قصيدة يامدمج الساق حالي مــنك مبري...ابن شريم

[كونان العتيبي]

البارحة ساهر والدمــع يجري
،،،،،،،،،،،،،،،،، والقـلب حزن على فرقا حبيبه

كريم يــابارق ينوض حدري
،،،،،،،،،،،،،،،،، واللـي سرى بالغداري يقتدي به

واللي ضرب وادي خلاه يـجري
،،،،،،،،،،،،،،،،، عسى طروش البــــوادي ترتوي به

متخفي لابس لـه بشـــــت بدري
،،،،،،،،،،،،،،،،، حسبي علــى البشت واللي غرني به

يامدمج الساق حالي مــنك مبري
،،،،،،،،،،،،،،،،،،، بري النجاجير عيدان صليبه

ابو قرون تغذى بالشمطري
،،،،،،،،،،،،،،،، مثل السفايف عــلى كور النجيبه

ابو عيون ليا دلّـــت تخزري
،،،،،،،،،،،،،،، ترمي بالاسباب ويل اللـي تصيبه

ابو خديد يشــــادي نجم فجري
،،،،،،،،،،،،،،،،، والا القمر لا انتحـى يبغي مغيبه

ابو نهيد كما الــفنجال زبري
،،،،،،،،،،،،،،،،، ويمزّع الثوب من حال غصيبه

ياليتني عالــم للـغيب وادري
،،،،،،،،،،،،،،،،، عن غض الانهاد من هو من نصيبه

ياليتني حايـــف ويقال خبري
،،،،،،،،،،،،،،،،، انهب صخيف الحشا ثم أغدي به

من طاب لي طبت لــه والــكل يدري
،،،،،،،،،،،،،،،،،، واللي يتغلا عـلينا وش نبيبه

ان مت حطو بدرب البيض قــبـري
،،،،،،،،،،،،،،،، تكفون حطـي على قبري نصيبه

يامن يرد الحبيب ويــاخذ اجري
،،،،،،،،،،،،،،،،، قفـّا بلا سبة ربـي حسيبه

ماقــدر الله على المــخـلوق يجري
،،،،،،،،،،،، والعبد لزم تـرى ياخذ نصيبه

وآقوّ ماصابني وآقــوّ صبـري
،،،،،،،،،،،،،،،، لعل ماصابــني منه يصيبه

يالله طلباك مغني كـــــل فقري
،،،،،،،،،،،،،، كل عـلى قد حاله تعتني به

[اخو من طاع الله]

يامن يرد الحبيب ويــاخذ اجري
،،،،،،،،،،،،،،،،، قفـّا بلا سبة ربـي حسيبه

حلو البيت هذا والابيات كلها حلوه الله يعطيك العافيه

[سلمان]

مشكور يا كونان
وصح لسان شاعرها
والله يعطيك العافيه

[إبن ثعلي]

ياسلام عليك ياكونان ذوق راقي جدا
تحياتي