:::::... لـغـز جـديـد وسهـل ...:::::

[فهد العايضي]

السلام عليكم ورحمة الله وبركاته



ياويش بنتٍ معرضه للعواصيف=بنتٍ تجيب أخبار منهم وراها
أخبارها صدق ولاهي بتزييف=والكل لولا علمها مابغاها

[اخو من طاع الله]

والله يا فهد احس ان راسك يبي ينفجر من كثر الالغاز ههههههههه

عندي علم مسبق بلحل هههههههههههه

[طالع]

برج الجوال

[فهد العايضي]

هــــلا بعبدالله

لا ماعليك ماهو منفجر بس عطنا حل اللغز ههههههههههه

[فهد العايضي]

هــــــــــلا بطالع

مالك لوا يالذيب لاتنسى إن البرج مذكر واللغز يقول ياويش بنت ..؟

وبإنتظار رمعه أطيب ...

[ابن عاصي]

موجات الراديو

ماهي حولها

[فهد العايضي]

هـــلا وغـــلا

يابن عاصي

للآسف ماهي حول اللغز

بإنتظار رمعه أطيب

وياهــــــلا بـــك

[اخو من طاع الله]

يا فهد ممكن اتصال بصديق هههههه

[عاشق الغربه]

قناة الجزيرة

[طلق الشيباني]

اخوي فهد اتوقع اما النظاره الطبيه او حساسات السياره

[فهد العايضي]

هههههههه

عبدالله الظاهر لو أحط خيارات منت حاله

هههههههههههههه

[فهد العايضي]

عاشق نجد

ياهــــلا بك

للأسف ماهو قناة الجزيره ولا أي قناة

بإنتظار رمعه أطيب


تحياتي لك

[فهد العايضي]

هــــلا وغــــلا

يابن مشيب

مالك لوا يالغالي لا النظاره ولا الحساسات

حاول برمعه أطيب

لاعدمناااك يالغااالي

[ابن عاصي]

فهد العايضي خذ الرمعه الثانيه

ماهي الصرافه االي على الخطوط

[فهد العايضي]

هـــــلا بك يابن عاصي ثانيه وثالثه ورابعه والى ماله نهايه

بس للأسف رمعتك وأنا أخوك خطأ

وبإنتظار الرمعه الثالثه

تحياتي لك

[بدر الشيباني]

اعتقد ان حل اللغز هي الرساله والله اعلم

[اخو من طاع الله]

ليه ما احله مجنون يا فهد

[فهد العايضي]

هـــــلا بك يابدر

مالك لوا يالغالي

حاول برمعه أطيب

تحياتي لك

[فهد العايضي]

ليه ما احله مجنون يا فهد


حاشاك الجنون ياعبدالله

وصدقني بغيت أحمسك للغز لا أقل ولا أكثر

ولا تفهمني غلط يابوعابد وأنت الأقرب الى قلب فهد مايحتاج إني أوضح لك ..

تحياتي لك

[اخو من طاع الله]

انا مستحيل ازعل منك يا اااافهد انا رجال اذا شريت مستحيل ابيع

والله اني امزح يا ابو مشاري

الله يحفظك

[فهد العايضي]

توضويح ياعبدالله وإلا عارفك وعارف قلبك

ماقول إلا الله لايخليني منك

[ابن عاصي]

فهد استلم بعد رمعه


ماهو مراية السياره الداخليه

[فهد العايضي]

هــــلا بك يابن عاصي

مالك لوا يابن عاصي

حاول برمعه أطيب

[ابن عاصي]

وش رايك بلوحة السياره

اللغز هذا لازم احله

[فهد العايضي]

إبن عاصي

مرحباً مليون

وصح لسانك ملا يين

نعم الحل صحيح ولكن المقصود اللوحات الإرشاديه

[ابن عاصي]

لكن بعد ويش صح لسانك

صح بدنك ومشكوور