[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شكواك عندي في برووج عاليـات محصنـات=اجلهـا واحلهـا لـو دربهـا ماقـد مشيـت
الحـظ بالدنيـا يديـر اكثـر علـومٍ دايـرات=حظك نصيبك مايصيبك شي حاصل لو عديـت
الهمه العليـا تحطـك فـوق روس النايفـات=والهمه الدنيا قعدت ابهـا ليـا منـك رضيـت
سدد وقارب للهدف لاتقول ماقـد فـات فـات=اضبط عيارك وانتبه ترمش ليا منـك رميـت
كل اختبار لو فشل غيـره مـع الايـام يـات=كرس جهودك زين واخلص بالعمل لامن سعيت
برقٍ تعـدا بالمـزون الساريـات المردمـات=لاتلتفت له لو على وبلـه تحسـرت وبكيـت
من صارع الدنيا يشوف الغايبـات المبهمـات=تبدي لك اللي مختفي وقت الصباح وبالمبيـت
جمع بقايـا مابقـا وارق الرجـوم العاليـات=شد الحزام ولو بدا حالك مـن ايامـك شتيـت
لاتستمع لاهل العقول الصاغـرات الخاويـات=سكر سموعك عن هروج النذل كنك مادريـت
طرد الهروج تحاربه كـلّ العقـول الراجحـات=مافيه فود من الملاسن هج لـو فيـه ابتليـت [/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تنظرون الزين لامـن تسـوَح=خلوه يشفي علة القلـب ويـروح

يرتع قدم عيني واذا صحت روّح= وان راح تلقاني من الوجد مطروح

مادام حبه من ورى الحدب طوَح=اكيد باني له بقلب العنا صروح

ماني بقايـل فيـه مثـل الملـوح=حتى لو اكتب حرف قافي على لوح

لن الحروف لعطر وصفه تروَح=واخاف اذيع بخافي السر وابوح

من كثر ماغلي صاحبي قمت ابوّح=ببيات شعر قافها ينعش الروح

الشاهد الله بالمفاتن تشوّح=تقدر تقول بزايد الحسن مفضوح

فيه الوصوف بكف حسنه تلوّح=للطهر والعفه على هامته ضـوح

قلبي بحبه ياهـل العـرف فـوّح=فوح الدلال الصفر لا جالها فوح

مالي جدا ياكود اهوجس وانوّح=واجاوب القمري على عالي الدوح

صحيح من زايد غلاه آتآوِّح=لكن اقول انه بلا شـك مسمـوح

تميت قافٍ جزل صدره على أوّح=من شان عينه صار عجزه على اوح[/poem]

[poem= font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كان الغلا من داخل الروح للروح=اجل وش اللي باقيٍ للجوارح
ياصاحبي لا رحت منته بمسموح=الا ليا من صرت للوضع شارح
اعطيتك اللي في يدي قبل لاروح=وانته ولا همك مع الغير سارح
ياصاحبي ماهي حركات ومزوح=ولا ني على ماصر وياك فارح[/poem]

[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

مادام قلبك بابسط الحق وفى=الحق عليه عذبني طيوفك
مشيك سليم ولاحصل فيه لفا=لاتستحي من شوف عينٍ تلوفك
الطير طار وسايل الدمع جفا=ماباقي الا ماذكره من وصوفك

[/poem]

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

ياناس انا عندي سوال من الراس =ودي بحله كان له حل هاتوه

ياويش ياهل العرف مجموعة اقواس=واللي وسطها كنكم ماقريتوه

لا يجلب النفعه ولا يذهب الباس=افضل منه لو كان كتبه محيتوه

فيه الرجا مقطوع من جملة الناس=لكن خساره عاد لو ماعرفتوه

وصفه يخلي صافي الفكر يحتاس=لاقبلها يذكر ولا قد سمعتوه

على الطبيعه للبشر منه وسواس=حتى ولو شفتوه قلتو لمحتوه

يعني كذا مخفي وظاهر وينداس=لو تاجدونه كنكم مالقيتوه

تقول مدسوسٍ ورى حمر الاطعاس=على مزاجه لابغاكم طرحتوه

من يملكه ظنه ملك قطعت الماس=من يملكه من جد مبلي ومعتوه
[/poem]

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياصاحبي ماهي كذيا على طول=تقفي وكنك مادريت بعلومي
انا صراحه من تجافيك مذهول=وش لون تتركني بهمي اعومي
ابيك حولي دايم تصول وتجول=ومنزلك عندي فوق ذيك النجومي[/poem]

[poem= font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله اكبر كيف عجلات الليالي =في رحها بالخوافي تستدير

الله اكبر قلتها باول وتالي=جل سبحانه عليم ٍ بالمصير

ياظروف الوقت لازنتي تعالي=لا تخليني ترا وضعي خطير

ودي احقق بعض ماجا ببالي=وان كسبت الطيب ماصرت الاخير[/poem]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

اخ ياراسي وش اللي صار فيه=قمت احسب وانتبه عقب الفوات

كم عرضلي واحدٍ قدمه وابيه=بس هذا ياترى ويش السوات

ايه لا والله هذا ماهوب ايه=ماعرفته قبل ترويه الروات

[/poem]

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياهلا يامرحبابك ياهلا يامرحبا=اقلط اقلط في خفوقي دام مفتاحه معك
اعتبر قلبي حلالك سو فيه اللي تبا=مابه احدٍ في حلالك باي حجه يمنعك
ماحدٍ ياصل مكانك لو برك والا حبا=انت من قدك مادام ان المحاني مربعك
ابرك الحزات عندي يوم اشوف احلى الضبا=راتعٍ باقصى الخفوق اللي على نبضه دعك
يانسيم الورد لاهبت ذعاذيع الصبا =ياشبيه البدر في ليلٍ كشف به مطلعك[/poem]

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اذا السالفه ياصاحبي بـس نظـرة مـوق=ترى اللي حصل مايلحقه حكـمٍ اجبـاري
تبعد عن المجمول ليـن المـزاج يـروق=واذا صادفـك لاتنظـره واطـب البـاري
واذا صار له عندك من اول قديم حقـوق=تحمل علـى شانـه ولاتستمـع غـاري
ترى الموت لا من صار بين القلوب فروق=وراع العيون السود عـن حالتـك داري
بسوق الهوى مافيه سارق ولا مسـروق=ولاتفرق السومات مـع بايـع وشـاري [/poem]