(بادي المرقاب) لأول مره هنا

[راع المحاني]

قصيده أعتبرها من عيون الشعر العربي وحسب علمني انها اول مره تنشر فالشبكه العنكبوتيه...أرجوا من الاخوه المشرفين نقلها لديوان الشاعر الكبير عبدالمعين بن عقل


---------------------



******

يـــا بـــادي الـمـرقـاب لاتـعـتـلـي فــيــه=مــــادام قـلـبــك دالــــهٍ عــــن عــذابـــه
****
مــن يـبـدي الـمـرقـاب تـكـثـر طـواريــه=تكـثـر هواجيـسـه.... ويـزتــاد مـــا بـــه
****
حـــول..... و خـلــه للـشـقـاوي يـعـديـه=عـلــى نــحــا قـلـبــه يـكـســر حـسـابــه
****
فـيـمـا يـــرد قـلـبـه يـصـيـبـه ويـخـطـيـه=والله عـلـيــمٍ بــــه خــطـــاه وصــوابـــه
****
يالله يــامـــن كـــــل عـــيـــنٍ تــراعــيــه=يـــا مـــن فـتــح لـمــدور الـخـيـر بـابــه
****
يـافـاتـحٍ بـــاب الـفــرج وانـــت راعـيــه=مــاحـــال دونـــــك واحـــــدٍ بـالـنـيـابــه
****
يـامــن مفـاتـيـح الـفــرج بــيــن ايــاديــه=و لـيــا دعـــاه امـــدور الـخـيـر اجـابــه
****
لاطــالــبٍ غــيــرك ولانــيــب راجــيــه=لا طـالـبـن عـفــوه ولاارجــــي ثــوابــه
****
افــرج لـمـن هـمـه عــن الـنـاس كـامـيـه=يـــرده ويـصــدر مـنــه مــحــدٍ درابــــه
****
والـنـوم ثـلــث مـــن اول الـلـيـل يكـفـيـه=يكفـيـه ثـلـث مـــن اولـــه عـــن عـقـابـه
****
وثلثين منه.... الثلـث الاوسـط ....وتاليـه=يـاخــذ عـلــى الجنـبـيـن كــــل انـقـلابــه
****
مـامـيـد قـلـبــه يـافـهــد مــــن مـواشـيــه=رزقــه عـلـى رب الـعـبـاد اعـتـنـى بـــه
****
رزقــه عـلــى غـــذّاي الايـتــام منـطـيـه=يــجــيــبــه الله مـايـجــيــنــي نــهـــابـــه
****
و لاشــك مـثـلـك مـايـبـا مـــن يـوصـيـه=حـزبـك لـيـا كــلٍ وقـــف فـــي حـزابــه
****
رفـيــقــك الـطــيــب مــعـــه لاتـخـلـيــه=عـيـنـك عـلــى عـيـنــه ودابــــك لــدابــه
****
الـحــر حـــر ومـاكــره مــــن مـجـانـيـه=ويــرجــع لـمـجـنـا مَــاكَــرِهْ وانـتـسـابـه
****
والـبــوم... لـــو انـــك تـهــده وتـدعـيــه=مدعـا الصقـور... اقـصـاه لابــك ولابــه
****
والقـصـر لــو زخـرفـت عـالـي مبـانـيـه=مايـنـعـمـر بــنـــيٍ وســاســـه خــرابـــه
****
ورجــع ٍ لغـيـرك لــو عيـونـك تـراعـيـه=خــلــه يــــروح لــيــا تـقـافــا سـحــابــه
****
خلـه يـروح ....و لـو بـرق لـك تواشـيـه=خـيــره لـغـيـرك ....مـالــك الا عــذابــه

****
والخـصـم لــو لان إلــك فــأول دعـاويـه=لاتـامــنــه يــاخـــذ عــلــيــك انــقــلابــه
****
خـلـه بعـيـدٍ عـنـك... والـحــق يـرضـيـه=والـحـق سـيـف إلــمــنْ يـجـود انـصـابـه
****
ولـيـا نـويــت لمـنـهـج الـــدرب تمـشـيـه=إعـــزم عـلــى درب الـخـطـر لاتـهـابــه
****
واحـذر مـن الـدرب الخطـر يـوم تعطيـه=حِـذرك معـك ...والله عـلـى مـانـوى بــه
****
و الــــدرب دايــــم ماتـخـلـيـه أفـاعــيــه=إمـــا ذيــــاب الــــدرب ....ولا كــلابــه
****
و الذيـب ذيـب... وعضـة الذيـب تشفـيـه=والـكـلـب كــلــب ودسـعـتــه فـالـقـرابـه
****
والكلب... و الثعلب ...لـه الذيـب جافيـه=لاشـــــك راحـــــن الـثـعـالــب ذيــابـــه
****
والـذيــب مـخـلابــه قِــصَــرْ مايـعـشـيـه=تسـيـطـر الثـعـلـب عـــلاه وعــــدا بــــه
****
امــا رفــع راســه ....لـيـا النـمـر قافـيـه=ولا خــذ الثـعـلـب عـشــاه ...و سـرابــه
****
والذيـب خاضـع ....والفـرج عنـد والـيـه=نـصـره.... مغـيـر يـعــض نـابــه بـنـابـه
****
يـا ذيـب خاضـع واشــرب الـمـا بمافـيـه=نِـف الـعـدف ...واصـبـر علـيـه بشـرابـه
****
امـــا شـربــت الــمــا بــمــره وحـالـيــه=حِوِلْـت فـي مـوج البحـر ....مـن جلابـه
****
و خـتـامـتـه فــــاول كــلامــي و تـالـيــه=ذِكر النبي..... سيْد البشر.... و الصحابه

********
عبدالمعين بن عقل بن ثعلي


اللهم صلي وسلم على محمد وعلى آله وصحبه

[إبن ثعلي]

مافيه شك ياراع المحاني ان قصائد الشاعر عبد المعين بن ثعلي كلها روائع
شكرا لك على نقل هذه القصيد
تحياتي

[فهد العايضي]

يامال العافيه يارع المحاني

بيض الله وجهك يالغالي

ومشكور على إتحافنا بهذه الرائعه


تحياتي لك

[فواز الشيباني]

اخي راع المحاني

صح السانك ولسان الشاعر عبد المعين الثعلي

قصيده جزله واختيار موفق

[السعار]

اهلين ياراع المحاني اطال الله عمرك وابقاك لنا مبدع .. سلمت على نقل هالرائعة ولكن هل انت الى الان تبدى في المراقيب؟؟؟ انا بصراحة بطلت مبادي المراقيب اجبارا وليس بالاختيار... محبتي لك

[راع المحاني]

مشرفنا العزيز بن ثعلي,

الشكر هنا لمرورك المشرف

تحياتي لك

راع المحاني

[راع المحاني]

العزيز فهد العايضي,

عافاك الله ووجهك ابيض ياغالي

تشرفت بمرورك هنا

تحياتي لك
راع المحاني

[راع المحاني]

العزيز فواز الشيباني,

صح بدنك وتشرفت بمرورك

لاهنت

راع المحاني

[راع المحاني]

الحبيب الغالي معدّي المراقيب سابقا المعتزل حاليا, مرحبا ترحيبه تسوى طلعة المراقيب ونزولها :)


اخوك من عالي المرقاب :)

راع المحاني

[النـايــــــف]

صح لسانك اخوي راع المحاني


وبيض الله وجهك يا الغالي


تحياتي لك ،،،،

[((الدلبحي))]

والله وسبعة انعام ولاتسده

صح السانك والسان عبدالمعين

تحياااااااااااااااااااااااااااااااااااااتي

[وليد الزراقي]

اخي راع المحاني

صح السانك ولسان الشاعر عبد المعين الثعلي

قصيده جزله واختيار موفق
تحياتي

[راع المحاني]

مديرنا العزيز النايف

التحايا لك على تشريف المتصفح

راع المحاني

[راع المحاني]

العزيز الدلبحي

سلمت على مرورك وصح بدنك

لاهنت

راع المحاني

[راع المحاني]

العزيز وليد الزراقي

مرورك يشرف وصح بدنك طال عمرك

اخوك

راع المحاني

[طراد العتيبي]

اتقدم بلشكر والتقدير الى راعي هذا المنتدى الشعري الجميل والرئع وان دل فأنما يدل على الذوق الرفيع لهذا الشعب الجميل في كل مجالاته وبلاخص قبيلتي العريقه والتي لها جذور في كل انحى الجزيره العربيه ولكم خالص الشكر والتقدير0

[محمد العتيبي]

راعي المحاني

شكرا لك على نقل القصيده الرائعه ولاهنت

تحياتي

[مستر عتيبي]

صح لسانك اخوي راع المحاني
و صح لسان الشاعر عبدالمعين
و الله يعطيك العافيه

[ناصر بن سعدي]

اللهم صلي وسلم على نبينا محمد


راعي المحاني

سلمت يمناك على النقل الرائع ..!!


وقصيده جزل من شاعر كبير ..!!


ودمت بخير ..!!

[طراد العتيبي]

جنيت من شوك الهوى حرا"/ كاد أن يحرق به الفؤاد / * واصبح القلب في داخلي هما"/ يبث فيه المعاصي والفساد (أما هذا البيت خاص) نويت أعقد نيتي في كل الامور /ومشي مع الناس صافي النيه /

[راع المحاني]

حياكم الله جميعا

[الشامخه]

القــديــر .. راع المـحـانـــي ..

صح لسانك ولسان شاعرها ..

اختيار مميز وثمين ..

يعطيك العافيه ..

لك ارقى التحايا ..

الشامخهـ ..

[راع المحاني]

هلا بالشامخه مشرفتنا القديره،

شكرا لتواجدك وكلامك الطيب


تحياتي