النظاره الطبيه ......... بدر غازي

[فيصل المسعودي]

بــــدر غــــــازي



من نجد ليـن ديـارك المحميـه =
اخـط حـرف يبلغـك وش فـيّـه

:
:

من نجد لين حدود موطئ رجلـك =
وألهامـتـك يادنيـتـي المعنـيّـه

:
:

سـلام والمعنـى علـى مـاودّك =
وهذيـك لعيونـك تشـابـه ذيّــه

:
:

قلتـي تعبتـي والبـلا تعبـتـك =
لكن نذر بـدر علـى اطيـب نيّـه

:
:
يادنيـتـي لاقلتـلـك تـعـالـي =
تكفيـن لاتقوليـن انــا مافـيـه

:
:
لنـك اذا جيتـي تجينـي روحـي=
شوفك جمع لي اطرافـي المرميّـه

:
:
اوّن ونـة شــوق لاجيتيـنـي =
وان غبتـي الونّـه تبـدل مـيّـه

:
:
شوي وآكـل كفـك مـن اللهفـه =
وكل الخلايا فـي حضـورك حيّـه

:
:
اغمض عيوني واطفـي الشمعـه =
والنور خافت والعطـر فـي يديّـه

:
:

احلى ترانيم الموسيقـا انفاسـك =
وحرارتـه فـي ليـلـةٍ شتـويـه

:
:
امـد يـدّي وإتـراعـد يــدّي =
كنّي بأرض مـن السمـو محميّـه

:
:

ساعه وذقت من الشهد ما ارواني=
واللي لها اصبح مـن بعدهـا ليّـه

:
:

من بعدها كنّـي سكنـت بروحـك =
وانتـي بعـد لازم تكونـي فـيّـه

:
:

ايـه اسكنينـي واقطنينـي كلـي =
لجلـك اصيـر الكـوره الارضيّـه

:
:

كلي ديارك وزعـي بـي جنـودك =
شوفـي بــلا نـظـارةٍ طبـيّـه

:
:

اقربك لين اكبر بوسـط عيونـك =
هـاك اشربنـي فـمويـةٍ مقريّـه

:
:

ابي اصير بكـل عـرق بجسمـك =
واهــددك بالنـوبـه القلـبـيّـه

:
:
وانا بحطك وسط حرف اشعـاري=
وألحـنـك باللهجــه الروحـيّـه

:
:

واذا ضميتي اشربي من فاهي:63:=
اصبـح قـراح الشفّـه الـورديّـه

:
:

نبقى كذا ياليـن يظهـر فجـرك =
ومن بعدها هاك الـذي فـي يديّـه

:
:

وتعطريبـه وعطريبـه جسـمـك =
وروحي وهـاك القبعـه الشمسيّـه

:
:

والشمس لاغابت وغابـوا العالـم=
انـا ترانـي انتظـرك .. هنـيّـه

[اخو من طاع الله]

الله يعطيك العافيه يا فيصل على القصيده الرررااائعه

[حسام هوازن]

ابيات رائعة وجميلة
تشكر عليه

يــ فيصل المسعودي

دمت بخير

[إبن ثعلي]

ياسلام عليك يافيصل المسعودي قصيده رائعه ارشحها لمنتدى المميزه
تحياتي