عبدالله الحافي تقدم وصافحني !!!!!!!!!!!!

[منصور الشيباني]

بسم الله الرحمن الرحيم


ماعندي شي اقدمه


إلا اني استسمح من اخي عبدالله الحافي

واقدم له شديد اعتذاري

وهو مهما صار اخوي وابن عمي وحق وواجب اني اسلم عليه واستسمح منه واطيب خاطره حتى لو كان اصغر مني بالعمر .

ويعلم الله مااحد كلمني بالموضوع ومالي اي مقصد من ورى الموضوع الا المحبه والاحساس بتأنيب الضمير !!


وحبيت اقوله مساك الله بالخير ياعبدالله

وحقك علي وابشر باللي يرضيك ومن هاللحظه قلبي من جهتك صافي ولا يحمل الا كل محبه وتقدير .


تحياتي وتقديري

اخوك الكبير

منصور الشيباني

[فواز الشيباني]

اخي منصور الشيباني

انتم اخوان قبل كل شي

الاعتذار يرفع من قيمت الرجل

وما ينقص منه شي

بادره رائعه منك يامنصور الشيباني

وعبدلله الحافي يستاهل كل خير

[أبونايف]

وهذا يدل على طيب أصلك ومعدنك يا بو فيصل وما هو مستغرب منك .. والبدء بالاعتذار ما ينقص الرجال ، بالعكس يزيده رجاحة عقل ..

والحمد لله ان النفوس صفت ، وما كان للشيطان درب عليكم ..

أما بالنسبة للاخ عبدالله الحافي ، فما عندي أدنى شك من رحابة صدره وصفاء نيته مثله مثلك يا بو فيصل .. والله لا يعيد الشر ..

سعيد جداً جداً بهالبادرة الطيبة يابو فيصل ، وعسى الله لا يفرق بينكم ويستر عليكم ..

[ابوسـعد]

ابوفهيد يالله ان تحيية وحقك علينا يالنشمي وابوعابد ما يحتاج علم رفيع من اعلام المنتدى وكلكم نوادر وياهلاااااااااا بالاثنين وان شاء الله تجيبون لنا اعضاء مثلكم يتقبلون النقد والمزح النظيف...

[النـايــــــف]

الاعتذار ما ينقص من حق احد



بل يزيد في قيمة الرجااااال



وهذا الشيء دليل على طيب اصلك يا منصور



وننتظر الاخ عبدالله الحافي عشان يرد على هالموضوع



تحياتي لكم ،،،،

[اخو من طاع الله]

اولا
مساك الله بلنور والسرور يا منصور

ثانيأ
ما صار شي يا منصور بيننا حنا اخوان واحباب والشيطان كان حريص انه يبعد كل اثنين متحابين وقدر مع الاسف لضعفنا امامه
لكن ابشر لو يجيب الشيطان اهله وربعه ما يقدر يفرق بيننا مره ثانيه بس حط يدك بيدي وخلنا نشرب حليب السعوديه لذيذ وقوي مره ههههههه

ما عليك منصور تراني ماني زعلان واشكرك على البادره الطيبه منك وان دل مثل ما قال الاخوان يدل على طيب اصلك

[منصور الشيباني]

بيض الله وجهك ياعبدالله

ويدي من هاللحضه في يدك ان بغيتها بالخير ولا بالفزعه

والله لايغير علينا

وحليب السعوديه من المنتجات الدنماركيه

نبي نقلبها على المراعي ههههههههههههههههههه

تحياتي وتقديري

[منصور الشيباني]

الاخوان الافاضل

فواز الشيباني , ابو نايف , ابو سعد , النايف

الف شكر على مشاركتكم في الجاهيه

ههههههههههه

تحياتي وتقديري لكم

اخوكم

منصور الشيباني

[اخو من طاع الله]

خلاص يا منصور حليب المراعي براسك بس الحساب علي ههههههههه

[سلمان]

منصور انت وعبدالله




الله يحيهم
اشكر اخوي منصور على المبادره الطيبه
وهاذا من طيب الك يا منصور
واشكر بعد اخوي عبدالله على الصدر الرحب


وعاد ترا ما كان فيها شي لو انكم مترامين صح تساتهل

[حسام هوازن]

الله يديم عليكم المحبة

واحنا كلنا اخوان واولاد عمومة

وهذا منتدى ونت لاراح ولاجاء

واهم شيء هو القلوب تكون

طيبة مع بعض لان الدنيا هذي

ليست دائمة وماينفع غير العمل

الصالح... اخي منصور موغريبة

عليك هذا التصرف النبيل لانك

رجل ذو معدن أصيل وتحمل قلب طيب

وانت والاخ عبدالله الحافي اكثر من اخوان


دمتم بخير

[فواز الشيباني]

اخي سلمان الظاهر الربع

يبون يشربون حليب المراعيهههههههههه

وش رايك ازعلك ورضيك وقدم لك حليب خلفات

ما تاكل الي من عشب حفر الباطن قل تم ههههههههههههههه

[فيصل المسعودي]

الله يديم المحبه بين عيال العم


ومثل ماقالوا العذر والابتداء بالعلم الطيب


لا يعيب بل يزيد الرجل فخراً


.....................................


فواز دام فيها حليب خلفات


تراني زعلان عليك


,<<<<< يبا الحليب



هههههههههههههههههههههههه


تحياتي

[ابوسـعد]

مادام حليب وخلفات لاتنسونا في العزيمه ههههههههههههه عجلوا ترانا من زمان ماشربنا الا حليب النيدو ههههههههههههه

[طالع]

لبا قلوبكم


تحيه كبيره للكبيرين عبدالله ومنصور

[منصور الشيباني]

والله الي صارت تعليقه

هههههههههههههههههه

قال ايش قال حليب خلفات هههههههههههههههههه

بدو خخخخخخخ

[فهد العايضي]

بيّض الله وجيهكم يالثنين

والله شئ يشرح الصدر أن تجد هذا الصفا بين عيال العم

أسأل الله أن يديم المحبه علينا جميعاً