رهين السهر
03-06-2006, 02:05 PM
ألا ياوجودي وجد من قيدوه وطاح=حياتها قضاها في سجون خلاوية
وألا ياوجودي وجد من عذبوه وصاح=يجر الونين ودمعة العين مجرية
سبايب وليف عاشق هاوي المسراح=وانا سد حالي صافي القلب والنية
هنوف عرض لي في طريقي وانا سواح=سحرني بزينه واودع الروح مبرية
صدفته على الطرقة وانا تايهٍ برماح=ترددت ابنشد عن بيوتٍ شمالية
وقف لي لطيف الروح قالت هلا ياصاح=وقالت هذاك البيت بيت السنافية
تحيرت اناظر به شبيه السنا لالاح=شبيه القمر بس القمر مامشى زيه
عليها بياض اللون ساطع كنه المصباح=وعينه تسحر العاشق عليها عين سحرية
واثر كثر زين الخلق من فوقهم طفاح=ولويلبس المزيون بشت الحساوية
وانا عقب شفته صابني رمحه السفاح=تعذبت في الطرقة ولاعادت الجيه
عذابي هوى اللي كنها ظبية الابراح=وانا من عذابه حارسٍ كل محميه
ولاتشره يابو سلطان كيف السر عندي باح=تراني كما اللي صابته طلقةٍ حيه
تحير في علاجه طاقم الطب والجراح=يقولون تبقى طلقته فيك مخفية
وألا ياهني اللي جمع صافي الارباح=وحظه من الارباح مليون بالمية
وألا ياوجودي وجد من عذبوه وصاح=يجر الونين ودمعة العين مجرية
سبايب وليف عاشق هاوي المسراح=وانا سد حالي صافي القلب والنية
هنوف عرض لي في طريقي وانا سواح=سحرني بزينه واودع الروح مبرية
صدفته على الطرقة وانا تايهٍ برماح=ترددت ابنشد عن بيوتٍ شمالية
وقف لي لطيف الروح قالت هلا ياصاح=وقالت هذاك البيت بيت السنافية
تحيرت اناظر به شبيه السنا لالاح=شبيه القمر بس القمر مامشى زيه
عليها بياض اللون ساطع كنه المصباح=وعينه تسحر العاشق عليها عين سحرية
واثر كثر زين الخلق من فوقهم طفاح=ولويلبس المزيون بشت الحساوية
وانا عقب شفته صابني رمحه السفاح=تعذبت في الطرقة ولاعادت الجيه
عذابي هوى اللي كنها ظبية الابراح=وانا من عذابه حارسٍ كل محميه
ولاتشره يابو سلطان كيف السر عندي باح=تراني كما اللي صابته طلقةٍ حيه
تحير في علاجه طاقم الطب والجراح=يقولون تبقى طلقته فيك مخفية
وألا ياهني اللي جمع صافي الارباح=وحظه من الارباح مليون بالمية