[poem=font="Andalus,5,white,bold,normal" bkcolor="transparent" bkimage="backgrounds/28.gif" border="inset,4,burlywood" type=3 line=1 align=center use=ex num="0,black"]
كم جئت أحمل من جراحات الهـوى
نجـوى ، يرددها الضمير ترنُّما

سـالتْ مع الأمل الشهي لترتمي
في مسمعيكِ ، فما غمزتِ لها فما

فخنقتها في خاطري ! فتساقطتْ
في أدمـعي ، فشـربتها متلعثمـا

ورجعتُ أدراجي أصـيدُ من المنى
حلماً ، أنام بأفـقـه مـتوهـما

أخـتاهُ ! قد أزف النوى فتنعمي
بـعدي فإن الحب لن يــتـكلمـا

لا تحسبيني سـالياً ، إن تلمحي
في ناظري ، هذا الذهـول المبهما

إن تهتكي سر السرابِ وجـدتِهِ
حلم الرمالِ الهاجعاتِ على الظـما!![/poem]

[poem=font="Simplified Arabic,5,white,normal,normal" bkcolor="transparent" bkimage="backgrounds/3.gif" border="none,5,purple" type=0 line=0 align=center use=ex num="0,black"]
أنا جيتك على نفـــس الطـــريق اللي معه مدّيت
أنا جيتك عقب طول الغياب أرافق أشــواقي

أنا جيـــتك و لا تســأل دخــــيلك لـــيه أنـا ردّيت
أنا ما جابـــــني لك غــيـر حبٍ بالحشى باقي

مســاءاتي حزينه وأنت في فكر القـــلق حلّـيت
شكيت وما لقيت إلا قصــيــدٍ يحرق أوراقي

سكون اللــيل وآهاتٍ صداها يحتـضــر في بيت
لــك الله و ان****************ات الكرى ما تذكر ارماقي

تخيّل يا حبيـبي مــن همــومي وش كثر عانـيت
أنا هــــــمّي كبيــــرٍ ما يعرفه... غير خلاّقي

صباحي هم بعدك والمساء همٍ معي لـ.امسـيت
أموت من العطش وأنا فـ. بابي يجري الساقي

غريبٍ و ضاعت دروبي بغيــــت دروبها ضليت
غدا عمري رحيـــل و صورتينٍ تسكن إحداقي

ضلوع ٍ تعبت تهدّي خفـوق ٍ ما نساك وجــــيت
تخيّـــلتك بحـــــلــــمي سيّدٍ فــي عرشك الراقي

طلبت أحلى القصيد وقلت يا وبل الحيا هلّـــيت
عسى الشعرالذي ما يطربك ما يعيش فـ.اعماقي

أنا جيـــتك على نفس الطريق اللي معه مــدّيت
أنا جيتك و باكر عارف انه مـــــوعـــــد افراقى [/poem]

[poem=font="Simplified Arabic,5,white,normal,normal" bkcolor="sienna" bkimage="" border="ridge,5,darkred" type=1 line=0 align=center use=sp num="0,black"]
ياشاكي الوقت وازعاجـه=ماعادبـه شـي يعجبنـا
ارواحنـا فيـه دواجـه=واحوالـنـا ماتناسبـنـا
لكن على رغبة امواجـه=نبـي نسيّـر مراكبـنـا
في حال ونحاول إنواجـه=لو هو بيكسـب ويغلبنـا
يرسم للانسـان منهاجـه=لكـن بكيفـه يحاسبـنـا
شوف الحزن ثبّت اسياجه=من طفلنا ـلين ـشايبنـا
ياصاحبي غاية الحاجـه=في بعض الايـام تكتبنـا
تفرض على رافع احجاجه=يمشي على امـر مذنبنـا
في شرقنا النار وهاجـه=في غربنا الموت يطلبنـا
والحب مايفتـح ادراجـه=الا ّ علـى شـان يتعبنـا
والباب يهمس لمزلاجـه=من حلمنـا وش يقربنـا
ياكثر مانصعـد ابراجـه=ياكثـر ماهـو يغّيبـنـا
كم جرح مانطلب اعلاجه=نبيـه يبـقـى يعذّبـنـا
لأنـه يرتّـب افـواجـه=ويحطّنـا مـع حبايبنـا
ليت العتب ينفع بحاجـه=كان استرحنـا وعاتبنـا
لا ليل يرتـاح لسراجـه=ولا شمس تعتق مناكبنـا
تدري انا اقول لك حاجه=احسن ولا شـي يعجبنـا [/poem]

[color=#330000][B][size=4]للشاعر عناد المطيري[/size][/B][/color]

[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="none,5,gray" type=0 line=0 align=center use=ex num="0,black"]
ياليت بعـض النـاس مثلـي و تشتـاق
(( يا جارة الـوادي .. و أيـاك أعنـي ))

صـدك ذبـح فينـي مفاهيـم الاشـواق
و اسقى عروقـي للفـراق .. و زرعنـي

ما غير واقف لك و اغنـي علـى سـاق
ابعـد بعيـد مـن الخـلايـق سمعـنـي

القـرب دافـي .. لكـن البعـد حــراق
تكفـى .. بعـادك للكـآبـه .. دفعـنـي

لا تنشد الدمعـه عـن .. أيـام الاحـداق
و لا عـن الاحـوال و البـال .. طعنـي

مـا عـاد ياسعنـي مساحـه و لا أفـاق
من ضيقتي .. ما اشوف شـيءً وسعنـي

كتبني التاريـخ .. فـي صفحـة فـراق
و بصفحة الاحـزان .. جـار و طبعنـي

دخلت .. انا و الحزن .. (غيبوبة عنـاق)
بعثرتنـي .. و الحـزن عقبـك جمعنـي

مانيب شاعـر .. بـس صادقـت الاوراق
و أصبحت نجم .. و حزني اللي صنعنـي

لي معجبين .. و لي مكانـه .. و عشـاق
و لي وضعي اللي فيـه ربـي وضعنـي

و رغم اختلاف الناس في بعـض الاذواق
انت الوحيـد .. اللـي بغيـت و منعنـي

انا .. و ليلي .. و أثمن كنـوز الأعمـاق
نشريك .. و انـت تقـول طالبـك بعنـي

الله كتـب بأنٌـا نحـبـك .. و ننـسـاق
أتركني أرضى بأمـر ربـي .. و دعنـي

انا و قلبـي .. نأخـذ لقلبـك .. سبـاق
أنشد: وصلنا .. قـال : يعنـي و يعنـي

و انا ادري انك تملك احسـاس و أخـلاق
أحساسك اللـي مـن عروقـي نزعنـي

وش فيك؟ .. ما تفهم؟.. ترى جٌد مشتااااق
سيف الثوانـي فـي غيابـك .. قطعنـي [/poem]

[color=#000033][B][size=4]للشاعر عبدالله ذويبان[/size][/B][/color]

[color=#663300][size=5]...
...
...


لا تحسبني بالبعد بنسى غلاك
لا واللذي له النفس مردوده

دايم بوسط الليل بالحلم القاك
وياما تمنيت الحلم تصدق شهوده

اخفي دموع العين لحل طرياك
فكري على ذكراك قلبي يقوده

قلبٍ يداريك ماظن يخفاك
قلبٍ بحبك يوم اثبت وجوده

غلطان منهو بالهوى يصبر على جفاك
مسكين من بالهوى تنوي اصدوده

اخشى عليك من البشر لا صرت وياك
واخشى عليك من البشر ناسٍ حسوده

اخذ بشورك وبمشي على ما طاك
وبصبر على قلبٍ يبذل جهوده

يالله انا برجيك تمنح عطاياك
ابشوف خلٍ له النفس مشدوده

...
...
...[/size][/color]

[frame="4 80"][B][color=#CC0000][size=4]تشاطرنا غلاك .. أنا .. وليــل القاهــره .. والنيل
وكنت أجمل قصيدة ما حلمت أكتبه في عمـري

تخيل كيف لا شافك نهرهــم يمتلي بــك هيـــل
تخيل كيف ذقتك وأنت مـا تـدري و لا يــــدري

تخيل كيف شق الفجــر بمحيـــاك وجــــه الليل
تخيل كيف ينثرك الولــه وأجمعـــك في صدري

أنا بعيش معك الحب .. حــب الحـاتمي للخيل
وحبي للوفا اللي كنت أنا أحلم فيه منت صغري

أحبك .. إيه أحبك .. إيه أحبك .. إيه أحبك حيل
معك صــار لأحبك يــا حبيبي نكهــــه تغـــري

حبيبي هــالغـــلا مني ترا مـالــه أبــد تعليــل
سوى إني شفت لون الوقت بك يا صاحبي خمري

وقمت آغار يوم النيــل قـــام يعانقــك وتميل
وصرت أشاغــــله عنــك أبيــه يبيــع لي و أشري

وتراهنــا عليك أنــا وليــل القاهـــره والنيل
وكسبتك يومــك أجمل ما كســه الحظ في عمـــري [/size][/color][/B][/frame]

[color=#000033][B][size=5]شعر: بنت ابوها[/size][/B][/color]

[poem=font="Simplified Arabic,5,white,normal,normal" bkcolor="darkred" bkimage="" border="none,5,teal" type=0 line=0 align=center use=ex num="0,black"]
قالت بدو
صدت وقالتها بقرف
بنت الأكابر والترف
متكبره متعاليه
يعني بدوي يقعد طرف
والمعنى دون المستوى
ماحنا وياها سوى
حنا بنظرها من نكون
ريشه يطيرها الهوى
بمفهومها حنا: عدد
رقم ولا اكثر بعد
يعني مجرد تكمله
والا اهي اصل البلد
قالت : بدو
تعني صفر على الشمال
هذا على احسن احتمال
تصدر حكم ماتلتفت
تحكم ولا تترك
مجال
قالت بدو
متصورتني باستحي
واترك مكاني وانتحي
تفاجئت .. تغيرت .. تلعثمت
ماتدري اني ابفتخر
لي الفخر
حنا بدو
حنا عمى عين العدو
حنا البداوه وضعنا
واهل الوفا هم ربعنا
حنا نتفاخر باصلنا
يابنت هذا طبعنا
ماهي بداوة تليفزيون
والا مسلسل اردني
بس بدوي بالمكرفون
ولا هد سيفه ينثني
ولا بدو بيت السدو
حنا البدو
حنا بداوتنا الاصل
بالقمه حنا مو اقل
حنا بداوتنا تراث
من جيل الى جيل انتقل
حنا معاني ساميه
نروي السيوف الضاميه
نرد المنايا ما نهاب
لو هي سعاير حاميه
حنا بدو
حنا البداوة عيدنا
ماناكل الى صيدنا
مانعيش عالة مجتمع
نموت مانمد ايدنا
حنا بدو
حنا البداوه بدمنا
مانسمي احد عمنا
حتى ولو منهو يكون
لو هو زعل ماهمنا
حنا البدو
حنا البداوة عمرنا
محداً بيصبر صبرنا
لانها مصنع للرجال
نمشي وتمشي بامرنا
حنا البدو
حنا البداوة اصلنا
وحنا البداوة فصلنا
حنا بدو متماسكين
وهذي نتيجه وصلنا
يابنت يالي تضحكين
قلتي بدوي تستهزئين
غرك لباسك الاجنبي
المشكله ماتعرفين
ان البدو اصل العرب
تبغين هالكلمه طرب
صارت نشب
ياانسة .. ياعانسة .. ياضايعه ومستانسة
ياتارسه وجهك صبغ
ياتارسه عينك شدو
حنا البدو
ولو كان قلتيها بقرف
لنا الشرف
انا بدو
حنا البدو
حنا بداوتنا شيم
دين وقيم
طيب وظفر
معنى كبير ما اظن مثلك
يعرفه
لو تدعين المعرفه
شيء عسير
ما اظن مثلك ياصله
صعبه ولاهي حاصله
كلمه بدو
تعني التمسك بالجذور
ماهو التخلف والجهل
ولا بعد حب الظهور
ولا التنكر للاهل
كلمه بدو
تعني الشمم
فعل وكرم
مبدى حضارات الامم
حنا القمم
نار على راس العلم
يشهد لنا سيف وقلم
وان كان ماعندك خبر
لنا الفخر
لو عشنا ببيوت شعر
عيشت الم عيشت فقر
عيشه تعلمنا الصبر
مانقترض لاجل السفر
ونحسب ايام الشهر
مانفترض ونعيش واقعنا بحذر
وبالضيق نرخص بالعمر
نشرب من الماي الهماج
ونكحل نواظرنا بعجاج
وغسيلنا حفنه رمل
اهي الدواء واهي العلاج
عيشت رضى ماهي نكد
مافيها تعقيد ابد
ساعات مافيها ذرى
يكفي نتلحف بالنجوم
وفراشنا رمل الثرى
وسراجنا نور القمر
لامن ظهر
ونام من عقب العشاء
ونصحى قبل وقت الفجر
نؤمن بقضانا والقدر
ماهو كسل
ولا نعيش ابلا امل
نملك طموح علم وامل
ونرعى الابل ونرعى الغنم
ونعزف من الونه نغم
ونتابع اخبار المطر
وندور الروض الخضر
ونسرى ورى
برق سرى
ولا نتراجع للوراى
نبحث عن المرعى العشيب
ومن شعيب الى شعيب
مانستقر
عنوانا كل الديار
تجوالنا ليل ونهار
نعيش عيشه هاديه
وهذي حياة الباديه
سنه الربيع
سنه الدهر
ورغم الفقر
نخاف من قوله افا
ونتعب على قول نعم
ونعيش عالين الهمم
من فضل ربي مانخون
نرعى الذمم
ونركض ونتعب ما نمل
محنا مثلك لا شغل
ولا عمل
ماغير بس اكل ونوم
ومن الشحم ضاقت عباتك والهدوم
يااسمن انواع الحريم
ياعايشه على الرجيم
ياانسة .. ياعانسة .. ياضايعة ومستانسة
ياتارسه وجهك صبغ
ياتارسه عينك شدو
حنا البدو
يالي تقولين بدوي
انا بدوي ولي الفخر
اني بدوي
عزمي قوي
مااخون
ماابوق الخوي
يبدا نهاري بالصلاه
واصارع امواج الحياه
ماضاقت الدنيا ابد
ولاني من اصحاب الحسد
ارفع ايديني للسماء
واطلب من الله واستخير
ماقول يمكن ربما
ولا يصير ولا مايصير
محافظ على الخمس الفروض
واضح ولا احب الغموض
ولا اتلون والتوي
لاني بدوي
متمسك باصالتي
ولا اغير لهجتي
انا بدوي
في فزعتي
وفي قومتي
وبقعدتي
وفي مشيتي
وبجلستي
وفي كلمتي
وبنخوتي
حتى عقالي
ولبستي
ولو قلتي عني فوضوي
ما ضرني
بالحيل يابنت بدوي
ويسرني
اعرف من انتي .. ومن انا
والفرق واضح بيننا
تدرين وادري من اكون
ويكفينا نعرف بعضنا
انتي مثل عمر الزهور
ومالك عمر مالك سنين
شهرين ويجيك الجفاف
وتذبلين
وتصبح الوانك باهته
وانا جذوري ثابته
ماخذ من الصحراء الهدوء
وان كان هذا يسعدك
حطي على راسك يدك
هالمره لاقلتي بدو
ياتارسه وجهك صبغ
ياتارسه عينك شدو[/poem]

[color=#000066][B][size=5]للشاعر الكويتي: طلال السعيد[/size][/B][/color]

[poem=font="Andalus,5,black,bold,normal" bkcolor="transparent" bkimage="" border="inset,6,black" type=0 line=1 align=center use=ex num="0,black"]
لا سلام .. ولا غـرام .. ولا بريـد
غابت الشمـس وتلاشـى ضيّهـا
وأنتهي عهـد المحبـه يـا عنيـد
وش لي بسكّـة هـواك وغيّهـا؟
هذا أنا في دنيتـي عايـش سعيـد
والمواضـي مـا حرقنـي كيّـهـا
وصفحةٍ الماضي ولو هي من حديد
لا تحسْـب أنـي شقيـت بطيّهـا
والليالـي سودهـا والاّ الشـديـد
طول عمري ما شكيت ْمـن ايّهـا
والـورود اللـي تطـوّت بالوريـد
عقب ذبْلتْ .. وش يفيـدك ريّهـا؟
لا هلا في ساعـة الوقـت النكيـد
و حَيْ ساعات السعـاده .. حيّهـا
ويا هلا في قصـة الحـب الجديـد
والقديمه .. شرقهـا .. غربيّهـا!
الرجال أصناف يـا الـدر الفريـد
فارقـه فـي خيرهـا عـن سَيّهـا
والجبـال اللـي تعلاّهـا الجلـيـد
فوقهـا مـا هـو مثـل تحتيّـهـا
والهوى سدرة غـلا .. والمستفيـد
مـن نَعَـم بثمارهـا مـع فيّـهـا
والكرامـه سيّـده دايـم تسـيـد
والنفـوس السامـيـه كرسيّـهـا
لا تـردّد .. لا تقـول .. ولا تعيـد
كلمة (آسف) .. كم سمعنـا زيّهـا
ولملم أعـذارك وهرجـك لا يزيـد
أبقى من ميـتَ المشاعـر حيّهـا
والرسايل .. والصور .. ويّا القصيد
بلّهـا بالدمـع وإشـرب ميّـهـا! [/poem]

[poem=font="Courier New,5,white,bold,normal" bkcolor="firebrick" bkimage="backgrounds/26.gif" border="inset,4,limegreen" type=0 line=0 align=center use=ex num="0,black"]
اخشى عليك من البشر لا صرت وياك
واخشى عليك من البشر ناسٍ حسوده[/poem]

[poem=font="Simplified Arabic,5,skyblue,bold,normal" bkcolor="white" bkimage="backgrounds/15.gif" border="inset,6,royalblue" type=0 line=0 align=center use=ex num="0,black"]
لا تعتـذر ماعـاد للعـذر داعـي
حنا انتهينا ولا ابـي لـك هديّـه
ما كنت اظنك ماشيٍ في خداعـي
حتى انكشف سترك وخبث الطويّه
ويلك من اللي للخلايـق يراعـي
وشلون قلبـك طاوعـك بالأذيّـه
كنت احسبك سيفي بوقت الدفاعي
ودرعي الى من جار وقتي عليّـه
واثرك بظهري خنجرٍ طول باعـي
مزق حشاش القلب وارهاه كيّـه
تبيعني في سوق سقط المتاعـي
بيعة سـروق والبضاعـه رديّـه
وانت الوحيد اللي تعرف بطباعي
وتدري بقلبـي طيّـبٍ بالسجيّـه
ما اخفيت شيٍّ عنك حتى استماعي
يومن كذبت وقلت عني الوشيّـه
والمشكل انك جيت تلوي ذراعـي
وتنبش سنيـنٍ ماضيـاتٍ عتيّـه
اللي سببها منك لو كنـت واعـي
وتذكـر بدايتهـا بعقـل ورويّـه
يومك تبيني مثل بعض الضفاعي
اللـي ولا زالـوا بحـالٍ رثـيّـه
نسيت يوم انك تجـي باندفاعـي
تقول احبـك بيـن كـل البريّـه
يا فارس احلامي ومصدر شعاعي
نور الأمل فـي دنيتـي والهويّـه
صدقت هرجك وابتديت بضياعـي
آلـفّ فـي كونـك بـلا جاذبيـه
حتى انكشفت وبان حبك صناعـي
المصلحه ساقتـك يـمّ الضحيّـه
مافيه داعي نفض باق الشراعـي
ماني من اللي خنجره في خويّـه
رح في امـان الله هـذا وداعـي
ما ظن لي بك دامت الروح حيّـه
[/poem]