تكفون ياعيال عمي الفزعه الفزعه

[(( بنت برقا ))]

ماهو الشي الذي يستخدمه الرجل ثلاث مرات في اليوم والمراءه مره في حياتها يبدء بحرف الميم ويتكون خمسه احرف ذكر بالقران مره حسي ومره معنوي ومره مشترك




تكفون جابوا عليه لاتخلوني



عليه تحدي وجائزه

[نجداوي نجد]

ههههههههههههههههههههههااى

هذا من يوم عرفة الألغاز و انا اسمع فيه

والظاهر إن ماله إجابه

[عتيبيه كول]

حتى انا جاني هاللغز وماعرفت احله

[(( بنت برقا ))]

ههههههههههههههه

ياربي انا احب التحدي وابي الجواب تكفوووووووووووووووووووووون

[نجداوي نجد]

بس انا الحين عرفته خخخخخخخخخخخخخخخخخخخخ

أول ماهتميت في إجابته
الحين بحثة عنه في منتدى ثاني سبق وأن نزلوو هاللغز فيه

ولقيت الإجابه

والاجابه هي

(( الــمــقــبــره ))




تحياتي للجميع

[المملوحه]

ترى عبدالله منزل اللغز في موضوع جبنننننننننننننننننننك بالضبط

وانااااااااااا حليته



ونجداوي كالعادة لطش الحل مني

[(( بنت برقا ))]

المقبره ليش ماني فاهمه ليش المقبره


مشكووووووووووور يعطيك الف الف عافيه ماقصرت واشكرك

[المملوحه]

جبنننننننننننننننننننك بالضبط <<< اقصد جنببببببببببببببببببك بالضبط

[(( بنت برقا ))]

ههههههههههههه

ولاتزعلين فيك وفيه الخير

[نجداوي نجد]

ترى عبدالله منزل اللغز في موضوع جبنننننننننننننننننننك بالضبط

وانااااااااااا حليته



ونجداوي كالعادة لطش الحل مني


هههههههههههههههههههههههههههههههه

اقسم برب البيت اني اخذ الاجابه من منتدى ثاني شوفيك ما حلفتيني
لكن مدري من الي لطشها انا ولا انتي



بنت برقا

يقولووون ان الرجال يزورها في يوم الجمعه على ما اعتقد

والحرمه مره وحده في حياتها

تحياتي لك

[نجداوي نجد]

جبنننننننننننننننننننك بالضبط <<< اقصد جنببببببببببببببببببك بالضبط


ههههههههههههههههههههههههه

ابك لحستي مخ بنت برقاا

والله لوهي منزله موضوعها في وسط حاره وش جبنك انتي وراسك

قولي جنبك حتى كلمة جنبك ماتنطقينها صح هذا دليل على اللطشه خخخخخخخخخخ

[عبدالله المرشدي]

نجداوي

شكرا على حل اللغز


لكن عندي ملاحظه


اللغز يقول يسويها الرجل 3مرات والزياره مو سواه اذا زرت ماتسوي القبر
والزياره في كل وقت تقدر تزور يعني تقدر تزور عشر مرات مو ثلاث

يعني الحل غلللللللللللللط او مافسرته كما يجب

اذاهو الحل لازم تفسيره بوضوح وتجيب الايات الداله


اقصد اللي حله لازم يسوي كذا والا المقبره اشوف ماهي كامله الاجابه



تحياتي لك وصراحه اللغز فعلا له زمان منتشر

حاول تجيب تفسير دقيق من المنتدى اللي لطشت الحل منه هههههههههههه

[نجداوي نجد]

هههههههههههههههههههههههههه

ياسلام عليك ولو ان طلبك معقد شوي بس ما عليه

تصدق كذا تنصفني من المملوحه وحسستني انك بصفي وانا الي قلت الاجابه

ليش انا قلت الجمعه لان اكثر الناس تزور الموتى يوم الجمعه ويدعون لهم

أما الآيات والله ماقالوها في المنتدى

لكن أسئل وارد لكم

[المملوحه]

عبد الله المررررررررررشدي شكرا جزيلاااااا يوم وهقت نجداوي


نجداوي ورى ماشرحت الحل


؟؟


ترى عندي الشرح كاملا

وان حطيته يبان اللي لطش الثاني

هههههههههههههههههههههههههههههههههه

بعطيك فرصة تدور الحل

وبحطه عقبها

ولاعاد تقول المملوحة لطشتني

[عتيبيه كول]

طيب انااااااا ارسلت لولد عمي الحل وقلت له المقبره قال غلط ههههههههههههه

شوفو لنا حل غيره ........
تحياتي لكم

[عبدالله المرشدي]

مملوحه هاتي ماعندك
لاني بصراحه اعتقد ان المقبره مارح تكون الحل
مهما كان الشرح مقنع
لاسباب اللي ذكرتها
بس اعطينا الشرح الوافي الكافي الغير قابل للتعارض او احتمالات
وشكرا جزيلا نجداوي ومملوحه ولاتهون كول

[المملوحه]

طيب بحاول اشرح لك من راسي

يعني اللي ذاكرته


لاني يوم قريت الاجابة والله كانت مفصلة ومشروحه ومدعمه بالايات القرانية بعد

بس والله اني ضيعت الموقع مدري وين راح ( من عين نجداوي الظاهر )


المقبره الحل علشان المرأة ماتدخلها الا مره وحده اذا ماتت

بس الرجال مسموح له زيارة القبور .. ولزيارة القبور 3 اوقات في اليوم محدده ومعروفه

الاوقات الثلاثة ناسيتها انا والله

بس يعني .. مثلا بعد طلوع الشمس حتى الزوال

وبين مدري وش وش

وفي منتصف الظلام

كلها من راسي ذا الاوقات بس علشان اشرح لكم كمثال


بس اذا تبون الاوقات الصحيحة اسألو اهل العلم ماعرف انا مازور القبور




واتمنى انكم اقتنعتو بالاجابة

وعبدالله ماعاد اشوفه يطوطش هنا الظاهر خايف من سالفة الجائزة بس مايخالف اللحقه عند قسمه واعلمه .. الجائزة فيه فيه

[نجداوي نجد]

بعد الزوااال وبعد مدري وش ههههههههههه الي يسمعها يقول ان هي الي جابة الاجابه خخخخخخخخخخخخخخ

ترى الدعوه كلها لطش انتي لاطشه الاجابه وانا بعد ما انكر لكن والله مو منك أنه من منتدى عتباان بعد

ولوو تبيني ارسلك راابط الموضوع في رساله خاصه ماعندي مشكله

عتيبيه كوول سلمي على ولد عمك وقوولي له هذا الحل وغيره لا تدور وعلى مسؤليتي بعد

[المملوحه]

لاوالله ماهقوتي انه منتدى عتبان اللي دخلته

انا اذكر اني يوم دخلت اللطش الحل لقيت اللي فيه ناسٍ صاحيه ههههههههههههههههههههههه



























ياناس ورب البيت عشقي الابدي عتيبه ومن ينتمي لها حتى اللي مهب صاحي منهم ياخي كفاية انه عتيبي هذي عندي شهادة اجتياز

[نجداوي نجد]

ههههههههههههههههههههههههههههههه

اشوى انك انتقدتي نفسك بنفسك ولا كنت ناوي لك على نيه

بس انته اصبر اشويه

)))

(((

لا والله من منتدى عتبان وحلووه على طوووووول

[عبدالله المرشدي]

مع احترامي لمن حل اللغز واحترمي لكم
الزياره غير والمقبره شي ثاني المقبره اسم وزيارتها فعل ولما تقول يسويها كيف يسويها بالزياره اذا صارت المقبره سواتها حفرها مو زيارتها يعني اللغز اصلا مو دقيق يعني في اللغز خطا او خطا في نقله اذا حله المقبره ( على العموم اللي عنده حل يفصل كل نقطه منه .
ولو تشوفون (اللغز العجيب) في اول صفحة الالغاز انا اللي مسويه واعرفه زين وله سنتين ما حله الا واحد واللحين في المنتى له اكثر من ثلاث شهور ماحد حله حاولوا تحلونه وخلو


وعلى افكره اتحداك اتحداك يانجداوي و انتي يامملوحه واتحدى ايىواحد يحله

وتقبلوا تحياتي

[نجداوي نجد]

سلامات يالمرشدي هههههههههههه

الحين نقول الحل المقبله وتبي تخلق حل من عندك انت .!!!

ههههه

عطنا حلك انت
ياعزيزي هذي اجابة اللغز في المنتديات وفي رسائل الجوال إذا انت عندك اجابه قلها واشرحها لنا

تحياتي لك

[عتيبيه كول]

ههههههههههههههههههههههههههااااااااي
نجداوي نجد طلعت حل جديد المقبله هااااااااه هههههههههههه

اصلا كل ما سألت احد قال هاللغز ماله حل وله سنتين ماحد حله والمقبررررره غلط

يعني يمكن يطلع الحل المقبله خخخخخخخخخخخخخخخ

ترا امـــــــــــــــــــــــــــزح نجدااوي لا تزعـــــــــــــــل خيـــــــــــوو

تحياتي لك ,,,

[نجداوي نجد]

ههههههههههههههههههههههههههههه

حسبي الله على عدوينك هين هين قاعده تلقطين وراي اخطاء ماعليه يجيلك يووووم خخخخخخخخخ

وش اسوي اخطاء اصبعيه من الكيبوورد

لا ياستوووو هم قالو كذا ان الحل المقبره هيا الي عنده حل يقووله ههههههههههه

[اخو من طاع الله]

يا ناس لا تتعبون انفسكم والله تعبت قبلكم هذا ماله حل

[المملوحه]

طيب خلاص عبدالله مسامحينك في الجائزة مانبغا جائزة بس اعترف ان هذا هو الحل


عبدالله المرشدي مايبغا يقول الحل اللي عنده لذلك نمشي نفسنا بالمقبره لين الله يفرجها ويجينا حل ن غيره




عبدالله المرشدي اخلص علينا عطنا الحل والا ترى بعدين محد يصدق حلك ترى انا بديت انشر ان الحل هو المقبره

[اليورو]

ماهو الشي الذي يستخدمه الرجل ثلاث مرات في اليوم والمراءه مره في حياتها يبدء بحرف الميم ويتكون خمسه احرف ذكر بالقران مره حسي ومره معنوي ومره مشترك




تكفون جابوا عليه لاتخلوني



عليه تحدي وجائزه




تبون حل اللغز واريحكم ....


حل اللغز هــو

المحراب : هو ما يوضع امام المصلي .. ما يوضع امام الامام كي لا يمر احد امامه ويقطع صلاته

يستخدم خمس مرات في اليوم

ولكن يستغنى عن مرتيـن فيبعض الاحيان

لان صلاة المسـافر فيها جمع وقصر ..

اي انه يجمع صلاة العصر والظهر وهذي مرهـ
وبجميع صلاة المغرب والعشاء وهذي مرهـ
وصلاة الفجر وهذي مرهـ

ذكر في القرآن الكريــم

والمرأهـ تستخدمه مره وحده وهي انها توضع بين المحراب والامام في الصلاه عليها اذا توفيت ...

هذا والله اعلم اجتهاد وفي نظري الاقرب

وخلو عنكم المقبره ما اتوقع انها صحيحه


تحياتي

اليورو

[عبدالله المرشدي]

اليوروووووووووور

اعتقد ان الاقرب فعلان هو المحراب على القل لا اليورو فسره وبقيت الايات


واقول للمملوحه انا صراحه ماعرف الحل

بس اقول المقبره فيه تناقض لان نجداوي ما فسره جابه من المنتدى ولاكل مايكتب صحيح ولا كل رساله صحيحه

وعلى العموم هذا رايي ومو ضروري يكون صح



تحياتي للجميععععععععععععععععععععععععععععععععععععععع

[نجداوي نجد]

اليورو يعطيك الف عافيه على اجابتك وماقصرت

لكن ياعزيزي من الي عنده في البيت محراب.؟؟ نادراً

المساجد مافيها محراب أكثر ماشوفه على مساجد الخطوط للمسافرين

والمقبره هي الاقرب للإجابه حتى سئلت ناس برى النت تماماً قالو المقبره

ومثل ماتفضلت مملوحه بالمشاركه وقالت علشان المرأه ماتدخلها إلى في وفاتها فقط.
اعتقد والله اعلم

وانت يالمرشدي عندك اجابه ولا بس تفسير وتقيم. .؟؟

تحياتي للجميع

[اليورو]

اخوي نجداوي

الصلاة تجب على الرجال في المساجد

يعني مو لازم يكون في البيت

وزي ما قلت ما تشوفه المحراب الى في المساجد اللي على الخطوط

وهذا يؤكد بأن استخدامه ثلاث مرات في اليوم

[نجداوي نجد]

ليه ثلاث مرات في اليوم.؟؟؟؟


جايز ان المسجد اساساً مافيه محراب.؟؟؟

[اليورو]

سبق وشرحتها لك

قلت هي اوقات الصلاة عند المسافر

بس المقبره ..

ليه ثلاث مرات في اليوم
انت تقدر تروح للمقبره في اي وقت
مو محدد لك ثالث مرات في اليوم
والمقبره الحرمه تدخلها في غير السعوديه
والحرمه عن اللي وازعهم الديني ضعيف
والمقبره ما اتوقع ذكرت في القران نصـًأ
يمكن ذكرت المقابر والقبر

[نجداوي نجد]

طيب المحراب ذكر في القران.؟؟

[اليورو]

بسم الله الرحمن الرحيم

قال الله تعالى

{فَنَادَتْهُ الْمَلآئِكَةُ وَهُوَ قَائِمٌ يُصَلِّي فِي الْمِحْرَابِ أَنَّ اللّهَ يُبَشِّرُكَ بِيَحْيَـى مُصَدِّقاً بِكَلِمَةٍ مِّنَ اللّهِ وَسَيِّداً وَحَصُوراً وَنَبِيّاً مِّنَ الصَّالِحِينَ }
آل عمران39



هذه هي الايه اخوي نجداوي


دمت بود
اخوك

اليورو

[نجداوي نجد]

يعطيك الف عافيه اخوي

وجزاك الله الف خير على التوضيح

لكن برضوو للحين ماقتنعو اهل المنتدى وانا مثل مانسخت اجابتهم نسخت اجابتك لهم

تحياتي لك

[بوشامه]

الحل بين خيارين لاثالث لهما ( 1/ محراب المسجد 2/ القبر 00000


ولاتعدين يابنت العم الحلين----