قصيدة الدجيما المشهورة (الهواوي)

[الدجيما]

هذه القصيدة للشاعر قتيل الهوى العذري / دخيل الله بن عبدالله الدجيما
وهي قصيدة مشهوره وكثير من تغنى بها وأحببنا إيرادها ..

في هذا الموقع والمعذرة عن التقصير أو النقص ..



يا جر قلبي جر لدن الغصوني "=" اغصون سدرٍ جرّها السيل جرا
على الذي مشيه تخط(ن) بهوني "=" والعصر من بين الفريقين مرا
وأهله منّول بالورق يورقوني "=" على غدير(ن) تحته الما يقرا
لا والله اللي بالهوى هوجروني "=" هجر(ن) به الحيلات عيّت تسرا
لا مبعد(ن) عنهم ولا قربوني "=" ولا عايف(ن) منهم ولا ني مورّا
وأكثر عذاب القلب يوم سنحوني "=" بيّح بصبري لو بغيت أتدرا
وقلبي عليه أشفق وتبكي عيوني "=" والحال من ود الحبيّب تبرا
يا عز تالي من تفرق شطوني "=" يعزالي أرمى بالسلب واتعرا
إن مت في دافي حشاه ادفنوني "=" في مستكن الروح ما هوب برا
يضفي عليّ بخينقه والقروني "=" ومبيسم(ن) عن الهبايب مذرا
وخد(ن) كما البراق فعلي المزوني "=" تقول براق(ن) من الصيف سرّا
وأقفت لجله شايهات(ن) عيوني "=" كنّي غرير(ن) باللهاوي مضرا
يا ليتهم بالحب ما ولعوني "=" خلوني أقضي عازتي وأتجرا
ويا ليتهم فالدرب ما واجهوني "=" ويا ليتهم ما زادوا القلب حرا
ويا ليتهم عن حالتي سايلوني "=" يوم إني أقعد عندهم وأتحرا
ويا ليتهم من زادهم أطعموني "=" وأنا على زاد اليتيم أتجرا
لا قربوا مني ولا بعدوني "=" ولا ميس(ن) منهم ولا ني موراتقبلوا تحياتي

أخوكم
الدجيما

[الحصان]

دخيل الله الدجيماابوه اسمه مرضي وليس عبدالله

حسب ماذكرلي الراوي حسن بن مقيبل الدجيما

[الدجيما]

اخوي الحصان مشكور مرورك على الموضوع ...

ولكن دخيل الله بن مرضي هو جد الشاعر حسن الدجيما وابن اخ

الشاعر دخيل الله بن عبدالله بن ناشي بن رشيد المشهور بالهواوي.




وتقبلوا تحياتي


اخوكم الدجيما

[بعيد المراميس]

ارررحب يالدجيمااا

وبيض الله وجهك يالقرم على هذا النقل الجميل لهذه القصيده المشهوره


تحياتي لك

اخوك

بعيد المراميس

[حزيمي]

يا جر قلبي جر لدن الغصوني "=" اغصون سدرٍ جرّها السيل جرا


شـــكراً ولكن أعتقد أن القصيدة أطول