاوي ظلم وطيوره واليا جاها توال الليل والا فالضحى خطار=تهلي بالطراقي من خواطر دوم مسروره تقدم من قراها كيف بنن ينتشي ببهار =وزودن فوق هذا بالصياني حيل منحوره عزاز نفوس ماتصدى وفاليمنى تنول أشعار=تسوق الرجل دون العز لو الرجل مكسوره عليها من دروب الشر بذن الله حجى وستار=تشوم عن الردى ماهي على الهزلات ماموره على سلم الشرف ماتلتفت للخاين الغدار=سوات الظلع ثابت مايهزه نقر عصفوره سراج الدين والدنيا عباد الواحد القهار=على المله ودين الحق تمشي حسب دستوره بظل الشيخ زبن الطيب والميقاف راع الكار=على العدوان سمٍ يندعابه لاسطى جوره أخو شرعا ليا من الملح وسط الملاقا ثار=يشيل السيف في يمناً يخلي الكبد مفطوره ومسلط حر ماينسى وفعله ساطينٍ جبار=تقادح من سطر راسه سعاطيرإ لها فوره كريم الجاه والمقدار للافي يشب النار=وداره بالرجال أهل الشكاله دوم معموره وبن هندي كبار القوم عنده يصبحون أصغار=بيومٍ هايلٍ منه العرب جفله ومبهوره مثل يوم العويند والرحى والسر ياستار=بروق الشلف لعاجه وسحب الدم ممطوره واخو هملا ولد شيبان مايرضى بلبس العار=عليه البيض تنخاله بصوتٍ عاليٍ طوره وابن حجنه شبيب القرم دونه يقصرن أشبار= شديد الباس والنبراس فالعليا بنا سوره واخو نوره خزام الخيل فارس فالقى مغوار=على دربه تشوف الذيب مايرجع على سوره وعفاس المحيا طير حر فالسماء عقار=قصير الطول لآكنه جحيمٍ يطبخ أزفوره وابو سجدي مناحي شيخ مايبغى جديد أذكار=طويل الشبر ماتلحق عليه أشبار مشبوره وولد الضيط سالم راسيٍ كنه جبل سنجار=من فعوله تبى تبرى كبودٍ دوم مقهوره واقول ابالعلا سلطان بحلوق العدا مسمار=ومنه أكبود مسروره ومنه أكبود مسموره وبن جامع عريب الساس يكسب ديمه المدرار=تجيه أرقاب مخنوعه على الكيعان ماسوره وبن ماعز بخيت اللي يفرقع زمرت الاشرار=عنيدإ مايبالي في سباع الظلع ونموره ولاني ناسٍ شيخ المراجل ناصر الشغار=يشيل البيرق اللي يرهب العدوان طابوره ومحسن من نسل قومٍ تسموا شلوة الكفار=زحازيحٍ نهار الكون منعوره ومسعوره وناصر بن عقيّل فوق شهب الخيل لامن غار=يخلي الروس دون أجروم تمشي كنها الكوره وبن عبود سيفٍ ساطينٍ بين العرب بتار=تحّشرله نفوسٍ بالقسى ماهيب محشوره ومقعد في نهار الكون يحفظ رمية المعيار=على صم الصفاء ياطى ولا همه من عسوره وقشعان المسمى يقشع الفرسان قشع أجدار=ولو العدا كلٍ عليه أستاق مظهوره شيوخٍ مانشت بالضعف تمشي في ضحى وجهار=على كثر الفعايل فالعرب ماهيب مغروره تقافوا ونتحوا والكل منهم ساكنله دار=ولاكن دار غير الدار مابه نار ونجوره ياكود الثوب الابيض والنصايب للبشر تعبار=الايالله تجنبهم عذاب القبر وسعوره يارب البيت ياعلام ماتخفى عليك أسرار=تشيل الكرب عنهم يوم كلٍ يحتري دوره وانا شاعر واصوغ البيت مثل النحت فالاحجار=وبه عرّاف نقاده تعرف اللب وقشوره وهذا مانطق فكري وغيري للرجال أفكار=وكلٍ في سماء عرفه يسوقه زين منظوره |
تميز عتيبه بالحمايا وأنا بن روق = لاجاء نهارٍ فيه راعد وبراقي
حرامٍ مانرضى للعتيبي يروح حقوق = أن ناقف ميقاف لو قالوا عراقي مادامه معرب بالأصاله رفيع الذوق = بعيد النظر والطيب مع سّلمه راقي بناقف معه ميقاف حتى يشرف فوق = وقلوب الحسد والحقد عسى تصبح حراقي |
يامسافر الى بلدة جهام = ديرتي واصلها ديرة هلي
منبع الجود والربع الكرام = نعم باللي نزل والمنزلي من شفا ابوسليم الى نعام = موطن اللاد عاصي لاخلي لبسوها الكرامه والوسام = ناصبين الحدود ومايلي عزوةِ من خوال ومن عمام = فعلهم فيه محدِ يجهلي عوق الاخصام عالين المقام = من على الجد ذاك الاولي ديرةِ من نصاها ما يضام = فوقها حض اهلها معتلي شامخه كنها ذروة سنام = مالها في قرى الروقه حلي ماتبى وصف واضحةِ تمام = قتمت الجو عنها تنجلي من ذريع يجيك الخط شام = ويتمثنى مهاميه الخلي بالسلامه ومعك اخذ السلام = والرساله لبن سالم علي شاعرِ له معزه واحترام = يبدع القاف وان غنى ملي بنت فكره هوت عذب الكلام = جاد بالوصف وسلوبه جلي يعطي الشعر بلغه واهتمام = يوم من بعض خلق الله بلي ناسِ الاستماع الهم حرام = مال هرجِ يقولون ذبلي ياحزامي ليا طاح الحزام = فزعتي مزبني بعد الولي نخوةِ صوتها يفضى العظام = من حماسي ومن قوى زعلي وش علاج المحبه والغرام = يارفيقي رفيقك مبتلي يسهر الليل عينه ما تنام = كن فالحجر نارِ تصطلي والمصيبه اليا انخاط الظلام = قام صدري يغيض ويمتلي كدرت خاطري ورق الحمام = تزعج الصوت كن الصوت الي واحدِ في هوى الخصرات هام = لابسات البراقع والحلي لوشكى الغبن مثلي مايلام = ويش يعمل وانا ويش اعملي معهن القلب له عشرين عام = يحمسنه ويقلنه قلي امسكنه مثل مسك الخطام = واجذبنه مثل جذب الدلي |
حنا لها مليون مليون مليون = لو طالت الدعوى وحارو شعبهــا
تكفون ياربعي مع الصوت تكفون = نخوة ولدكم يوم قام وطلبهـا سيفٍ شطيرٍ فالمواقيـف مسنـون = تلطم بيوته من يجاري غضبهـا ربعه عتيبه فاالوقايع لها كون = مافيـه رجلٍ فاالمواقــف قربهــا لاصارت الدعوا على سلم وإركون = نبا نسـوق الطايله في سببهـا صارت حميا والحميا لها شون = والطيّـب اللي فزعتـه قـد حسبهـا لاخير في رجلٍ تطرّف على دون = وش فايد اللحيـه وطايل شنبهـا لاصار ماياقف ضميره على عون = يرتاح في بيت العجوز وتعبهـا مثل النعامه دايم الراس مدفون = يالعنبو هاك الضعوف وشغبهـا لكنّ هقواتي على اللي لهم لون = وسط الرجال اللي صعيبٍ عطبها اقولها من عقب دقه وموزون = بأخر بيوتٍ حاكمه في خطبهـا حنا لها مليون مليون مليون = دام البحور السبع يوسف شربهـا . |
ربعي عتيبه اليا كلاً رفع صوته # افضل سواير من العالم سوايرها
يشهد لهم من خليج عمان و كويته # اليا فلسطيم و المغرب جزائرها و يشهد جبل حضرموت اليا تعديته # و يشهد لهم ماضي الدنيا و حاضرها اي و الله أفخر بطاريهم اليا اوحيته # و اعز نفسي و اعبر عن مشاعرهـا |
حنا عتيبه كانهـا حانـت اقـدار=مسكين يلي طـب داخـل لهبنـى
حنا الكرم والطيب دايم لنا اشعـار=والعز معنى وين محنـى ذهبنـى حنا الفراسـه والامـاره وشعـار=ياقاصر العرف استرح وجتنبنـى حنا عيال احرار من نسل الاحرار=اصل وفصل معروف قوة نسبنـى حنا ليا خربت وحـارن الافكـار=لوصار ماقد صار ما اخبر حسبنى حنا عتيبه نكرم الضيف والجـار=وليا غزينـا فاالمغـازي كسبنـى حنا هل الطالات والمجد والكـار=فوق القبايل فوق حنـى انتصبنـى حنا بحور اجبال انجـوم واقمـار=حنى العـرب ياطيبكـم ياعربنـى حنا قبيله ضاربـه دمهـا حـار=حنى الزمان اليـا انقلـب ماقلبنـى حنا ليا جـا للعـدو عندنـا ثـار=يمـوت حاسدنـا غبـن ماقربنـى حنا السيوف الحدب شبابة النـار=يشبع ليال الجـوع منـه جنبنـى حنا ندوس الموت مانحسب اخطار=كم كفتن مالت غصب من سببنـى حنا نمارة نجد ونجـدن لنـا دار=على الحجر نجـد بيدينـه كتبنـى حنا السمايم والصواعق والاعصار=روس العدا فالنار هـاذي حطبنـى حنا لنا تاريخ في كـل الاقطـار=من قبل الاهرامات في مصر تبنى حنا لنا افعال فـي كـل الاشبـار=ياما غزينا شـرق يامـا غربنـى حنا عتيبه كانها باحـت اسـرار=محدن سلم منى ولا مـن عطبنـى |
ربعي عتيبه تكسب الحـق وافــي = وقــت الموافـق تعــطي الطاق مطبوق
العـــزوه الـي فــالموافق تشـافي = ان قــلت مـــن بــرقــا ولا ولـــد روق قبــيلتي مـثل الســيوف الرهافي = مـلــجا لــحـيى صـابه الـذل والـعـوق يـوم اعــتزانا ثم جـونا زرافــي = بالفزعــه الــي زادت الشـوق بالشوق يـوم ان يوسـف دق كفه حسافي = قـالـوله اصــبر كــل مطـرود مـلحـوق وجات النتيجه وبان ماكان خافي = افــعول ربــعه تــرفعـه بالسـماء فوق وكلا عرف فعل الصقور النكافي = ولشــاعر المــليون مــا فــيه مسبوق |
الشمري يشكر عموم اعتيبه = منشان فزعتهم مع ابناخيهم
وهاذي عوايدهم رجال الهيبه = فزعاتهم محدن بهاء يجاريهم يوم الخساس اعتمدو تهريبه = غصبن عليهم وصلو ناخيهم غصبن عليهم قدمو ترتيبه = وكوو كبود بغلهاء تنويهم وخذاء الصداره منهم غصيبه = بجهود ربعه مهو مترجيهم ويستاهل ابن الذيب وبن الذيبه = امحطم الخمسه على ناقيهم الله يرفع شانه ويعليبه = وينصر اهل دارن انتسب اليهم ويالله عساء المليون من نصيبه = ويرفع رئوس القوم الي يعنيهم ويرد كيد اللجنه ام الخيبه = لنحورهم والله يشهر فيهم وهي المنات اللي اناء وديبه = وطلب عساء الله يكشف اللي فيهم |
عطني إسمك وإسم أبوك مع القبيلة=يــا ولــد تكـفـى تـجــاوب هـالـسـؤال
قلت : هـو تحقيـق يـا البنـت الأصيلـة=قـالـت : إستـطـلاع يــا ولـــد الـحــلال قـلـت وعـيـونـي تـنـاظـر بـــه تخـيـلـه=الـجـمــال الــلــي مـزيَــنــه الـــــدلال الـعـيــون بطـبـعـهـا ســــودٍ كـحـيـلـه=رمـشـهــا وحـجـاجـهــا زاد الـجــمــال وصفـهـا مــا بــه مــع الـعـالـم مثـيـلـه=أطـيـب مــن الشـهـد والـجـم الـــزلال جسمـهـا / نظراتـهـا يــا عـزتــي لـــه=واحــــدٍ صــــوَب بـنـظــرات الــغـــزال رقبتـهـا / ضحكـهـا مــا أبـغـى بـديـلـه=والشـعـر مـثـل الحـريـر أكـبــر مـثــال فـالــعــذارى لا مـــديـــره لا وكــيــلــه=الـــوزيــــرة هـــــــي ولله الــكــمـــال ربـعــي عتـيـبـة لـيــا شـبَــت فـتـيـلـة=مـــن طبيـعـتـهـم يــضــدون الــرجــال مجدهـم فـي كــل وقــت وكــل ليـلـه=صيتـهـم عـالـي عـلـى روس الـجـبـال إسـمـهـا يـحــق لـــه مـنـهـو يشـيـلـه=يفتـخـر بـــه كـــل مـــا جـالــه مـجــال عــزوة الـجـار إن بــدا فالـوقـت ميـلـه=والـعــدو فالـمـقـبـلات مــــن الـلـيــال يبـشـر بمـوتـه مــن سـيـوفٍ صقـيـلـه=لـــو يـــدور الـحــول جـرحــه لا يـــزال وإن رجـع يـا سقـمـه ويــا ويــل ويـلـه=والله لــيــرجــع مـــصـــابٍ بـالـهــبــال يبطـي وروحــه مــن جـروحـه عليـلـه=مـــــا يـداويــهــا جــنــيــه ولا ريــــــال مـجـدهـا تـاريــخ مـــا واحــــد يـزيـلــه=فـــي جـنــوب الممـلـكـة ولا شـمــال شـرق ولا غـرب مــا نـرضـى القليـلـه=قسمنـا قسـم الأسـد فـي كـل حــال والـكـرم غـايـة لـنـا مــا هــو وسـيـلـه=والشجـاعـة عنـدنـا هــي راس مـــال والـوفـا خصـلـة مــن سنـيـنٍ طـويـلـه=والــمـــروة والـشـهـامــه والـــعـــدال وأمــا أنــا المـلـيـار كـسَــاب النفـيـلـه=ماجد إسمـي ولا أبـوي إسمـه هـلال |
يابنت انا من غدر الايام منحاط=وانتي تبين المعمعه والحناني
معاد لي في خانة الحب مزقاط=من عقب ما شفت الغدر والهواني عفت البنيت وصابني رمح الاحباط=وحزّت بنفسي جملةٍ في ثواني يا كيف ناكل جمر من راس ملقاط=ويا كيف ذلّونا بنيتٍ جناني ويا كيف سار الدرب في ضل الاسقاط=ونخضع لبنت اللاش هاك الزماني ماني مفرّط وأبغض ألشوف الافراط=الله معك والهرج مابه تفاني ماني من اللي هرجه هياط بهياط=اثبت فعولي قبل ينطق لساني روحي بلا رجعه كما روحة مقاط=اقفت به الدنيا ومن قبل كاني وياللي فهمت النمط من بين الانماط=هذي هي النشره وموجز بياني |
ولا ياناشد(ن) عني تراني = من أهل المعرفه واهل الحميه
عتيبي(ن) وساسي من عتيبه = ليا رديتها للعنصريه رجال(ن) صيتنا فوق الثريا = من ايام العصور الجاهليه تنشد وانشد التاريخ عنا = وتنبيك العصور الأوليه وتلقى ديرة الهيلا وداره = من الطايف ليا نجد العذيه ديار(ن) حازها فالوقت ربعي = بحد السيف ماجتنا عطيه وتدري بالمعارك والمغازي = وتعرف فعلنا في كل هيه يكم فارس طرحنا عن حصانه =وخلي طايح(ن) فالمهمهيه تعشاه الذياب الي تعاوى = بعد ماكان اله روحه وجيه ليا دارت رحانا فوق قوم(ن) = طحنا خصمنا والنار حيه ولن حانت مواقيف الصمايل = لنا وقت اللقا وقفه قويه كما هوج البحور الي تلاطم = تطم الأرض في يوم وعشيه وحنا اهل الكرم واهل الشهامه = يدانا بالسخا دايم نديه ليا جا الضيف كرمنا سباله = وسقناله دلال الشاذليه ولن جانا دخيل(ن) ماتندم = لقانا دونه حصو نن ذريه عن الدنيا وصكات اليالي = لونه شارب(ن) من سم حيه هذه موجز مهو بالعلم كله = تفاصيل العلوم الها بقيه قليل العلم يكفي عن كثيره = وصلى الله على خير البريه |
يقولون العرب برقا ويقولون العرب هم روق
................................. وأنا اقول العتيبي عز من روقه ومن برقا وأنا ما حدني كود الغشيم الجاهل المطفوق ................................ تعرضلي جعل حضه يطيح وعقب ما يرقا حسود(ن) صيته في الرقه وصيت عتيبه دايم فوق ................................. صحيح أن الحسود يغل ألا يا جعله للفرقا وأنا ودي أبينلك كلام (ن) مصدره ماثوق ................................ ترى عتيبه يا ولد الناس من الطايف إلى الزرقا تكاتف بينهم لحمه ولو أن للحجر منطوق ............................... يعلمك بسواياهم في غرب الأرض والشرقا هدفهم أنبل الأهداف لا عاشق ولا معشوق .............................. ولا قصة زمان طال فيه الهرج والقرقا أهل شيمه أهل قيمة عطاياهم جميل النوق ............................. أخذنا العز بكفوف (ن ) تخضبها دمى العرقا تحالفنا مع القايد زمانن كان فيه صفوق ............................. زمانن كانت العزه لمن سيفه قوي يبقى وشكلنا معه قوه مهابه خصمها مطبوق ............................. نبيع الروح لجل الحق وراية ديننا ترقا وقدوتنا أبا القاسم والصديق والفاروق ............................. ما هو لاعب حلق راسه وآخر حطله فرقا تعاهدنى على وهب الوطن حب وحنان وشوق ............................... نموت ولا نخون العهد ولو صار الزمن سرقا |
سلام لاهل الطيب ذربين الايمان = اهل الكرم والجود واهل الحميه
ذباحة الحايل كريمين شجعان = لطامة العايل الى زاد غيه على دروب المجد صوله وفرسان = كم واحد عدوه لحوض المنيه يالابتي ترى الفخر سيف واحصان = وانتم خذيتو كل طيب ومزيه يوم القبايل للميادين فزعان = كنتم لها لو كان عيد الضحيه بالراي والحنكه وبالدين صدقان = ماعندكم بالدين صكوك وهديه هذا ولا نقصد قبايل بحقران = باق القبايل في ضميري زكيه لاشك انا انسان عاشق وطربان = لفعول قومي مابها من خطيه وان كان في عشقي كبيره وبهتان = لااحد يجرمني بحب الهويه هيلا تواريخ تسطر للازمان = من فعلها كل يقول الحذيه عشقي لها عشق تسامى الى الآن = عشقي لها واجب وفرض عليه |
الطيب بين الناس يحتاج تحليل=والعلم ثابت والرجاجيل قدام
وانا علي اعطي للامثال تمثيل=واقول لاصارة مفاهيم واعلام النور واضح مادخل فيه تضليل=نور العقول اللي لها الطيب مقدام نايف ولد من يركب الكنس الحيل=اللي على العيرات بالشرق والشام حاز المفاخر مارضى يرقد الليل=من نار بن عروج في طيب لزام والغزوة اللي تتعب الجيش والخيل= محدٍ غزاها غير مقدم بني لام وابن الكثيري من سيوفٍ مصاقيل= من راس عودٍ من صعاصيع ضرغام ودارة ودارة واليالي مقابيل=تظهر علوم الناس عامٍ بثر عام ونايف برز مثل الجبل بالرجاجيل=احيا مئاثر كادت اتروح احلام ابومحمد من صقورٍ مداهيل=يكفخ بجنحان السعد فوقنا حام راس الطناخه من زحولٍ حلاحيل=مطنوخ والمطنوخ في صدره اوسام وخواله العتبان ذباحت الحيل= وعمامه العروج ياطيب الاعمام ياطى على الصعبات مايشكي الميل=ويدخل على الغبات لوكانت الغام من نجد من نبع الرجال المشاكيل=اللي نهار اللازمه درع وحزام قدام وجهه يفتحن المقافيل=من طيب قلبه يرتكز ساق وعظام يطول عمر اللي عطى البن والهيل=قيمه ومعنى ماحصل فيه مثلام سمر الدوب ومكثرات البهاذيل=ماوقفن معشوق من حطة الثام ولوغاب نجم الجدي مانفقد سهيل=كلٍ يشوف النجم في لليل الاظلام شيخٍ لك الصعبات كله تساهيل=تعتز من عزك صناديد وحشام |
حنا ترانا ياهل العرف عتبان =عتبان وإلنا الصعب غصبٍ يلينا
اللي لنا في هامة المجد نيشان =نيشان منقوشٍ بأنامل يدينا مجدٍمؤرخ من قديمات الازمان =ازمان عدة في السما معتلينا مجدٍبنوه أجدادنا فوق عمدان =عمدان مع طول الدهر شامخينا وهم من هوازن اصل ثابت وميزان=ميزان حقٍ لايسار ويمينا مجودين الساس وحنا له أركان =اركان ثبّت رغم عصف السنينا اول مزاياهم ذرفين الايمان=أيمان عدت طايلين اليمينا وثاني مزاياهم شجاعه وفرسان=فرسان في وقت اللقى ساطيينا اهل الوغى وان ثار عجٍ ودخان =دخان تفاقٍ يشيب الجنينا وان ثارت الهيلا كما ثور بركان=بركان في وجه العدا الطامعينا دايم هل الطالات من دون نقصان =نقصان ماياتي علينا وإلينا ويشرون حلو الموت وبغالي الاثمان=اثمان كاشٍ لاتدان وتدينا وميزانهم دايم على القوم رجحان=رجحان رغم اللي يحاول يهينا وإلنا على ماقلت شهودٍوبرهان=برهان مثل الشمس واضح مبينا وعزوتهم الهيلا للامجاد عنوان =عنوان عزتهم حزامٍ متينا برقا وروق إلها فروعٍ وجنحان =جنحان للهيلا وحصنٍ حصينا لطامة العايل هل الخيل وعنان =عنان الاصايل في يديهم رهينا وذباحة الحايل وللضيف هتان =هتان ممطر بالسمن والسمينا وايدينهم للجار تندى بالاحسان =احسان ويّا نخوةٍ ماتهينا وصولاتهم وان جات تهز الأذهان =أذهان منهو والشجاعة حتينا ويطيرون الراس من فوق الامتان=امتان منهم جوه وإلهم رطينا وشيوخهم كالنجم تبدي للأعيان =أعيان في وسط السما باديينا يشرون حلو الموت وبغالي الأثمان =أثمان كاشٍ لاتدان وتدينا أولهم ابن احميد حماي الاضعان =أضعان ربعه لابةٍ وافيينا وانا اشهد انه من سلايل كحيلان =كحيلان وسط الخيل حصانٍ ثمينا كم قادهم والراس اصوك وطربان =طربان للهيلا يقود السفينا وابن فهيد اللي له الطول والشان=شانٍ عظيم وعز من له عوينا ثم المحايا مروضة كل صنيان =صنيان تايه مير عوّد حزينا ويمشي على خطاهم سلاليل ربيعان =ربيعان سعد اللي لهم محتمينا وشليويح وقت الكون بيّن بليهان =بليهان هادر فوق منهو غوينا والضيط منهم ذكره اليوم قد بان=بان وتعّلى وعزوةٍ طيبينا وابا العلا مشهور هذاك سلطان = سلطان قومٍ يحتمون الضعينا وزريب زيزوم الاواليد وحصان=حصان جامح نزّح اللي حدينا والعذر لباقي المشايخ ولا هان =لاهان منهو ماذكرته و نسينا والنعم في باقي القبايل وتعبان=تعبان منهو يبهت المسلمينا لكن طرالي قاف والبال نشطان =نشطان ولمدحة هل الطاله شجينا معطاب صاغ القاف من قلب ولسان=لسان منهو يحكم القول فينا وغنت له الورقى على روس الأغصان =أغصان شعري لااجل ربعي تزينا ثم صدحت بصافي الشعر الحان =الحان تطرب من غلامٍ رزينا |
أسوق وضح القوافي من مشابكها = اسوقها حشمه ومقدار للغالي
وضحٍ كما المزن فالاوصاف تشركها = لارووحت تشرح الانظار والحالي اسمان مرباعها فالفكر مبركها = تسرح وضوي مع الافكار فالالي هذي عطايا الولي بالحسن مبركها = ابكار مابيعها لو زيد فالمالي لاشافها الحاسد اعيونه يعرّكها = وأقرى عليها الفلق وأنفث ليا جالي هذي معان القصيد احبكها واسبكها = واهديه للي لهم قدرٍ ومنزالي أهجوسي اللي تهجرس ويش حركها؟ = حركها شوف الفرح واصفى لي البالي ساعه نشوفك بها ياخوك ماابركها = في مجمع العز بين ادلال ورجالي من قوم منهاجهم صعبٍ مسالكها = بالطيب والعز والنوماس مجوالي ولا كل رجلٍ تمنى ذيك يدركها = من دون هذي وعوور اهضاب وجبالي وان كان ماتت عزوم النفس يتركها = أل كل خيلٍ على ماقيل خيالي هذي وصاتي ياخوك أفهم مداركها = أحفظ فروض الاله الواحد العالي وشروع رب الملاء جوّد مناسكها = تنفعك لامن ترك الاهل والمالي وابوك لامن دعاك . . رجليك برّ كها = وسمعٍ وطاعه وقل لبيه لاقالي هذي وصاتي وانا خابرك ماسكها = أخذ التجارب ولاهي قول قوّالي |
مـــــن يوم كل(ن) قام يكتب قصايد@@@ويعد نفسه من شراف البدايد
من يوم كان الرجــــل بالحيل هادي@@@اليوم شفته طاش ماهو بهايد يفــخر بشــــعره كـــن مافيه شاعر@@@ مثله ولا زيّه جابن الولايد يصيح صوته لا سمع من يوده@@@ويدس صوته عند راع العوايد ياكم من شاعر مدح في عتيبه@@@ماهو بوحده بس غنّا نشايد هـو مـــادرى انــــه لي فالعز هيبه@@@صميدع(ن) راسي بوقت الصمايد عــــتـــيــبـــه الهــيلا تراها عطتني@@@حب(ن) بقلبي والفرح والسعايد افــــــعـــــــــالها تشهد عليها عداها@@@لا شبت الهيجا براس الوقايد حريـــبــــــنـــــا مــايهتني في منامه@@@ياكم جرح(ن) جاه ماله ضمايد بــــــالرمــح والشلفا وضرب المهند@@@ماذاقت الراحه ببيض الوسايد لــطـامــة الـعـايــــــل عـلى كل جانب@@@ذباحة الحايل بوقت الشدايد وهـم حـــماة الدار مــــــن كـل غازي@@@وهم حماة العطفه ام القلايد يـهـابـه الـخصـم اـلشـديـد الـمـعـــادي@@@وان كان جانا العيد جانا يعايد زبـن الـدخـيـل الـلي دخـل فـي حـماها@@@تاطى على قوة شديد البنايد وريف الضعيف اللي شكى من زمانه@@@تعطيه لامن دار حوله عوايد افعالهم من قبل ماحد(ن) غواها@@@حتى الكتب تعلم بها والجرايد لو جيت اعدد وصفهم والفعايل@@@ماني بلاقي للوصايف عدايد توصيفهم للي بيعدد وصوفهم@@@شى على الشاعر كبير(ن) وكايد وانا عصيمي(ن) لياجاء لزومي@@@يعرف لزومي في نهار الطرايد اولاد عاصم محتمين الفعايل@@@قطم المحازم فالرخا والشدايد حنا صعاط الجن وحنا كعامهم@@@كم نخلف الهقوات هي والعقايد ياكم لوينا عنق خصم(ن) معادي@@@وياكم عدلنا من عدو(ن) محايد وانا ليا جاني خصيم(ن) محارب@@@لو كان يبغى فيد ماهو بفايد والله لأسوقه مثل سوق الركايب@@@ان كان من بيني وبينه مدايد وختامها صلوا على من دعانا@@@محمد الهادي عظيم الوفايد |
وينكم يا عيال عمي مااشوف مشركاتكم عسى ماشر
|
ياسلام يا سلام
اللـــــــــــــــــــه واكبر |
لا هنت اخوي على المرور والله يكثر من امثالك
|
| جميع الأوقات بتوقيت GMT. الساعة الآن 06:14 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها