النشاما والفكسار

[الشبلان]

ياما حلا غب المطر فزت الفكسار"-" عليه النشاما ولموا عفشهم فوقه
تنهَّض كما حراً كفخ من يد الصقار"-" يريد المطير وعانق الجو بسبوقه
توجه مع الخط السريع وعطوه النار"-"نبي نقضي العطلة والأشغال ملحوقة
من العاصمة روح بعد طرَّف النهار"-" تنصَّى ديار أهل الكرم ربعي الروقة
أهل صحونٍ تشبع الجار والخطار"-" وأبوابهم ما هي عن الضيف مغلوقة
قطعانهم مرباعها بأزين الاقفار "-" ترعا بهم في الخوف ما هيب مطقوقة
آلاد روق اليا تعلو ظهور مهار"-" يبيعون غالي الروح ليا سيم في سوقه
عاداتهم شراً على الفارس المغوار"-"من أيمانهم يكتب له الموت ويذوقه

[الحصان]

صح لسانك يابن شبلان قصيدة جميله جداً

[الهواوي000]

صح لسانك وبيض الله وجهك
والى ابداع اخر00



وكم تحياتي

[جهز الهرس]

صح السانك يالشبلان

على هذه القصيده الرايعه ولاتستغرب من شاعرن مثلك

[الشبلان]

الى كل من الاخوة الحصان والهواوي وجهز الهرس اشكركم على ما تفضلتم به من تفاعل طيب وشكرا لكم والى الامام دائما بهذا المنتدى المميز

[هداج تيما]

بيض الله وجهك يالشبلان

وصح لسانك عز الله أن كفيت


قصيده شامخه ورائعه

[الشبلان]

صح بدنك اخي هداج تيما على مشاعرك الطيبة والله يعطيك العافية

[هداج تيما]

الله لا يهينك

يالشبلااااااااااااااااان

ولكن الواقع يفرض نفسه

قصيده جزله من رجل جزل

ورأئعـــــــــــــــــه كروعة قائلها والله لا يهينك

[الشبلان]

جزاك الله خير اخوي هداج تيما واخبرك ان الصور لم تظهر شف لها حل وكل عام وانتم بخير

[الدجيما]

الله يعطيك العافيه ابن شبلان على هالقصيده الرائعه .




الدجيما

[الشبلان]

شكرا اخوي الدجيما على مشاعرك الطيبة والله يعافيك وسبق ان اطلعت على مشاركات لك رائعة و بالتوفيق

[ابـو سعـود]

صح لساااااااانك يابن شبلان على هالقصيده الجميله جداً

وياليت ماتحرمنا من هذا الابداع


من العاصمة روح بعد طرَّف النهار"-" تنصَّـى ديـار أهـل الكـرم ربعـي الروقـة




سجل إعجابي بالقصيده
محمد :cool::cool:

[الشبلان]

صح بدنك يا ابو سعود ولا عليك زود يا ( الراوي والمصمم ) محمد الروقي وشكرا علر هذه الشهادة التي اعتز وافتخر فيها:cool:

[ابـو سعـود]

ابشرك يابن شبلان ابي اصير شاعر بس اصبرولي هالشهرين لين اتفرغ

يعني شاعر راوي مصمم بتاع كله

<======== مصري


:D:D

[نيران]

صح لسانك عمو الشبلان
أهل صحونٍ تشبع الجار والخطار"-" وأبوابهم ما هي عن الضيف iiمغلوقـة:D والله انك راعيها

[الشبلان]

الله يبشرك بالخير يا ابو سعود الروقي كفو تصير راوي ومصمم وشاعر لا يستغرب ان تكون قاضي بعد :D:D

[الشبلان]

صح بدنك نيران وانا تراني صغير لا تقولين لي عموا قولي خيووووه وما عليتس زود يا السنافية وشكرا على الوردة الجميلة وعلى مشاركاتس في منتدى الضحك وسعة الصدر ولو اني اعرف اسوي ورود سويت لتس وردة اكبر من هذي :D:D

[و ر ا د]

الشبلان



يسلم هالفكر




قصيدة جميلة وراقية




وكفوا والله

[الشبلان]

شكرا اخوي وراد على المرور والله يعطيك العافية على هذا الكلام الطيب ولاعليك زود يا وراد ابو الورود