(( .. احلى القصيد .. ))

[جراح العتيبي]

اعزائي الاعضاء الكرام لتنشيط القسم ونشر افضل مالديكم من نصوص
شعريه , احيطكم علما بأننا سنختار في كل اسبوع قصيده تحظى بتثبيت دائم في موضوع واحد , ويكون الموضوع مغلق خالي من الردود للقراءه فقط
للقصائد المختاره في كل اسبوع .

سوف نبدأ بالموضوع كأفضل نص شعري اسبوعي من يوم الجمعه القادم
ولمن يريد ان يتحفنا بنصوصه الرائعه اتمنى نشر الاسم الحقيقي

[حسام هوازن]

جميل منك هذه المبادرة يجراح
والجميل انها اتت من شاعر
له وزن مثلك بالتوفيق
للجميع والشكر الجزيل
لك يجراح

دمت بخير

[جراح العتيبي]

من بنات الفكر اسجل ما بدالـي=انتقي جزل المعاني يـوم اقـول
......
كل ما بالكـون عـده للزوالـي=غير وجـه الله تعالـى مايـزول
......
الجديد يصير بعـد ايـام بالـي=جدتـه لوطـال لايمكـن تطـول
......
مع مرور الوقت يرخص كل غالي=تذهـب اللـذات ويقـل القبـول
......
الشجر لاجف ما جالـه ضلالـي=تسقط أوراقه وغصنه في ذبـول
......
الشباب يشيـب لاجالـه مجالـي=واخر ايامه على اللوح محمـول
......
تجـري الأيـام وتمـر الليالـي=والسنين بحال دنيانا تصول
......
العمر ينقص ويفنـى لا محالـي=لو تعاقب فيـه دورات الفصـول
......
والدهر محتوم يفتك مـا يبالـي=والمنايا بيـن خلـق الله تجـول
......
يا بن آدم في حياتك مانت سالي=لو وصلت أعلى درجات الوصول
......
كيف تنسى منزلك قبـر هيالـي=حفـرةٍ ظلمـا مناظرهـا تهـول
......
لا نزلت القاع من عقب المعالـي=وصارت الكثبان من دونك تحول
......
ما معك مخلوق تنزل فيه خالـي=مالك إلا ما فعلتـه مـن فعـول
......
يسألونك فيه عن عدة خصالـي=منكـر ونكيـر يبغـون الحلـول
......
ويوم بعث الخلق بالمحشر قبالي=مهطعين مقنعيـن بـلا عقـول
......
يوم حر الشمس فيه يزاد صالـي=والعرق يجري كما جري السيول
......
ينظرون العلم ويش يصير تالـي=مرخيين الروس بأشـد الذهـول
......
والصحايف باليمين وبالشمالـي=نازلـه بيديـن راعيهـا نـزول
......
والصراط امتد من جـالٍ لجالـي=فوق صلوا النار مايثبت جفول
......
ذا يمره مثل بـرق فـي خيالـي=وذا يطيح وذا يقوم وذا عجـول
......
منهم اللي مسكنه بجنـان عالـي=ومنهم اللي بأسفل النار محبـول
......
خالديـن مخلديـن بكـل حالـي=التقي مرتـاح والعاصـي ملـول
......
ذي حقيقه واقعه ماهـي خيالـي=قلتها واللي عرف مثلـي يقـول
......
كم جمعت وكم تركت وكم غدالـي=في حياتي يوم أصول أبها واجول
......
يالله المعبـود يـارب الجلالـي=اغفر الزلات عـن عبـدٍ زلـول
......
تمت وصلو على سيد الرجالـي=النبي المصطفى العبـد الرسـول
......
عد ما بالارض حبـات الرمالـي=وعد مابه من جبال ومن سهـول
وسلامتكم

لشاعر المبدع / عبدالله مرزوق المرشدي

[جراح العتيبي]

......
......
......
ياهني اللاهـي اللـي قـال عنـي مستريـح=مادرى إني من عذابي قبل يوميـن إمتكـوّي
......
ياخليّ البال قلبي مـن عنـى وقتـي جريـح=تسحب الفرقا الشرايك والحشى فيها إمتلـوّي
......
لاتصدق ضحكتي لو صـوّرت بالـي فسيـح=والله إني من عدود الهـم صـادر وإمتـروّي
......
كم شقيت وكم عديت ولاكسبـت الا الفحيـح=لأنتحى حظ الشقاوي في زمانه وش يسـوّي
......
احسب إن الوقت يجزل مدته وأثـره شحيـح=لاصفا جوي دقيقـه عكّـر الغربـال جـوّي
......
ولازم أخاوي زماني لو بـدى وجهـه قبيـح=وخوّته لو ماستوت لي من عليه اليوم أخـوّي
......
وليتني وإن طحت طيحه كان قدّر لي مطيـح=ماتصير بعين حسّـادي ولا يـدري عـدوّي
......
ياخليّ البـال والله مـا سـلا قلبـي مريـح=صرخة القلب الشقاوي في قفص صدري تدوّي
......
دالـهٍ قلبـك وقلبـي لأستـراح ولا يـريـح=عانـده حـظٍ تعثّـر لانخيتـه قـال تــوّي
......
وأسمع اللي ماعرفته هاك من قلـبٍ صريـح=رغم كل اللي جرالي بالصبر شبيـت ضـوّي
......
ولاحسبت إحساب دنياّ فانيه هـذا الصحيـح=غير طاعت من خلقني ماتغفر الذنـب لـوّي



لشاعر المبدع / فهد بن فهم

[جراح العتيبي]

يكرررم
.
.
.
.
ياطول ليلٍ نعيش بوسـط ديجـوره=وعيوننا اللي نشوف بهـا يغمغمهـا
.......
لاهين ساليـن والاحـوال مستـوره=نوخر الرجـل والاخـرى نقدمهـا
......
قلـوب عدوانـا بالحقـد معمـوره=وقلوبنـا صافـي النيـه تلازمـهـا
......
ياكم وكم مرروا بالصوت والصوره=تمشي ووحده من العشرين نفهمهـا
......
واليوم خيـر البرايـا حرفـوا دوره=واستهزو بسيد السـادات واكرمهـا
......
يكرم نبي الهدى اللي عمنـا نـوره=عن صورةٍ زمرة الشيطان ترسمهـا
......
شفيعنا يوم كـل الخلـق محشـوره=محشوم يارمزنا والرسـل خاتمهـا
......
محبتـك يارسـول الله محـفـوره=بقلوبنـا مالـهـا نــدٍ يزاحمـهـا
......
وامتك عن نصرتك ماهي بمعـذوره=والوقفه الصادقـه بانـت معالمهـا
......
رداً على المجرم اللي مد حنجـوره=الموت والنار جعلـه مـن غنايمهـا
......
حنا اتفقنـا وكـلٍ سجـل حظـوره=السلعـه الدينماركـيـه نحرمـهـا
......
خل الخواجه مع بقرته ومـع ثـوره=وكلابـه اللـي تشمـه ويتشمشمهـا
......
حيثه يشابه لها فـي كامـل أمـوره=بهيمـةٍ ماتميـز مــن بهايمـهـا
......
حفر لنـا حفـرة تقـول ماصـوره=ومن شين حضه وشينه طاح في فمها
......
والله ليبطي وهو ماطابـت حـروره=وبضاعته كاسـده محـدٍ يساومهـا
......
امة محمـد بقـو العـزم مشهـوره=وفي حزة المعضله يظهر تلاحمهـا
......
وقفاتها من عظيم الشـان منصـوره=جيوشها الشعـب والقـاده تزعمهـا
......
ياسبق الشعر حبي خشم اخو نـوره=وحبي يمينه عسـى ربـي يسلمهـا
......
العاهل اللي عليه البيـض منشـوره=طوال الالسن عن الاسـلام يلجمهـا
......
أمر بسحب السفير وجا على شوره=وامة محمد علـى الطالـه تقدمهـا
......
وبليس مدحور واللي معه مدحـوره=بعد التبجـح تبـي تبـرد عزايمهـا


لشاعر المبدع / ضاوي العصيمي

[جراح العتيبي]

يالله يالـي فـوق سبـع السـمـاوات=تفـرج لحـال الـي عصتـه الليالـي
....
سايرتهـا بسكـات بسكـات بسكـات=واقـول بكـره يصلـح الله حـالـي
....
ماودي اشكي عنـد عـاذل وشمـات=ولابي علـي النـاس تلقـى مجالـي
.....
اقضي طـوال الليـل نـوح ٍوونـات=والناس ماتـدري عـن الـي جرالـي
....
صبـرت واستبدلـت قولـي تنهـات=وتسابقـن دمعـات عينـي تـوالـي
....
عليـك ياحلـم ٍاشـوفـه ولا مــات=رغم الحضـوض النـادرات القلالـي
....
لك الذي مـا تختلـف فيـه هقـوات=ماتختلـف هقـوة رفـيـق ٍعنـالـي
....
لا والله اثبت والحـق القـول باثبـات=والقول مـا يثبـت عـزوم الرجالـي
....
لا والله الى الفعـل والفعـل بالـذات=محـد ٍيقـول المـر يانـاس حـالـي
....
للطيـب درب وللرخامـه متـاهـات=ويالي بغيـت الطيـب اسمـع مقالـي
...
صـل الصـلاة واد كـل العـبـادات=واسجد لوجـه الله عزيـز الجلالـي
....
وللوالديـن حقـوق ذكـرت بالايـات=ياجب عليـك اصغـاااء ثـم امتثالـي
.....
ثـم عقبهـا لاتلحـق النـاس نمـات=اوزن كلامـك يرفعـك فـوق عالـي
....
ترى لسان الشخص للشخـص مرئـاة=ان اعتـدل عدلـت وان ملـت مالـي
.....
واحرص على وقتك ترى الوقت لافات=تنـدم علـى فوتـه ليـال ٍطـوالـي
.....
لاصـار مـا شيـد شبابـك بنايـات=لاصرت شايب مـا بنيـت العوالـي
....
شيدلك من الطيب قصـر وعمـارات=تذكربهـا لاصـرت تحـت الرمالـي
....
اسمع كلام الناس وانضـر للامـوات=واختـر لنفسـك مـا تريـده يقالـي
....
واحذر ترى للنفس رغبـه وشهـوات=ان طعتهـا راحـت عليـك المعالـي
....
طـرد الهـوى ذلـه ولافيـه شكـات=يامـا تنـزل مــن (سبايبَه)عـالـي
....
ولا تلحقك من قلـة الحـال ضيقـات=خلك على ماقال( صـدرك شمالـي)
....
اضربهـا واحـذر تطيـح بمغـبـات=ولا تنفتـن نفسـك بطـرد الريـالـي
....
واعرف ترى غال الكنـوز القناعـات=من فـاز فيهـا فـاز والفـوز غالـي
....
ولا تخـوَف مـن نهـايـة بـدايـات=خلك علـى كـل الامـور ارتجالـي
...
الخوف يرمـي صاحبـه فالهزيـلات=ويثنيه عن كسـب الامـور الجزالـي
....
الموت مره لاكـن ان خفـت مـرات=والله مـا تمشـي حيـاتـك عـدالـي
....
خالط جميـع النـاس كـون علاقـات=لا تجلـس لحالـك تصيـر انعزالـي
....
لاكن بنفس الوقـت ياصـاح هيهـات=تمشي بهواك الناس فـي كـل حالـي
....
فالناس طيب واكثـر النـاس عيَـات=رافق هـل الطـولات خـل الثعالـي
...
والجـار كثـر جيتـه والـزيـارات=سيَر تـرى الدنيـى سريعـة زوالـي
....
فنجال بن وعـود ٍ ازرق وضحكـات=تشيـل هـم الـي همومـه ثقـالـي
....
مافـات فـات ومـاهـو اتــي ٍ آت=اسمـع كلامـي وافهمـه للتـوالـي
....
رتـب حياتـك حـط الـك اولويـات=وخطوط حمرى واضحـات ٍ جلالـي
...
الدين لا ترضى على الديـن خمـلات=هـاك الكـلام الـي يهـز الجبالـي
....
والله ما ترضـى عليـك الولايـااااات=اليـن تتبـع درب ذيــك المـلالـي
...
جاهد عـدو الله فـي كـل الاوقـات=بالحـال ولا الـمـال ولا العيـالـي
....
ثـم الوطـن احيـان تاتيـه حـزات=تبـي رجال(ن)يحملـون الحمـالـي
...
وقـف بعـزة نفـس قلـه سلامـات=يالمعتدي فالعقـل جـاك اختلالـي؟؟
....
ثم اقطع الرجعه وقـل جيـت مـوات=والله مـا تفـرح بـيـوم احتـلالـي
....
هاذي لأهل الطيـب مثـل العلامـات=نضمـت فيهـا كـل كـار ٍ طرالـي
...
وللطيـب درب وللرخامـه متاهـات=ويالي بغيـت الطيـب طبـق مقالـي


لشاعر المبدع / نايف بن عرويل

[النـايــــــف]

بيض الله وجهك يا جراااح


انا اسف على المقاطعه


بس الفكره حلوه

تحياتي لك يا الغالي

[جراح العتيبي]

البرق حبك والحشا دفتر الغيم=من لاح صبيت الرعد فـالحـــنايا
...
...
هذا انت ترحل لأيسر الصدر وتقيم=تلبس نهاري والليالي عرايا
...
...
قبل أمس رمشك في قلوب المعازيم=واليوم كحلك في عيون المرايا
...
...
دامك تقود الريم في مرتع الريم=دوك الضلوع اللي وراها سرايا
...
...
ترى الغلا يرخص مقامه لياسيم=ويزيد لاصكت عليه المنايا
...
...
من وين أوجه والزمن بوصله ضيم=والقلب طيرٍ في يـد ين النوايا
...
...
إن قلت أحبك ضّج عطر الملازيم=وإن طال صمتي تستجن الزوايا
...
...
أشرب قراحك عزم وأضماه تصميم=يوم أعذب أنفاسك تمــد الهدايا
...
...
لاجيت أسافر في مزاياك وأهيم=ألقى عيوبك في عيوني مزايا
...
...
من صغر سنك يكبرن المفاهيم=ومن كثر حسنك يندرن الحلايا
...
...
جيد ك يوزع للغصون الترانيم=وعيد ك يجمّع فرحته للصبايا
...
...
حبك برق واثر الحشا دفتر الغيم=من لاح صبيت الرعد فالحنايا
....
....
وسلامتكم



لشاعر المبدع/ طلال صالح العتيبي

[جراح العتيبي]

(( ((... لا سلا م ولا سلا مه ... )) ))



ياعرب ياعـرب ياكبرهامـن غبينـه=كان صهيون حطت في جبينك علا مه
دمك مسفوك بايديـن اليهـود اللعينـه=لاحصل لك سلام ولاحصل لك سلا مه

العـداوه قـد يمـه والظغينـه د فينـه=يعرف اسبابهاالي دوب يبلغ فطـا مـه

والله انك من اعصورٍمضـت تعرفينـه=من لقـى عندعبادالكنايـس شهـا مـه

كل من قام يرطن لك تبعتـي رطينـه=لين عجت على شمس العروبه غما مه

ياعرب جمعي باقـي حطـام السفينـه=من قصرخطوته بان الوقس في عظا مه

ومن فلسطيـن لا بغـداد لا تنكرينـه=كيف من شاف ذالافعال يهنامنـا مـه

يغدرون المصلي في صلاتـه ود ينـه=وانتهاك المحارم مثـل قودالنعـا مـه

اهون الموت من بعض العلوم المشينـه=ياحيـات المذلـه بعـد دوس الكرامـه

ياعرب من سلب عزتـك لا ترحمينـه=قبل صهيون ابن صهيون يبلغ مرا مـه

ومن يخا لفـك فـي قمتـك لا تقبلينـه=خلي مخا لف الملـه يعيـش بظلامـه

نزعة ابليس حلت بيـن عقلـه وبينـه=يددعي باالشجاعه والفعايل رخـا مـه

خلي امطابن الخفـرات يلقـى طبينـه=ماخبرناالصقريقلب ويصبح حمـا مـه

والعلوم ادبرت مابيـن زينـه وشينـه=ارقصي ياسميره واربطي باالعما مـه

وامري طال عمرك واطلبـي ماتبينـه=كل واحدعلى مبداه يسلـك نظـا مـه

ومن درى وش فعل صهيون تبت يمينه=دام تفكيرنافـي ماجنـات الوسـا مـه

يالله انك تناجي من رفـع لـك يدينـه=تمحق الي خلط بين الحلا ل وحرا مـه

قالهاشاعرٍحب الوطـن نصـب عينـه=وكلمة الحق عنوانه وزبـدة كـلا مـه

وسلامتكم




لشاعر المبدع / عيضه العيسى

[جراح العتيبي]

يالله يالي تـرزق الطيـر ويطيـر=ياساقي الديـره ومنـش الخيالـي
ياهاجسي لاهنـت مسّيـت بالخيـر=لاهنـت يالهاجـس ترفّـق بحالـي
يا ماحلى شوف الورود المزاهيـر=في روضة(ن)خضرا سقتها السيالي
مع خوّت اهل الرّاي قوم(ن)مناعير=اهل الحمايـا فـي دروب الحلالـي
نسرح ونضوي للمحل حزّت اعصير=نشعل لنـا ضوّ(ن)عـواده جلالـي
يا ماحلى شوف الـدلال المباهيـر=تنعش لي السجّـه ويرتـاح بالـي
بيت(ن)مروبع في طواريفه البيـر=نارد على الجـمّ ابحبال(ن)طوالـي
ما عندنا يا ناس من نافـخ الكيـر=والا حسود(ن)طامع(ن) بالرجالـي
ما عندنا الاّ من رجال(ن)مشاهيـر=اهل الظفر والطيب واهل الجزالـي
وانا ابدوي(ن)من حلالـي مغاتيـر=تسوا جمع الخلـق عـزّت عيالـي
راعي عراوي كان مافيـه تقصيـر=افخر ليـا وقّفـت بيـن الجمالـي
انظر واعاين في طواريفـي النيـر=اذكر فعول(ن)يـوم حـدّ السلالـي
ربعي عتيبه مـن رجال(ن)مخابيـر=اهل الشجاعـه والوفـا والكمالـي
اهل الظفر والعز واهـل المشاويـر=تعرَف سلايلهـم بعـرف الجبالـي
يالله يالمعبود تكتـب لهـا الخيـر=ياساقي الديـره ومنـش الخيالـي

وسلامتكم



لشاعر المبدع/ ابونجر
فيصل بن مفلح بن فالح العتيبي

[جراح العتيبي]

هب البراد وبشر الوقت بالخير = والغيم في جوه تزبر سحابه
نسمع على رفحا وبلقان وعشير = غثاء سيلن كل طايف حكابه
يالله من المنشى على عليه يسير = زفول نون إيتقارع ضبابه
يهل وبله مثل ضرب المسامير = يقطع على الشعبان بأعلى هضابه
لحيث ماتعرف عسوس ومداوير = حزم صدين يزبن الي وزابه
وانشوف زفق العشب فيها مزابير = أتقول داخل في دهاليس غابه
خلاص مايحتاج للوضع تأخير = يا لعنبو رجلن ما يغنم شبابه
قررت اشيل العفش فالحال واغير = جاهز ولا يحتاج عندي حزابه
والجيب ربعن من الامارات تصدير = يحرم عليه ماحدن قد مشابه
وخوت نشاما طيبين مناعير = أما من اقصى الناس ولا قرابه
يازين لا شفنا الجوازي مدابير = مايسلم الي راح ينقل صوابه
بمضلعن مسلوب والمخمس قصير = اتجمل القانص وبالي غزابه
انزل وشب النار في حزة عصير = في مدركن كن الزوالي ترابه
والنجر يصقع والغواري مناحير = تقطع وازل الفصل وأشخل سرابه
انحلق ونشرب من قناد المباهير= فنجالها يدرج ونثني شرابه
وسوالفن يبدابها شيخنا الزير = ثم القصايد ثم جر الربابه
والعشا من صيد حر الصقاقير = اضغط وشو واحنذ ولا به غرابه
انا أشهدن للعمره لذه وذي غير= اغنم شبابك قبل يطوى كتابه
ما يسعدك جمع الذهب والدنانير= المال ينفد ..لا تحسب حسابه



لشاعر المبدع/ جبل بن زيد القحطاني

[جراح العتيبي]

.
..
..





فرقتنا الليالي غصب من غير طوع = والليالي على مثلي دوامٍ عسيره
كم عشيق شكى لوعه تهزّ الضلوع = لا أقبل الليل جض وكن ساقه كسيره
غيبتك عن سمايه وسط قلبي تروع = مونسٍ في حنايا القلب مثل السعيره
لنتصف ليل خلق الله وزان الهجوع = قمت أجاوب عوى ذيبٍ برأس الزبيره
وأنحدر من عيوني دم أحمر يفوع = من جروحٍ سطت بين الضماير خطيره
أشهد إني عشقتك ياحسين الطبوع = عشق عنتر لعبلى في عصور المغيره
ما أختلف صدق حبي لك بكل الشروع = وشرع حب القداما غارقٍ في غزيره
ياحسين الوصوف البعد صعبٍ يلوع = كم عشيرٍ تلوّع من غياب العشيره
مااقدر البعد أنا لوطال قلبي جزوع = ما أحتمل غيبتك ياهاجر ارض الجزيره
جعل دار نزلت ابها بروقٍ شعوع = يسقي الغيث دارك لين توحي هديره
مزنةٍ في مثان الوسم عندك تموع = لجل يبقى حيا دارك ورودٍ زهيره
ياابن عمي تولع قلبي ابها ولوع = طفلةٍ في ربيع العمر توا صغيره
والله إني على لاماه أهل الدموع = وأرتجي يوم قربه بالهجر والسريره


وسلامتكم

ابن روق
الشاعر / بدر سفر الغبيوي

[جراح العتيبي]

المعذره يازمن والناس خداعه=ارجوك تقبل عذر وتشوف تفصيله
ادري نشوف الخطا والوقت شماعه= بعض( ن) يقول الزمن قلوا رجاجيله
والي يسب الزمن ويسب اوضاعه=مايدري ان الخطا والعيب في جيله
جيل(ن) يغير مع التطوير بأطباعه=ويقول هذا الزمن كثرة عراقيله
والحب الاول عفيف ويشكي اوجاعه=يعيش في خافق العاشق ويشكيله
والجود اشوفه شديد ويرفض الطاعه=موروث ثابت ويزهى في حلاحيله
والدين بين ولا ندري متى الساعه=والموت قرب ولا نقوى بتأجيله
والمجد شخص(ن) يخلد ذكر صناعه=مالي طمع في حياتي دون تحصيله
والذل يسحب ضعيف النفس بكراعه=وانا كريم النسب وارفض مواصيله
اكتب قصيدي واعرف الشعر بأنواعه=واعشق بحور الشعر واعرف مداخيله
والرجل يطمح يعيش بظل ابداعه=والي يحب العلا يتعب رواحيله
والفخر للي يجيب العز بذراعه=ماهو لمن يحصي لجده مفاعيله
الجاهل الي بكذبه تكثر اتباعه=ماعنده الا حديث (ن) زاد تظليله
والفقر ند الكريم وند اطماعه=واصعب ظروفي كريم ومامعي حيله
المعذره يازمن والنفس ملتاعه=عذري كتبته وعذري صعب تحليله

وسلامتكم


جراح العتيبي

[جراح العتيبي]

ا لــــحـُـــر يـَّـــه
بسم الله الرحمن الرحيم
لقلوبكم
الطاهره

بلاغـة حـروف اللغـه والثقافـه=ما تنفعك يابنت من دون الاخـلاق
تاريخنا يابنـت بيـض ٍ صحافـه=وافكارنا ما لوّثـت كلهـا اشـراق
حريّـة ٍ فيهـا مجـون وسخافـه=في طبعنا يابنت ماهـي بـتنطـاق
حريتـي يـا بنـت فيهـا نيـافـه=فيها سمو الـذات وانـواع الاذواق
حريتـي أسجـد لربـي واخـافـه=وارجيه عفوه يوم تقسيـم الارزاق
وحريتـي بالسعـي بعـد الطوافـه=وأعل من زمـزم وتبتـل الاريـاق
وحريتي صوم الشهـر واعتكافـه=وأفطّر الصايم واسـارع للانفـاق
وحريتـي بالوالـديـن الريـافـه=حق ٍ علـيّ ابرهـم مانـي بعـاق
وحريتـي تقديـم حـق الضيافـه=للضيف لا منه لفا ضـان ونيـاق
وحريتـي بيـت ٍ وسـاع ٍ رِفافـه=والباب مفتوح ٍ وممنوع الاغـلاق
والنـار مشبوبـه ولابـه كـلافـه=معها تراحيب وهلا لكـل مشتـاق
ودلال مصبوبـه ونبـل وظـرافـه=وخواطر ٍ تضحك ولا بينهـا نفـاق
في مجلس ٍ مافيـه هـذر ولقافـه=ولا كـلام الفلسفـه والتتـريـاق
وحريتـي للجـار نضفـي لحافـه=وتضيق خطّرّنا اذا خاطـره ضـاق
وحريتي لحق الخـوي واعترافـه=خوينـا يأمـن ولا هـو بـينعـاق
وحريتي لاجا للصفـوف اصطفافـه=نثني لها الركبه ونركزلهـا السـاق
خصيمنـا منّـا تجيـه ارتجـافـه=ما عندنا رحمه ولا عندنا اشفـاق
نضرب بحـد اللـي حـدادٍ رهافـه=ما ياكل إلا من لحم قوع الاعنـاق
وحريتي طبـع الوفـاء واحترافـه=عاده شربناها على الريـق تريـاق
وحريتـي درب النـذالـه نعـافـه=مانعترف باسلوب لاحـس ولعّـاق
يابنـت لا يغـرك كـلام الصحافـه=مجرد حـروف ٍ تُبيّـع بـالاوراق
عليـك بـأهـل الشيـم والعفافـه=وتلبسي بثوب الحياء وسط الاسواق
ترى الثمر لا فات موعـد قطافـه=يذبل ويصبح مر مـا عـاد ينـذاق
أقولهـا ناصـح ولا بـه مخـافـه=نصيحة ٍ منّي إلى نـوف واشـواق
مع
اجمل المنى
شامل
محمد بن عبد الله بن رافد الحبردي

[عبدالله المرشدي]

من هنا نكتفي بالروابط وهذا رابط

مصافحه اولى (رسمتك للهوى )

http://www.otaiby.com/vb/showthread.php?t=13047


الشاعره/ حنين الماضي

[عبدالله المرشدي]

ولاكل شخصن لو ضحك لي يصير صحيب


http://www.otaiby.com/vb/showthread.php?t=61



لشاعر الكبير /جهز الهرس

[ابن مسلم]

وهذه القصيده للشاعر / عبدالحكيم بن سعود الثعلي العتيبي ( شاعر روق)
من منبر التوجيه اوجه ارساله
http://www.otaiby.com/vb/showthread.php?t=13564

[عبدالله المرشدي]

تامر امر
لشاعر القدير
ناصر بن سعدي
http://www.otaiby.com/vb/showthread.php?t=12782

[ابن مسلم]

صوره قديمه


http://www.otaiby.com/vb/showthread.php?p=268897&posted=1#post268897



للشاعر المتألق / عيضه العيسي

[ابن مسلم]

أخواني الكرام كما عودناكم بإن نختار من قصائد الآعضاء مانراه
جزلأً ونضعه في منتدى أحلى القصيد ونظراً لجزالة هذه القصيده وهي للشاعر المتألق والمبدع / عبدالله بن فيحان السميري الروقي العتيبي
وهي بعنوان (( السعووووووووووووديه ))
أملاً أن اكون وفقة في إختياري وشكراً
http://www.otaiby.com/vb/showthread.php?t=20243

[ابن مسلم]

وهذه قصيدة نايفة نجد
بعنوان الخفافيش
http://www.otaiby.com/vb/showthread.php?p=276309&posted=1#post276309



وقّف وشوف المهزله والخرابيش= تأمّل المنظر بفهم وبراعه
بعض العرب يعشق حياة الخفافيش= ماهو بنور ولا تجلا شعاعه
إلْيا مشى يمشي وهو نافش الريش= قدره وِضيع ولو بذل مستطاعه
ماظنّ مثله يفلح بيوم ويعيش= ولاظنّ يلقى في حياته وساعه
أكبر خطأ لاجوك ناسٍ مخاريش= وعدّيتهم منّك وصاروا جماعه
اعْليت انا من قدركم يالحرافيش=يومي عرضت بسوقكم لي بضاعه
لا لا تهوّشْ منْت قدّ التّهاويش= العزّ راسي والقناعه قناعه
اضْحك على غيري وطرّش مطاريش= الْعب بهم مابين وصْل وقطاعه
ماهو بانا اللي تنخدع بالتشاويش= ولاهو بانا اللي تعشق بنصّ ساعه
واكبر خطأ لاجوك ناسٍ مخاريش= وعدّيتهم منّك وصاروا جماعه

[ابن مسلم]

أعزائي اعضاء وزوار منتديات قبيلة عتيبه
الحق يقال واليوم وقع الإختيار على قصيدة لشاعرنا الكبير اللذي مهما تكلمنا عنه لن نوفيه حقه شاعر أثراء العديد من المطبوعات الإعلاميه بالعديد من قصائده المتميزه لايكاد يمر أسبوع لاتجد له مشاركه في إحدى المطبوعات هل عرفتموه ؟ سوف أختصر لكم الطريق وأقول لكم
إنه شاعر منتديات قبيلة عتيبه إنه الشاعر المميز بكل ماتعنيه هذه الكلمه إنه الشاعر / عبدالله مرزوق المرشدي يسرني أن اترككم مع أحدى روائعه وهي الألفيه بعنوان ( الياء يقول المرشدي بأخر القاف)
http://www.otaiby.com/vb/showthread.php?t=14871

[عبدالله المرشدي]

كتلة حنان

للشاعر /الشامل /محمد عبدالله الحبردي

http://otaiby.com/vb/showthread.php?t=20842

[align=center]
كـتـلـة حـنـا ن

إسبحي يا كتلة ٍ في وسط دمّي =كائن ٍ حيّ يتغذى من عروقي
في محيطي يا بعد كيفي وكمّي=إدخلي مع خفقة الخافق خفوقي
أسعديني بددي لي كل همّي=أشعلي شمعة نظرعيني وشوقي
بددي ليل الهموم المدلهمّي=وذوقيني متعة إحساسي وذوقي
وبعثري لي نشوتك بـالحيل ضمّي=ولملمي تحنان قلب ٍ لك شفوقي
وانتشي لذة ودادك واستشمّي=واطعمي طعم الغلا بـ كل معلوقي
وخيمي في ثومة القلب استجمّي=روقيني وروقي دمي وروقي
كل ما في داخلي قال إلك سمّي=طولي وعرضي على تحتي وفوقي

[ابن مسلم]

أعزائي الكرام يسعدني أن اضع بين أيديكم هذه الجوهره الفريده من نوعها وبما تحلمه في طياتها من معاني وكما جائتنا وهي للشاعره القديره ( نايفة نجد)

اعلم ان لكل نفسٍ شموخ وكبرياء ولكل قلمٍ انفةٍ واِباء...

فمن منا لايرى نفسه فوق عنان السماء ومن منا لايتباهى بذلك بما يملك
من حروفٍ وقوافي اذا كان هذا مايجيده في الحياه
حروف وكلمات واحساس نفس
ترى انها ترتقي الى حدودٍ ومساحات عاليه ...
لتنظم لكم عقدٍ يليق بشرف النظر من اعينكم وحضوركم

نفسٍ شامخه و عزةٍ باقيه ...
بقلمي المتواضع

فأقبلوها مني كما هي .....




النفس عندي على حدود السما ترقا=تتعـب يديـن العـواذل ماتولاهـا

اطرق حروف القوافي وابدع الطرقا=واشيل قافٍ تعـلا فـوق مرقاهـا

ياكبر فرق العرب عن بعضهم فرقا=احدٍ تعزك حروفـه يـوم تقراهـا

واحدٍ تعود على الهرجات والقرقـا=ماعَد نفسه عزيـزه يـوم دناهـا

الطيب بحرٍ نغوصه والسما زرقـا=ماهين انا خطوتي ماافَرح اعداهـا

ادري سرقت الكرى من عينهم سرقا=واشعلت نارٍ تنصت مـن تنصاهـا

والعاذل اللي يبيها يحتـرق حرقـا=والله مايهتنـي والحـق مبـداهـا

العز في روقنا والـزود فـي برقـا=ثوبٍ كساها واشوف الثوب يزهاها

الطيب ساسٍ لنا عرقٍ ورى عرقـا=ربي يديمـه علينـا ليـن نفناهـا

[عبدالله المرشدي]

قصيده جزله لمشرفنا الغالي بن مسلم

فارس بن عبدالمحسن مسلم الدلبحي

[img]http://www.pic.alfrasha.com/data/media/61/99.gif (http://www.pic.alfrasha.com/details.php?image_id=11516)[[http://www.pic.alfrasha.com/data/media/61/99.gif[/ (http://www.pic.alfrasha.com/details.php?image_id=11516)بلادي قبلة الإسلام

توكلنا على الله جـل شـأن الواحـد المعبـود=عظيم الملك سبحانـه وأسالـه يسمـح النيـه
هجوسي ياهجوسي جمليني وأبذلـي المجهـود=ترى مالك عـذر نذرٍعلـي مـن دون هاذيـه
أباقافٍ يجملنـي يجـي مثـل الدررمنضـود=أبـا مـن يسمعـه يثنـي عليـه ميـه بميـه
سـلام الله سـلام الله عـدد ماذعـذع ٍ(ن) النـود=وعدد مالاح براق الحياء في مـزون وسميـه
على اللي وحد الدوله معزي الفارس المشهـود=عساه بجنة الفـردوس كـل ماحـل طاِريـه
وعسى الله ينصر الإسلام ويحفظ دولة ال سعود=بلادٍفـي بقـاع الآرض مايوجـد بلـد زيـه
بلادي قبلة الإسـلام تجيهـا المسلميـن وفـود=بها بيـت الله الطاهـر وبهـا مسجـد نبيـه
قبل توحيدها كنا أحد طـارد وأحـد مطـرود=وأحد قاتل وأحد مقتول وأحْـد نسـاه مسبيـه
وتعاهدنا على شرع الولـي مابيننـا مضهـود=وتوحدنا علـى رأس الزعيـم بـدون جبريـه
وحكم من بعده عياله أسودٍ من عريـن أسـود=عسى من مات منهم في جنان الخلد مـاوِ يـه
ونعيش اليوم في عهد الزعيم القايـد المحمـود=أبومتعـب أبومتعـب لـه الترحيـب مثنـيـه
زرع في قلوبنا حبـه زعيـم ٍللشعـوب يقـود=تجمـع فيـه حلـم وعلـم وسياسـه وحنيـه
هذا صقر العروبه للعروبـه حلمهـا المنشـود=من يدينه يديـن الشعـب بالخيـرات ممليـه
ويعيش الساعدالآيمن عضيده في الليالي السود=ولـي العهـد أبوخالدشجـاع ٍ ينطـح الهيـه
ليادارت رحاها الحرب وخالط عجها البـارود=يقـود الجيـش والقـوات بحريـه وجـويـه
وأقول ورددوا أمين عسى أمنك يابلدنـا يسـود=من الخفجـي لياجـده وشمالـه مـع جنوبيـه
وعسى الله يحفظك يادارنا دار الكرم والجـود=وتبقـى رايـة التوحيـد خفـاقـه سعـوديـه
وسلامتكم

[عبدالله المرشدي]

باب الزماااااااااااااان

لفارس المفرده الشاعر المتميز /ناصر بن دليم الحربي


خبرولي صاحبي لامن حضر=وعلموه اني طفشت من المكان
النتيجه شكلها سبعه صفر=والبدايه قول في باب الزمان
وانت قول الله يرزقنا المطر=وبعد هالدنيا فسيحات الجنان
قلت لك وتقولي بس انتظر=والهدف تأخير في علم البيان
مانبي ننحت على صم الصخر=ولانبي نشنا قليلين الحسان
وانت تدريبي على كف القدر=سقت عمري قبل يوم الأمتحان
لكن الشرهه على بعض البشر=ليه سجل قول في باب الزمان
ياكيان الشعر قلنا لك خبر=وانت ماصدقت جيت ابلا اتزان
ليه نتسابق على سب الدهر=ليه نسلك درب منزوع الأمان
ليه ما جهز متاعي للسفر=قبل يُنزع كل شي ابلا حنان

[عبدالله المرشدي]

شاعرنا القدير /ناصر بن تراحيب بن سعدي العتيبي



مالي على بعض الأوادم مشاريه=وأشوم عن بعض السواليف وأرقى
من ذمني ماني على القول قافيه=بيني وبين ملفق الهرج فرقا
وش جاب من يهوي على العز بإيديه=عند الذي ماضيه سرقٍ ودرقا
وش جاب من يمشي على عدة وجيه=عند الذي يزرق مع الطيب زرقا
حرٍ قطامي طيباتٍ مجانيه=حتى أيش لو ناحت على الغصن ورقا
يابايعٍ رفقتك بريال وجنيه=كلاٍ يبا فرقاك روقٍ وبرقا
خلك على وجهك عرفناك ياهيه=وإن كان مشيك غرب ممشاي شرقا
دربك خضر ماعاد ينفعك تمويه=من مثلك وشرواك ياهيه فرقا
قدرك تحت ماطاي بالرجل واطيه=بحر المهونه فيه الأنذال غرقا
بدري ذراعي تالي الوقت تلويه=تنهان ما طلته وتزداد حرقا
لو إن كيدك يأسود الوجيه تخفيه=كيدك ومكرك عارفه كيد طرقا
وأدري بكيدك زين ماني بغاويه=من عين جنسك تسرق الكحل سرقا
لاعاد يومٍ جاب عرفك وطاريه=أدعي كريم الوجه ما لاح برقا


وسلامتكم ...

[ابن مسلم]

ايها الأخوه الاعزاء اليكم هذه الألماسه الفريده

والثمينه لشاعرنا القدير / سعود حلمي


وهي بعنوان( طعووون وخناجر)

http://www.otaiby.com/vb/showthread.php?t=22311





نام الغرام وهاجس الشعر ما نـام=لا نام شعر ولارقـد قلـب شاعـر

ما طاب نوم وغفوة النـوم قـدام=النوم من دونه طعـون وخناجـر

وجيتك وانا كلي متاهـات وحطـام=جرح الغلا فيني واضمـه واكابـر

طال السكوت وراعي الحب ما قـام=هيكل غلا والقلب جبـروت فاجـر

سارت قدم رجلي على درب الاعدام=أدري ولكنـي بروحـي مخـاطـر

ياظالمـي هـذي مداهيلـك العـام=وانا على درب الغلا وانـت خابـر

الحب نظرة عطف وأحساس وألهام=ومشاعرً يقطن بها قلـب شاطـر

وفي داخلـي دائـم معانـاة وإلام=والفها بالجرح من شـأن خاطـر

ياللي قريتي كتب تفسيـر الاحـلام=ياقارئه وش صار تحـت النواظـر

وش صار دام الحب صاحي ولا نام=نام الغرام ولا قـرد قلـب شاعـر

[ابن مسلم]

اسمحوا لي ان اضع بين يديكم هذه الجوهره

لاختكم شوق وهي بعنوان

( حنا بنات)


العذر والسموحه عن الغياب

وعوده لكم مع هذه المتواضعه

رداً على أحد كتّاب بني علمان

الذين لايرتاح لهم بال وهم يرون

المرأه محتشمه مطيعه لربها عفيفه

نظيفه لايخدشها خادش ولا تمسها أيدي عابث

أقول لهم : هي ليست كالبضاعه تقلبها الأيدي ..!!

نعم هي :دررره مصووووونه بعيدة المنال

لا أُطيل عليكم .. وآمل أن تنال شئ من ذائقتكم

*****








اي والله ان العز للراس نوماس=وأنا أشهد ان الذل ماهوب ساسي

لبست ثوب الطيب ضافي بمقياس=ولا الردى مافيه ثوبٍ مقاسي

الله يثبتني على الحق ياناس=واقدر على ضرب المنافق بفاسي

ياللي تدافع زايف القول لاباس=مادام قولك بالرذيله يحاسي

يامدعي تحريرنا شارب الكاس=تبطي عظم ماخالط الذل كاسي

والله ماحركت شعره بـ.هالراس=الريح ماهزت جبالٍ رواسي

حجابنا بامر الولي خالق الناس=لاتحسب ان العلم لعبة كراسي

على رواية عائشه وابن عباس=ولا أنت قولك تحت رجلٍ يداسي

يلا الخلا مالك مقامٍ ومجلاس=منا يجيك الرد صارم وقاسي

بنت العرب ماهيب لعبه للادناس =ناظر مقامك واجتنبها ياخاسي

من نجد حنا من ذهب صافي الماس=لك أنت في روما ولندن نحاسي

نعلن بصوت الحق وندق الاجراس=في وجه من ينقد ستير اللباسي

(حنا بناتٍ) رابياتٍ على ساس=ماننحني لاهل الردى والطفاسي

مثل الدرر ماجابها كل غطاس=أذكّرك لو كنت للحق ناسي

شوقــ

[ابن مسلم]

للشاعر الجزل / عبدالله مرزوق المرشدي


( المهره)



آمل قبولها وارجو ان تنال قليل من رضاكم







لي مهرةٍ تجمح ماهيب معسوفه=عزة على الفرسان محدٍ عسفها

من رادها نال التعب والكلوفـه=يرجع ونفسه تشتكي من كلفها

من صغرها بستانها به قطوفه=تزهر وتبقى فيه محـدٍ قطفهـا

بالحسن من بين البنات معروفه=محدٍ جهل مقدارهـا لاعرفهـا

جمالها يبهر وتسحر وصوفـه=يعجز يوفي وصفها من وصفها

قدامها ياقف ويبطـي وقوفـه=واله الشرف في وقفته لاوقفها

ودي بها شعري يعزف معزوفه=ياعلها تطرب خفـوقٍ عزفهـا

الصوت منها ذايبـاتٍ حروفـه=كم كلمة ذاب اللسان وحرفهـا

البدر كنه وجهها لـو تشوفـه=لامن فقدت البدر تعـال شفهـا

رجيحةٍ بالعقل ماهي مخفوفـه=لاسلهمت بالعين جنب وخفهـا

اللي عداها ماعليهـا حسوفـه=الها فقط نفسي تزايد حسفهـا

متاعب الاشواق فيها مخلوفـه=فدوه لها لو كان مالله خلفهـا

مادام هي كانت ماهيب معسوفه=تسوا حياة الفارس اللي عسفها

[ابن مسلم]

يسرني ان اضع هذه الجوهره بين يديكم وهي لشاعرنا المبدع/حامد الجذع أمل ان تنال استحسانكم


علـى الله ابتدينـا واتكلـنـا=عليه يدلنا الـراي المصيبـي

هـو الهـادي ليامنـا جهلنـا=وأبا اوضـح جهلنـا للبيبـي

حدث في سالف عصورخلنـا=زمان زل به نهـب ونهيبـي

جهلنابالسنيـن اللـي مضنـا=نرد القوم عن جا ل القليبـي

ولا يقطن على الماء غير حنا=ولايشرب من العد الغريبـي

ياكم من مستجير فـي ضعنـا=مشى ويحل ماهمـه طليبـي

نجيـره مـن عـدوه لازبنـا=ويمشي بالحمى حـر مهيبـي

وياكم واحـد يخشـى زعلنـا=يموت وجرح وتره مايطيبـي

وياكم واحد امسـى ممتحنـا=ويصبح عشقته تنحب نحيبـي

وياكم عاصيا عاصـر زمنـا=اصابه سوط روق وسار اديبي

وياكـم مـن حريـب ماتهنـا=لياجوا برقا العدو ضنه يخيبي

عسفنا نجد واحكمنـا رسنـا=حمينا الضلع فيها والشعيبـي

حميناهـا بعـد سقنـا جملنـا=نزلنا ها وغادرهـا الحريبـي

هل العزم وهل الطالات منـا=وهل القالات والراي الصليبي

ياشعري اسأل التاريـخ عنـا=وهل يخفى على الكون العتيبي



وسلامتكم ................................


الشاعر/ حامد الجذع

[عبدالله المرشدي]

شاعرنا القدير محمد بن دغيم السميري

وهذه الدره عن القبر بسم الله الرحمن الرحيم

هذه القصيدة تتحدث عن القبر و ما أدراك ما القبر وعن سؤال الملكين آمل أن تجد آذان ٍ صاغيه و ارجو أن ينفع بها الله من يسمعها أو يقرأها...




يـا لله أنـا طالبـك يـا رجايـه=يـا عالـم سـري قبـل نجوايـه
يا ربي أغفرلـي ذنـوب كثـرت=يـا كثرهـا كثـراه يـا مشكايـه
منتـه بناسيهـا و أنـا ناسيـهـا=ياعالـم ماقـد مشتـه أخطـايـه
أدعوك دعوة عاصي جـاء تايـب=و هو منوّل في المعاصـي تايـه
و المعصيـه لهـا همـوم توجـع=و الهـم لضلـوع الفتـى برايـه
و حـوادث الدنيـا تصـح النائـم=لوهـو تـدرا ماهنـاك ادرايــه
رقدت لين الوقـت صحـى قلبـي=و الحـمـد لله أنـجـلا عمـايـه
يـا راقـد غـرك منـام الدنـيـا=عيونهـا لـو غمضـت صحايـه
نحب هالدنيـا و هـي مـا تسـوا=لكـن صـارت للقلـوب أهوايـه
غـدت بنـا الآمـال و التكـاثـر=أقول عن نفسـي و عـن سوايـه
ياكم عدينا فيك يـا دنيـا الشقـى=و انتي سهومـك ترمـي الرمايـه
اليوم نضحك بك و بكـره نبكـي=و لنتـي بباكيـة مــع البكـايـه
و العافية مـا هـي بدائـم دائـم=تاتنتهـي ولـكـل شــيْ نهـايـه
و سن الشباب يروح مثل اللمحـه=و اللي يشيـب يحـط لـه مشايـه
ولانـي بدائـم حــي لالا و الله=و الموت و الله ما حسـب لدوايـه
دنيا ً تزول و مـا عليهـا زايـل=تهـوي باهلهـا طبعهـا هـوايـه
ما فيه شي يـدوم غيـر الخالـق=اللـي بنـا سبعـا ً شـداد ابنايـه
يا الله في قبري تونّـس و حشتـي=تكفى يـا ربـي لا تـرد ادعايـه
و يـا الله تقبلنـي قبـول طيّـب=وأ نا لغيرك مـا رفعـت ايدايـه
النفـس لوّامـه و انـا مقـدرهـا=ازريـت امشيهـا علـى مشهايـه
ما غير تجمح بي و أنـا اجاهدهـا=جاهدتها ليـن اشقـرت عصايـه
يا كثر ما حملها علـى مرضاتـك=و ارضاك ياربي تـراه رضايـه
و لادري عن الايام و يش تجيبـه=و انتـه عليـم بالليـال الجـايـه
مادري حياتي و يش باقـي منهـا=و الموت ما عندي عليه اوصايـه
يمكن يجي بكـره و يمكـن بعـده=و يمكن بعد قدام اصـل اعشايـه
اشوف سيفه حامي ٍ في اصحابـي=يا كثر مـا ياخـذ مـن اصدقايـه
و أنـا بعدهـم يبسـن اعروقـي=اشرب من الماء ما قطع ضمايـه
من شين وقتي خاطـري ياشينـه=عيّا قـراح المـاء يبـل أشفايـه
ياليتنـي يـوم امتنـي والـيـا الله=بأمره مهـيٍ ٍ لـي جميـع امنايـه
و انـا اتمنـا رحمتـه و ارجيهـا=و باقـي المنـاوي مالهنّـه غايـه
باقي المنـاوي قـد شبعنـا منهـا=و لقيتها كـذب وعنـى و دعايـه
ماعاد ابا ضابط و لا ابغـا تاجـر=و لا عاد ابي بيت ٍ علـى هوايـه
و انا بخير و نعمة ٍ مـا حصيهـا=اجـد عشـاي وواجـد ٍ غـذايـه
و النفس تبغا ذي و تبغـا هـاذي=و تبغـا علـوم ٍ مالهـن نهـايـه
و ميـزت ولييـن الزمـان يبـوه=ياويـش اسـوي بالزمـان البايـه
ماعاد ابـا الا المغفـره و التوبـه=اعلنـت بعـد المعصيـه ولايــه
للواحـد القيـوم سلمـت امــري=عسـاه يرحمنـي و هـو مولايـه
اليا غبت غيبة غايبٍ مـا يرجـع=و تقطعت مـن هالحيـاه اعرايـه
إلا بـثـلاث قالـهـن نـبـيـي=اللي رووهن في الصحيـح روايـه
امـا ولـد لـي صالـح يدعولـي=و الاصـدقـةٍ دائــم ٍ جـرايـه
و إلا بعلـم ينتفـع بـه بـعـدي=يصير لـي بأمـر الإلـه حمايـه
ليا غر غرت ها لروح لين تغرغر=مـا هـو بمحيينـي دوا الرقايـه
ليا من ملك الموت طلـع روحـي=و كُتـب علـي مفارقـة دنيايـه
و غديت مـا فيّـه حيـاة ٍ تذكـر=و عقب المعاين غمضـت عينايـه
و أمسيت في قبر ٍيوحـش مظلـم=ما يحْترك راسـي و لا رجلايـه
و اخـوي خلانـي وقفـا عنـي=قفـا و انـا قعـدت فـي مثوايـه
حتى ولدي ما عاد يبغـى شوفـي=و اصحابـي الغاليـن و اقربايـه
و قعدت من تحت اللحود و جوني=نكير مـع منكـر و لـو دعوايـه
يارب وفقنـي صـواب المنطـق=في ساعة ٍ يبلـش بهـا الحكايـه
في ساعة ٍ لو أنهـا ابطـت عنـي=لابدهـا للـروح جـايـه جـايـه
ليا جو ملـوك مرسليـن بأمـرك=و انتـه خبيـر وخابـر ٍمسعايـه
و قالو تكلـم قلـت كيـف اتكلـم=و انتم ملـوك عارفيـن اقصايـه
قالو نبـا ننشـد مـن هـو ربـك=و من الرسول اللي بعـث بالآيـه
و دينك نبا ننشدك ما هـو دينـك=عجـل علينـا و الكـلام اكفايـه
فأن كـان ربـي دلنـي سبحانـه=و أنـا عليـه معـلـق رجـايـه
قلـت الله المعبـود ربـي واحـد=بيـده مماتـي و بيـده محيـايـه
و أما رسولـي فالرسـول محمـد=خاتم جميع الرسـل جـا بهدايـه
و ديني هو الإسلام مالـي غيـره=دينـي و ديـن المسلميـن أبايـه
قالو هـذاه العبـد عبـد ٍ مؤمـن=له احترام و قـدر و لـه عنايـه
و رضى عليّ الله ووسـع قبـري=و لقيت في قبري سعه و رعايـه
لقيت قبري مـن ريـاض الجنـة=في الصيف برد و في الشتاء دفايه
و جابو لهم عندي غـلام ٍ طاهـر=يطيعني ما عنـده الـي عصايـه
و يقول قلي وش تبـى و ابشربـه=دائـم معـي و مونّـس خـلايـه
ويقول أنـا عملـك يـا عبـد الله=نتيجـة الأعمـال فـي مربـايـه
و إن كان ضيعت الكـلام السابـق=و قمت ارتجف و إلا التفت ورايه
و اقول هاه و هاه مـدري مـدري=و قامت تراجف في اللحود اعضايه
قالـو هـذاه العبـد عبـد ٍ ظالـم=و ضاقوا علـيّ و زودوا بلوايـه
و فكو عليّـه بـاب مـن جهنـم=وادخل على الله من سبـب شقايـه
و القبر ضاق و طقطقن ظلوعـي=يضمنـي ليـن التقـى ضلعـايـه
و لقيت في قبري جحيـم صالـي=قامـت توقـّد قدمـي اللضّـايـه
نـار توقـد مـاقـدر اطفيـهـا=و أنـا وحيـد و لامعـي طفايـه
في حفرة ٍ ما معي من يفزع لـي=إن كان ربي مـا سمـح خطايـه
و جوني بشخص منظره ما طيقـه=كنـه مشـوا ً لـه علـى شوايـه
شوفه يـروّع و الطبـوع تـروّع=عاصي على عمياه مـاش اهدايـه
و يقول أنا عملك ياشيـن العمـل=اللـي عملتـه نفسـك الغـوّايـه
و دخلت في حبال العذاب المبهـم=و ندمت وأغبـون النـدم كوايـه
يـا الله يـا ربـي تحـط لنفسـي=و لوالـدي مـن العـذاب اوقايـه
و اسألك تعطينـي كتابـا ً يشـرح=صدري و تعطينيـه فـي يمنايـه
و ادخل عليك من الكتـاب الثانـي=يا الله عسـى مامـد لـه يسرايـه
و ارجيك تنجيني نهـار المحشـرو تلم شملـي مـع شمـل ولدايـه
في جنة ٍ مـا عـاد نشقـى فيهـا=من عقـب دنيـاً بيّحـت خفايـه
و ختامهـا صلـى الإلـه و سلـم=علـى رسـول ٍمرسـل بهـدايـه

(( الفقير إلى عفو المتعالي الكبير/محمد بن دغيّم السميري))

[عبدالله المرشدي]

شاعرنا القدير فارس بن عبدالمحسن الدلبحي وهذه النادره
--------------------------------------------------------------------------------

بسم الله الرحمن الرحيم


أيها الأخوه الكرام أضع بين أيديكم هذه الابيات المتواضعه أمل ان تنال رضاكم




صادفتني عنـد خيـاط الثيـاب =الهنـوف اللـي تبـا نفنوفـهـا

إنقردت وقلت يازاهي الخضـااب=إلطف بحال المعنـى .وروفهـا

طالعتنـي ماعليهـا إلا النقـاب=والعبايـه فـوق رووس كتوفهـا

ترهب بنظراتها اللـي مايهـاب=ويشرق الرجال حيـن يشوفهـا

قالت أنته عود وأنا أبغى الشباب=ياأشيـن الشيبـان ياملقوفـهـا

خاب ظني فيك يالمجمول خـاب=والسبايـب هرجتـك وحروفهـا

أسمعيني زين جعلـك بالعـذاب=وجعل كتفك يلتـوي غضروفهـا

ورجلك اليمنى عساها بسـم داب=كل مغـروره مابـي معروفهـا

مايشيب القلب لوالـرأس شـاب=وشيب بعض الناس لآجل ظروفها

وفي شباب اليوم ياكثر الخـراب=يشحذ إخته .كل ضحى مصروفها

وكلنا من اْدم. وأْدم مـن تـراب=وفي النهايه. نندفن في جووفهـا


والمعذره

[ابن مسلم]

اليكم هذه الدره لشاعرنا الفذ / عبدالعزيز بن جري السليس

الأخوة والأخوات الكرام

السلام عليكم ورحمة الله وبركاته

إليكم ما حصل تلك الليلة ... القصيده تحكي ما حصل ... وعلى الطرق الهلالي لأول مرة



غضوا النظر عن تواضعها ونقصها جعلكم تحيون .....





رقـمٍ ينادينـي عـلـى جـوالـي=وأنـا بقمـة حوستـي واشغـالـي
رقمٍ ما أعرفـه لا ولا أدري منهـو=وحسّيت في صوت المعنـى عالـي
وساعة ضغطت الزر الأخضر جاني=صوتٍ شغل فكـري وغيّـر حالـي
يقول لـي كيفـك وكيـف احوالـك=بالله قل لـي كيـف حـال الغالـي
قلت أنت من ياللـي تنشّـد عنـي؟=من قبل لا أجاوبـك عـن أحوالـي
قال المعـذب مـن غـلاك وحبـك=ياللي عـن قليـب المعـذّب سالـي
ما تدري انه قـد ضنانـي شوقـي؟=ومافيه يوم الا تجـي فـي بالـي؟
دايم أهوجس بك وأخطـط وأرسـم=وأبني على قربـك جميـع آمالـي
من كثر مـا أحبـك وأهيـم بحبـك=أشم حتى رحيتـك فـي شالـي !!
وأردد أسمـك كـل يـوم وليـلـة=حتى كتبت أسمـك علـى سلسالـي
قـام يتكلـم عـن غرامـه فـيّـه=وأنا معـه بشـوف ويـش التالـي
وساعة خلص من هرجتـه بادرتـه*****قلت أستمع لي جعل مالـك والـي
أنته وش اللي جاب رقمي عنـدك؟=ووشلون تعرفنـي وانـا بلحالـي؟
معرض عن أهل الحب ماني منهـم=لو كان جسمي مـن عناهـم بالـي
لكـن تردعنـي مخـافـة ربــي= ثم سلم ابوي وطيـب عـم وخالـي
وأخشى على نفسـي تـزلّ وتهلـك*****في حب مصلحجـي أو استغلالـي
وأخاف أشـوّه سمعتـي وأعميهـا=وأنـا علـى روس القمـم منزالـي
لأني مـن أرجـالٍ تقـول وتفعـل=وألهم محـلٍ فـي المكـارم عالـي
أنـا سليـل أهـل الوفـا والشيمـة=من طيب ماضيهـم تطيـب أفعالـي
ألهم علي أحـرص علـى سمعتهـم=وأصونهـم فـي أقفايتـي واقبالـي
قبيلتـي وافـخـر بـأنـي منـهـا=هي مسندي هي محزمـي وظلالـي
أنا بدوي يابنت ما ارخـص نفسـي=وبين الرجال أهل الكـرم مدهالـي
ما اعرف ياكود أكرم واشبب ضيفي=واسـوق لـه كرامتـه مـن مالـي
وان كان ضيفـي للـردى يجذبنـي=أشـوم عنـه اشوالـه وأشـوالـي
وان جاتنـي زلّـة رفيـق أبلعهـا=واغفـر لـه الزلّـه لأنـه غااالـي
وإذا نخـانـي غـالـيٍ لبـيـتـه=ورميـت لجلـه غترتـي وعقالـي
ووقفت وقفـة صامـلٍ مـا اثنيهـا=وارخصت لجله مهجتـي وريالـي
واللي اعزّه أشركه في اللـي لـي=ما اقول ذا لـك يالرفيـق وذا لـي
ولا أحط نفسي في المكان الطامـن=واعرف لمخراجـي قبـل مدخالـي
قطع كلامـي لـه وقـال اسمعنـي=أما انت رجعـي او بعـد متعالـي
وإذا طـرالـك يــوم بتكلّمـنـي=أسمـي عرفتـه وتعـرف جوالـي
لكـن لا تطـري علومـك هــذي=وان كان ذا علمـك فـلا تسعالـي
سكّر وانـا سكّـرت خطـي دونـه=لكـن سلبنـي خافـقـي طـوّالـي
أنـا احسبنـي شــاربٍ فنجـالـه=واثره هو اللـي شـاربٍ فنجالـي





وسلامتكم جميعاً

[ابن مسلم]

أيها الأخوه الأعزاء أترككم مع مهندس الكلمه وفيلسوف الشعر الشعبي مع شاعرنا الكبير بشعره وأخلاقه مع الشاعر /

عبدالله بن مرزوق المرشدي

مع قصيدته اللتي عنوانها ( مي وعايشه)

آمل ان تنال الاعجااااااااااااااب



فكـرةٍ جتنـي تمخطـر طايشـه=قمت اسايرها وهي قامت تطيـش
خلت افكـاري براسـي شايشـه=جا لصوت القاف من غبنه وشيش
والله انـي مابغيـت الهايـشـه=لكن اللـي دابـلٍ كبـدي كديـش
القصايـد مـن مشاعرجايـشـه=تجبر اللي يستمع معهـا يعيـش
شـرّد القيفـان عنـدي كايشـه=لاتحركها على القـاف الخريـش
شوف كيف الناس حولك عايشـه=تبني الابراج وانته فـي عريـش
المعانـي مـع بعضهـا دايشـه=لاتركبها علـي سـاسٍ هشيـش
خل الاحرف مع بعض متعايشـه=والمسيقا مع جرسهـا ماتطيـش
شـد قيفانـك تجيـك مرايـشـه=لاتخلي ضامي المعنـى عطيـش
كـل فكـره للجزالـه حايـشـه=ترتقي بك للسما من دون ريـش
ماكتبتـه لاجـل مـي وعايشـه=لا ولا من شآن تحسين المعيـش
لجل صفحـات القصايـد نايشـه=يوم بعض الناس خلاهـا مريـش
فكـرة جتنـي تمخطـر طايشـه=قمت اسايرها وهي قامت تطيـش

[ابن مسلم]

أعزائي الأفاضل / الشعر رساله وماأجمل هذه الرساله إذا أستخدمت في سبيل الصالح العام للآمه وأجملها من وجهة نظري الشخصيه هي اللتي تكون في الموعظه والحكمه واالنصيحه بعيداًن الأمور الأخرى وهاهو شاعرنا الفذ الشاعر / سعود القت يتحفنا بهذه التحفه العطره فإليكم إياها


المرجلـة عـدٍ عـذي المشاريـب = ولا كـل وردٍ منـه تمـلا قربـهـا
والهرج له وجهين ويتيع ويصيـب = والمخطية داها علـى مـن نسبهـا
وبعض الحكي فالناس مثل الدغاليب = فالجمة اللي كـل مسنـي شربهـا
ولا تـورد الحجـة بليـا تسابيـب = والـدوم مثـل النخلـة الا رطبهـا
والنفس ضيفٍ والخطايـا معازيـب = ولا كل رجـلٍ لا تناحـت قضبهـا
يغرهـا زيـف النبـا والتراحيـب = وتدلج بهـا لمعـة صنايـا شببهـا
شيطانها جاهـد يمـس الاطانيـب = يخدع وممكن مـن عقدهـا كربهـا
والعلم عنـد الله جزيـل التواهيـب = ومن جت بنفسه خصلةٍ ما حجبهـا
أحـدٍ تسامـا شامخـات المراقيـب = وليا عرض فالدرب هزعـة وثبهـا
واحدٍ توسط بيـن عـرفٍ وتدريـب = مــرٍ تعـداهـا ومــرٍ عقبـهـا
واحـدٍ تعبّـت قلتـه بالعـذاريـب = عطّـف دحاليـل الهـوان وحلبهـا
ومن لا تعلم من دروس التجاريـب = ما فادتـه جملـة جـروفٍ كتبهـا
والعمـر مدلـج والمنايـا مكاتيـب = وصدوفنا تضحـك وتفتـل شنبهـا
إناكـخ الايـام شـرقٍ وتغـريـب = مـرات تغلبنـا ونـوب انغلبـهـا
نصبر على الشدة كما تصبر النيـب = زمل التخوت اللـي تبـاري جنبهـا
تسوقنا الاقـدار سـوق الجلاليـب = وليا نـوت حاجـة تهيـا سببهـا
لو نمتنـع عنهـا فشقنـا مكاذيـب = معجبـك ياعـوبٍ يعسكـر جربهـا
وزلة رفيقي ما تجيـب المحاضيـب = والجـار ميلاتـه علـي محتسبهـا
وبعض العباد تقول مسيّف قصاصيب = تبـاع آثـار الغانميـن وشذبـهـا
والمرجلة بنـتٍ والامـة خطاطيـب = والطيـب مهـرٍ والجمايـل ذهبهـا
كلٍ يبـا المطـلاع ويـدوّر الطيـب = لكـن قسمهـا الإلــه اوهبـهـا
ما تنوخذ بالمـال والا المناصيـب = ولا تلتفت فـي كـل راسٍ خطبهـا
ولاهي على الكشخة وجد الاكانيـب = كم واحـدٍ لـن مـا نكبتـه نكبهـا
يبا البيان وبان مخفى مـن العيـب = والدبج دلوه مسعـدة مـن جذبهـا
قامت تموحـه مبعـدات المجاذيـب = ولا هـو كفـو للنايبـات وطلبهـا
بلش مع اهل الشوح واهل المواجيب = وزوزابها في ساعـةٍ مـا حسبهـا
ومن لا نفع ربعه ما سر الاجانيـب = تطيـح نفسـه لـو يكبـر لقبهـا
وتبقى المراجل عند عكف الاشانيب = ومن لا سعى في حاجةٍ ما كسبهـا

[ابن مسلم]

اليكم هذه الدره للشاعر عبدالله مرزوق المرشدي



الشعر ولّع في خفوقي فتيله=باقصى معاليق الحشا تشعل اشعال
ماكل بيتٍ نسمعه نهتويله=بعض البيوت يمر ماكنه انقال
ان ماكسبت الشارده والجزيله=مالي مع اهل العرف مخرج ومدخال
الهرج واجد والفوايد قليله=وقت الصمايل تختلف بعض الاقوال
قولٍ بليا فعل وش ترتجي له=ضربٍ من التظليل وازعاج واجدال
احدٍ يحصل من كلامه فشيله=واحدٍ تشيله كلمته فوق ماطال
اللي يبي درب الخنا والرذيله=يطلق عنان النفس ويعاشر انذال
على طريق الغي يلقى زميله=والكل منهم لاسود الفعل يحتال
واللي يبا العليا يروم الطويله=يسعى لها ويثبت اقوال بفعال
يمشي على درب الشرف والفضيله=ماينحني لو فيه كف الدهر مال
يسعى لكسب الغانمه والجميله=ويحط له في ماكر العز منزال
اللي يبي قطف الزهر ينحني له=ماتكفي النيه لتحقيق الآمال
نيل المنى لابد له من وسيله =بالصبر والمجهود يتغير الحال
من غاص في غب البحور المهيله=لابد يصبر لين ياقف على الجال
لاصرت في غربه يبي لك دليله=بس البلا لاصار في مخك هبال
مايقنعك شرح العميل لعميله=يبلش بك اللي مقصده ينصح الضال
الحر في دربه يخاوي مثيله=والبوم ماله بالمراقيب مدهال
ممشى الهبيل بجنب ناسٍ هبيله=لو يعرفون الدرب مافيهم الدال
العاقل ان ماجاك حاول تجي له=احذر تماشي في مماشيك جهال
ترى الخوي لازم خويه يشيله=واحد من الاثنين لابد ينشال
النفس تهوى كل برقٍ تخيله=لاهملتها ترميك في وسط الاهوال
احذر تطاوعها بما تشتهي له=اضغط عليها لين ترضى بالاحوال
ترى القناعه للنفوس العليله =تحصين حتى عن مرض جمع الاموال
اد الصلاه الواجبه والنفيله=صم وتزك وحج ياطيب الفال
احرص على الارحام واللي تعيله=وامك وابوك اجزل لهم كل مكيال
والجار له حقٍ حرامٍ تزيله=وفه حقوقه واعذره كل ماعال
البخل رسمٍ بالوجيه البخيله=يبين لاجا صاحبه يدفع ريال
والبيض يكفي من هواهن حليله=تحفظك في غيبتك وتربي اجيال
بين النساء بالشكل تلقى بديله=فرقٍ بسيط وجوهر الشكل لازال
الفرق يظهر بالصفات النبيله=بالعقل والاخلاق ماهو بالازوال
احرص على بنت الرجال الاصيله=السالمه من هرجة القيل والقال
اسئل عن المنزال قبل تعني له=ماكل شجره ينوجد تحتها ظلال
ماكل وادي لو تسايل مسيله=تطلع بوادر بذرته عقب ماسال
وقت الرخا يطلع لك الفين حيله=تلقى الخوي والجار والعم والخال
ووقت الشدايد تنصدم بالحصيله=يطلع لك النصاب والنذل والذال
تلقى خويٍ شهم يسوى قبيله=والا الدويني منظره بس تمثال
الطيب ميزه والفعول تهدي له=ماكل من يلبس من الشمغ رجال
قافٍ دعاني مابغيت ارتكي له=فجر بجوفي من عنى الوقت زلزال
حاولت ابين زبدته وتحليله=في نص ساعه سقته اقفاي واقبال
قلته وقلبي فوق صلو المليله=وارتاح بالي يوم روضت الامثال
وصلاة ربي عد وبل المخيله=على الصدوق الصادق بكل ماقال

[ابن مسلم]

اعزائي الكرام

اليكم هذه الجوهره لشاعرنا الكبير / سيف قحطان

جديد ما بعد شيف لعيونكم يا عتيبه


ياحروف الشعر وانفاس القصيـده=انحني لي واسمعي بعض الحكايـا
يوم مريت وقريت اجمـل فريـده=ارتبشت وضعت ما بيـن الزوايـا
الهبتني واشعلـت فينـي وقيـده=من لهبها ذابـت ضلـوع حنايـا
ابحرت بي في محيطـات مديـده=واكتبتنـي فنعكاسـات المـرايـا
الهوى جـذاب وضروفـي عنيـده=والجروح بداخلـي باقـي عرايـا
وين برحـل ياليالـي المستبيـده=ومايداوي الجرح فزعات وحمايـا
جرحي اللـي كـل بـراق يزيـده=يا جروحي ويـن بلاقـي دوايـا
مر عام وعام ما حسيـت عيـده=ومرت اعوام ولا شفـت الهدايـا
وين فرحي وين الايـام السعيـده=يامتي برتاح واسـلا مـن عنايـا
يا زمن كذاب ما اعرف ويش يريده=ما يهمه غير يبحـث فـي خفايـا
يا شعر يا بيوت يا انفاس القصيده=فهميني ويـش قصتهـا الزوايـا

[عبدالله المرشدي]

لجنة شاعر المليون

للشاعر القدير /فارس بن عبدالمحسن بن مسلم الدلبحي

أعزائي الكرام

إليكم هذه المتواضعه

لعلها تلاقي القبول لديكم

(( يالجنة الشعر للمليون مشكوره ))






يالجنة الشعر للمليون مشكوره= لوإنكم ماقصرتوها عن الشايب
يجوز فارس بشعره يكسب الدوره= لاصار موجود لاعاجز ولاهايب
بالله وشلون تخفونه من الصوره= اللي لجزل المعاني و الشعر جايب
وبيوت شعره تجي ماهيب مكسوره= بيتٍ ورى بيت ماتلقى بها عايب
أطفالنا والشباب بكل معموره= مَفَعْل دورهم يوم الأبو غايب
في مجتمعنا ياكم شعار مغموره= مع كثرة إعلامنا لاكن ماهو ثايب
يمكن تقولون نبغى ناس مشهوره=بالفبركه والصور وألا الشعرسايب
من فعلكم ِخّطْر الشيبان مقهورة= بعض القرارات لويصدر ماهوصايب
ماتهمنا الجايزه والحال مستوره= لو نقْضِيّ أيامنا بتمر ولبن رايب
وجهة نظر شايبٍ ماهيب محظوره= تأصل محمد ولدزايد ماأبا نايب
بالمسك والفل والريحان منثوره = وسلامٍ أحلى من السكر وهوذايب
يمناك دايم بفعل الخيرمذكوره = ماراح من جاك الا خاطره طايب
لد النظرفي رموز الشعر وصقوره=فيكم أملهم يابوخالد ماهو خايب
ويالجنة الشعر للمليون مشكوره= وياليتكم ماقصرتوها عن الشايب

وسلامتكم

[عبدالله المرشدي]

قصيده للشاعر \مقعد الدغيلبي


على هجعة عيونٍ ماهناها النوم خمـس شهـور=ثلاث شهور مع شهرين جفـن العيـن سهرانـي
وبعد مانزاح ثلث الليل واستبشر طلـوع النـور=جنون الشعـر ثلـث الليـل تأمرنـي وتنهانـي
تفضل ياهجوسٍ في غياهـب مهجتـي محشـور=بعد مالاح براااق الفـرج مـن غـر الامزانـي
تباشر بالنصر دام النصر قامـت رحـاه تـدور=علـى بـر الامـان وفالامـان وداخـل آمانـي
نويت انحت صخر واقطف ثمر وسبح عميق بحور=بحوراً تستظيـف بقوعهـا لـؤ لـؤ ومرجانـي
أعشق الكايده وآصلهـا لـو دونهـا الشرشـور=لآشاش الراس قوة بـاس يخـدم كـل شيطانـي
كذا طبعي وانا طبعاً لآنـي مغـرم ولا مجبـور=قراده والقـراده فـي طريـق المـوت تحدانـي
هذا مؤجز هذي نبذه بسيطه في ثـلاث سطـور=ثلاث سطور والمجد العفـر رمـزي وعنوانـي
وذا كله لجـل مرسـول عشـقٍ يلتطـم ويفـور=مراسيـل الشكـاوي بالشكـاوي عنـد بيبانـي
على فراش المعـزه والكرامـه نـوّخ المظهـور=وصلـت لشامـخٍ عـز وذرى يامنبـه العانـي
غلآي وسلوتي تشكي من اهل العمي واهل العور=وتندبلـي بصـوتٍ نبرتـه مـن هـم وحزانـي
تبلوهـا رخـومٍ مالهـم مجـد وقصـار شبـور=عواذيـلٍ مهمتهـا تـفـرق جـمـع خـلانـي
ماعاد ابها سكوت ولاش راي ولاستماعت شـور=أبه نصـراً عظيـمٍ يستغيـض أفـلان وفلانـي
تعالي لعنبو حيـك وخلـي خاطـرك مسـرور=حراماً من حزامي ماحسبـت احسـاب عدوانـي
مكاني فوّل الطابـور وأعشـق مقّـدم الطابـور=على هاذي حياة العـود قبـل يمـوت وصانـي
وانا حراً تسلسل مـن حـراراً فعلهـا مخبـور=عشايه مـن مخاليبـي وعـزي روس جنحانـي
انا من عـزوةٍ يـوم الملاقـى والسـلاح يثـور=لها فعلٍ عظيـم وصيتهـا فـي كـل الاوطانـي
رجالٍ تكره البوره ولو بعـض الرجـال تبـور=سهـوم المـوت لآمـن ولعـة شعلـه ودخانـي
على عز ومعزه في رحـاب البيـرق المنشـور=مواقفهم عظيمه لآحضـروا فـي كـل ميدانـي
عتيبه عزوتي حطت على نجد المسمـى سـور=زمانٍ فات يومـن الحصـان بسـرج وعنانـي
لنا فالمجد مجـد وفـي حمانـا يرتعـن الخـور=ويشبع من فرايسنـا الفهـد والذيـب سرحانـي
ذكرت اللـي ذكرتـه والحقيقـه مادخلهـا زور=وانا شاعـر عتيبـي وافتخـر بفعـول جدانـي
هذا قول الصحيح ولا على باق الرجال قصـور=لنا فعل ولهـم فعـل ولنـا شـان ولهـم شانـي

[عبدالله المرشدي]

رائعه من روااائع فارس المفرده \ناصر الحربي


على كسر خاطر... لو تجمع شتات القوم=مع العلم مايجمع جهل يالله الخيره
تشين السنين العوج ولا تغيب نجوم=حساب الزمن ثابث وكلن وتقديره
ولا قلت ياوقتي علامك كذا مشئوم=لأن العمر يمشي وانا اشوف تغييره
الا ياسنين العمر لحظه ويوم بيوم=يمر الزمن فيني وانا ادري بتأثيره
اسج بزمن قاسي ولالي عن المقسوم=وعرّف الحدث وشلون وابدع بتفسره
ولا دامت افراحي ولادمت وسط هموم=وراضي بحكم الله فيني وتدبيره
لكن الحبيب اللي يجي والعلوم علوم=يشب بربيع القلب واحرق نواويره
عليه الله اكبر كل ماقلت زان النوم=تذكرت ضحكاته وحلفه وتبريره
مشيت ابمشاويري مع ابعد حدود اللوم=وعودت من دونه قبل ماصل الديره
اشوف الحقيقه نور في دمعة المظلوم=مساحات تفكيري تحدد مشاويره
اجمع حساباتي وحدد هدف مرسوم=وعود واحسّبها وحدد هدف غيره
لأن العرب مابين حق وزعل وسلوم=وبعض الخطاء يوجعك كثرت معاذيره

[ابن مسلم]

هذه الجوهره هي لشاعرنا الكبير / عبدالله المرشدي

ردا على القصيده الموجهه من الشاعر الكبير سهيل(شقران) والتي على هذا الرابط أمل ان تنال الرضا
http://otaiby.com/vb/showthread.php?p=340144&posted=1#post340144



طار الكرى والعين مما شفت حاربها المبات=خطٍ لفا من شاعرٍ بالشعر شعره مستميت
فج الضلوع وهيض اشجاني على كيفه وجات =جيته وجاني يوم جا بالطيب يمي جيت جيت
يامرحبا ترحيبةٍ معها الدلال مبهرات=يامرحبا ياسهيل من قلبي ليا منك لفيت
شكواك عندي في برووج عاليات محصنات=اجلها واحلها لو دربها ماقد مشيت
الحظ بالدنيا يدير اكثر علومٍ دايرات=حظك نصيبك مايصيبك شي حاصل لو عديت
الهمه العليا تحطك فوق روس النايفات=والهمه الدنيا قعدت ابها ليا منك رضيت
سدد وقارب للهدف لاتقول ماقد فات فات =اضبط عيارك وانتبه ترمش ليا منك رميت
كل اختبار لو فشل غيره مع الايام يات =كرس جهودك زين واخلص بالعمل لامن سعيت
برقٍ تعدا بالمزون الساريات المردمات=لاتلتفت له لو على وبله تحسرت وبكيت
من صارع الدنيا يشوف الغايبات المبهمات=تبدي لك اللي مختفي وقت الصباح وبالمبيت
جمع بقايا مابقا وارق الرجوم العاليات=شد الحزام ولو بدا حالك من ايامك شتيت
لاتستمع لاهل العقول الصاغرات الخاويات=سكر سموعك عن هروج النذل كنك مادريت
طرد الهروج تحاربه كلّ العقول الراجحات=مافيه فود من الملاسن هج لو فيه ابتليت
وان كان جت للشعر شعرك مايبي جزله ثبات =قافك على هام القصيد الجزل له ساسٍ ثبيت
بعض الشعر ماهو شعر لو زينوه بقافيات اذا قريته لو عيوبه تختفي فيها اهتديت
ابشر بعزك لو عليك تميل من كل الجهات=مادام راسي حي ماتطلب من عيوني عطيت
ترقى جبل ماهتز لو هبت عليه العاتيات =ابشر بعزك يالسنافي لاتعزويت ورقيت
يمناي سيف يفرق صفوف الجموع المركمات =وربعي عتيبه عزوتي لاجا الملاقا واعتزيت
لطامة العايل لهم صيت ورا نهر الفرات= برقا وروق يصخرون الصعب لاقمت ونخيت
عندي وصلت ولاعليك من العلوم الثايرات =اضرب على ماتشتهي وانا على الدرب احتريت
دامك من اللي بالكرم زادو ثمان المعجزات =شمر ينومس ذكرهم وانته من الطيب ارتويت
لعيون ساره واختها سقت البيوت الشاردات = لعيونهن ارمي عقالي واستميت اليا انتخيت

[عبدالله المرشدي]

هذه الرائعه لشاعر راشد الثبيتي (ولد منجوم)

مسـأإأء الخيـرات

مصافحتي الاولـى

للوجيـه الطيبـه

كلي عشم أن تنـال على رضـاكـم

أحبتــي



ياوجودي
يـاوجــودي وجــد مـن مــاتــوا هلــه وأشتــد بــاســه=وجــد مــن مــاتــوا هلــه وأشتــد بــاســه يـاوجــودي

أو وجـــود أهــل القتيــل اللــي دمِيــه فــي لبــاســه=كــل مــابــوه أقتــرب مــن جثتــه صــاح محــدودي

أو كمـا وجــد السقيــم اللــي فقــد طعــم الـونـاســه=بـاركٍ مبــرك جمــل والعمــر يمضــي ومعــدودي

وجــد بــن منجــوم مــن خــلٍ مــوريـه التعــاســه=مـهتنــا فــي ضــم ليــل ولا رقــد مثــل الــرقــودي
وجد شاعرك البسيط اللي غزير الشوق حاسه=لين نوخ بالركاب المثقله من دون فودي
مغــرمٍ عــاشـق صبــابــه مــن سمــاك الـى أرض ســاسـه=مـايشــوف الا أنــت فــي دنيــاه يانفــح الـورودي

أنــت عمــره وأنــت كلــه وأنــت شــربــه وأنــت كـاســه=وأنــت مــن سميــت حـالـه ليــن صــار الجســم عــودي
وانت روحه وانت بوحه وانت ناره واقتباسه=وانت لاماه وضمااه ومااه يانبع الوجودي
وانت من خليت قلبه مايبي ربعه وناسه=وانت من هديت حاله والجسم منك مهدودي
كان ماالله ياوزين الروح عجل بنتفاسه=قل علي اني قتيل الحب وابياتي شهودي
لآنــي أول مــن طــواه الحــب وأستــدرج بـراسـه=ولانــي أخــر مــن كتــب فـم النهــد وأم الخــدودي
يـاوجــودي قلــتها لــك بالـرضـا غصــب وفــراســه=وجــد بـن منجــوم يـومــه صاغ جزلات الردودي

[عبدالله المرشدي]

رائعه للشاعره قوت القلوب

هذه القصيده كتبتها عندما عارض أحد الآشخاص على شعر المرأه
فاكتبت هذه الأبيات
كان الرجل مبطي على نظم القوافي والبحور=ترى المره تكتب مشاعرها بنفس المحبره
مافيه فرق إلأ الظروف اللي تحكم بالظهور=عاداتنا تفرض علينا والدروب مسكره
لكن مايمنع نقول الشعرونزيدالحضور=كلٍ حسب مخزون شعره والفكر والمقدره
شعر النساءحاضرعلى مَر اتجارب والعصور=لوراحت الخنساء وبقت بعض الظروف مسيطره
كتبت شعري واثقه ماخفت وحييت الشعور=للساحه اللي كل مافيها ضجيج وثرثره
أحدِِِِِِِِِِِِِِِِِِِِِِ شهدلي وأنتشيت من الفخرماهوغرور=يحق لي دام القصيد اللي كتبته مفخره
واحد معارضني ولأدري ليه لكن مايثور=من الزعل إلأالشديدإبه الزعل لآوتّره
ماهمني لوهمني ماجيت والقيت السطور=ماردّ سمعي للكلام اللي مهمش مصدره
الشعر أسرني وأناللشعر فكرٍ مايدور=إلآعلى صنف البيوت الكايده والمثمره
قريحتي ذوق ورموزي فرق وإلهامي جسور=والكلمه اللي وسط قلبي فا الّلسان محضّره
خيالي أبعد من خيال فالفلك ماله عثور=وإن جيت للواقع تقول البنت هذي مبهره
قوت القلوب إليا إحضرت تفرش لهاكل الزهور=تسمع قصايدها المزون إلقادمه والمدبره

[عبدالله المرشدي]

رائعه للشاعر /سمير بن علي المرشدي (ذيب الينوفي)اضع بين ايديكم هذه المتواضعه وارجو ان تنال الاستحسان


الحب حق(ن)للمحبين مشروع= ولافيه حب الايجي له دواعي
وانا لحبك جيت بالشوق مدفوع= حاولت اهدي بس زاد اندفاعي
مغصوب مدري جيت يازين بالطوع=بس الوكاد القلب داعيه داعي
على جدار القلب بالوشم مطبوع= حبك اصيل وحب غيرك صناعي
وبالشمع الاحمرمدخل القلب مشموع=عن حب غيرك ياحسين المساعي
مثل الحيا حبك على طول متبوع=يابو العيون الساحرات الوساعي
كم نوع صادفته وكم جاز لي نوع =بس ان نوعك ينشرى مايباعي
نوعك فريد وتجذب الناس بطبوع= زين الطبيعه زان زين الطباعي
مابين طول وقصر بالضبط مربوع=العين تبطي يم زولك تراعي
وباق الوصايف دونها السيف مرفوع= سيف الحيا يفرض علي انصياعي
يازين دوك الحب بالكاش مدفوع=وقسطني الاشواق باثر ارتجاعي
اعطش لحبك واشعر احيان بالجوع= ماتلتفت يم العطاشا الجياعي وارجو السموحه على القصور

[ناصر الحربي]

وهذي رائعه من روائع العنيد

الجديد أستجابه لطب أخوي عبدالله المرشدي واتمنى ان تنال أعجابه
وأعجابكم جميعا ً ..

\

\

\


أفيق بعض أحيان وأحيان ما أفيق = حتى ولو نادا علي المنادي
أونس غلاها بين حدب المعاليق = وأقول قدام العرب شي عادي
ولا الحقيقه كلبونا مشافيق = أنا وقلب الهم ويا فؤادي
وجدي عليها وجد من حده الضيق = حده زمانه غصب من غير حادي
روح ضحية كذب عالم وتلفيق =عالم بلا ذمه بليا مبادي
وعقب الأدله وإنتهاء التحاقيق = صدر قراره بالسجون أنفرادي
ومن المحاكم وثّق الحكم توثيق= خائن ومفسد في نظام البلادي
يعدم بعد ما ينسق الحكم تنسيق = حسب كتاب الله ولي العبادي
ودّع هله مابين جمله وتفريق = ودع وليد ٍ له بسن المهادي
كنه كما حر ٍ بروس الشواهيق = صوب وحول حرج في بطن وادي
واليا تذكر جر حلو الطواريق = يبا يتناسا مير مامن فوادي
حتى أن همه صاير أثقل من طويق = قد أستوى من زود همه وجادي
هذا كما وجدي على حالي الريق = أبو عيون وساع ترف الأيادي


\

\

\


وسلامتكم

[ابن مسلم]

أعزائي الكرام نقطف لكم هذا اليوم زهرة من بستان شاعرنا القدير

عبدالله مرزوق المرشدي ألا وهي بعنوان الاياعين ابوي


http://www.otaiby.com/vb/showthread.php?t=27835


اهلا هلا ياقبلة الدار حياك=وسط الخفوق اللي لعبَه هواكا
القلب بيتك والمعاليق مرباك=مالك ورا حد المحاني شراكا
استمتع بوقتك عسى الله يرعاك=فل الحجاج وغن محدٍ معاكا
والله مابه شي بالعين يسواك=ولاحدٍ ملك عقلي وقلبي سواكا
كل العذارا بعتهن لجل عيناك=لايلحقك شكه تراهن فداكا
انت الذي في داخل الجوف ملفاك=تامر وتاخذ بالهوى مبتغاكا
ماكنت اعرف الحب والشوق لولاك=انت الذي علمتني من غلاكا
تفداك روحٍ عدها من ضحاياك=ان كان مالله للمواصل هداكا
ياعين ابوي انته عسى الروح تفداك=ارفق علي شوي ماقوى جفاكا
كل الجوارح تشتهي فيك تبغاك=على غرامك بالخفوق اشتباكا
ينتابني لامر بالسمع طرياك=نوبة جنونٍ تنتهي في لقاكا
مجنون في بعدك وعاقل بلقياك=ماقدر اعيش العمر لحظه بلاكا
انت الذي تزعل واجيك اطلب رضاك=ازعل جميع الناس واكسب رضاكا
ياروح روحي لو تراكم خطاياك=تضيع لامن شفت باهي حلاكا
محلاك ياسيد الغنادير محلاك=الزين جمع فتنته واحتواكا
كل الوصوف النادره من مزاياك=ربي من انواع المحاسن عطاكا
مالك شبيه يشبهك في حلاياك=متميزٍ حتى بجرة خطاكا
المسك ريحك والعسل داخل شفاك=بين البرد والجمر معسول فاكا
مثل البدر لابان طلت محياك=لاحولت سود الجدايل وراكا
الورد في خدك وشامتك تزهاك=علامةٍ يدلها من غواكا
اذا هرجت الهرج ذايب على فاك=كنك تكلم من طوارف شفاكا
احيان صوتك يسمعه من توحاك=واحيان من سمعك يجيه ارتباكا
غنج ودلع باسلوب راقي وفتاك=خلى حبيبك خاتمٍ في يداكا
ماودي ان الناس بالوصف تقراك=دام الغرام اللي دهاني دهاكا
تسلم يمين اللي على الطهر رباك=انا اشهد انه بالنعومه غذاكا
اغليك واحبك واعزك واهواك =واموت في ريحتك واعشق ثراكا
جزل القوافي في قصيدي تبناك =هاك المشاعر ياهوا البال هاكا
هذا الكلام اللي يسرك اليا جاك=من شاعر بالجزل قافه يحاكا[/QUOTE]

[ابن مسلم]

أعزائي الكرام هذه مصافحة شاعرنا القدير / ناصر السهلي (الاولى)


السلام عليكم ورحمة الله وبركاته


يشرفني أن أصافحكم بمساجلة الشاعر الكبير / سعد بن تويم السهلي


أقول فيها /[/align][/size]





البارح الليل كلّه عاويٍ ذيبه=لين أذن الصبح والعاوي بمرقابه
والقلب قامت هموم الوقت تسري به= همٍ تغدّى به وهمٍ تعشّى به
الوقت يفتل علينا روس أشانيبه=يضرس علينا طواحينه وبأنيابه
كثروا معاوينه وكثرة عذاريبه=وضاعت مفاتيح صندوقه ودولابه
الشاعر اليوم لاسمعه ولاهيبه=مثل المهرّج بتهريجه وبثيابه
بعض العرب ياسعد ماأقشر هناديبه=ماكان في خاطره عند العرب جابه
مايفتشل من علوم الشك والريبه=ولاهمّه اللي يهزبه ويتهزّى به
ولايستحي يومه يقدّم خجاعيبه=شعر الحداثه يحبّه ويتحدّى به
سبحان من كوّنه ياشين تركيبه=وجهه ووجه الردى بالحيل متشابه
الثوب ضيّق ومزنوطه لغابيبه=وثوب النجاسه ترى ماينتصلّى به
لاهوب من عزّه ولاهوب من طيبه=فالطيب والله فلا أظن يتهقوى به
عن المواجيب غايبةٍ مواجيبه=فالموقف الصعب ماأحدٍ يحسب حسابه
لاأحدٍ يرحّب به ولاأحدٍ يهلّي به=بين النشاما حضوره كنّه غيابه
ماهوب حرٍ يعشنّه مخاليبه=غراب لوطال منقاره ومخلابه
يابومحمد مثل هذا شسوّي به=لابوه لابو من اللي ياسعد جابه
أحرّك الجمر وألحّق مشاهيبه = وألاّ أترك الجمر يطفي وأترك أسبابه
تراك رجلٍ صريح ورايك أمشي به=مثل الجدي ساري الليل يتقدّى به
ياسيفنا اللي على العدوان نصطي به=والسيف من حدّه وعزّه من نصابه
الشعر في موقف الشعار ترهي به=لاجاء مجال التحدّي وانفتح بابه
ولولاك علم والوفى والطيب تحري به=ماقلت فيك القصيد وجاك بكتابه



ورد علي أبو محمد وقال /

[poem=font="Simplified Arabic,5,darkred,bold,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black"]
الشاعر اللي عطيبات مضاريبه=حر ٍ يفج النحور العوج مضرابه
شاعر ومبدع وتعجبني مكاتيبه=أي والله اني اعزه واتعزوابه
واشفق على شوفة الطيب واساليبه=مادام يتعب على المعنى وهندابه
لا طب سوق القصيد الجزل ياتي به=يطرق بحور القصيد ويطرق ابوابه
على الرفاقه بعيدات ٍ محاضيبه=وعلى العدو في نهار الضيق يدعى به
وياناصر الوقت فازت به قصاصيبه=ناس ٍ تجمع حكي فاضي ونصابه
الشعر وضعه تدهور وانفرى جيبه=عان الضراوي جرد سيفه ومشعابه
قام يتفلسف وسوق الهزل يشري به=ينقد على الناس والمنقود يسعى به
شعر الحداثه يهابد به ويومي به=سيله نحاوي وحنا مادرينى به
يمرض به كبود خلق الله ويذّي به=بصياحه اللي خطير ٍ يفقد اعصابه
يفتل عضلاته وشعره يبابي به=عقله اصغير وشكله شكل دبابه
ماله رصيد ٍ مع الشعار يغزي به=مفلس ودايم يشيل العيب في جرابه
والشعر هذا خسارة جهد ومصيبه=جعل العدو لاحتم الميدان يبلى به
والخبل لاجاء مجاله قيل والخيبه=وبين الشواعير والله ماحسبنابه
قطع به الوقت تشريقه وتغريبه=واليا جلس معك ملزومٍ تلهّى به
لابد الايام والاقدار تقفي به=واخير من لمسته حاول تجنابه
وان اعترض في طريقك مع مناديبه=وقام يتبجح ضعيف الراي باحزابه
ماله دواء كود تكسر له مشاعيبه=وتكويه بالنار في العلبا بمركابه
وان جنبك جنبه والناس تدريبه=خله لحاله مع الجاثوم يغدى به
واللي مثل حضرتك دايم نماري به=لاجاء مجال القصيد وعدوا أصحابه

[ناصر الحربي]

من روائع الشاعر / عبدالله المرشدي / جزل القصيد


آخر الجديد آمل ان تنال رضاكم واستحسانكم (القراءة اولى من الردود)


الشعر ولّع في خفوقي فتيله=باقصى معاليق الحشا تشعل اشعال
ماكل بيتٍ نسمعه نهتويله=بعض البيوت يمر ماكنه انقال
ان ماكسبت الشارده والجزيله=مالي مع اهل العرف مخرج ومدخال
الهرج واجد والفوايد قليله=وقت الصمايل تختلف بعض الاقوال
قولٍ بليا فعل وش ترتجي له=ضربٍ من التظليل وازعاج واجدال
احدٍ يحصل من كلامه فشيله=واحدٍ تشيله كلمته فوق ماطال
اللي يبي درب الخنا والرذيله=يطلق عنان النفس ويعاشر انذال
على طريق الغي يلقى زميله=والكل منهم لاسود الفعل يحتال
واللي يبا العليا يروم الطويله=يسعى لها ويثبت اقوال بفعال
يمشي على درب الشرف والفضيله=ماينحني لو فيه كف الدهر مال
يسعى لكسب الغانمه والجميله=ويحط له في ماكر العز منزال
اللي يبي قطف الزهر ينحني له=ماتكفي النيه لتحقيق الآمال
نيل المنى لابد له من وسيله =بالصبر والمجهود يتغير الحال
من غاص في غب البحور المهيله=لابد يصبر لين ياقف على الجال
لاصرت في غربه يبي لك دليله=بس البلا لاصار في مخك هبال
مايقنعك شرح العميل لعميله=يبلش بك اللي مقصده ينصح الضال
الحر في دربه يخاوي مثيله=والبوم ماله بالمراقيب مدهال
ممشى الهبيل بجنب ناسٍ هبيله=لو يعرفون الدرب مافيهم الدال
العاقل ان ماجاك حاول تجي له=احذر تماشي في مماشيك جهال
ترى الخوي لازم خويه يشيله=واحد من الاثنين لابد ينشال
النفس تهوى كل برقٍ تخيله=لاهملتها ترميك في وسط الاهوال
احذر تطاوعها بما تشتهي له=اضغط عليها لين ترضى بالاحوال
ترى القناعه للنفوس العليله =تحصين حتى عن مرض جمع الاموال
اد الصلاه الواجبه والنفيله=صم وتزك وحج ياطيب الفال
احرص على الارحام واللي تعيله=وامك وابوك اجزل لهم كل مكيال
والجار له حقٍ حرامٍ تزيله=وفه حقوقه واعذره كل ماعال
البخل رسمٍ بالوجيه البخيله=يبين لاجا صاحبه يدفع ريال
والبيض يكفي من هواهن حليله=تحفظك في غيبتك وتربي اجيال
بين النساء بالشكل تلقى بديله=فرقٍ بسيط وجوهر الشكل لازال
الفرق يظهر بالصفات النبيله=بالعقل والاخلاق ماهو بالازوال
احرص على بنت الرجال الاصيله=السالمه من هرجة القيل والقال
اسئل عن المنزال قبل تعني له=ماكل شجره ينوجد تحتها ظلال
ماكل وادي لو تسايل مسيله=تطلع بوادر بذرته عقب ماسال
وقت الرخا يطلع لك الفين حيله=تلقى الخوي والجار والعم والخال
ووقت الشدايد تنصدم بالحصيله=يطلع لك النصاب والنذل والذال
تلقى خويٍ شهم يسوى قبيله=والا الدويني منظره بس تمثال
الطيب ميزه والفعول تهدي له=ماكل من يلبس من الشمغ رجال
قافٍ دعاني مابغيت ارتكي له=فجر بجوفي من عنى الوقت زلزال
حاولت ابين زبدته وتحليله=في نص ساعه سقته اقفاي واقبال
قلته وقلبي فوق صلو المليله=وارتاح بالي يوم روضت الامثال
وصلاة ربي عد وبل المخيله=على الصدوق الصادق بكل ماقال

[عبدالله المرشدي]

رائعه من روائع الشاعر محمد مذكر المغيبي

أبدأ بهذه المتواضعه وأتمنى أن تحوز على رضا أعضاء وزوار هذاالمنتدى الشامخ العزيز على قلوبنا جميعا

من كثر ماينقص من الهرج ويزيد = وتدخلات ومهزله وأنتحالا

شوش ردار المعرفه والمناقيد = وستبسل اللي فالمهد لايزالا

وقامت تبرك للحمول المفاريد = وشيال عسرات الحمول أستقالا

ودقت علومٍ دون سابق مواعيد = وقامت على وجه البسيطه توالا

يركض بها الهراج ويقطع القيد = ومن حيث لايرفع له الصوت مالا

تضيق منه صدور وتضيق به بيد = وضاق الفضى الواسع وصم الجبالا

وما عاد يعرف للحقيقه مواريد = من واقع الفوضى وكثر الجدالا

وأصبح ضعيف العرف في نفسه يشيد = العارف الفاهم كريم السبالا

وقت الرخى ماينتقارن ببو زيد = وياقوم لن جاء للزناتي مجالا

لاكن علاجه طرفه عنك وبعيد = وجميع ماقاله تحطه شمالا

والا على قول الرجال الصناديد = لاتجرحون شعور ذيب العيالا

في ليلةٍ عنده مثل ليلة العيد = متجولٍ مابين قيلٍ وقالا

و أدع الله أنه يشفي إبن الأجاويد = يمكن يجيب دعاك رب الجلالا

وإن طال ليله يمدح الذات ويعيد = أكيد من سقمه شفاه إستحالا

خله يواصل رحلته دون تعقيد= ناقص ويبحث عن وجود الكمالا

لا حاسبٍ شرهه ولا كاسبٍ فيد = ولا دافعٍ بالطيب ربع الريالا

مايشبع الجايع عراش العماريد = ولا يروي الضامي قصير الحبالا

[عبدالله المرشدي]

رائعه من روائع فارس المفرده / الشاعر ناصر الحربي


الله اكبر عايشه عيشة ترف = وتحسبين الناس مثلك عايشين
خادمينك ناس والخدمه شرف= باعتقاد اللي بقصرك خادمين
ضاق صدرك ليت دمعك ماذرف= من يغير لك ورود الياسمين
الملل داخل بقلبك ماعرف= من تكوني يادلال العاشقين
لوعرف من حظرتك كان انصرف= وراح للي بالحواري ساكنين
الله اكبر يالهجوم المحترف= كيف ماتقدر على الكاس الثمين
المشاعر بنكها ماقد صرف= والرصيد اصفار نقطه نقطتين
يعني انقول المحبه من طرف= لا ورب الكون رب العالمين
ياتجي عندي وتاقف تعترف= بالمحبه او ترانا سالمين

[ابن مسلم]

اليكم هذه الفلسفه للشاعره / آهات الوله


كل عام وانتم بخير
لاستغني عن نقدكم وتوجيهاتكم والقصيده لها مناسبه تعبر عنها الابيات


فلسفه او شعر مدري وش تكون=المهم اني على قافي سريت
مايهم اللي بشعري يضحكون=اغلق سموعي وكني مادريت
شاعره واعرف وش اللي يطلبون=بس اجننهم ليا مني حكيت
دام بعض الناس قصدي يفهمون=لو ثلاثه بس فيهم اكتفيت
اكتب الابيات في صمت وسكون=وكل بيت يجر في تاليه بيت
كان عندي بيت في قافه شجون=كل ماجيت اكتب افكاره نسيت
قلت في نفسي وانا اغني لحون=ابدعي يابنت غيره كمبليت
اكتبي في حال ضحكات السنون=او كلام الناس في حيٍٍ وميت
أي بيتٍ باي شكل وباي لون=المهم انك تقولي كيت كيت
لاح قافي في طرف غر المزون= وانهمر ودان شعري وارتويت
اغتنمت الفكر في غمضة عيون=قلت هذا اللي على كيفي بغيت
علميهم كيف شعري لو يبون=علميهم كيف قافي لابنيت
قولي ان الشعر في راسي جنون=خص لامن صحت للقاف ونخيت
لاسلمت من اللقافه والظنون=اكتبه محبوك حبك اليا اشتهيت
والحقيقه ماهتوي كل الفنون=بالمزاج اكتب واسج اليا انعميت
علموني عاد ياللي تعرفون=هو صحيح اني على الشعر ابتليت
او عشاني بنت بي مايقنعون=ودهم تنزيل قافي لاعليت
مايصير الراس من غير المتون=ولايقوم المجتمع من غير بيت
الصراحه كل ماقلته يهون=لو قريتوا ماكتبته ثم محيت

[ابن مسلم]

وهنا يتحفنا جزل القصيد عبدالله المرشدي بهذه الدرهعيديه لكن بشكل مختلف آمل قبولها


قبل امس اشوفك ماترد السلامـي=واليوم من تقبل على طول سلمت
مدري كذا طبعك قليـل احترامـي=والا معي بالذات فقـت وتعلمـت
تراك عندي اسم ضمن الاسامـي=ماحس بك لو كان صحت وتندمـت
قلي عسى ماشر ويش انت رامـي=وش طاري بالفكر وش بك تلعثمت
تشـر علـي باصابـع الاتهامـي=ومن اللعانه لانظرتك تبسمت
ودك تكلم بس ضاع الكلامي=عينك تكلم وانـت ماقـد تكلمـت
ان كنت لي يابارد الوجه ضامـي= تراي عن شوفك وعن هرجتك صمت
وان كنت تبغى فزعتي واهتمامي=تبطي عظم ياميت النار ماقمت
منته كفو قولي وسلة حسامي= حتى ولو من تاليتها تالمت
فكري عن الهفوات والذل شامي=لاني عن الرديان والمبزره شمت
مثلك يقوّد بالرسن والخطامي= لو اجدك فالسوق بريال ماسمت
تدري لو انك تنستر باللثامي=كان استحيت من الخطا ماتهجمت
اخير منّك لابسات الزمامي=حتى لو انك باللثامه تلثمت
ترا المعزه والوفا للكرامي=والا الردي مايحمل اللوم لالمت
قيفان شعري ماتنزل مقامي=حتى ولو في وصف مثلك توثمت

[ابن مسلم]

وهاهي الشاعره ( أهات الوله تتحفنا بهذه الدره )

(((((((( المجرررررررره ))))))

لاستغني عن ملاحظاتكم


من منطلق طبعي ودافع سموي=احب اغير بين مره ومره
تغيير يسهم في زيادة علوي=لحد ماصل في حدود المجره
اصل حدود العز واقول توي=لابد ماخذ لي مع النجم فره
اقول يابنت الطحاطيح سوي=اللي تشوفينه يجيب المسره
ودي على كل الاماكن اضوي=واحط في كبد المعادين حره
احيا حياة العز واعيش جوي=بنتٍ عفيفه مارضيت المضره
مامشي طريقٍ منحدر ومتلوي=للغاويه باقصى ملاويه مره
ماعرف صديق ولاعشيقٍ مخوي=طبعي كذا ماقوله ابغى اتفره
ابفتخر واشب بالشعر ضوي=ابفتخر واقول انا مثل دره
في ضل شيخٍ للمكارم يضوي=للطيب في كفه على طول قره
جاوبت ذيبٍ بالقوافي يعوي=في خافقي باحلى قصيدي يشره
ماهمني من قال يابنت هوي=لانه علي من ضعف فكره تشره
اكيد غيره يعجبه قاف اوي=بالذات لامن صار عجزه على اره
شعري كذا ماضن يبغى مقوي=ماينقصه بالحبك مثقال ذره

[عبدالله المرشدي]

رائعه من روائع الشاعر ابراهيم العسيري

الصوتيه من هنا (http://www.u11p.com/ar/download.php?file=JqZ15887.rm)


السدره اللي نابته في قذاره =يصب من خبث الموارد حدرها
لو طالت وزانت وفيها نظاره = ترها خبيثه لا يغرك ثمرها
غبني غبون اللي يداوم نهاره= من حين ما تشرق وحتى عصرها
راتبه ما غطى مصاريف داره= كم ليلةٍ من هم دينه سهرها
ولا غبون اللي يداقش خفاره= بالليل والحصه لزوم ايحضرها
يفنى شبابه بين سر. واستداره= حاظر. وتامر. والكرامه دمرها
يخدم سنينه لين يصدر قراره = والعسكريه فيه تطبع اثرها
يطلع بداء السكري والمراره = والضغط وامراضٍ تزايد خطرها
هذا رصيده . غير غبن ومراره = حتى اسرته في بيت له ما سترها
في وقتنا صار التحايل شطاره= والنصب مهنه للثعالب شهرها
يا غاسلين اموالكم بالتجاره = انتم سبب رفع المواد وسعرها
مني خذوها وبصريح العباره = لكلاب نجسه لو تغسل وبرها

ملاحظه/ ارجوا المعذره فالصوت لا يساعد ولكن الهدف هو
توضيح بعض الكلمات التي قد لا تقرأ بالصوره المطلوبه كتابياً .

أخوكم/ابراهيم العسيري[/QUOTE]

[عبدالله المرشدي]

هنا رائعه من روائع فارس المفرده ناصر الحربي


لو الغلا بالوزن يافزعة الله=حرام بعض الناس ماعاد يمشون
والعاشق اللي قبل ماحداً فطن له=بيصيح بأعلى الصوت يالربع تكفون
مسكين مايقدر يغادر محله=والخلق قدامه على الهون يمشون
بالذات كانه شايل الحمل كله=وحبيب قلبه ماخذ العشق بالهون
والله ان يبطي يرتجي شوف خله=يمر عنده ضمن ناسً يمرون
وحتى لو انه مايبي شي لله=بيصيح يبغى ناس عّنه يشيلون
واللي يبا يفزع بينشب بعله=العشق كيف يشال بالله وشلون
ياهل القلوب العشق ماهو بفله=الا إذا وزن المحبه بقانون
يعني يصير الحمل كلن يشله=مقسوم بين اثنين والشيل مضمون
واذا حصل بين المحبين زله=ماينقصون الوزن والا يزيدون
كذا يصير العشق نجمه مٌطله=ولا ترقد عيونً ولا تسهر عيون
افكار جتني يابشر مسفهله=افكار شاعر لاتقولون مجنون [/QUOTE]

[عبدالله المرشدي]

رائعه من روائع الشاعر القدير /فارس بن عبدالمحسن الدلبحي(بن مسلم)


حظي لياقلت كنه هالسنـه وجـه=صكات بقعاء يجنه ثـم يصكنـه
مابعد ذا القعده إلاعشرذا الحجه= ماعاد باقي علاه إلا يذكنه
حتى مساءالعيدمايسلم من الرجـه=من قدم وخلاف وجنوبه يشوتنـه
بيبان وقتـي عليـه دوم منفجـه=وكل إقشـرن لالفاهـن مايردنـه
الفكر منداش مايخلى من السجـه=يشوف شـيٍ عيونـي مايشوفنـه
أحلا مي الأوله طارت مع العجه= والله يكافي من الباقي وماكنه

هذاه حظ الفلس لاوالله الدجه= إفعول حظي صديقي مايسرنه
ماينفع الصوت فاللي فات والصجه=والحمد (ل)الله على ماأرد والمنـه [/QUOTE]

[عبدالله المرشدي]

رائعه من روائع الشاعر القدير /على فلاح العتيبي(الحر الاشقر)
البـارحـه يــا بــدر نـومــي سـواهـيـج=يــوم انّ كــلٍ مهـتـنـي فـــي مـنـامـه
عـلـمٍ طـرالـي هـيّــج الـبــال تهـيـيـج=لـومـك عـلـى الـلـي مــا يثـمّـن كـلامـه
مـا هــو كــلام اهــل العـقـول المراجـيـج=الـلـي بــدو فــي راس ريـــع الـنـدامـه
الشـعـر صـابـه تـالـي الـوقــت تبـنـيـج=مــا عـــاد حـتّــى يرفـعـنّـه عـظـامـه
اسـبـاب نــاسٍ تـعـلـج الـعـلـم تعـلـيـج=خـلّــوه يـفـقـد قـيـمـتـه واحـتـرامــه
تـولّـجـوه إقـصــار الاشـبــاح تـولـيـج=فيهـم عـلـى مــا قـيـل جـهـل و غشـامـه
عميّان... و ... حريول... و ... و ثالثهم ... صنيج=روس الثـلاثـه مـــا لـهــا الاّ الحـجـامـه
روسٍ عـسـاهــا لـلـحـصـيّ الـدلامـيــج=مـن يــد شجـيـعٍ مــا يـعـرف الرخـامـه
الـلـي يــدورج فــي ممـاشـيـه تـدريــج=يتـعـب ... و لا يـاصـل لـغـايـة مـرامــه
عقـلـه مــع التفـكـيـر يـزتــاد تكـلـيـج=يـجـهـل قـوانـيـن القـصـيـد و نـظـامـه
و أنــا لـيـا مـنّــي بـغـيـت المنـاهـيـج=الـشـعـر قـسـمـي مـنــه ذروة سـنـامـه
مــن جامـعـة ( جــزل التماثـيـل ) خـرّيـج=غـيــر الـشـهـاده قـلّـدونـي وســامــه
شـعــرٍ يـتــوّج فالمـنـصّـات تـتـويــج=ويصير له قيمـه ... و ... هامـه ... و ... قامـه
الـلــي يـعـنّـون الـخـيـول الـمـسـاريـج=هــم قـدوتـي والـرجـل يـرفــع مـقـامـه
الـعـقـل مـفـتـاح الـقـفـول الـمـزالـيـج=والـجـهـل لــيــلٍ مـدلـهــمٍ ظــلامــه

[عبدالله المرشدي]

رائعه من روائع الشاعر سلطان بن دحيم العطاوي
سودٍ بطاينها ومقاديمها بيض= تسهب على خير العرب من قشرها
تشلع تحت ربانة الخير وتنيض= وراع العلوم الخيرة ما ومرها
اسأل عليها العذر لين انها تفيض = ببر العلوم الطيبه مع بحرها
تزمل شتا ومن الشتا عام وتقيض= لين الخريف يذمها ويهجرها
اشتات وان جمعتها داخل الحيض= تمحل حياضٍ شدها ما نجرها
شيالها لو يكثرن المراكيض= يسج رجله لين يوصل خبرها
قدمت له معروض ضمن المعاريض = يمكن يقرب شوحها ما نشرها
سهجتها برضاي لين انها تريض= واعقل قدمها في الحشا واعقرها
بس انها راحت سهوم وتحاريض= تشق صدر اللي بصدره ضمرها
يعطيني الطيب وكالة وتفويض= واكسر يدين اللي يديه تعمرها

[عبدالله المرشدي]

رائعه من روائع الشاعر القدير/ناصر بن سعدي
يابنت شومي وإشتري راحة البال=شومي عن اللي بالوطاه متساوي
شومي عن اللي ينقل القيل والقال=في طبع موفين المواجيب غاوي
حتى أيش لو يلبس له شماغ وعقال=وألا...لبس له يوم بشتٍ حساوي
شرواه يسبح بالمهونه ويختال=دون المراجل بارد الوجه ثاوي
يهين نفسه لأجل تعطينه ريال=ويقول أنا عندي جميع المناوي
اللي سواته ظلم ينقال رجال=ماهو على فعل الطحاطيح قاوي
تستاهلـين الخير يابنت الأبطال=والله يجيرك من جميع البلاوي
عريبة المنسب من العم والخال=شيهانةٍ من وكر حرٍ نداوي
ما أمدحك ميت جوع وأبحث عن المال=وألا..محبٍ في (غرامك هواوي)
أكرم عن اللي نظرته خبث وإذلال=وأكرم عن اللي بالمناقيد ناوي
وأكرم عن اللي شكه ألوان وأشكال=وأعرف بفضل الله جميع الدعاوي
إليا طرى لي علم للبيت مدخال=حسب العوايد والشيم والفتاوي
يابنت قومٍ بأسهم ينسف جبال=وقت الحرايب وإنزعاج العزاوي
لا..ثارت الهيجاء لظىً تشعل إشعال=داسوا خطرها مخلفين الهقاوي
قومٍ لهم في هامة العز منزال=حماية المضهود زبن الجلاوي
لا..دارت الدنيا وجور الدهر مال=هم كاسبين الطيب وأهل النخاوي
أفعالهم تضرب بها جّل الأمثال=على مدى التاريخ راوي لراوي
هذا قليلٍ من كثيرٍ ولا..زال=ذيب المشاعر بين الأضلاع عاوي
يقنب قنيب اللي على روس الأقذال=يقنب ثمان ليال يضرس وطاوي
مابين رجم ورجم وإقفاي وإقبال=لاويه من بين المحاديب لاوي

[ابن مسلم]

من روائع شاعر شباب المهادله كما يحلو له ان يلقب ( سلطان العطاوي)



سير عليه ياحبيبي مع الناس = وانا ليا من سير الناس أسيّر
للمنزل اللي تنقطع فيه الانفاس = لو كان ماللخوف يازين ذيّر
طبعا مكان العز هيبة ونوماس= بس الغرام اللي دفعني محيّر
احيان اقول الشوق ميزان الاحساس = واحيان اقول الشوق ملعون خيّر
نسج الهوى يمشي على كل الاجناس = وعلى الولد والعود حتى الصغيّر
اخاف دايم شرعة الحب تنداس = واخاف مشروع الحنان يتغيّر
لكن مادام أن العمامه على الراس = ولا وصلنا سوق طب وتخيّر
عيّوا عليهن لا يشدنّ الارماس = ببيض النوايا والغرام المسيّر
طاري غرام الشوق للروح حواس = الحب واضح والحبيب يتنيّر
اطري عليه احيان لاهب نسناس= واحيان ينساني ويقفي مذيّر
وانا مدور قرب مانيب عساس = شوري عليها دام فيها شوّير
يفداني اللي قد وطى درب الادناس= وانا فدى راع الحسيس الجهيّر

[عبدالله المرشدي]

رائعه من روائع الشاعره المتمكنه آهات الوله
تذكرون البيت ذاك اللي نسيته=من قصيدة فلسفة شعر الحريم
تو بالصدفه على رفي لقيته=باخر الصفحات من دفتر قديم
جد يوم اني تركته ماخذيته=ناسية والا ترى وزنه سليم
اما ذاك اللي ذكرت اني محيته=كان بالمعنى يوقع فالصميم
لجل ذوق الشعر بالمعنى طويته=باينٍ مخفي بقيفاني مقيم
ودي اكمل بيت شعري لابديته=لاني اغرف من بحر ماهو يتيم
حالفه باللي نصلي يم بيته=ماتنازل عن قصيدي للغشيم
من بنات الفكر ماوالله شريته=ولا عرضته غير لعيون الفهيم
يوم بعض الشعرمايحميه بيته=لن ساسه قام من فكرٍ عقيم
اتعجب فيه لكن مارثيته=كيف ابرثي جثةٍ صارت رميم
ليت بعض الناس يقرا ماقريته=من قصيدٍ ضايعٍ ماله ضميم
كاتبه لو جا يبي رايي عطيته=قلت عن كتب القصيد اعمل رجيم
لو وصفته بالقوافي ماغويته=كنه المحتاج لاطاح بكريم
مايفيد الصوت لو باسمه نخيته=عمك اصمخ ضاع في ليل بهيم
سامحوني لو على غفله كويته=عل قافه بالكوايا يستقيم
زبدة اللي دار في فكري حكيته=مابغيت تقيموا شعر الحريم

اضغط هنا فلسفة شعر النساء السابقه (http://www.otaiby.com/vb/showthread.php?t=29445)

[ناصر بن سعدي]

ويتواصل إبداع نجوم منتديات قبيلة عتيبه

ومع هذه الشاعره الرائعه ومشاركتها المميزه


الشاعره/نسمة غلا


اسمع كلام الحره اللي تودك=ان كان تبغاها على طول تغليك

يحق لك مادام مافيه قدك=تزعل وتتغلى على شان اراضيك
نصيحتي ياشيخ لايطول صدك=اعقل ترا والله لاروّح واخليك
ايه اعشقك بجنون واحب يدك=واحب حتى ارضٍ مشتها مواطيك

لكن ليا زودتها قلت حدك=وقف ترى مليت زايد تجافيك

لابنت عمٍ لك ولا اعرق بجدك=لكن احبك حب من قلب واغليك
ان كان غيري ياهوى البال سدك=اباطلب الله في حياتك يهنيك
ابانسحب بشويش لو كان ودك=مادمت بايعني فلا يمكن اشريك
ادري بتاليها عليّه مردك=لابار بك وقتك ودارت لياليك

تندم ليامن يمي الشوق شدك=تحتار في امرك وتصفق باياديك
نذرٍ علي اني لصدك واردك=لني ليا قفيت من قلبي امحيك

لو كان دمعك سال من فوق خدك=باقول انا لك حالفه مالتفت فيك
لكن خلاصتها تراني اعدك=اقرب من الاقراب والروح تفديك
لا لا تقول الحين بيحت سدك=توي عرفت اللي خفى من خوافيك
ماقصدي اشقى بين جزرك ومدك=هذا فقط انذار ياليت يكفيك

[ناصر الحربي]

وهذي رائعه من روائع الشاعر / عبدالله المرشدي


"آخر رسالة ود تكتب يميني"=قبل الرحيل المر قبل الحسايف
ارجوك ياعذب اللمى سامحيني=ما دام انا من سيرة الحب خايف
ناديت من قلبي عسى تسمعيني=لاتحسبيني يوم صديت عايف
صوتك يسبب مشكله صدقيني=حتى ولو بين القلوب الولايف
اقولها من جد بينك وبيني=ياهو مصيبه همس ذيك الشفايف
لو تنطقي حرفين تسحر فطيني=وش لون عاد اهل العقول الخفايف
حسنك سلب عقلي وبيح كنيني= ماعدت غيرك ياريش العين شايف
الزين لفك من شمال ويميني=قليل في حقك حسين الوصايف
مافيك عيب وكل مابك حسيني=فيك الحلا والحسن طاغي وكايف
طلبت ربي في فراقك يعيني=ماعاد بي حيلٍ يطيق الكلايف
وان كان جيتك جنبي واتركيني=لاني اعرف القلب يمك مهايف
لاتذكرين الحب لاترحميني=خليني اصبر تاليتها خفايف
حتى بمنامي حاولي ماتجيني=ردي طيوفك لاتجيني ردايف
واذا صحيت انسى عناي وحنيني=واحاول انسى حب ناب الردايف
حتى ولو جوي تعكر ..يزيني=واعيش جوٍ مثل جو المصايف
هذا قراري راضيٍ مايجيني=من عقب عديت الطوال النوايف
شم الجبال اللي حجاها حصيني=عديتها وهموم قلبي لفايف
في مرقبي راجعت ماضي سنيني=واخذت عبره من ليالٍ طوايف
درب الهوى يابنت ماله ضميني=ياكثر مابه من علوم وطرايف
في سيرة العشاق سرٍ دفيني=وهمومهم باقصى الضلوع النحايف
نهارهم مابين شوق ونيني=وليلاتهم مابين ساهر وحايف
حال الهواوي مثل حال السجيني=دايم على خده دموعه ذرايف
ابيك والله وادري انك تبيني=بس اجزمي خلاص ماني برايف
بودعك يافاتني واذكريني=اذا قريتي هاجسي بالصحايف
ارجوك يابنت الحلال اعذريني=وانسي مع الايام ماكان طايف
يكفي دلع بالله لاتحرجيني=قلت الك انا من سيرة الحب خايف

[ناصر الحربي]

وهذه رائعه من روائع شاعرنا / سلطان العطاوي



ياطير ياللي تو ما قرنس الريش =ضربتك من بين المخاليب زدها
وانزل على صيدتك وقت المغابيش = قدام عقبان الصدوع وهددها
ولا تنزل الا خايع ما بعد نيش = يجيك أمر من الصقاقير وادها
مخالبك ياطير ما توكلك عيش = عن فعلها ياطير ما أحد نشدها.
الفعل فعل مخالفات النواتيش =اللي مدحها ما قدر ينتقدها
اما على ايدين العيال المداهيش =وقب المهار اللي تزايد ركدها
اما تحت راية عقيد الحناتيش =والا على شيخ الشيوخ وسندها
وانا ثمان سنين ركضي على ويش =حليتها واضحت تزايد عقدها
بين الشتا للصيف يا رحلة قريش =وان جازلك من عـــالي الجو قدها
ويا طير يوم انك تعس المراهيش =بيض السحاب اللي ترازم رعدها
ما صادفتك أم العيون المراييش =غابت وأنا اللي منتظر في وعدها
حتيش لو غابت من العام حتيش =حتيش لو نفسي تزايـــد نكدها
يا طير بلغ ناقضات العكاريش =الزين جاها وحدها واعتــمدها
ياطير هذه بنت ريف الهتاتيش = زبن المساكين الضعوف وسعدها
تطيش وينزه شرفها عن الطيش =تجيك والخفرات تاصل بعدها
ان قالها الله وامهلن المناحيش =لا فرك بطن كفي على بطن يدها
والا انت ياطير السعد ما نته بديش =مواردك يا طير ما احد وردها
نقشت لك شعري بروس المناقيش= صافي هواجيسي على ايش وادها

[ابن مسلم]

درر قوت القلوب



استمع في قوت لحظه وش تقول=كان ودك تفتهم قرّب تعال
لا تعجب منه ويصيبك ذهول=وانت توك فالبدايه لاتزال
للرجال اقول ولبنت الزحول=اسمعوني زين لاخرة المقال
مايفيد الهرج من غير الفعول=لو يطول الشرح ويطول الجدال
قول ثابت عند راعين الاصول=مايقوم البيت من ساسٍ هيال
لو ضربت اطوالها عرضٍ وطول=النتيجه صفر ماتبغى سوال
شي من لاشي ماهوب معقول=في حدود العقل تصديقه محال
عبر دورات الليالي والفصول=يطلع المستور لك في كل حال
مد شوفك للصحاري والسهول=ولارقيت ارق الطويل من الجبال
انفض غبار الكسل كب الخمول=لاتكاسل عن مخاوات الرجال
الكسل والنوم ماسر الكسول=مامعه للمجد والعليا مجال
وكل بنتٍ شدها هرج معسول=تعرف ان السم في هرجه زلال
لو تحشم ماعليها من الخبول=ترتقي وتصير صعبه بالمنال
الحيا والدين للريم الجفول=ميزة تطلع بها فوق التلال
الآوادم طبعهم حب الفظول=دوم فيهم نقص لله الكمال
شكلهم واحد ويفرق بالعقول=واحدٍ عاقل وواحد به خبال
ابن ادم دايما طبعه عجول=خصلة به ثابته ضمن الخصال
عادت الجهال مع طق الطبول=كنها بالعقل صايبها هبال
لاتعجل مع سريعات الحلول=اصبر اصبر لو تشوف الصبر طال
كل شيٍ في نهاياته يزول=غير رب البيت جل عن الزوال
هي كذا الدنيا طلوعٍ في نزول=لاتفكرها كما لعبة عيال
وانت فيما شفت قلي وش تقول=هي حقيقه جد والا من خيال
زبدة افكاري عسى تلقى قبول=عند من يفرق حرامٍ من حلال

[ناصر الحربي]

من روائع شاعرتنا / نسمة غلا



المزنه اللي بالدجى برقها لاح=اغنم مطرها لايفوتك مطرها
مادام جت بحماك لاتروح ياصاح=وان روحت مع دربها قص اثرها
ماكل برقٍ يجذبك معه لا راح=بعض البروق الله يكافي قشرها
خل البروق اللي تعدى لها ضاح=لوسيلت منته بجاني ثمرها
حتى لونك بس بالقول مزاح=تتعب عيونك من متاعب نظرها
لو كنت في شعر الغزل صرت مرتاح=حبيبتك شعر التغزل دمرها
احرص عليها قبل ترحل وتنزاح=احرص تراها درةٍ من دررها
محميتك فيها اطيب الورد فواح=من صغرها مافيه حيٍ سبرها
بالطهر والعفه لها ستر ووشاح=درة بحر منقيةٍ من بحرها
مالك ومال اللي لها نوح وصياح=اللي مع العربان ذايع خبرها
ياسيدي قلبي بنار االهوى ساح= والحال باسبابك تزايد خطرها
لو كان للحدب المغاليق مفتاح=حبك بلا مفتاح طب وكسرها
الحق ترى محبوبتك سدها باح=حتى لو انك بالحنان تغمرها

[عبدالله المرشدي]

رائعه من روائع الشاعر القدير/فهد بن حنس


علـى وضـح النقـا. صغـت القصيـد وشرفونـي بــه=وهجـوسـي بالمحـافـل والمـواقـف مانـشـح بـهـا
نصـوغ القـاف مـن قاصـي صميـم القلـب ونجيـبـه=وعلـى صفحـة شـرف ربعـي هـل العـادات نكتبـهـا
تجمعنـا علـى عـز وعـلـى قــدر وعـلـى هيـبـه=وعلـى كـار وعلـى شـار وعلـى دار نعـيـش بـهـا
وقبيلتنـا عتيـبـه يـاهـل الميـقـاف ..... ياعتيـبـه=ياحـي اســم ينـومـس سـايـر الـلابـه ويطربـهـا
وان مانـلام فــي مــدح القبيـلـه يــوم اماريـبـه=اماريبـه واجاريـبـه هــل الــزوده وازيــد ابـهـا
عسـى مـن لامنـي فـي ....حبهـا ماينفعـه صيـبـه=خسيـتـي يـارجـال حـــزت الـوقـفـه تجنـبـهـا
ولا يامرحـبـا فــي مـرحـبـا مـلـيـار ترحـيـبـه=انيابـه عــن شـبـاب اعتيـبـه الهـيـلا وشايبـهـا
ارحـب بالملـوك اللـي حمـوا نجـد وحـمـوا طيـبـه=حمـوهـا واحتمـوهـا وامنـوهـا مــن مصايـبـهـا
امـلـوك تــدرك الـطـولات والمـاجـوب تحـريـبـه=املـوك بيضـوا وجـه العـرب مـن طـيـب مذهبـهـا
املـوك منهـج القـران تحـكـم بــه وتمـشـي بــه=امـلـوك مقتـضـى سـنـة محـمـد تستـعـز ابـهـا
املـوك فـي البلـد نصبـح ببيرقـهـم ونمـسـي بــه=املـوك مـن غـلاهـم نـرخـص الانـفـس ونجلبـهـا
املـوك حبـهـم فــي القـلـب ياحـلـوه وياطيـبـه=امـلـوك ودهــم بـالـروح شـاربـنـا وشـاربـهـا
امـلـوك عــدوا بسمـعـة بلـدنـا فــي مراقيـبـه=املـوك فــي لحـهـا الطـايـلات وفــي شواربـهـا
نحـبـك يامـلـوك الـديــن يـاقــادة مواجـيـبـه=نـحـبـك وا لمـحـبـه بالـضـمـايـر مانقـلـبـهـا
نحـب الـدار وأهـل الــدار والـلـي بــار ياعيـبـه=حذاري من هل التنظيم !!! وانحش لا تقربها !!!!!!!
تـرى مـن لا حمـا فـي موطنـه يالبـيـض ردي بــه=هــذا وقــت الحمـايـا يـاهـل الـعـاده ومطلبـهـا
وتــرى والله لــو درنـــا بعالـمـنـا واجانـيـبـه=فـلا نلـقـا مـثـل حـكـام موطـنـا نـطـول ابـهـا
وتـرى حـب الوطـن واجـب علـى الشبـان والشيبـه=وأنـا مـن لابــة طـاعـة ولــي الامــر واجبـهـا
وترى حـب الوطـن عـز وتـرى غـدر الوطـن خيبـه=وغدرها التاجر !! اللي يركب الفتنه ويشعبهـا !!!!!!!!!!!
يحسـب الديـن قتـل النفـس هرجـه يـوم يهذيـبـه !=وهـو فـي جـوف غـار(ن) مايحـسـب وش عواقبـهـا
يشـب النـار واهـل الــدار هــذا الـعـار تدريـبـه=يلاعـب فــي عـواطـف سـائـر الامــه ويندبـهـا
وراء ماشبهـا فـي (تــل ابـيـب ) وفــي تلابيـبـه=اليـا كانـت شجاعـة راعـي العوجـاء يـحـس بـهـا
يقـول المصطفـى بـاخـر زمــان الـنـاس تغريـبـه=وتـرى هـذي هـي الفتـنـه عـسـى ربــي يغيبـهـا
وعسـى ربـي يحـفـظ الـديـن ويصـفـي مشاريـبـه=وعسـى الله يحفظـه مـن دبـرة الاشــرار وأخطبـهـا
يقولـه مـن يحكـم القـاف مـن فيضـه ومـن جيـبـه=ولـيـا مــدوا لــه اليمـنـى النشـامـا مايعقبـهـا

[عبدالله المرشدي]

رائعه من روائع الشاعر القدير /بدر ناصر بداح العتيبي



مافيه طيب بالردايا المناجيس = الطيب يظهر بالرجال القرومي
ولا الردي يرِّث هموم وهواجيس= مخزي ومن طبع الحرار امعدومي
الوجه مظلم لو يركّب فوانيس = عايش دني النفس جهل وظلومي
لا شفت زوله قلت هذا هو ابليس= او حيةٍ رقطا تبث السمومي
صديع, راسه مابه الا وساويس= علّه على زودٍ يزيده همومي
ناكر جميل ومن وجيهٍ مناحيس = انحس عمل وطبوع من وجه بومي
فوق النحاسه ضمن ناسٍ متاعيس= ماله ورى سوق الرياجيل سومي
له لحيةٍ ماقربتها النواميس= ماهي على حرٍ يطول النجومي
ممشى حياته درب كذبٍ وتدليس= ممشى خبيث النفس ولد الرخومي
لئيم غدار امعدوم الاحاسيس= من طاح في محبالته مايقومي
يبقى ردي لو يعتلي عرش بلقيس= اويعتلي من فوق عالي الغيومي
ماصاحب الا الحر نسل القرانيس= مكرّم اليمنى قوي العزومي
ضيغم ولد هاك الاسود المتاريس= من وصلهم تنعم بعزٍٍ يدومي
لحتجت له وقت الليالي المعابيس = شفت السعد لاشفت زوله يزومى
ياطى على روس العفون الاباليس= لطام وجه العايل ان جا يهومي
في جوده اكرم من غيوم ونسانيس= وعلى الضعيف ارحم من امٍ رؤومي
جزل العطا من دون حد ومقاييس= عطاه يفرح كل قلب امحرومي
والعز ثوبه ظافيٍ له على القيس= ومطرزٍ بالطيب حد الكمومي
ماهو من اللي من الشهامه مفاليس= ولاهو من اللي فوق جيفه يحومي
وانا بدر ماني من اللي ملا الكيس= بشرور واحقادٍ ووجهٍ شؤومي بدر ناصر بداح العتيبي

[ناصر الحربي]

قصيدة للرائع الشاعر المبدع/ عبدالله المرشدي والفائزه بمسابقة قصيدة الأسبوع الأولى

http://www.3rbox.com/get-1-2008-3rbox_com_06yo0vvb.gif

قصيده تحمل الكثير من الابداع والسبك والحبك



عبدالله المرشدي

أمل ان تنال الرضا


لاتخليني على جمـر الغـرام=ظفنـي بحمـاك والا فكـنـي
تدري التعزير فالمسلم حرام=لاتسن الرمح يكفي ذكني
التعامل فالمحبه باحترام=مايصير تحدني وتضكني
ياحسين الدل يافـرخ الحمـام=ليـه دايم بالوعود تركني
في مواعيدك احضر بنتظام=خوف راسي من غلاك يصكني
لا لقيتك صارت احوالي تمام=ولافقدتك وسط صدري تكني
منك ماتحظى وعودك باهتمام=غير صدفه والصدف ماتمكني
سحرك اللي بان من تحت اللثام=لاذكرته في خفوقي دكني
وخدك اللي كنه بروق الظلام=سكني برقه ثواني سكني
لاتكاشف وانكشف حد الحسام=بان جمرٍ لانظرته شكني
يابديع الوصف يابدر التمام=ذبت من هرجتك يوم تلكني
اطرب لذكرك ليا مر الكلام=وغيرك ليا مر جلدي حكني
دام حكم الضرب فالميت حرام=طالبك هالحين تكفى فكني


رابط القصيده : http://www.otaiby.com/vb/showthread.php?t=31221[/align][/B][/size]


>>تمنياتنا للجميع بالتوفيق <<[/QUOTE]

[ناصر الحربي]

القصيده الفائزه بمسابقة قصيدة الأسبوع للأسبوع الثاني :

http://www.3rbox.com/get-1-2008-3rbox_com_06yo0vvb.gif

دار السعودي دارنا للشاعر المميز/ محمد الروقي

على هذا الرابط (http://www.otaiby.com/vb/showthread.php?t=31722)







سلام ردية وفا من خاطري قدم الحضور=للجزل واللي يفهم المعنى زعل زفيتها
لبستها ثوب(ن)جزل رشيتها بزكاالعطور=فيها وفيها من دعاوي(ن)شفتها سويتها
لا واهني اللي منول واهني اهل القبور=ماشافو البنت العراقيه يفتش بيتها
ماشافو الطفل اليتيم اللي بغزه ومحصور=والهيس بوش يهدد الديره وياخذ زيتها
حتى الدقيق البودره من يمهم صار امحضور=وياليتها ياليتها تقعد كذا ياليتها
غصب(ن)على الرجال يرضخ لليهودي ومحقور=بقواعد(ن)حطت من اقصى غربها لكويتها
لاشافو الحاكم يبا يعني يبا يلف ويدور=جابولهم سرب يحدد بالقمر تكريتها
ماباقي الا للعرب تحديد وجبتهم فطور=وحنا نصفق عاش بوش عراقنا ونهيتها
في بعضنا ياطيبنا تفجيرنا وسط القصور=قتلت بلدنا من ولدنا ارهاب لو سميتها
يابن البلد وراك ماوديت شرك للشرور=درب العلوم الطيبه ياحيف كيف اخطيتها
كيف الغراب يصير فرخ(ن)من مواكير الصقور=يعني تبا تكحيلها ياشين بس اعميتها
ياشين خل بلادنا ياشين بالدين معمور=كم ركعة(ن) وسط الحرم كم حجة(ن) حجيتها
خلك على دينك وقايد دولتك تكفا غيور=لا تقتل ام ربتك في حضنها وبكيتها
ياذاك جدك بالوفا وبوك بالطيب امخبور=وش جنبك عن درب ابوك وسنة(ن) سنيتها
حنى على درب النقا مع درب ذربين الشبور=جداننا راحت وحنا في ورايث صيتها
كلمة سعودي والسعودي بالمعاهد مايبور=وهذي عود(ن)لو تبيها تختفي ما اخفيتها
دار السعودي دارنا ياثور ياتباع ثور=والله لتبطي عضم ياكوبان ماهزيتها
دام ان ابو متعب جمعنا والنقط فوق الصطور=بالشرع والتوحيد رايتنا رفعنا صيتها
افهم كلامي ياهذا والدم للطيب يفور=ولا الردي يتبع علوم اهل الردا وتصويتها
ون علت عنا ونت منا طس والدم امهدور=تموت والعله بكبدك ونت مادا ويتها
وتمت وصلى الله على شفيعنا يوم النشور=نبينا يالي حفضنا وصاية(ن) وصيتها

[ابن مسلم]

وهاهنا هذه الامبراطوره لشاعرنا ناصر بن سعدي


أحبتي .. أبيات لـ التواصــل فقط ,,

إقبلوها كما أتت .. أتمنى أنا ترتقي لـ ذائقتكم ..والعذر والسموحه على التقصــير



واوجودي كل ماهب نسناس النسيم=قول إبن قضعان ما أظن من سمعه نساه
جدد جروحي وأنا عايشٍ عيشة نعيم=كلما أذكر من سبا عقلي وحالي طواه
كامل الأوصاف في جيلنا هذا عديم=ميزّه ربي عن اللغير يوم الله عطاه
خصه بعقلٍ سليمٍ على جسمٍ سليم=ويش أقول وويش أوصف على ظبي الفلاه
واوجودي وجد من معظم أيامه جحيم=يشكي وفوقه زمان العنا دارة رحاه
واوجودي وجد من لارفيق ولانديم=توه بفترة نموه وملعونٍ ثواه
ثم قام يردد الوجد ترديد اليتيم=فاقدٍ عطف الأمومه ومحتاجٍ لـ (أباه)
يردف الونه بونه على الطرق القديم=حالته يرثى لها فالصباح وفي مساه
كلما جاته من الوقت ضربه فالصميم=لين كل ومل وإنهان من شقرة عصاه
جاليٍ يبغى المعوشه ومضهود وسقيم=يتعب ويشقى ولـ (لمقتدر) يرفع يداه
أتوجد وجده وراجيٍ لطف الكريم=إنه يلملم شتاتي قبل يوم الوفاه
هو بماتخفي ضماير مخاليقه عليم=طالبه يشفي وليفي ويستر لي علاه
يشفي اللي كل مامر طيفه قمت أهيم=ثم غبت عن الوجود وهواجيسي معاه
أذكر إني مرةٍ نايم بليلٍ عتيم=مرني فالحلم وينادي ويجهر نداه
مادريت إلا وأنا بآخر الليل البهيم=رافعٍ صوتي وأردد كلامٍ محتواه
والله ليبطن ماجابن بطون الحريم=عندي أغلى منك خلٍ ينومسني غلاه

وسلامتــكم ,,

[عبدالله المرشدي]

http://www.otaiby.com/vb/image.php?u=9627&dateline=1205451137



احدى القصائد الفائزه بقصيدة الاسبوع للشاعر القدير نادر النمر


أخطيت في حقك .. وفي حقي أخطيت = مدري وش اللي في غرامك رماني
جيت بعيوني .. وبرموشي تغطيت = وأنا بعيونك عايش ٍ جو ثاني
بالله فيني يالغضي ويش سويت ؟ = كلي معك .. وأنا هنا في مكاني !
أخذتني كلي ولا عاد خليت = للناس مني شي قاصي وداني
ولامرني طاريك لبيت / لبيت = من عقلي وروحي ومنطق لساني
ياما تمنيتك ولا قد تمنيت = وساعة وصلت القلب / زف التهاني
وسكنت في قلبي وعشت وتهنيت = وضمتك ياعمري بشوق المحاني
لكن خسارة يالغلا ماتهقويت = إنك معي تقتل جميع الاماني !
بنيت لك في داخلي وأنت هديت = كل الذي بنيت لك .. في كياني
ماتدري إني لاستحسيت قفيت = أقفي قبل لاتمس قدري وشاني
وماتدري اني شامخ ٍ مثل حلْيٌت(*) = وربوعي أسمى من سهيل اليماني
وماتدري اني بالمعزة تربيت = كريم في طبعي ولا ارضى الهواني
ليتك قبل تخطي بحقي تأنيت = أو ليت ماسمعت كلامك اذآني
معاد ينفع قول ياليت / ياليت = تلومني .. وأنا بلوم الزماني
واليوم لو بالوصل جيت وترجيت = مبغاك دام اللي وصلني كفاني
أذكرني بخيري ليامن تعديت = عابر سبيل .. ومن طعونك يعاني
وأذكر كلامك لي .. يومه تناهيت = تقول ياخلي دفاك أحتواني
ولاأنت في بالي ليا أصبحت وأمسيت = وطيفك يشاركني جميع الثواني
حتيش لو إنك معي قد تماديت = مسامحك مادام هالعمر فاني
وإبيك تسمح لي ليا رحت / ماجيت = عاد أنت سامحني ولا تصير اناني

[عبدالله المرشدي]

رائعه من روائع الشاعره القديره نسمة غلا

وقد فازت بقصيدة الاسبوع

http://www.otaiby.com/vb/image.php?u=9627&dateline=1205451137


والله اني ماكتبت الشعر من شان اهتويه=لكن القيفان جتني من خيالي طايره
اكتبه من شان عين اللي يبي قربي وابيه=الحبيب اللي معاه ظنون فكري حايره

من سالني هل احبه قلت له مليون ايه=والمشاعر دوم باسمه في خفوقي ثايره

اعشقه واغليه يعني بالصراحه ذبت فيه=صار مجنوني وانا مجنونةٍ به صايره

لو يباع القرب منّه والله اني لاشتريه=اشتريه بدم قلبي لو جروحي غايره
ان بغى مني عيوني قلت ياساره عطيه=وان بغى روحي تجيه بدون شوري سايره

اعشقه بالذت لانه معي حبوب ونبيه=وغير هذا له فعولٍ بالمراجل دايره

لجل عينه سقت قاف الشعر من شان احتميه=ولجل حبه جيت له من زود شوقي نايره
[/align]

[عبدالله المرشدي]

رائعه من روائع وسيع البنايد وقد فازت بقصيدة الاسبوع
[color=#FF0000]
http://www.otaiby.com/vb/image.php?u=9627&dateline=1205451137


يقول من يشري بالمثـال ويبيـع=الي لفكره عاصي البيت ينصـاع
ينوع المعنى على الكيـف تنويـع=لاجا بسوق(ن)فيه شاري وبيـاع
تلافت(ن)بنـات فكـره مراييـع=الهن عليه اليانتحن عنه مرجـاع
ولاشرعن في داخل الجوف تشريع=ماناقصن غير القراطيس ويـراع
اخذت من صافي عذاهن قراطيـع=من عيلمن في داخل الجوف نبـاع
والشعر بحر(ن)فيه ضاعت مراميع=لو مايضيع لراعي العرف مرماع
يضيع فيه مرقع الهرج ترقيـع=الي ركب من غيرمجداف وشراع
واليانتصف محـاصلله مراجيـع=لويملك الثنتين مع دربهن ضـاع
ويقدالهـن راع المعرفـه تسانيـع=الـي لحلـوات التماثيـل جمـاع
لاساقهن يمشن لامـره مطاويـع=يصبهن صب الذهب عند صنـاع
واليا تضواهن سـوات المجاميـع=ينقالهن من طيب الكيـف سمـاع
وانا يهيضني مـن القيـل ماذيـع=اللي على موجات الافكـار ينـذاع
قريحتلي تصنع البيـت تصنيـع=واقدالها قـدم المداخيـل مطـلاع
ولاعاد ابيه يطول مبناه ويضيـع=الزود مثل النقص ماشوفلـه داع
وختمت قافن لاعبنبه علـى ايـع=قافن مغنه بين محنـي الاضـلاع

[عبدالله المرشدي]

رائعه من روائع شاعرنا بن عجلان وقد فازت بقصيدة الاسبوع
http://www.otaiby.com/vb/image.php?u=9627&dateline=1205451137



جيتك وانا قلبي على كف عفريت = امشي ورجلي بالخطاوي سريعـة
يوم انت ناوي بالسفر ليش حبيت = والا انت قاصدها وهـذي طبيعـة
ياليتني ما رحت يمك ولا جيـت = دام الوفاء عندك جـزاه القطيعـة
انا احسب انك روضتي يوم شديت = واثرك خريف القلب منت بربيعـه
تعبت من طـرد المقفي و مليـت = اللي على الهفوات نفسه شجيعـة
ان كان نفسك ظالمة يوم صديت = بكرة على نفسك تضيق الوسيعة
والله ما سامحك لو انت رديت = من باعني بالرخص والله لبيعه

[عبدالله المرشدي]

فازت بقصيدة الاسبوع

( شعري يشرفني)




للشاعر القدير ابن مسلم
وتستحق القصيده والشاعر هذا الوسام

http://www.otaiby.com/vb/image.php?u=9627&dateline=1205451137




من شاعرٍ لاخط له بالشعر خط=يمتاز شعره بالجـزل والنظافـه
شعٍر يشرفني ولاهـوب ينغـط=إن ماخذا الأول ينـال الوصافـه
مانيب من شعره يجي دوم منحط=يجلب على راعيه عار وكسافـه
ولاني ونافارس براعي مهايـط=أرقى بنفسي عن كلام السخافـه
من لايجيب الجزل عساه يلقـط=من واحدٍ ماتاْخـذه فيـه رأفـه
أمانقلـة الحرلاتنـقـل الـبـط=على فراق البط مابـه حسافـه
وترى لسان الرجل لاصارمشرط=بأعراض خلق الله ذنب ولقافـه
مانته علـى ذريـة آدم مسلـط=كلٍ على رجليه يظفـي لحافـه
لابأس لوللحرف وضحت بنقـط=لاشفـت شـيٍ تعتقد ماأحد شافـه
بين القسى واللين خلك ُمَوْسـط=ترى النصيحه تنقبـل باللطافـه
ياشايلن للحمل عنك الحمـل وط=فالدرب قدامك يجيـك إنعطافـه
ماكل من حاول ينط الجبل نـط=حتى ولوإنـه زعيـم النحافـه
وياراعي البابور رسه على الشط=موج البحر لاهاج يأتيـك بأفـه
وأباأختصر للقاف ماأبغـاه ينمـط=لوكـان مِنّـه ماعليـه كلافـه
أخاف بعض الناس لايصيرمحبط=ولياصحى يلقى الزمن فات طافه


1

[عبدالله المرشدي]

رائعه من روائع الشاعر القدير ناصر بن سعدي



إليكم أبيات لعلها ترتقي لـ ذائقتكم ..


ياهلا بك هلا / وأنت كلك حلا=بس لومك على / من يشوفك خليل
كان ذي جيتك / دور لـ (قيمتك)=جوف قلبي وتك / لو تحط وتشيل
تدري من البطا / ويش تحت الغطا=كيف تفهم خطاء / جعل عمرك طويل
أنت جداً ذكي / في فنون الحكي= بس لاتشتكي / وإبذل المستحيل
كاشفٍ واحتك / مشترٍ راحتك= ساترٍ ساحتك / ما إنتظرت الجميـل
دامحٍ زلتك / مشتهٍ دلتك =وأفرح بـ (طلتك) / كل يومٍ وليل
رغم كذبك علي / يوم ماقلت لي=واللظى تصتلي / في خفوقٍ عليل
جتني السالفه / سالف سالفه=تعتبر تالفه /لو نجيب الدليل
وأنت وش تحتري / ليه ؟ماتشتري= ماني بـ (مفتري) / كل هذا قليل
لاتون وتصيح / دام قلبي جريح =بيعني وإستريح / والعوض فالبديل
والكلام المفيــد / قبل نظم القصيـد = أنت عندي رصيد / وأنت مالك مثيل
قبل أسافر وأجي / عارفٍ منهجي=منك ويش أرتجي / ميـر أنا أول قتيل
قبل ماتختفي / من حياة الوفي =لازم إنك تفي / يوم مـدك جـزيل
رغم هذه وتلك / شوف علمي وصلك=مستحيل أعتزلك / لو نويت الرحيل


وسلامة من يقــراء ..

[عبدالله المرشدي]

رائعه من روائع الشاعر المتميز بدر ناصر المروقي وقد فازت باحدى قصائد الاسبوع


ثلثين قلبي من افراقك غدا دامي= والثلث الآخر رجا شوفك رثع قشّه
قلبٍ بَعَدْكم جفاف من الجفا ظامي = مشتاق يرجي سحابة وصلك اترشّه
ما عاد يقوى صروف الوقت لاهامي= وعظام صبره من اشواقه غدت هشّه
والبوم ينعب على اطلاله من العامي=وطير الهنا من جفاكم مات في عشّه
من عقبك الهم سل السيف قدامي= والغم به غل في وسط الصدر فشّه
وانياب فرقاك قامت تنهش عظامي= وتترك هشيمٍ يهب الشوق وايقشّه
وخافي ظميري تبيحه قسوة ايامي= والعين تفضح علل بالجوف منخشّه
ارأف بقلبٍ بنالك منزلٍ سامي= معلن حداده ولا عقبك فرح دشّه
واوعدك ماني بسامع قول نمامي= والعاذل ان جا يسوق القول با حشّه
يزرع غثاه و حصادي عض الابهامي= ويلتاع قلبٍ زمانه أسرف ابغشّه
أرفق وعوّد قبل لا ينجلي عامي= لا صير ظهر البعير وهجرك القشّه

[عبدالله المرشدي]

رائعه من روائع الشاعر القدير ظافر العتيبي

جيت الطبيب اللي على الصدر مختص=اباه يعمل لي على الصدر تشخيص
ثم حط سماعه على الصدر قال اص=اسمع لي بصدرك حساس ووصاويص
نبي نسوي لك اشاعه ونفحص=ونمحص اللي داخل الصدر تمحيص
سوى الاشاعه قال ياصاحبي بص=لا يدخل بصدرك احد دون ترخيص
لقيت في صدرك مواطي قدم لص=والقلب مقصوص من الصدر تقصيص
وانته عن اللي سارقٍ قلبك ابخص=قلت ايه داري به وعن وضعه ابخيص
هذاك ما يرخص لو الناس ترخص=وانا بعد عنده ترى ماني رخيص
بيني وبينه قلبي النص بالنص=لا والله الا كله بدون تنقيص
يرص ويوزع واقول امش ما اقص= مافيه تكويشٍ ولا فيه تخبيص
مادام هذي علتي ياطبيب اص= ماني بفي حاجة علاجٍ وتشخيص

[عبدالله المرشدي]

رائعه من روائع الشاعره بنت القصيد وقد فازت بقصيدة الاسبوع

( ياجفرة الفيصل)

على هذا الرابــط (http://www.otaiby.com/vb/showthread.php?t=33997)


http://www.otaiby.com/vb/uploaded/904_1207274641.gif


ياجفرة الفيصل ترى عوّد الهيس=هيسٍ بعد ذيك العطايا تمرّد
مقلوب حالي من بلى هالدحاويس=ناسٍ بلاويها ابقلبي تفرّد
ياجفرة الفيصل عطيته من الكيس =من حر مالي يوم غيري تبرّد
قمت وزهمته يوم جمع السناعيس= من بعد ماجاني خبر بالمقرّد
يصرخ علي يالقاسميه مناكيس=الراس من بعد المشيخه تشرّد
شبّيت من شانه لهيب الفوانيس =وارسلت له مطراش خيرن تسرّد
عشره مجاهيرٍ وعشره مداسيس=وعشرين من فيض المعارض تورّد
وصّيت مرسولي بكشف الكواليس=وصرت اتحرّى جيّته شايل الرّد
جاب الخبر يومه فزع للمحابيس=واثر الكلام الصدق منّه تجرّد
قمت اتعوّذ من شرور الوساويس=واستطرد الهوجاس يومه تطرّد
ياجفرة الفيصل تقفّاني ابليس=واليوم جيت اعلمه وا تمرّد



[/align]

[ناصر بن سعدي]

رائعه في عتيبه من روائع الشاعر القدير/ سمران القثامي ..


أخواني أعضاء وزوار منتديات قبيلة عتيبة


السلام عليكم ورحمة الله وبركاته ،هذه القصيدة بمناسبة زيارة شيوخ عتيبة لمخيم قبيلة القثمة ضمن فعاليات ملتقى مزاين الهيلا للإبل أرجو أن تنال مساحة من رضاكم
مـن ذعاذيـع النسايـم وهتـان الغمـام =ونفح طيب المبخره لاارتهج من عودهـا
والقراح ولذة النـوم فـي عيـن المنـام=لاانتهى ليل السهـر والنعـاس يرودهـا
يالله انـك تبعـد الشـك وعلـوم المـلام=عن ثبات الوقفه اللـي قدحـت زنودهـا
لين تعزل شرد الفكر عن هـزل الكـلام=والقريحـة تنثنـي لـي واحـل قيودهـا
مرحبا ترحيبة فـي شيـوخ وفـي مقـام=عـد ذعـذاع الهبايـب وهبـت نودهـا
وعد مركـاض السبايـا نهـار الألتحـام=والجمـوع اللـي تضـد العدابجنودهـا
مرحبا ترحيبـة ينجلـي منهـا الظـلام=مثل فرق أيامنـا المقمـرة عـن سودهـا
مرحبا من طيب خاطر وراحة وأنسجـام=خطوةٍ بلـت قلـوب العـرب وكبودهـا
لويجي فالحفل ربكة وضجـة وأزدحـام=والله أن العذر لأهـل الوفـاء ووفودهـا
كـل يمنـا ودهـا بالمصافـح والسـلام=فرصةٍ جعـل الولـي فالزمـان يعودهـا
مرحبا بشيوخنا أهل الزعامـة والزعـام=حربـة الهيـلا كعـام العـداء ولهوهـا
كيف مانطلق عنـان الرضـاء والابتسـام=والتحايـا نرفـع شعـارهـا ونقـودهـا
كيف ماسوق التحايا عل الروس الحشـام=واجتهد واكسي حروف الفخر ماهودهـا
وأنتم شيـوخ الفخـر يامذاخيـر الكـرام=ياذخـر روسٍ يفـك النشـب بارودهـا
ياذخر من يثني الرجل مـن دون الجهـام=فالنهار اللـي يطـش العـداء ويكودهـا
شيخةٍ ماهي بشيخـة مشالـح وأنفصـام=شيخةٍ تاصل نجـوم السمـاء وحدودهـا
يوم سوق القـوم للقـوم والعليـاء تـرام=احتضنتـوا نجـد بسهولهـا وحيـودهـا
سيرةٍ يدري بها العود والـورع الفطـام=دعـوة مثبـت سندهـا وقـول شهودهـا
من حدود العارض اللي خضع لابن الإمام=للحرار المرقبـات العـراض عضودهـا
قسمنا والله عطانـا مـن القسـم السنـام=ديـرةٍ يبـري هواهـا وشـوف بدودهـا
ماكسبناهـا وهايـب عطـا والا نـظـام=غيـر والشعلـة سناهـا يزيـد وقودهـا
عزوةٍ تضرب على المستحيل ولاتضـام=لو تعيش مـع القسـا ماتبيـح سدودهـا
والله ان اسم العتيبي على صدري وسـام=أفتخـر باسـم القبيلـة وفعـل جدودهـا
قلتها وأنـا قثامـي وساسـي مـن قثـام=عـزوةٍ يفخـر ولدهـا بسيـرة عودهـا
لاوردنـا فاللـوازم مثـل ورد الحـيـام=الحيـام اللـي يـدك الوطـا عرجودهـا
عزوةٍ تضرم على لطمة العايـل ضـرام=من سطر روسٍ يهـد الجبـل مجهودهـا
نورد الهيـاب وقـت المثـارا والزحـام=بم تـاج اللـي يفـج النحـر عبرودهـا
مـن كفـوفٍ ماتدايـن ومدتهـا شمـام=لاقصر كف الرخامـة وشـح ورودهـا
دون قاصـر فالقبايـل مـوردة الحسـام=القبايـل سلمنـا مايهـضـم جهـودهـا
لين جاء صقر الجزيرة وبالجنحان حـام=بن سعـود اللـي ملكهـا وزاد سعودهـا
وانتهاء عصر التناحر وجاء عصر السلام=والغصون اليابسه خضرت فـي عودهـا
أذعنت له عقب زرق الشلافي والسهـام=عقب دقـلات السرايـا وطـرد فهودهـا
جعل أبو تركي لجنـات عـدن وللرحـام=الزعيـم اللـي رسـم للبـلاد حدودهـا
وبارك الله في حرارٍ لهـم كـل أحتـرام=الملوك اللـي غشتنـا سحابـه جودهـا
وفي بداية مانظمته وفـي حـل الختـام=مرحبـا باسـم القبيلـة واسـم عبودهـا
عد ماساقاعـروق الضمـا وبـل الغمـام=من صدوق المزنه اللـي تـدن رعودهـا
بالضيوف اللي لفوانا على قـدر ومقـام=عـد ذعـذاع الهبايـب وهبـت نودهـا




على هذا الرابط (http://www.otaiby.com/vb/showthread.php?t=43746)

[ناصر بن سعدي]

رائعه من روائع الشاعر العذب ..


عبدالله العضياني ..




http://farm3.static.flickr.com/2270/2071471390_5ce80fb6b3.jpg




متى الفرح يجثم على حزن الايـام؟؟
اللي نشوفـه بالعيـون وسهرهـا !!

مليّت احضّر للورق حبـر واقـلام!!
ومليّـت اعبّـر للهمـوم وكدرهـا!!

راس السنه سلّم على نهاية العـام‘‘
وتصافحت سود الليّـال وشهرهـا ‘‘

وانا مثل ما انا على سـج الاقـدام..
اتعبت رجلينـي وضيّعـت اثرهـا ..

كبـوة جـواد وخانه الحـظ ماقـام!!
ياللي تقول ان الحواجـز طمرهـا ~

ياليتنـي لبستهـا (تـاج )و(وسـام)..
قـدم المخيلـه.. لايجهـي ..مطرهـا ..

شربت من كاس الهوى ولف وهيام!!
والبعد بلوى والمشاعـر كسرهـا!!

تحطمت مع دربهـا كـل الاحـلام..
هذا/ جزاء/ نفسـي وهـذا قدرهـا ...!!

في كل يوم آبني حياتـي بالاوهـام
لعلهـا ترجـع وتنهـي سفـرهـا ...

ماتعشق الحسناء تفاهات الاقـزام!!
لابـد تعطيهـم مقفـى ظهـرهـا ..

والله هو اللي ضافها حسن وألهام..
عقود لـول و كاسيـات ٍ نحرهـا ...

لركابها في مقدم الغـوش درهـام...
كنهـا تطالـع فالنجـوم وقمرهـا ...

في عينها اليمنى بواريـد وسهـام...
وفي عينها اليسرى طرايف دررها ...

الها بنيت من الغلاء كبر الاهـرام!!
والها رسمت من المشاعر صورها !!

ولازلت اعيش لها على الدرب قدام‘‘‘
الجـادل اللـي دم {قلبـي} مهرهـا ,,

اما نضاهي بالعلـم بيـن الاعـلام...
والا نروح عن الديـر ونهجرهـا!!



ياليتني لبستها تاج ووســــــــــــــــــام (http://www.otaiby.com/vb/showthread.php?t=43648)

[ناصر بن سعدي]

ويتجدد الإبداع مع شاعر الإبداع ..


وشاعر العذوبه ..الشاعر الرائع / عبدالله العضياني ..

وهذا النص الجميل ..والرائع ..

برحل لو أن البعد ماهوب ينطاق..!! (http://www.otaiby.com/vb/showthread.php?p=692594&posted=1#post692594)




http://www.up-00.com/czfiles/EWe12787.bmp (http://www.up-00.com/)ارحل وانا برحل على نور الاشراق
دام الـهـــوى يازين بعــد وتلاقي
بـ اسبقك لوماني على البعد سباق
ووادعك بأسلوب هادئ وراقي.!.!
خلك هنا.. والليل يضحك لـ مشراق
بس يـتحـــرا ســـاعــــة الإنطــلاقي
ليا متــــى واحـنا حبـــايب وعشاق
نضحــك على انفســـنا وحّنا طراقي
نشعل شمـوع الليل بوصال وافراق
و نلمس خيـــوط الفجــر ونقول باقي
والليـــل يكتــب ذكريــاتــه بالاوراق
ويفتـــح عليــنا من هــمـــومه رواقي
مدري سرقك الشوق والا انت ســراق
تقــول مـال الصبــر عنــدي بـواقي
برحل لو أن البعــد ماهـوب ينطاق
بنسى التعب واوقف على عظـم ساقي
ودام الغـــلاء مزروع مابين الاعماق
اوعدك لااسقى الزرع بين السواقي.!!
لا ما يمــوت الحب وتموت الاشواق
والقلــب فــي بعــدك يزيــد إشتيــاقي
لو يشتكي دمــع السهر جفن وأحداق
في وسط عيني لك عن الشمس واقي
يلــوح طيفـك في دجـى الليــل براق
وتمطر مزونك كل مالصدر ضاقي
ولك نسمة ٍ مـــع مقدم الريح تنساق
لهــا علــى حـدب الضـلـوع انفتاقي
عاشـق ولك مخلـــص ولاني بـ بواق
بس الهـــــوى والحب بعد وتلاقي..!!