[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
ياجاهلٍ بالنـاس نعطيـك تزويـد=تزويد فـي علـمٍ يفـك النشابـه
حنـا عتيبـه مـا علينـا مناقيـد=سقـم المعـادي لابغاهـا طلابـه
اعيال رجلٍ ما يبـي منـك تأكيـد=رجلٍ عتيبـي مـن قبيلـة عتابـه
حـرٍ حكيـمٍ ورّد العـز تـوريـد=طيّب ولا سكّر عن الضيـف بابـه
يشهد لنا كـل الرجـال الصناديـد=احـرار وعيـال الذيابـه ذيـابـه
ولا انت تشهد في كـلام المياليـد=يالجاهل اللي مـا حسبنـا حسابـه
ماهمنا في مـا يقـول الحواسيـد=الحـر بيّـن والذبـابـه ذبـابـه
وان كان تسمع ماحكى زيد واعبيد=البعد مـا يلغـي صـلاة القرابـه
حنـا عتيبـه طايليـن السواعيـد=حنا الذي تفخـر بنـا كـل لابـه
حنا الشجاعـه والوفـا والتقاليـد=حنا الكـرم والجـود حنـا زهابـه
حنا الجبـال الشامخـات الجلاميـد=حنا نجـومٍ فـوق هـام السحابـه
وانا ولد من هو يصون المواعيـد=انـا عتيبـي مـا نفتنـي شبابـه
انـا كبيـرٍ مـن كبـار الحماميـد=شاعر وعالم في علـوم الخطابـه
اعير سمعي للـذي يطـري البيـد=ذكـر البـدو ولاّ بذكـر الصحابـه
وادري زماني فيه نـاسٍ حواقيـد=وافعالهـم تشبـه لفعـل العصابـه
يوم الورق اصبح كبير الشواهيـد=يشهد لغيري بالاصـل وانتسابـه
مامامتوا اللي يعرفـون الاجاويـد=حتى ولو كشّر لنـا الوقـت نابـه
انخى بن ربيعان وانخى بن احميـد=اللـي لهـم بيـن الاوادم مهابـه
شيوخ قومٍ شوفهـم يجلـب العيـد=نفخر بهم فـي سلـم ولاّ حرابـه
وجهٍ به المعروف مابـه تجاعيـد=للقلـب يجلـي ضيقتـه واكتئابـه
اشكي لهم حالـي وكلـي تناهيـد=والحـر لايمكـن يغـيّـر ثيـابـه
حطوا على وضعي من الضيق تقييد=حرٍ ولكن مـا وصلـت السحابـه
ودي اطيـر لشوفكـم دون تحديـد=واشرح لكم جـرحٍ يزيـد التهابـه
جرحٍ من ضروف الزمن دايم يزيد=ونفسٍ يضيق ابها الفضا والرحابه
وقفاتكـم فخـرٍ وللجـرح تضميـد=نخيتكم والقلـب ينـزف صوابـه[/poem]


الشاعر ( جراح مناحي خلف الحمادي العتيبي )

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
ياالله يامعبود ياحي يا قيوم =ياللي على تبديل الاكوان قاوي
تبرج لقلبن به هواجيس وهموم=طاويه من هاجوس الايام طاوي
تغيرت الايام يومن بعد يوم =مافيه يومن مثل يوم متساوي
والسر مابين المعاليق مكتوم =والجرح يلقى له طبيبن مداوي
جتني بنات الفكرمع لذة النوم =صحيت من نومي واناله شفاوي
جبت القلم والبوك مغرم وملزوم=شعري غني وانابشعري غناوي
طرى علي القوم ومواجه القوم=على ضهور مبعدات الغزاوي
قومن لهم طبع وتقاليد وسلوم=اكل عليه الدهر عسر المطاوي
معادباقي غير تاريخ وعلوم =وروايتن يروي بهاكل را وي
يومن القبايل بين هازم ومهزوم =لي عزوتن منهاتهاب العزاوي
لوسع الميدان لرماح وسهوم =ربعي عتيبه مخلفين الهقاوي
لقبلو ركابت الخيل حثلوم =اوهموعليهم مثل نجم سماوي
وان حطو الميعادفي يوم معلوم =للخيل خياله وللموت هاوي
العمر له ساعات والاجل محتوم =والصبر عروى من قوي العراوي
دقلاتهم جمعن مثل دولة الروم =بندق وسيف وضرب رمح قناوي
وهيبة رجالن بينهمالراي مبروم=يكفيك عنها مايقول الخلاوي
لطامة العايل وذباحة الكوم =بالعسر باايام الزمان القساوي
اول منازلهم ورى ضلع الاكوم=وغربي حضن شرقي طوال النزاوي
والله جعل نجد من الغيث مرحوم =وعليه من مطلع ربيعه ظهاوي
تشاوروبراي والامرمحسوم=وكلن على الطرقه معزم وناوي
شجعان مابينهم دراويش ورخوم=وانحوكماسيل نسيله نحاوي
مع دربهم طيرالسعديدرج الحوم=يباالعشاءقدامه الليل ضاوي
والله كتب والله قسم كل مقسوم =وصب البلاوي في نحور البلاوي
وراحت قبايل نجدشتان وقسوم =وصفى جنابه من جميع البلاوي
وارست قواعدنجدنا دايم الدوم=في الديره اللي ماتجي بلمناوي
ماجت بحبت راس واكتاف وخشوم=الى بعدماجاءللمشوك تعاوي
في ظل شيخ عنده الراي محتوم =شيخن يصدر معضلات الدعاوي
تركي لاعرضن الارواح للسوم=حماي قطعان البدووالشواوي
ومسلط كمى حراًمع الجوصاروم=يهوي على خشمه هواية نداوي
وهذال اخو هملا ومقعد وسلوم=واباالعلاوايضابخيت العطاوي
وابن محياهيبته ترحي الزوم =يشهدعلى فعله كلام الفراوي
ومرزوق ابن فمصان وشثروم=والهيضل الهيضل بعيدالنهاوي
وابن جامع له المجدمرسوم=والضيط شالح مزبنن للجلاوي
ومحمدالعبودهامن للعلاهوم=وابن قشعان من دون العشايرقداوي
وحزام لمعارك الخيل خازوم =شيخن لميدان المعارك هواوي
ومحسن تاريخه عن المدح مخدوم=وبن زريبه لاردالبرى مايراوي
واللي بقي مدحهم مخلد ومفهوم=وارجوالسموحه من جميع النحاوي
امدح بني عمي ولاني بمليوم=حبلي على هداج تيماءرهاوي
وكل القبايل بينه بطيب مقسوم=يوم ابتهاج الخيل والذيب عاوي
واليوم حناشعب مكرم ومحشوم=في ضل سيف العدل واهل التساوي
ال السعودمناصرةكل مضيوم =درع الجزيره لشريعه نجاوي
واختامهااعدادماهل ديموم =صلوعلى راعي المقام النباوي[/poem]


[align=center]شعر / حمدان عليوي الشفيعي العصيمي[/align]

[color=#00FF66][size=7]جهد جبار وملحوظ أخوي برقاوي هواوي قمت به في هذا
العمل أنت وبقية الأعضاء المحترمين
الله يعطيكم العافيه جميعا[/size][/color]

ربعي عتيبه من العارضه ليأ لحره سقم المعادي أليـأ جـا العلم مردودي

.........................تحياتي............................

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
حنّا عتيبـة محتميـن المخّليـن=بعنا بسوق الطايـلات وشرانـا
قومن على صولات الايام قاسين=ولو عظنا ناب الدهـر ماقوانـا
يهابنا الطمّـاع لوقلبـه ذهيـن=ونبطش محلات الطمع لاغزانـا
لنا سلومن غاليـات المثاميـن=سلومنا محـدن حملهـا سوانـا
في سلم للوجه عامن وشهريـن=ودخيلنا مآمـون داخـل حمانـا
300لـيـل وازداد سـتـيـنتن=حى المنايا عنه هيبـة لحانـا
ومن حدّه الموت الحمر والديايين=تخيّر الحصن الحصين ونصانـا
وبالحيل نملا فارغات المواعيـن=بيض الصحون ومكرمات الصيانا[/poem]

[align=center]الشاعرالكبير كديميس بن صالح العصيمي[/align]

[quote=][/quote]
بيت القصيد فى قصيدة الشمرى (لقيت بالعتبان خمسة عذاريب) نعم هذا بيت القصيدة وشكرا اخوية عبد الرحمن على النقل الرايع

جزاك الله خير علي سرد هذه الابداعات اخي ا لكريم

[color=#0000FF]الله يسلمك أخوي فهد ولاهنت على المرور




وتسلمين ياوديان على التواجد[/color]

اخي الوافي اوردت قصائد مدح في قبيلة عتيبة وتشكر عليها ولكنك لم تذكر اسماء اصحابها امل ان تذكر هم والاسوف نحذف القصائد

تحياتي

[QUOTE=الحصان]اخي الوافي اوردت قصائد مدح في قبيلة عتيبة وتشكر عليها ولكنك لم تذكر اسماء اصحابها امل ان تذكر هم والاسوف نحذف القصائد

تحياتي[/QUOTE]


[color=#FF0000]
حياك الله أخوي الحصان وبالنسبة لقصايد أخونا الوافي فقد طلبت منه برسالة خاصة اسماء اصحابها فقال احدى القصايد نظم مجموعة من شعراء عتيبة في احد المنتديات واما القصيدة الاخرى ان حصلت اسم صاحبها ارسلته [/color]

يجب ذكراصحاب القصائد والا تحذف هنا لن توضع قصائد مجهوله وبعدين كيف نظم مجموعة شعراء ماهوالقصد

أخوي الحصان أشكر لك حرصك ولكن بعض القصايد لا يعرف شعارها برغم الجهود الحثيثة وبالنسبة لنظم مجموعة من الشعراء

حسب ما جاء في رسالة صلحب ناقل القصيدة أخونا الوافي


المشاركة الأصلية بواسطة برقاوي هواوي
أبو مسعد الله لايهينك اذا اسماء الشعار تعرفهم ياليتك ترسلهم



القصيدة الاوله مشتركه بين شعار منتدى عتيبه الهيلا كل شاعر يجيب بيت وعلى كذا ليس لها شاعر معين

الثانية ماني ذاكر الشاعر لكن بحاول ابحث عنه وارسله لك

يعطيك العافيه احس راسي وصل السما زيدونا من هالقصايد

يعطيكم العافيه

يعطيك العافية على الموضوع

وبنتظار جديدك
.
.
.
.
تحياتي

الزيادي

صح لسانك ويعطيك العافيه

يابن حمد مافيه شكٍ ولا ريب=الطيب خذتو ذروته ياعتابه
 

[align=center][size=5]اخواني الاعضاء

جميعنا يعرف أنه هناك شعراء هضم الأعلام حقهم في التوهج الأعلامي

رغم أنه يوجد من هم أقل من بعضنا شعرً ولكن خدمهم الأعلام واخرجهم

للساحه لذلك كانت هناك مبادرية مني ومن بعض الأخوان في تسجيل

والحفاظ علي تاريخ هولاء الشعراء ومنهم شاعر معروف أستطاع أن

يحاور العملاقة من الشعراء منهم أبن جرشان ومطلق وخلف بن هذال

وغيرهم وأستطاع أن يكون قاعده جماهيريه في وقتهم وأصبح يطلق عليه

قيصر الشعر ولكن للظروفه الخاصه انقطع عن المحاورة .لذلك كان له

لقاء معي ومع بعض الأخوان في أدارة منتديات البقوم في تسجيل لقاء

خاص به وذكر مجموعة من القصائد الرائعه وكان منها قصيدة مدح في

قبيلة عتيبة الهيلا لذلك أحببت أن اهديها لكم وأترككم مع ماقاله الشاعر

عن القصيدة في اللقاء[/size][/align]


[align=center][frame="7 80"][align=center][size=5]هذه قصيدة كتبتها في قبيلة عتيبة القبيلة المعروفة .ولها سبب وهو أن احد الإخوان من قبيلة سبيع صديق لابن حمد المغيري العتيبي جاني ومعه قصيدة لأحد أصدقاءه عجيب العتيبي يمدح فيها ابن حمد المغيري العتيبي وقال أن ابن حمد يعز عليه والقصيدة فيها بعض البيوت المكسرة لو انك تعدل بعض البيوت المكسرة قلت والله أنا ماني معدل قصيد عتيبة. عتيبة شعراء .تبيني اعلق علي قصيدة عجيب وأمدح .قال سو إلي تسويه

فانا علقة ومدحت

قلت أنا[/size][/align]





[poem=font="Simplified Arabic,5,burlywood,bold,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
سمعت صوت الذيب وأنا اعرف الذيب=ذيبً عواء للذيب الأخر وجابه
ذيب شكا ضيم الليلي الشلاهيب=كم ليل من همه وضيمه سرابه
هذا عجيب إلي علومه تعاجيب=قوله صحيح ولا بقوله غرابه
وعنز علي ربعه طوال الأشانيب=أهل الشجاعة والكرم والمهابه
ربعه عتيبه لطمة كل حريب=وسعد الرفيق إلي زمانه ثعابه
يابن حمد مافيه شكٍ ولا ريب=الطيب خذتو ذروته ياعتابه
شبابكم والي نصف دقنه الشيب= الكل منكم باع به وشترابه
والكم بميدان الحرايب تجاريب=وأيضا خوالً للنبي والصحابه
تشهد لكم بيض السيوف المحاديب=والفعل والفعال كلً درابه
جعل عليكم تطلع الشمس وتغيب=والرأس الأنصب منتصب بالعصابه[/poem]

[align=center][size=5]قيصر الشعر

مفرس بن فارس البقمي[/size][/align]

...............................................................................................[/frame][/align]

[QUOTE=عبدالرحمن النفيعي;144045][poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
ياناس حنا من ضنـا نجـد عتبـان=يشهد لنـا التاريـخ لوقلـت حنـا
حنا فياض وإن قسى الوقت ضلعان=حنا البحر مـدام هـالأرض منـا
حنا الرعد حنـا زلازل وبركـان=حنـا دمـار الكـون لوقيـل عنـا
حنا شعاع الشمس والليل خسـران=حنـا الليالـي لاأقبلـن ماوطـنـا
حنا غديـر يعشقـه كـل ضميـان=حنـا غـرام والعـذارى هـونـا
حنا الكرم والطيب شايـب وشبـان=حنا {{عتيبه}} مـن لنـا المجـد غنـا
حنا سيـووف هابنـا كـل خـوان=حنا السنيـن الماضيـه مـن بكنـا
حنا السماء لاصار بالأرض نقصان=بعد الولـي هالكـون منـا وإلنـا
حنا هنا واعرف بلا كـان ماكـان=حنـا هنا وهناك كنـا وإنــا
حنا وحنا لوبغـى القـول برهـان=المجد والعزه سـوى إكتبـنـا
شاعر وجيت من الفخر حيل طربان=دام الطـروق اللـي تغنـا لحـنـا
حنا قصيده شامخه تحـت عنـوان=حنا {{عتيبه}} وإنشـد الكـل عنـا [/poem]

[align=center]الشاعرنايف بن صقر بن مسعد الدلبحي[/align][/QUOTE]


[size=5][font=Comic Sans MS][color=#000000]مساكم الله بالخير
عندي تعليق بسيط على هالقصيده
المنتدى هذا يعتبر المرجع الاول بالنت للقبيله مفروض ان القصيده
اذا نقلت فيه تنسب لشاعرها او يعتذر الناقل عن ذكر الشاعر
والقصيده اللي فوق ماهي للشاعر الكبير نايف صقر
ارجو من الاخ الناقل التعديل والبحث عن الشاعر الاصلي
ونشكر ادارة المنتدى والناقل عبدالرحمن النفيعي على هالمجهود الطيب
لاهنتوا جميعا[/color][/font][/size]

مشكور ياعبدالرحمن ولاهنت يالغالي


تحياتي لك


ابــن روق

[QUOTE=VeTo;242568][size=5][font=Comic Sans MS][color=#000000]مساكم الله بالخير
عندي تعليق بسيط على هالقصيده
المنتدى هذا يعتبر المرجع الاول بالنت للقبيله مفروض ان القصيده
اذا نقلت فيه تنسب لشاعرها او يعتذر الناقل عن ذكر الشاعر
والقصيده اللي فوق ماهي للشاعر الكبير نايف صقر
ارجو من الاخ الناقل التعديل والبحث عن الشاعر الاصلي
ونشكر ادارة المنتدى والناقل عبدالرحمن النفيعي على هالمجهود الطيب
لاهنتوا جميعا[/color][/font][/size][/QUOTE]
واذا كنت تعرف القائل.... عط الاخ صاحب الموضوع الاسم الصحيح وان شاء الله يتم التعديل بناء على اثباتاتك,,,وشكرا

[size=4]مرحبا مشكورين على الردود
وهذه هي القصيده بالصوت[/size]

[url=http://www.algsed.com/algsed/jaber/15.ram]عتبـــان[/url]

[size=4]وهذه قصيده ثانيه للشاعر في مدح القبيله[/size]

[url=http://www.algsed.com/algsed/jaber/3.ram]برقـــا وروق[/url]

[size=4]وتقبلوا تحيااتي
اخوكم/
VeTo[/size]

تسلم أخوي عبدالرحمن على الابيات
مع تحياتي

[QUOTE=الحصان;190865]اخي الوافي اوردت قصائد مدح في قبيلة عتيبة وتشكر عليها ولكنك لم تذكر اسماء اصحابها امل ان تذكر هم والاسوف نحذف القصائد

تحياتي[/QUOTE]

[color=#00008B]
الحصان

مما يؤسفني ان يصدر هذا الكلام من مدير الموقع

فيا حضرة الحصان ليس هذا اسلوب إداري

ياليتك تأخذ دوره في فن التعامل مع الاخرين لعلك تعرف كيف تتعامل مع الاعضاء لكي لاينفضوا من منتداك ويتركوك وحيداً

كنت اتمنى ان يكون ملاحظتك عن طريق الخاااااص
ولكن اردت ان تظهر نفسك بالحازم امام الاعضاء وتتوعد بالحذف
فهل هذا اسلووووووب وطريقة مثلى لتعامل مع الاعضاااااء؟؟؟

كل وربي انها طريقة همجية ليس فيها تقدير ولا احتراااااااام
للاخرين.

ايها الحصان لعلك تكوووون عل اسمك

اعلم ان الاعضاء ليس في حاجة لك ... بل أنت الذي في حاجةً لهم

فتعامل معهم لاااائق

والا اترك العمل لمن هو قاااااااادر على ذلك



لقد لاحظت بعد طوووول غيااااااب ان اغلب المشرفين مستقيلين

واستغربت ذلك؟؟؟؟

ولاكن الان لا

عرفت السبب هو ذلك الحصان وفج تعاااااااااامله[/color]

up،،،،،،،،،،،،،،،،،،،،،،