مالك لوا يالأيمن

[font="comic sans ms"][size="6"][color="purple"]السلام عليكم ورحمة الله وبركاته

مساكم الله بالخير والرضى ياعتابه

وش رايكم بـــ ( الريال العملة المعدنية )

والهنوف النخله وعيالها السيفين - إذا صح مجازا تسميتهم عيالها -

تحياتي لكم[/color][/size][/font]

فهد الروقي ==< صح لسانك الريال العمله المعدنيه

صح لسانك يافهد الروقي وبيض الله وجهك
مافيك حيله ما شاء الله تبارك الله


لا هنتي يابنت عز على اللغز الرائع والله يعطيك العافيه

السلام عليكم

صح لسانك

ما شاء الله


تحياتى

[font="comic sans ms"][size="6"][color="purple"]صح بدنك يابنت عز

وكل الشكر على هذا اللغز الرائع

دمتم بخير[/color][/size][/font]

[color="slategray"]ولاهنت ياولد ثابت

تشرفت بحضورك[/color]

[font="comic sans ms"][size="6"][color="purple"]صح بدنك ياولد ثابت ووجهك أبيض

وما عليك زود يالذيب

ولا اعتبر نفسي الا من تلاميذك أيها الاستاذ الفاضل

دمت بحفظ الرحمن[/color][/size][/font]

[color="slategray"]الأيمن‏=‏‏=‏‏< اللغز فك شفرته فهد الروقي ‏

فهد ==< تسلم ‏[/color]

بالعكس يافهد أنت من الاساتذه ونستفيد منك في طريقتك الرائعه والنادره في مجال الألغاز والكل يشهد على كلامي


لآ هنت يابن العم

هذا هو شعار الدوله سيفين ونخله واسمه مكتوب عليه المملكه العربيه السعوديه ويركب على البريه العسكري ويكتب عليه اسم الوحده العسكريه ااحيانا ويوضع على الريال المعدني ايضا وسبق وان حليت اللغز تقولون والا ماتقولون

إبن ثعلي تامر على أرقبنا مو لغز

بس كذا قريت الجواب وأنا ماصار لي شهرين في هالمجال بس مثل ماقريته كتبته ومثل ماكتبت اللغز كتبت الأجابه

إبن ثعلي أنت أكبر من أنك تراهن على لغز اللألغاز هي اللي تراهن عليك...

وجودك مشكور مليون على تواجدك في فترة غيابي لعديت أخواني عديتك معهم...

[quote=إبن ثعلي;901476]هذا هو شعار الدوله سيفين ونخله واسمه مكتوب عليه المملكه العربيه السعوديه ويركب على البريه العسكري ويكتب عليه اسم الوحده العسكريه ااحيانا ويوضع على الريال المعدني ايضا وسبق وان حليت اللغز تقولون والا ماتقولون[/quote]


خلك معي يالقاضي دقيقة لآهنت

النخله والسيفين ماعليها اختلاف فلذلك ماني موضح شي يخصها

نتكلم عن الرجل فقط ونشوف الفرق يالقاضي

انت تقول شعار الدوله هو الرجال
انتبه الرجل)شعار الدوله( طيب قلت يالقاضي إن البدله العسكريه مكتوب عليها المملكة العربيه السعودية وين لفظ كلمة شعار الدوله<< هذي نقطه
والنقطه الثانيه إن سم الدولة مؤنث واسم الوحده العسكرية مؤنث

والنقطه الثالثه إن الاسماء إللي تذكرها تجي مكتوبه جنب النخله والسيفين ماهو مثل طريقة ريال المعدن
رجل ويحمل البنت والولدين في داخله

هذا توضيح لكلامك المقتبس

وبما إنك تقول حليت اللغز من أول رمعه


فرمعتك كانت العلم يحمل البنت وعيالها
‏
لفظ كلمة العلم مكتوب عليه<<لا

افضل رمعه كانت رمعة الجادل
قالت جواز السفر وكانت رمعتها افضل من رمعتك بخصوص الرجل
حتى لو كانت رمعة الجادل
كالآتي:
جواز السفر مع الناس معروف
ويحمل النخله والسيفين

دقق على الجاي يالقاضي
واسمه جواز سفر ومسجل عليه الأسم لفظآ وكتابتآ )جواز سفر(

إلى هنا رمعة الجادل 100%

ولكن الشطر الأخير يركب على الريال المعدني

لأن جواز السفر لو تصفقه الشمس اختلف اسمه المكتوب ولو حكيت الأسم بصنفره طييرته ويبقى دفتر الجواز بدون اسمه إللي اللغز يقصده


يمكن تقول يالقاضي حتى الريال المعدني لو نذوبه ونصهره راح اسمه<<صدقت يالقاضي ولكن يروح الأسم والريال المعدني سوى ويصيرون سائل
يعني الرجل راح قبل يروح اسمه


الريال المعدني

مكتوب عليه

ريال ،،، واسمة ريال

وهذا هو المعنى إللي حاولت إني أوضحه لك


احترامي يالقاضي

على فكرة ترى الجادل قالت جواز السفر واسم الاب والام في داخله

ولكن أنا قلت في شرحي عشان اوضح حتى لو أنها جابت النخله والسيفين كانت اجابتها خاطئه ولكن هي الافضل

وجودكــ يكفي تحليلكـ للغز حدهـ منطقي
مشالله عليكــ

وفهد الروقي صح لسانك

وبنت العز لاهنتي وبنتظار لغزج الجاي يابعدي


وانا السمله علي بغيت اجيب هدف بس ضربت العارضه ^_^

[color="black"][size="5"][b]اعطي اللغز 70 % ماهوب هاك الوارد[/b][/size][/color]

يعني لغزي مو حلو

أفا يالقرم بس مقبوله منك...

عاد أنا أقول لغز محبوك100%

[color="black"][b]ماهو على ان اللغز ماهوب حلو بالعكس ممتاز

لكن هل من اللغز نعرف انه يركب فقط على الريال المعدني هذا معنى كلمة وارد انه موصل لـه تقريبا 70 %

هذي وجهة نظري ويعطيك العافيه[/b][/color]

الله يعافيك يالقرم وتواجدك تشريف

وجودك يكفي
العلم رمعة واحد قبلي ماهو انا اللي قال العلم انا قلت شعار الدوله والهنوف النخله وعيالها السيفين والاسم يتغير حسب موقع الشعار لكن انت ماقرأت كلامي زين
وتحياتي لك

ماهي مشكلة يابو عبدالرحمن إن قلت شعار الدوله أو قلت العلم

بالعكس العلم اقرب لأنه رجل يحمل السيفين والنخله
ولكن شعار الدوله عباره عن سيفين ونخله والسيفين والنخله عباره عن شعار الدوله
من الحامل ومن المحمول يابن ثعلي؟؟



ركب رمعتك إللي في ص2 على اللغز شطر شطر
وركز على الشطر ماقبل الأخير شف رمعتك تضبط أو لا


لك ودي واحترامي

الشعار يوضع على حامل معدني والا خشبي والا ورقي او حتى قماش ويكتب اسمه عليه حسب الغرض الذي اوجد من اجله واهم شئ في اللغزالهنوف وعيالها

[QUOTE=إبن ثعلي;901670]الشعار يوضع على حامل معدني والا خشبي والا ورقي او حتى قماش ويكتب اسمه عليه حسب الغرض الذي اوجد من اجله واهم شئ في اللغزالهنوف وعيالها[/QUOTE]

من قال أهم شي في اللغز الهنوف وعيالها

اللغز يقول انشدك عن رجل !!!!

اسمح لي يابو عبدالرحمن اسوي مقارنة بين إجابتك وإجابة فهد الروقي

اجابتك مع شرحك مقتبسه فلا داعي للإعادة

وهذي إجابة فهد الروقي مع الشرح

انشدك عن رجلن مع الناس معروف=يحمل هنوف تنقل عيالها اثنين

[URL=http://arabsh.com][IMG]http://dc01.arabsh.com/i/01002/gckmj0a0qbh9.jpg[/IMG][/URL]


اسمه مسجل فيه واضح ومكشوف=ماينمحي لو ياخذ اشهور وسنين

[URL=http://arabsh.com][IMG]http://dc01.arabsh.com/i/01002/1tbyueglglwo.jpg[/IMG][/URL]

اسمه ريال ومكتوب عليه ريال هنا الكلام
ولا تنسى إن اسمه مذكر مالنا ومال اسم الوحده او اسم الدوله

الفرق واضح ياحضرت القاضي

أحترامي لك

ماودك تعترف بالحق لااقل ولا اكثر
شعار الدوله مكتوب فوقه المملكة العربيه السعوديه وبعضه فوقه الجيش العربي السعودي وبعضه مكتوب فوقه ريال واحد ولا تمحي الكتابه الى الأبد في قطعة نحاسية او قطعة نيكل او فضيه او حتى ذهبيه مثل الريال لاتفرق عنه باي شئ سوى حروف الأسم

ههههههه يابن ثعلي
انت بعد ماودك تقتنع

انا حطيت لك صور عشان تدقق فيها على راحتك


يابو عبدالرحمن الله يرضى عليك رمعتك كانت

شعار الدولة
يعني لازم يكون مكتوب شعار دوله في شعار دوله فهمت وانا اخوك

اسمه مسجل فيه
دقق على ))فييييييه((


بجيب شي من معنا كلامك

وزارة الدفاع والطيران
أو
رئاسة الحرس الوطني
تحمل شعار الدوله

شعاراتهم فيها سيفين ونخله.. طيب وبعدين...

من الرجل إللي يشيل السيفين والنخله
بتقول شعار الدولة
والمكتوب وزارة الدفاع والطيران او رئاسة الحرس الوطني

لازم تمسح الاسماء وتحط بدالها كلمة شعار دوله


وبعدين خلنا مع رمعتك الأولى في ص2 قلت شعار الدولة يحمل السيفين والنخلة

وانا اقول شعار الدوله عبارة عن سيفين ونخله

والسيفين والنخلة ترمز لشعار الدولة

ورمعتك في ص 2 ماتركب على اللغز حتى لو ودي أركبها ماقدرت أركبها كيف عاد إذا ماكان ودي اركبها على قولتك هههههه أكيد ماراح تركب

الرمعه رمعتك واللغز قدامك حاول تركبها على اقل من مهلك ولاتنسى تشيك على صورة ريال الهلل

ترى الريال يابن ثعلي شايل شعار الدولة إللي أنت تقول إنه الجواب

يعني جواب فهد شايل جوابك يابن ثعلي


احترامي

[color="slategray"]تراي مقهوره جدا جدا ‏


أنا مدينه لزيادي وإبن ثعلي،،،

والبنات مدينه للجادل وملاك وبنت العتيبي

ولأنسى صديقيني عبرود والأدميرال وجودك والعطا وريمتنا

ودي أقول صح لإبن ثعلي ولا ليش ودي إبن ثعلي صح==< ماهو لغزي كيفي ودي أخليه صح

بس الريال المعدني صح ‏%100

وترى ماصارت قضيه خلاص ==< وربي يابن ثعلي حاسه بتأنيب الضمير دايم تجاملني وأنا ماقدرت أجاملك...



[/color]

يابنت عز مافيه شي يسبب الضيقه والزعل

ابن ثعلي اخوي الكبير ونتناقش بخصوص معاني لغز لا أكثر ولا أقل

والاختلاف تراه بين إجابات اللغز ولاهو اختلاف بين شخاص

ياخوي اللي يشيل الريال هو اللي يشيل الشعار

الريال
8
8
ريال محسوس وملومس ومتداول بين الناس+ريال مكتوب في داخل الريال المحسوس+ريال لفظآ ومعنى
صاروا ريال+ريال+ريال والريال المحسوس يحمل شعار الدوله المكون من سيفين ونخله

وشعار الدوله دائما محمول ولا يحمل شي ولو قلت على بوابة الوحدات العسكرية صارت البوابه هي إللي تحمل الشعار ماهو الشعار إللي يحمل البوابه ولو قلت على البدله العسكرية كذلك صارت البدله هي إللي تحمل الشعار

ماعندك إلآ طريقة واحده وهي أن
تصنع شعار وتكتب في داخله )شعار الدولة(
ومن الجهه الأخرى تضع رمز الشعار سيفين+نخله

وإذا انتهيت من صنعه

نتناقش في معنى جديد ماجبنا له طاري
والمعنى الجديد للتفضيل بين جواب الريال وجواب الشعار وليس لنفي الشعار تمامآ ولكن نشوف الأفضل بين الاثنين

الشعار في الوحدات والألوية والأعلام وفي جميع الأماكن العامة يركب على الشطر الأول ولكن الريال افضل بنسبه كبيره

؟؟

يقول الشطر الاول


انشدك عن رجلن مع الناس معروف=يحمل هنوف تنقل عيالها اثنين

يقول رجل ))مع(( الناس معروف
ولم يقل رجل عند الناس معروف
وهذا يركب على الريال لأن الريال مع الناس وفي مخابيها بعد... والوحدات العسكرية مستحيل تكون مع الناس مثل الريال

لو قال انشدك عن رجلن )عند( الناس معروف
تركب على شعار الدوله لأنه معروف عند الناس وليس مع الناس

يمكن تقول الشعار في بطاقة الأحوال وبطاقة الأحوال تحمل الشعار وليس الشعار من يحمل البطاقة وبطاقة الأحوال لولآ أسمها المؤنث تكون رمعة طيبه لأنها ليست مثل الريال اسمه مذكر وماينمحي لو ياخذ اشهور واسنين


الريال متداول بين الناس وهو مستقل بنفسه واسمه.. ويحمل شعار الدوله

والشعار ليس متداول بين الناس وإذا كان متداول فسوف يكون محمول في داخل شي أو على شي
في داخل شي مثل كرت العائله وبطاقة الاحوال والجواز أو يكون محمول على شي مثل البدله العسكرية
وماسمعنا شخص يقول لآخر عطني شعار الدوله..خذ شعار الدوله..
لاحظ إن كل شي يحمل الشعار له اسم يختلف عن الشعار ويعرف به بين الناس

والريال لاتعليق



الشعار اسمه يكون متداول عند فئه معينه من الناس
على سبيل المثال
افراد الفوج في الحرس الوطني
لأنهم يضعون الشعار على العقال
وإذا واحد ضييع شعاره يقول لزميله عندك شعار

حليت لك طريقة البيت الاول
ولكن لو قال كاتب اللغز

انشدك عن رجلن مع هل الفوج معروف

كان صار اللغز مليان هذا إذا كان حل اللغز هو الشعار

ولو قال كذا

نرجع لمشكلة البيت ماقبل الأخير

شعار واسمه مسجل فيه))شعار((
ويكون قائم بنفسه لا بغيره



هلي يابن ثعلي بغت تركب رمعتك إلا شي بسيط


والله إن الشعار على العقال فكرة جميلة لكتابة لغز

بس يمكن نكتب لغز حله الشعار وتجي يابن ثعلي وتقول،،، الحل الصحيح الريال ماهو الشعار


لك ودي واحترامي ودمت بخير يالغالي

يااخي الشعار اللي اقصده قطعه كامله مثلها مثل الريال وتلصق على البريه العسكري مافيه فرق بينها وبين الريال ويرتديها كافة العسكريين واللي خلاني اهتدي للحل كان امامي عسكري وشعاره على جبهته

طيب يابو عبدالرحمن

هل الشعار إللي كان مرتديه العسكري مكتوب عليه كلمة ))شعار((

[color=blue]<< كالعاده يايه آخر الناس ههههههههه[/color]
[color=blue][/color]
[color=blue]واول ماقريته طرى عبالي جواز السفر[/color]
[color=blue][/color]
[color=blue]بنت عز لاهنتي على هاللغز الطيب ويعطيج العافيه[/color]
[color=blue][/color]
[color=blue]وصح لسانه الاخ فهد الروقي ..الف مبرووك[/color]
[color=blue][/color]
[color=blue][/color]