الـــشـــيـــخه ...... سيف السيف

[فيصل المسعودي]

سيف السيف



عاضك الله ياخفوقٍ مـن ((الشيخـه)) iiعنـاه
استباحـت هيبـة القلـب واستولـت iiعليـه


إستباحـت هيبـة اللـي علـى جاه..اوجـاّه
استحلت نبـض جاشـي بـلا عـذرٍ وَجيـه


وإن نشدت وقلـت وش فيـك سويتـي كـذاه
ضمت الخصر ابيديها وقالـت لـي:- كذيـه


قلت قلبي؟ قالـت الله يعووّضّـك فـي كمـاه
قلت لحظه. قالت:- ايـاك وطبـوع السفيـه


قلت ظلمك؟ قالت:-ايووووه ماصارت حيـاه
قلت شوفي... قالت:- الدرب جيتـه مهتويـه


قلت:- صح وبس... قالت:- رجـاءً منتهـاه
قلت انا سيف ابن .. قالت:- عليّ حفظ الوجيه


قلت سيف0 وقالت:- الله مع ((الشيخه)) رماه
قلت يعني ويش ؟قالت:-يشيـل اللـي يجيـه


قلت :-حكمك جااار0قالـت:- وهـذا مبتـداه
قلت كيف؟ وقالت:- اللي بقـا لوعـه وتيـه


لا..متى؟ قالت:- وهي ترفـع الحجـان نـاه
الهـوى ماهـوب فالسـوق سلعـه تشتريـه


الهـوى زرعٍ عـلـى دم خفـاقـك غِــذاه
وانـت مايحتـاج فاهـم ولـك قلـبٍ نبيـه


وتعرف اسلوك الهوى المبهمات؟ وقلـت هـاه
ضعت والسبه مـن الرمـش(؟؟؟؟؟) والديـه


إرتبشت وصفـق القلـب صفقـه فـي خفـاه
وخذت لي مقدار ساعـه وانـا مانيـب فيـه


الله اللـي حطهـا فتنـة القـلـب وهــواه
وساق فيه من الغلا ليـن صـارت تحتويـه


آآآه يامشقـة قـوام الغضـي مـدري حشـاه
جعلنـي فـدوة بيـاض العواتـق مـع يديـه


جعلنـي فـدوة جبينـه ويانـفـدى الشـفـاه
وفـدوةٍ للشعـر مـن مفرقـه ليـن إقدميـه


من ضحك فالهايم اللـي يغنـي مـن خـلاه
ينتـبـه قــدام رب الخليـقـه يبتـلـيـه


وعاضـك الله ياخفـوقٍ مـع الغالـي خـذاه
خـذه ماشـاور وكنـه بمـالـه مشتـريـه

[نوف]

http://www.7mel.com/uploads/f59c572858.gif (http://www.7mel.com)



اخوي فيصل

دائما رائع في أختيارك

تسلم يمينك على أختيارك

الجميل وإحساسك المرهف

وصح لسان شاعرها

http://www.7mel.com/uploads/87f0ede70a.gif (http://www.7mel.com)

[نوف]

http://www.7mel.com/uploads/f59c572858.gif (http://www.7mel.com)



اخوي فيصل

دائما رائع في أختيارك

تسلم يمينك على أختيارك

الجميل وإحساسك المرهف

وصح لسان شاعرها

http://www.7mel.com/uploads/87f0ede70a.gif (http://www.7mel.com)