قصيدة رثاء في المرحوم باذن الله نافع الدهاسي

[BaNdEr@DaHaS]

بسم الله الرحمن الرحيم

السلام عليكم ورحمة الله وبركاته

هذه القصيده للشاعر // محبوب الرياحي

وهي موجهه الى الشيخ المرحوم بأذن الله

نافع بن سليمان الدهاسي العتيبي والتي وافته المنيه

بعد صراع طويل مع المرض

في يوم السبت الموافق 19/9 /1426 هـ

.....

...

.


البارحه نومي هموم وتنهات = سهران طول الليل والناس ممسين
قضيت ليلي بين هم وحسرات = و اعوي عوا ذيب عياله مجيعين
جاني خبر وفاة رجل المروات = عام الف واربعميه وسته وعشرين
مرحوم يا رجل العلوم الطريات = يا مشرع البيبان والناس دارين
مرحوم ياراعي هلا طول الاوقات = راعي هلا واقلط كلامٍ براهين
مرحوم ياللي يرتكي للمهمات = مشهور صيته بين حضر وبداوين
مرحوم ياللي فيه للطيب اشارات = ضحك الحجاج وفعل يمناه والدين
مرحوم ياراع الدلال المراكات = مرحوم يا ذباح حيل وخرافين
ياريف من يونس من الوقت ضدات = وريف لجيرانه ومن جوه عانين
يذكر وينصا من بعيد المسافات = حيثه لضيفانه طليق الحجاجين
يردون صفاقه ورود الظميات= ملمهم قصرٍ عليه متواصين
عديت بعض خصال زين الونيات = حكولي العالم وأنا شفت بالعين
يابو نواف رحت عنا بغيبات = وخليتنا بعدك سهارا محازين
بعدك دموع العين تهمل غزيرات = لا وعذاب القلب والفكر والعين
لعل منزلك جنان فسيحات = ولعل حظك راجح فالموازين
يابواف غبت من عرض الاموات = ولامات من عقب عيال شجيعين
نواف واخوانه لكل الصعيبات= على طريق العود بالدرب ماشين
وعلى النبي ازكى صلاة وتحيات = اعداد حجاج بمكه ملبين
وسلامتكم

[ابوسـعد]

جميل ورحمه الله رحمه واسعه وصح لسانك وياهلاااااااااااااااااااااااااا

[نوف]

قصيده رائعه من شاعر جزل

صح لسانه ورحم الله الشيخ

الدهاسي وتسلم اخوي بندر

ويعطيك العافيه

http://www.9otq8.net/uploads/9otq8-5dc4f09fd0.gif (http://www.9otq8.net)

[BaNdEr@DaHaS]

لاهنتم على رودكم

وصحت ابدانكم

وعسى فالكم طيب

[اخو من طاع الله]

الله يرحمه ويرحم اموات المسلمين

يعطيك العافيه على نقل القصيده

[إبن ثعلي]

الله يرحم نافع ويدخله جنات النعيم وصح السان الشاعر الرياحي ويسلم ناقل القصيده للمنتدى
تحياتي

[BaNdEr@DaHaS]

اللهم امين

وعسى فالكم طيب

[بنت* عتيبة]

مامن عبد تصيبه مصيبة فيقول :

"(( إنا لله وإنا إليه راجعون ، اللهم أجرني في مُصيبتي واخلف لي خيراً منها . إلا آجره الله تعالى في مصيبته وأخلف له خيراً منها))


اللهم اغفر له وارحمه وعافه واعف عنه وأكرم نُزُله . ووسع مُدخلهُ . واغسله بالماء والثلج والبرد ، ونقه من الخطايا كما ينقى الثوب الأبيض من الدنس ، وأبدله داراً خيراً من داره ، وأهلاً خيراً من أهله وزوجاً خيراً من زوجه وأدخله الجنة وأعذه من عذاب القبر ( ومن عذاب النار )


اللهم اغفر لحينا وميتنا ، وشاهدنا وغائبنا ، وصغيرنا وكبيرنا ، وذكرنا وأُنثانا ، اللهم من أحييته منا فأحييه على الإسلام ، ومن توفيته منا فتوفه على الإيمان ، اللهم لاتحرمنا أجره ولاتضلنا بعده .


اللهم إن ميتنا في ذمتك ، وحبل جوارك فقه من فتنة القبر وعذاب النار ، أنت الغفور الرحيم .


اللهم انه عبدك وابن عبدك وابن امتك يحتاج إلى رحمتك ، وأنت غني عن عذابه ، إن كان مُحسناً فزده في حسناته ، وإن كان مُسئاً فتجاوز عنه.


لاحول ولاقوة الا بالله .. لله ما اعطى .. ولله ما اخذ.


انا لله وانا اليه لراجعون

[BaNdEr@DaHaS]

بنت عتيبه

بيض الله وجهك يابنت الاجواد

ولاهنتي

وعسى فالك طيب على طول الاوقات

[النـايــــــف]

مشكور اخوي بندر


على هذا الاختيار


وبيض الله وجهك يا الغالي


تحياتي لك ،،،،

[BaNdEr@DaHaS]

النايف

العفو اخوي
وشاكر لك مرورك وردك وتواصلك
وعسى فالك طيب على طول الاوقات

بندر الدهاسي

[فواز الشيباني]

اخي بندر

الله يعطيك العافيه
يا غالي على القصيده

الرائعه لاخلا ولاعدم

[BaNdEr@DaHaS]

فواز الشيباني

العفو اخوي
وشاكر لك مرورك وردك وتواصلك
وعسى فالك طيب على طول الاوقات

بندر الدهاسي

[مخاوي النشامى]

صح لسانك أخوي ولسان قائلها محبوب الرياحي
ورحم الله الشيخ نافع العتيبي
بانتظار روائع ماتقدم لنا من جديد

[BaNdEr@DaHaS]

صح بدنك ولا هنت يامخاوي النشامى

[برقاوي هواوي]

صــح لسانك اخوي بندر وصـح لسان قايلها وسلمت يمناك على النقل الرائع

والله يرحم نافع الدهاسي ويرحم جميع الاموات

[BaNdEr@DaHaS]

عبدالرحمن النفيعي

العفو اخوي
وشاكر لك مرورك وردك وتواصلك
وعسى فالك طيب على طول الاوقات

بندر الدهاسي