[poem=font="Simplified Arabic,4,white,bold,normal" bkcolor="firebrick" bkimage="" border="double,4,burlywood" type=0 line=0 align=left use=ex num="0,black"]
خلاص أنا طويت الاوراق واقفيت
ولا عاد لي في ماض الايام رده
كل الايام الماضية ماتهنيت
تعبت من جور الليالي وعده
ما رجم الا فوق راسه تعليت
راع الهوى الولهان محدٍ يرده[/poem]

[img]http://www.online-florists.ca/images/online-florists-catalog.jpg[/img]

[poem=font="Simplified Arabic,4,white,bold,normal" bkcolor="deeppink" bkimage="" border="none,4,gray" type=0 line=0 align=center use=ex num="0,black"]
مثل الرواسي هامتي شامخة فوق
عن واطي الزله أعانق سحابه
دامي أعزالنفس بألقالها سوق
ويصيرلي بالناس قدر ومهابه[/poem]

[rams]http://www.eqla3.com/sh3r/voice/estaktharak_wagty.ram[/rams]

[poem=font="Simplified Arabic,4,silver,bold,normal" bkcolor="tomato" bkimage="" border="none,4,gray" type=0 line=0 align=center use=ex num="0,black"]
تساوت عندي الدنيا تساوت=وهي يومك قريبٍ لي تفاوت
حياتي عقب نورك مثل ليلٍ=جميع نجومه من أدنى تهاوت
إلا يانصحٍ بالطب روحي=تراها لو لقت طبٍ تداوت
ولكن من يعَوضني بخلٍ=معاليق الضماير به تلاوت
أنا وياه من عهد الطفوله=مثل قلبين في صدرٍ تخاوت
يجي عقبه فرح ولا حزاين=تساوت عندي الدنيا تساوت[/poem]

[rams]http://www.eqla3.com/sh3r/voice/tesawat_3ndi.ram[/rams]

[poem=font="Simplified Arabic,5,white,bold,normal" bkcolor="green" bkimage="" border="ridge,4,white" type=0 line=0 align=center use=ex num="0,black"]
سحاب أنا من بدَة الناس مغليك=أغلى علي من الهوى في حياتي
سحاب سميتك على غيث واليك=ياغيث قلبي فرحتي يانجاتي
أخايل بروقك وأراعي مناشيك=وأشفق على هل المطر منك ياتي
سبحان من علاَك عن كل راجيك=أرضٍ تعدَاها حياها فواتي
هواك طوفني معك في مساريك=من فوق أناظر قالبين العباتي
جذبتني بألوان خط الحيا فيك=لونت عمري بالمحبه وذاتي
مثل النَدى للورد بالقلب طاريك=ربيع عمري شوفتك ياغناتي
أهوى نهارك وأتعشَق لياليك=وآزن على نبرة حديثك إغناتي
سحاب مالي طمعةً يوم أناديك=الاَ أني ألقى في نباتك طراتي[/poem]

ياخي ما شفتـه مـع السـوق ياخـي****ولا ذكـر لـك لـو دونـه مسـافـه
الله يبلـى مـن بلانـي وانـا حــي****بالغصـب طوعنـي بليّـا عسـافـه
يا طي قلبي طـي طـيٍ علـى طـي****طي الجرايـد فـي مطابـع صحافـه
عليك يا جافل من الريـح يـا ظبي****يا شيـن قلبـك مـا بقلبـك مـرافـه

[align=justify][poem=font="Simplified Arabic,4,white,bold,normal" bkcolor="purple" bkimage="" border="inset,5,deeppink" type=0 line=0 align=center use=ex num="0,black"]
ياقديم الغوص في بحر الهوى=وش لقيت بغبة البحر الغزير
علَم إللي جس شطه وأهتوى=مابعد جرب طويله والقصير
قالوا أنه من ركب موجه دوى=من فعل موجه غريقه يستجير
وأسمع إنه من لمس شطه غوى=مايفرق بين بحره والغدير
وأسمع إنه من على تركه نوى=يجذبه سحره ويرجع له كسير
لو تجرح فيه قلبه وأكتوى=مايتوب ولايريح ويستخير
وش جمع حلوه على مره سوى=هي حلاة الحب في الكاس المرير
رغَبوني لين قلبي له هوى=وأنذروني لين صدقت النذير
خوفوني منه والقلب ألتوى=راغبٍ ومعيف والخايف يحير
هو صحيح أن الهوى ماله دوى=خبر إللي جاك عاني يستشير[/poem][/align]

[poem=font="Simplified Arabic,4,white,bold,normal" bkcolor="burlywood" bkimage="" border="ridge,5,royalblue" type=0 line=0 align=left use=ex num="0,black"]
الولع غنََى وأنا فيني ولع=هاظني مغناك ياورق الحمام
مثلك أصوت ولاحيٍ سمع=مالقيت أحدٍ ولو ينقل سلام
غيََبه عنََي زماني وأنقطع=ول ياوقت التفرق والهيام
وين غيََبت إللي بقلبي زرع=زهرة الأشواق وغصون الغرام
ياقمر عمري إلى منه طلع=خيََمت عقبك دياجير الظََلام
كل حََرٍ لين ضيََق به جزع=القهر ياصل به حدود العدام
كل مالمته هوى قلبي شفع=ذاحبيبي كيف محبوبي يلام؟
لو تمادى بالتََغلي والدلع=ماتمادى بالقطيعه والخصام[/poem]

[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
سنه مرت .. بقاء منها على ان تكتمل .. شهرين
وانا والله يالغالي .. اهل دموع .. ماصحتك

بصدري صرخة .. ودي لو اصرخها ولكن .. وين
احس اني لو اصرخها .. ثمان اسنين ماارتحتك

انا ودي اصدق بك .. واحس بموتتك .. ذالحين
ولكن يابعد قلبي الى صدقت بك .. رحتك

واشوفك واقف قبالي .. اشوفك شوفتي بالعين
واسولف لك واحس انك .. تعاتبني الى نحتك

واشوفك بيدك الدله .. اقول تصب وتقهوين
واحلف اني انا امسكها .. وقلت ان قمت لك لحتك


تعلمت الجساره والعساره منك يالذيبين
وتعلمت ان المروه .. شيمتك وان الكرم تحتك

وحزت الطيب من طيبك .. وباقي حايز ثنتين
ًًٍََِمعزة نفسك وفعلك .. وهذا فيه فرحتك

يبه قلي .. يبه وينك .. يبه ياغالي الغالين
انا ادري بذاك اليوم .. بدمع العين سبحتك

تقطع قلبي لشوفك .. ولاني قادر لك شين
على فراش المرض ياليتني كنت انت واجتحتك

وسنه مرت بقاء منها .. على ان تكتمل شهرين
واناوالله يالغالي اهل دموع .. ماصحتك[/poem]

[poem=font="Simplified Arabic,6,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
تاخذني بالترحيب وأنسا خطاياك
لي جيت عاتب نظرتك أوقفتني

ولي أبعدت عني أتكشف نواياك
ولي دنيت أركيك يالشوق متني

خذها همومي كان هذي عطاياك
يكفي ترى بغربالها لوعتني

الطيب لو ينفع مع أمثال شرواك
لنايفه أفعال يدي أوصلتني

بس للأسف كل الأسف مقدر أنساك
لي نسيتك دمعتك ذكرتني

يومك تهل ووابل الدمع سلواك
رفعت ضيم المعظله ورهقتني

ورجع أقول بداخل القلب حياك
ميت هلا بأبعاد الي ملكتني

حرام أني أقطع بك الوصل وجفاك
الى الدهور من البسيطه نفتني

ولي خلقك بكل زينك وسواك
منساك لو أنسى التي أرضعتني

وهلحين فارق طس يعدين القاك
واعلمك فرقاك وش كلفتني[/poem]