[font=simplified arabic][size=5][color=purple]قلبي وروحي والمشاعـر عطيتـك[/color][/size]
[size=5][color=purple]احساس شاعر صدق حبك وهاواك [/color][/size]

[size=5][color=purple]بعت العـذارا كلهـن واشتريتـك[/color][/size]
[size=5][color=purple]صارن جميع البيض فدوه لماطـاك[/color][/size]

[/font]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهاجس اللي بالخفا موتلجني=يطري عليه كل ماعسعس الليل
لازل نص الليل همي رهجني=واصبحت من زود العنا فاقد الحيل
[/poem]

[center][color=red] [/color]
[size=4][font=verdana][color=red][font=verdana][size=4]ماغير انا وياك والثالث ابليـس=[/size][/font][font=verdana][size=4]وش تنتظر لا صار معنا شياطين [/size][/font][/color][/font][/size]
[size=4][font=verdana][color=red][font=verdana][size=4]اما دخلنا بالهـوى فالدهاليـس=[/size][/font][font=verdana][size=4]والا طلعنا مـن لقانـا مجانيـن [/size][/font][/color][/font][/size][size=4][font=verdana]
[color=red][font=verdana][size=4]نتبادل النظره لفحص المقاييـس=[/size][/font][font=verdana][size=4]وفي كل نظره للمحبـه عناويـن [/size][/font][/color]
[color=red][font=verdana][size=4]الشوق زايد والمشاعر محابيس=[/size][/font][font=verdana][size=4]حتى وحنا بالوصـال متفانيـن [/size][/font][/color]
[color=red][font=verdana][size=4]مادام انا وياك خلف الكواليـس=[/size][/font][font=verdana][size=4]بعطيك عن صادق غرامي براهين [/size][/font][/color]
[color=red][font=verdana][size=4]حلمٍ حلمته حلم ماهو كوابيـس=[/size][/font][font=verdana][size=4]اني انا ويـاك بالـود صافيـن [/size][/font][/color]
[color=red][font=verdana][size=4]يافاتني مالك ومال الوساويـس=[/size][/font][font=verdana][size=4]كل الذي حولك بالاشواق لاهيـن [/size][/font][/color]
[color=red][font=verdana][size=4]مصيبة الشعار في عرش بلقيس=[/size][/font][font=verdana][size=4]يبنون من طوب المشاعر دكاكين [/size][/font][/color]
[color=red][font=verdana][size=4]القاف خاوي والمعاني مفاليـس=[/size][/font][font=verdana][size=4]ماتنقري لو جمعت في دواويـن [/size][/font][/color]
[color=red][font=verdana][size=4]راحت قصايدهم بوسط القراطيس=[/size][/font][font=verdana][size=4]ولا قراها ربع روضـه وداريـن [/size][/font][/color]
[color=red][font=verdana][size=4]وانا قصيدي في وصوفك نواميس=[/size][/font][font=verdana][size=4]لجل ان حسنك للقوافي نياشيـن [/size][/font][/color]
[color=red][font=verdana][size=4]استغفر الله واتعوذ مـن ابليـس =[/size][/font][font=verdana][size=4]اظن لاشفتك تغيـب الشياطيـن[/size][/font][/color]
[color=red][/color][/font][/size] [/center]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اشوف ذنبي في عيوني ليا اذنبت=ينشر ظلامه في مسالك دروبي
يضيق صدري لاتفكرت واسهبت=واندم على مافات واعزم واتوبي
انسى واعاود للخطا ماتادبت=يغويني بليس اللعين الكذوبي
اطيح فالزله وانا توي اصبت=كني على دوس الخطايا مغصوبي
استغفر الله للخطا ماتعصبت=يعلم بنياتي عليم الغيوبي
تكبر ذنوبي لاحسبت وتحسبت=واصغر بعيني يوم اناظر ذنوبي
يالله ياللي لك توجهت وانبت=طالبك تغفر لي وتستر عيوبي
ياواحدٍ لرضاه تقت وتطلبت=طالبك يامولاي تكشف كروبي
[/poem]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ان كان جيتك جنبي واتركيني=لاني اعرف القلب يمك مهايف
لاتذكرين الحب لاترحميني=خليني اصبر تاليتها خفايف
حتى بمنامي حاولي ماتجيني=ردي طيوفك لاتجيني ردايف
واذا صحيت انسى عناي وحنيني=واحاول انسى حب ناب الردايف
حتى ولو جوي تعكر ..يزيني=واعيش جوٍ مثل جو المصايف
هذا قراري راضيٍ مايجيني=من عقب عديت الطوال النوايف
شم الجبال اللي حجاها حصيني=عديتها وهموم قلبي لفايف
في مرقبي راجعت ماضي سنيني=واخذت عبره من ليالٍ طوايف
درب الهوى يابنت ماله ضميني=ياكثر مابه من علوم وطرايف
في سيرة العشاق سرٍ دفيني=وهمومهم باقصى الضلوع النحايف
نهارهم مابين شوق ونيني=وليلاتهم مابين ساهر وحايف
حال الهواوي مثل حال السجيني=دايم على خده دموعه ذرايف
ابيك والله وادري انك تبيني=بس اجزمي خلاص ماني برايف
بودعك يافاتني واذكريني=اذا قريتي هاجسي بالصحايف
ارجوك يابنت الحلال اعذريني=وانسي مع الايام ماكان طايف
يكفي دلع بالله لاتحرجيني=قلت الك انا من سيرة الحب خايف.


[/poem]

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

قد قلت لااقفيت قفيت كلي=ولا اقتنعتي في كلامٍ سمعتيه
هزيتي براسك على ماحصلي=ونويتي الفرقى وحبي نسيتيه
كله من أسباب الدلع والتغلي=تصدعت جدران حبٍ بنيتيه
خارت قوى حبك وعصره مولي=ماعاد يخفى كل عيبٍ سترتيه
كنك تحسبين المحبه تسلي=تمتعي بالحب لو ماعطيتيه
قلبك بخل ماعطى ولا قدّ ملي=من صادق الاحساس للي هويتيه
مل الكلام وزايف الشوق ملي=من كثر ماشوقك لغيري وصفتيه
حبل الوصل بالود كان متدلي=وانتي بليا ذنب جاك وقطعتيه
واليوم انا ارحب وابارك واهلي=بفصل الغرام اللي بكذبك ختمتيه
السوق دولي والبضاعه محلي=سعرك يجي من يخفظه لارفعتيه
مادام راسي للمتون متعلي=ماطا برجلي في ترابٍ وطيتيه
القصد واضح والبيان متجلي=خليك مع دربٍ برجلك مشيتيه
وانا اطلب الله كل ماجيت اصلي=واعوذ به من شر جرحٍ جرحتيه
والحمد لله صادق الراي دلي=وعرفت رسمٍ بالضحايا رسمتيه
لاني بخلٍ لك ولاانتي بخلي=ذنبك على جنبك بفعلك جنيتيه
يعني خلاص اقولها رحت كلي=جاك الكلام اللي من اول سمعتيه
[/poem]

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
المزنه اللي بالدجى برقها لاح=اغنم مطرها لايفوتك مطرها
مادام جت بحماك لاتروح ياصاح=وان روحت مع دربها قص اثرها
ماكل برقٍ يجذبك معه لا راح=بعض البروق الله يكافي قشرها
خل البروق اللي تعدى لها ضاح=لوسيلت منته بجاني ثمرها
حتى لونك بس بالقول مزاح=تتعب عيونك من متاعب نظرها
لاصرت في شعر الغزل شبه مرتاح=حبيبتك شعر التغزل دمرها
احرص عليها قبل ترحل وتنزاح=احرص تراها درةٍ من دررها
محميتك فيها اطيب الورد فواح=من صغرها مافيه حيٍ سبرها
بالطهر والعفه لها ستر ووشاح=درة بحر منقيةٍ من بحرها
مالك ومال اللي لها نوح وصياح=اللي مع العربان ذايع خبرها
ياسيدي قلبي بنار االهوى ساح= والحال باسبابك تزايد خطرها
لو كان للحدب المغاليق مفتاح=حبك بلا مفتاح طب وكسرها
الحق ترى محبوبتك سدها باح=حتى لو انك بالحنان تغمرها
[/poem]
صح لسان الشاعره نسمة غلا

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نام ياقافي وخلـك مستريـح=ماحدٍ يمـك تغطـى ثـم نـم
لا تجر الصوت لاتقعد تصيح=مايجيب الصوت من صابه صمم
شوفني مثلك على شانك طريح=احتمي بيتك واقاسمك الالم
لاكتبت الشعر ودي بالفصيح=ولادعاني قلت له حاضر وسم
اكتب الابيات بحساسٍ جريح=ان تطرقت الغزل والا حكـم
وجد والا نصح والا بالمديح=هاجسي لامن طلبته قال تـم
مايعيبه لو وصفت ابه المليح=اوكتبته في مدح راع الهمم
ارفع القيفان عندي ماتطيـح=دايما تاقف على ساق وقـدم
هكذا دايم يجي شعري صريح=ويتعلى بي على روس القمم
بالنهايه مايصح الا الصحيح=تسقط القوات لاطـاح العلـم
[/poem]

[size=4][color=red]سبحانك اللهم وبحمدك اشهد انه لااله انت استغفرك واتوب اليك[/color][/size]

[right][b][font=arial][color=black][b][color=black][font=arial]حق غيري ويش ابي به=مالتفت له لوينادي[/font][/color][/b][/color][/font][/b][font=arial][color=black]
[b][b][font=arial][color=black]حق غيري من نصيبه=لو تبعته صرت غادي[/color][/font][/b][/b][/right]
[/color][/font]

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تم مسح الرسايل مع ملف الصور=مابقى لك بفكري غير ماخزنه
[/poem]

[right][b][color=black][font=arial][color=red][u]مستحيل انساك لو كلٍ نسـاااك
كيف ابنسى نور عيني لو نسا
الوفاوالود من قلبـي نصـاك
لوجزيتـه بالتعالـي ماقسـا
الله اللي قمة احساسي عطـاك
لين حبي لاكبر عيوبـك كسـا
جاك خفّاقي على المطلوب جاك
طير يكفخ بالصباح وبالمسـا
تجرحه . تدميه . ماهمه جفاك
المهم انه علـى حبـك رسـا
الك بس القلب وعيوني فـداك
غيرك من البيض تـــ ,,و،،[/u][/color][/font][/color][/b][/right]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كان جـت للجـد مافيهـا كـلام=ضاع وقت الناس في طرد السراب
البروق اللـي تكاشـف بالظـلام=هما التجريح فـي خـد السحـاب
مادرت عن دمعة مـزون الغمـام=ولا درت عن حال مضمين الركاب
[/poem]

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

النجمه اللي في سمايه تضوي=مامثلها بين النجـوم بسمايـه
لاشفتها ناديـت ياليـل تـوي=لاني اشوف بتالي الليـل آيـه
كني على الجنبين منها متكوي=تدري بلاش تقول هذي دعايه
ماحبها الا حبها صـار جـوي=لا والله اغليها فقط دون غايه
ياصاحبي ليتك ثواني تخـوي=ممكن تصير اجمل واعز خويايه
[/poem]

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا باللي يشرف مروره=تشريفته والله ماهي باي تشريف
اللي ليا من مر سجل حضوره=ماقال اخاف عيون ناسن ملاقيف
[/poem]

[size=4][color=#2f4f4f][poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تجولي في داخلي لادخلتي =اهم شي اليا دخلتي تسمين
اخاف لامنك بقلبي حللتي=تستعمرينه مثل دولة فلسطين
استمتعي بالوقت لامن وصلتي=وترفقي بالاورده والشرايين
حتى لوانتي عابره مانزلتي =القي فقط نظره على ماتشوفين
[/poem]


[size=5][color=red]سبحانك اللهم وبحمدك اشهد ان لا اله الا انت استغفرك واتوب اليك[/color][/size]
[/color][/size]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي شكلك كذا سارقها=باين عليك معدلٍ معناها
الوزن والمعنى كذا حارقها=ليتك مخليها على مبناها
لو قلت لي مايختفي بارقها=والله لتبطي ماحدٍ ينساها
[/poem]

[poem=font="simplified arabic,5,black,bold,normal" bkcolor="transparent" bkimage="../backgrounds/17.gif" border="none,4,gray" type=2 line=0 align=center use=ex num="0,black"]
اهلا هلا ياقبلة الدار حياك=وسط الخفوق اللي لعبَه هواكا
القلب بيتك والمعاليق مرباك=مالك ورا حد المحاني شراكا
استمتع بوقتك عسى الله يرعاك=فل الحجاج وغن محدٍ معاكا
والله مابه شي بالعين يسواك=ولاحدٍ ملك عقلي وقلبي سواكا
كل العذارا بعتهن لجل عيناك=لايلحقك شكه تراهن فداكا
انت الذي في داخل الجوف ملفاك=تامر وتاخذ بالهوى مبتغاكا
ماكنت اعرف الحب والشوق لولاك=انت الذي علمتني من غلاكا
تفداك روحٍ عدها من ضحاياك=ان كان مالله للمواصل هداكا
ياعين ابوي انته عسى الروح تفداك=ارفق علي شوي ماقوى جفاكا
كل الجوارح تشتهي فيك تبغاك=على غرامك بالخفوق اشتباكا
ينتابني لامر بالسمع طرياك=نوبة جنونٍ تنتهي في لقاكا
مجنون في بعدك وعاقل بلقياك=ماقدر اعيش العمر لحظه بلاكا
انت الذي تزعل واجيك اطلب رضاك=ازعل جميع الناس واكسب رضاكا
ياروح روحي لو تراكم خطاياك=تضيع لامن شفت باهي حلاكا
محلاك ياسيد الغنادير محلاك=الزين جمع فتنته واحتواكا
كل الوصوف النادره من مزاياك=ربي من انواع المحاسن عطاكا
مالك شبيه يشبهك في حلاياك=متميزٍ حتى بجرة خطاكا
المسك ريحك والعسل داخل شفاك=بين البرد والجمر معسول فاكا
مثل البدر لابان طلت محياك=لاحولت سود الجدايل وراكا
الورد في خدك وشامتك تزهاك=علامةٍ يدلها من غواكا
اذا هرجت الهرج ذايب على فاك=كنك تكلم من طوارف شفاكا
احيان صوتك يسمعه من توحاك=واحيان من سمعك يجيه ارتباكا
غنج ودلع باسلوب راقي وفتاك=خلى حبيبك خاتمٍ في يداكا
ماودي ان الناس بالوصف تقراك=دام الغرام اللي دهاني دهاكا
تسلم يمين اللي على الطهر رباك=انا اشهد انه بالنعومه غذاكا
اغليك واحبك واعزك واهواك =واموت في ريحتك واعشق ثراكا
جزل القوافي في قصيدي تبناك =هاك المشاعر ياهوا البال هاكا
هذا الكلام اللي يسرك اليا جاك=من شاعر بالجزل قافه يحاكا[/poem]

[poem=font="simplified arabic,6,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
آهن على آهين وآهن على آآآآآآآآه=يااونتي ياما تعبت وتغربت
آهن على مافاتني واتمناااااااااااه=وآه على مابالصراحه تعذبت
ياونتي ونت جريحٍ من اقصاه=يجرها ماعاد ينفع بها كبت
ضاع الوفا والصدق ماعاد تلقاه=لكن على الله كل ماخطيت واصبت
[/poem]

سبحانك اللهم وبحمدك اشهد انه لااله الا انت استغفرك واتوب اليك

[poem=font="simplified arabic,4,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رد الثنا بالشكر ماهوب تطنيش=كلمة وفا لا قلتها تبرد الجاش
ماقلت بدي شين والا مابديش=كلمه بدت من خاطري قلتها كاش
ياصاحبي لا صار بالفكر تشويش=يحس من كيفه ويضرب على ماش
ماكل قولٍ تسمعه تفتهم ويش=من هرجة الشعار تنصاب برباش
محدٍ بسامع لك ليا قلته له ليش=ولانته بفاهم لين تتعب وتنداش
اقر السطور وخل عنك الخرابيش=ناظر بعينك زين لاترمش رماش
اقلط على الواجب واكب العراميش=ولاصدت صيد اترك على دربي عراش
نفسي لها عن ماكر العز تنبيش=وعيني سما لو كنت جالس على فراش
طبعي وفا مافيه كذبٍ وتغشيش=قرمٍ شجيع وقلبي ابيض من الشاش
يشدني برق المزون المراهيش=اطرب ليا من شفت جايٍ له رعاش
القصد واضح ماخدش القيل تخديش=قولٍ سليم ولا بدا فيه وشواش
اترك زمان اللعب والحب والطيش=لاتصير خبلٍ من ورا الناس تعتاش
مافيه باللفات نقطه وتفتيش=دربك خضر ليتك مع الدرب تنحاش
[/poem]

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لي مهرةٍ تجمح ماهيب معسوفه=عزة على الفرسان محدٍ عسفها
من رادها نال التعب والكلوفه=يرجع ونفسه تشتكي من كلفها
من صغرها بستانها به قطوفه=تزهر وتبقى فيه محدٍ قطفها
بالحسن من بين البنات معروفه=محدٍ جهل مقدارها لاعرفها
جمالها يبهر وتسحر وصوفه=يعجز يوفي وصفها من وصفها
قدامها ياقف ويبطي وقوفه=واله الشرف في وقفته لاوقفها
ودي بها شعري يعزف معزوفه=ياعلها تطرب خفوقٍ عزفها
الصوت منها ذايباتٍ حروفه=كم كلمة ذاب اللسان وحرفها
البدر كنه وجهها لو تشوفه=لامن فقدت البدر بالله شفها
رجيحةٍ بالعقل ماهي مخفوفه=لاسلهمت بالعين جنب وخفها
اللي عداها ماعليها حسوفه=الها فقط نفسي تزايد حسفها
متاعب الاشواق فيها مخلوفه=فدوه لها لو كان مالله خلفها
مادام هي كانت ماهيب معسوفه=تسوا حياة الفارس اللي عسفها
[/poem]

[poem= font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من لا عرف قدرك ليا غبت يفقدك=ويبكيك لا صكت عليه النوايب
لا ذاع صيتك قاصر الباع يحسدك=ويفرح بذكرك عزوتك والقرايب
وان فاض مالك نايد الخلق تاردك=وان قل مالك قالو الناس عايب[/poem]

[poem=font="simplified arabic,5,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
المصيبه لاطعنك اللي تعـزه فـي ظهـرك=وانت غافل مادريت الا بعد رمحـه طعنـك
من ذهول الصدمه اللي عشتها ياقف شعرك=خص لامن جات من شخصٍ رفيق لك ومنك
تظلم الدنيا بعينـك ماتقـدا فـي بصـرك=تنغبن والعقل كنه بالحلـول يغيـب عنـك
تبتلش بين الشجاعه والرفيق اللي خسـرك=ياترد الصـاع والا تنغبـن باقـي زمنـك
راح يبقى في خفوقك جرح ذكرا من غدرك=وبصمةٍ سودا على وجهٍ حشمته وامتحنـك
يامقر الطيب قلي بالطفايس وش حشرك=وش يجيبك وسط ناسٍ خبثها سيله دفنك
عشرة الجهال والانذال فيها وش جبرك= خلاها تولي وتلقى رفقةٍ تعرف ثمنك
يازمان الغدر يكفي لاتوريني قشرك=لاتراهني كفايه فكني واكسب رهنك
يازمن يدور يومك مع سنينك مع شهرك=وبالنهاية تفجع اللي ماعرف قدرك ومنك[/poem]

[right][color=darkblue][font=verdana]شف طريقك وين لاتمشي كـذا=امسك الدرب الصحيح اليا مشيت [/font][/color]
[color=darkblue][font=verdana]لاتطب النار لـو تلبـس حـذا=تنكوي بالجمر لامنـك وطيـت [/font][/color]
[color=darkblue][font=verdana]مالـك ومـال اللقافـه والـوذا=خل خلق الله وناظر وش جنيت [/font][/color]
[color=darkblue][font=verdana]لا لقيـت الغانمـه منهـا خـذا=واشتر الغالي ليامنـك شريـت [/font][/color]
[color=darkblue][font=verdana]لاتقول ابـي هـذا وابـي هـذا=لازمن بالضبط تعرف وش بغيت [/font][/color]
[color=darkblue][font=verdana]لاتفـك الـلـي بـيـدك الا اذا=صرت ماسك في يدينك مالقيـت [/font][/color]
[color=darkblue][font=verdana]القناعـه كنـز للعاقـل غــذا=مو صحيح انك تحصل ماشتهيت [/font][/color]
[color=darkblue][font=verdana]كل شي مكتوب من قبلـك لـذا=لاتحسر لجـل شـيٍ ماجنيـت [/font][/color]
[color=darkblue][font=verdana]اغلب ورود الجنان الهـا شـذا=بس فيها فرق كانـك مادريت[/font][/color][/right]

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مضطر اغادر واترك الحي والدار=ماعاد لي مقعاد يانور عيني
[/poem]


[size=4][color=red]سبحانك اللهم وحمدك اشهد انه لااله الا انت استغفرك واتوب اليك[/color][/size]

[poem= font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامرحبا فيك لو انك سبب جرحي=وشلون اهلي وارحب وانت نهابي
سرقت قلب العنا واقفيت بالفرحي=وانا اتحراك كاني فاقد اعصابـي[/poem]

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهرج واجد والفوايد قليله=وقت الصمايل تختلف بعض الاقوال
قولٍ بليا فعل وش ترتجي له=ضربٍ من التظليل وازعاج واجدال
احدٍ يحصل من كلامه فشيله=واحدٍ تشيله كلمته فوق ماطال
اللي يبي درب الخنا والرذيله=يطلق عنان النفس ويعاشر انذال
على طريق الغي يلقى زميله=والكل منهم لاسود الفعل يحتال
واللي يبا العليا يروم الطويله=يسعى لها ويثبت اقوال بفعال
يمشي على درب الشرف والفضيله=ماينحني لو فيه كف الدهر مال
يسعى لكسب الغانمه والجميله=ويحط له في ماكر العز منزال
اللي يبي قطف الزهر ينحني له=ماتكفي النيه لتحقيق الآمال
نيل المنى لابد له من وسيله =بالصبر والمجهود يتغير الحال
من غاص في غب البحور المهيله=لابد يصبر لين ياقف على الجال
لاصرت في غربه يبي لك دليله=بس البلا لاصار في مخك هبال
مايقنعك شرح العميل لعميله=يبلش بك اللي مقصده ينصح الضال
الحر في دربه يخاوي مثيله=والبوم ماله بالمراقيب مدهال
ممشى الهبيل بجنب ناسٍ هبيله=لو يعرفون الدرب مافيهم الدال
العاقل ان ماجاك حاول تجي له=احذر تماشي في مماشيك جهال
ترى الخوي لازم خويه يشيله=واحد من الاثنين لابد ينشال
النفس تهوى كل برقٍ تخيله=لاهملتها ترميك في وسط الاهوال
احذر تطاوعها بما تشتهي له=اضغط عليها لين ترضى بالاحوال
ترى القناعه للنفوس العليله =تحصين حتى عن مرض جمع الاموال
اد الصلاه الواجبه والنفيله=صم وتزك وحج ياطيب الفال
احرص على الارحام واللي تعيله=وامك وابوك اجزل لهم كل مكيال
والجار له حقٍ حرامٍ تزيله=وفه حقوقه واعذره كل ماعال
البخل رسمٍ بالوجيه البخيله=يبين لاجا صاحبه يدفع ريال
والبيض يكفي من هواهن حليله=تحفظك في غيبتك وتربي اجيال
بين النساء بالشكل تلقى بديله=فرقٍ بسيط وجوهر الشكل لازال
الفرق يظهر بالصفات النبيله=بالعقل والاخلاق ماهو بالازوال
احرص على بنت الرجال الاصيله=السالمه من هرجة القيل والقال
اسئل عن المنزال قبل تعني له=ماكل شجره ينوجد تحتها ظلال
ماكل وادي لو تسايل مسيله=تطلع بوادر بذرته عقب ماسال
وقت الرخا يطلع لك الفين حيله=تلقى الخوي والجار والعم والخال
ووقت الشدايد تنصدم بالحصيله=يطلع لك النصاب والنذل والذال
تلقى خويٍ شهم يسوى قبيله=والا الدويني منظره بس تمثال
الطيب ميزه والفعول تهدي له=ماكل من يلبس من الشمغ رجال
قافٍ دعاني مابغيت ارتكي له=فجر بجوفي من عنى الوقت زلزال
حاولت ابين زبدته وتحليله=في نص ساعه سقته اقفاي واقبال
قلته وقلبي فوق صلو المليله=وارتاح بالي يوم روضت الامثال
وصلاة ربي عد وبل المخيله=على الصدوق الصادق بكل ماقال
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تراي مازلت انتظر واتحراك=علك تجي في تالي الليل غادي
استقبل طيوفك وانا اقول حياك=مثل الكريم اللي لضيفه ينادي
لو ماتجي طرياك فالبال طرياك=تغدي بفكري معك في كل وادي
اراجع الماضي واحسب نواياك=واقول ماعينت علم وكادي
ترضى وتزعلني وانا ادور رضاك=وامشي واقول بسلم الاحباب عادي
يابري حالي يوم اناظر سواياك=تضحك وتغرس حربتك بالفوادي
ياللي شبيه البدر طلة محياك=والليل عن غرتك جاله سوادي
ياجامع انواع الحلا في حلاياك=وش لون تقتل نظرتك وانت هادي
رح وين ماتبغى وعود لمرباك=وانا انتظر جيتك مع كل بادي[/poem]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لاهاض جاشي واشتعل فيه لاهوب=قامت هواجيسي توارد عليّه
منها جفن عيني عن النوم مقضوب=وباقصى خفوقي كيةٍ فوق كيه
صورتها من واقعٍ شبه مقلوب=ومفهوم يتغير على كل نيه
جرحٍ عطيب وخافقي منه معطوب=وحلمٍ كبير يمر صبح وعشيه
ليلٍ بهيم وصبح وشروق وغروب=واربع فصول وكورةٍ دايريه
برد ودفا وافراح واتراح وحروب=بين الضديد وبين ضده لضيه
مشاكلٍ مابين سالب ومسلوب=لابد تطحن في رحاها ضحيه
كرّه وفرّه بين غالب ومغلوب=كل على ماراد يرمي رميه
آهات مع حسرات والدمع مسكوب=باسباب جرح وعلةٍ داخليه
وساعة صفا فيها الوفا ماله اسلوب=ولا للامان بدايرتها قضيه
نجمات تتراقص على لحن مسحوب=وغضنٍ تهزع مع لحن سامريه
زرعٍ يموت وباذره توه حبوب= ووردٍ ذبل محتاج رد العطيه
لذه ورى لذه يجي وقت وتذوب=في غبة الاحزان تنسى الهنيه
نسيان في نسيان واوزار وذنوب=باسباب نفسٍ في هواها شقيه
بين الهوى والنفس واشواق محبوب=دارة مدارات العلوم الخفيه
مطامع ولذات شهوات وقلوب=ولاكثرو الرعيان تفنى الرعيه
تفكير في تعمير طوبٍ ورى طوب=اخذ وعطا واحلام نفسٍ رضيه
تخالف الهقوات في كل مضروب=وتقطع مسافه والنوايا مطيه
موج الظروف اشكال والموج سالوب=يسلب مفاهيم العقول الذكيه
تسابق الاقدار والغيب محجوب =وكف الليالي بالحوادث نديه
احداث مرت في حظارات وشعوب=والمقبله ليلاتها سرمديه
لحظه تمر وتالي الوقت مطلوب=تستوفي وتوفي حساني وسيه
رحله عمر تلقى لها درب ودروب= في سكةٍ بين المنى والمنيه
مفهوم يبقى كل مافات محسوب=واللي يجي في علم رب البريه
واجب تطيع الشور يالعبد وتتوب=مادام باقي بالليالي بقيه
تب للذي شانه من الخلق مهيوب=عساه يغفر مامضى من خطيه
قلته وانا ماني على القول مغصوب=اخذ من الجزله واكب الرديه
وختامها آخر بيت بالمسك مكتوب=صلوا على المختار مليون ميه
[/poem]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله اكبر الله اكبر والله اكبر الله اكبر=كبرو يأمة الاسلام في كل الدياااار
[/poem]

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله ياللي بالخفيات تعلم =ياوحد كل الخلايق تهابه
يامغرق فرعون في غبة اليم=ياسايق بامره بشاير سحابه
يافارج الكربات ياكاشف الغم=افرج لمن همه بقلبه سطابه
اسرج خيول الفكر واصحا واحلم=في واقع مر لذيذ شرابه
اقالب الافكار من يم لايم=واميز الحاصل ولوبه تشابه
اشيل ماينطاق واصبر ولا اهتم=حتى ولو جوي تطاير ترابه
اصد كني بعض الاحيان مافهم= لوبالتفت من جد صارت طلابه
اشوف لي خلج ترازم على الجم=في صحصح مافيه غير الذيابه
الخبل مايقنع ولوقلت له تم =تبلش معه حتى بشرح الاجابه
ماهوب مثل الحر لاقلت له سم=قدر ولافكر بمن هو حكابه
سود النوايا كثرها يجلب الهم=وبيض النوايا طب مرضى الكآبه
[/poem]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اليا ذكرني صاحبي لجل حاجه=ماهوب عيب اتذكره كل ماحتجت
مادامنا عند اللزوم نتواجه =اليا تحجج بالمصالح تحججت
[/poem]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يانفس ياللي بالملـذه غارقـه=عن مرتع اللذات شومي وارتقي
صدي عن مزون الذنوب البارقه=عوذي من الشيطان بالله واتقي
النشوة اللي تعتريـك مفارقـه=يبقى اثرها بالضميـر المتقـي
[/poem]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعـر لا خيـل براسـي خيـالـه=يسيل من وبـل الجزيـلات واديـه
بنـات فكـري مـن بعيـد تحدالـه=لاقبل لقى جـزل المعانـي تناديـه
من واقع التجريـب يفتـح مجالـه=وفي صحصح المعقول يطرب تماديه
امـا يجيـه الجـزل والا عنـالـه=على طريـق الحـق دايـم مقاديـه
البارحـه فكـري تـعـدا خيـالـه=خيل خياله واسـود الهـم حاديـه
نوه غشاء الساحـه وماجـا قبالـه=وسيله جلى عن صافي الشعر صاديه
لقيـت حـال الشعـر كـلٍ رثالـه=من يوم ضيع في طريقـه مباديـه
ياشين بعض الشعر ياشيـن حالـه=ياقـل مـدلّـه وياكـثـر غـاديـه
قافه وطاروقه علـى الجـزل عالـه=كن المعاني فـي حروفـه تعاديـه
تنسـد نفسـك لاسمعـت لمقـالـه=ماعـاد ودك ترتبـط فـي نواديـه
لـولاي اسلـي خاطـري برتجالـه=والله مدافع عنـه لحظـه واهاديـه
القاف شـاب ونكـروا بـه عيالـه=مامنهـم اللـي بالمصالـح يفاديـه
من عقـب ماكانـت تـورد حبالـه=تقطعـت ماقـد تجـاوز بـواديـه
كـل يبـي ياصـل بشعـره منالـه=كلٍ يبـي يكتـب وينشـر دواديـه
بالمـال والا الجـاه يرفـى خمالـه=تصفيـف هـرجٍ بالقوافـي يقاديـه
حتيـش لـو شعـره تبيـن بمالـه=مايخدع اهل العرف لجـة رواديـه
واللي حفـظ قـدره تحيـز لحالـه=عافه بعـد شافـه وكفكـف اياديـه
لكن بقـى شعـره علـى مابقالـه=واذا قريتـه فـاح مسكـه وكاديـه
راح القصيد اللـي يشـرف مقالـه=حمايتـه كلـوا وملـوا معـاديـه
مرحوم ياشعـر الفخـر والجزالـه=سبة سهـوم غارقـه فـي ثناديـه
تكفون ياهـل المعرفـه والاصالـه=ارثـو لحالـه دام جاكـم منـاديـه
قلتـه وانـا فكـري تعـدا خيالـه=خيل خياله واسـود الهـم حاديـه
[/poem]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالت عزيز وقلت مابغـى معـزه=ابغى الغلا اللي داخل الروح للروح
قالت يجي له يابن الاجواد حـزه=يمكن يكون الحين ماهوب مسموح
مع هرجها المعسول فزيـت فـزه=من زود فرحي بالغلط كنت ابا نوح
قلت الذي يمك طيوفك توزه= تراه من سبة تجافيك مفضوح
الشوق لجلك ثاير الشعر دزه=في خافقٍ ينزف من الوقت مجروح
حسنك غلاك بوسط قلبي يكزه= كز الهوا والموج للي على لوح
ياصاحبي سببت فالوضع هزه=اخاف منها اغلط بطاريك وابوح
احرص على اللي عن سواك يتنزه= قبل يتعقد من تغليك ويروح
يشفي غليله من شفاياك مزه= وتنعش خفوقٍ بالغلا وسطه جروح
من عين قلبك صدق محتاج قزه= نظره من الاعماق تشفى بها قروح
والله لو انك كنت باطراف غزه =لاصلك لو مالي بديرتك مصلوح
وان كان ماعجبك القصيد ومفزه=بلاش اجل ماعاد يحتاج لشروح
اببتعد والشوق بالصبر الزه=لين احتوي حبك ولو شيد صروح
ترا الغلا والحب غير المعزه=مثل الذي في داخل الروح للروح
[/poem]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي لاتكثـر الشيـل والحـط=محدٍ سكن في وسط الاضلاع غيرك
لو قلت جبلي من عنادك لبن بـط=جبت الك مايسعد بشوفـه نظيـرك
لاتحسب اني فـي هـواك اتعبـط=تراي ماشٍ صح في خـط سيـرك
نظام فكري مـن عرفتـك تلخبـط=شوش رداري يوم طيـرت طيـرك
تبعد وانا اللي في غـلاك اتشبـط= كني دخيلٍ زابنك يستجيرك
ارسلت قيفاني بوصفك توسط= وجتني عليها من بقايا عبيرك
بعض الحروف اشوف من تحتها خط=والبعض الاخر مايحدد مصيرك
تدري باني عاد من خلقتي قط=محدٍ اسرني لكن اصبحت اسيرك
ان كان يرضيك بهواك اتمرمط = قلها صراحه كثر الله خيرك
بقول لك خلاص في نومتك غط=واذا صحيت الشوق يمي يديرك
اببتعد وانته على ماتبي حط= ماني بجايك بالفراق استشيرك
حتى لو الاخلاق لارحت تشتط=اصبر وصلفات الليالي تثيرك
[/poem]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تنظرون الزين لامـن تسـوَح=خلوه يشفي علة القلـب ويـروح

يرتع قدم عيني واذا صحت روّح= وان راح تلقاني من الوجد مطروح

مادام حبه من ورى الحدب طوَح=اكيد باني له بقلب العنا صروح

ماني بقايـل فيـه مثـل الملـوح=حتى لو اكتب حرف قافي على لوح

لن الحروف لعطر وصفه تروَح=واخاف اذيع بخافي السر وابوح

من كثر ماغلي صاحبي قمت ابوّح=ببيات شعر قافها ينعش الروح

الشاهد الله بالمفاتن تشوّح=تقدر تقول بزايد الحسن مفضوح

فيه الوصوف بكف حسنه تلوّح=للطهر والعفه على هامته ضـوح

قلبي بحبه ياهـل العـرف فـوّح=فوح الدلال الصفر لا جالها فوح

مالي جدا ياكود اهوجس وانوّح=واجاوب القمري على عالي الدوح

صحيح من زايد غلاه آتآوِّح=لكن اقول انه بلا شـك مسمـوح

تميت قافٍ جزل صدره على أوّح=من شان عينه صار عجزه على اوح
[/poem]

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
احفظ لسانك وثمن ماتقول=قبل ماتنطق ويكتبها الملك
راقب الله في سكونك والفعول =زين الاعمال في مستقبلك
كل شيٍ من على الدنيا يزول =ينتهي في حين ويزول الفلك
من يطعيع النفس في غير الاصول =اقتدا ببليس يسلك ماسلك
[/poem]
سبحانك اللهم وبحمدك اشهد انه لا اله الا انت استغفرك واتوب اليك

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
جوي مثل جو الرياض بعجاجه=لاغبت عني ثار بالفكر عجه
[/poem]

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاتخليني على جمـر الغـرام=ظفنـي بحمـاك والا فكـنـي
تدري التعزير فالمسلم حرام=لاتسن الرمح يكفي ذكني
التعامل فالمحبه باحترام=مايصير تحدني وتضكني
ياحسين الدل يافـرخ الحمـام=ليـه دايم بالوعود تركني
في مواعيدك احضر بنتظام=خوف راسي من غلاك يصكني
لا لقيتك صارت احوالي تمام=ولافقدتك ضيق صدري تكني
منك ماتحظى وعودك باهتمام=غير صدفه والصدف ماتمكني
سحرك اللي بان من تحت اللثام=لاذكرته في خفوقي دكني
وخدك اللي كنه بروق الظلام=سكني برقه ثواني سكني
لاتكاشف وانكشف حد الحسام=بان جمرٍ لانظرته شكني
يابديع الوصف يابدر التمام=ذبت من هرجتك يوم تلكني
اطرب لذكرك ليا مر الكلام=وغيرك ليا مر جلدي حكني
دام حكم الضرب فالميت حرام=طالبك هالحين تكفى فكني
[/poem]

[center][color=darkblue][font=tahoma]من الارشيف[/font][/color]
[color=darkblue][font=tahoma]ابعتـذر واتـرك الاشـراف[/font][/color]

[color=darkblue][font=tahoma]بالذات في مجلس الخيمـه [/font][/color]

[color=darkblue][font=tahoma]مرتاح معكم ولابي خـلاف[/font][/color]

[color=darkblue][font=tahoma]مادام لـي عندكـم شيمـه [/font][/color]

[color=darkblue][font=tahoma]بس الصراحه نبي انصاف[/font][/color]

[color=darkblue][font=tahoma]والشعـر لابـد تقييـمـه [/font][/color]

[color=darkblue][font=tahoma]ماقدر اجي عندكم منشـاف[/font][/color]

[color=darkblue][font=tahoma]مادام لـي عـزه وشيمـه [/font][/color]

[color=darkblue][font=tahoma]لازم اعدي على المشـراف[/font][/color]

[color=darkblue][font=tahoma]والراجـع ازيـد تقديـمـه [/font][/color]

[color=darkblue][font=tahoma]اوضـح الحـق للـعـراف[/font][/color]

[color=darkblue][font=tahoma]والجاهـل اعيـد تعليمـه [/font][/color]

[color=darkblue][font=tahoma]والعذر لو كان فيه اجحاف[/font][/color]

[color=darkblue][font=tahoma]او بيت ماعـدت ترميمـه [/font][/color]

[color=darkblue][font=tahoma]احاول ارضى هواء الاطراف[/font][/color]

[color=darkblue][font=tahoma]مع قـل وقتـي وتقسيمـه [/font][/color]

[color=darkblue][font=tahoma]ارضى البشر زين ماينعاف[/font][/color]

[color=darkblue][font=tahoma]والنـور ياشيـن تعتيمـه [/font][/color]

[color=darkblue][font=tahoma]مالي مقاصـد ولا اهـداف [/font][/color]

[color=darkblue][font=tahoma]مير الغبي كيـف تفهيمـه [/font][/color]

[color=darkblue][font=tahoma]كلٍ يبي ياصـل الميقـاف[/font][/color]

[color=darkblue][font=tahoma]والمـوج زادت تلاطيـمـه [/font][/color]

[color=darkblue][font=tahoma]القلـب للغانمـه ميـلاف[/font][/color]

[color=darkblue][font=tahoma]لـوزاد جرحـه وتحطيمـه [/font][/color]

[color=darkblue][font=tahoma]ابعتـذر واتـرك الاشـراف[/font][/color]

[color=darkblue][font=tahoma]بالذات في مجلس الخيمـه[/font][/color]

[/center]