ياللي سألت املوع القلب وش فيـك؟ = كبرت عليه المشكلـه مـن سؤالـك

[فيصل المسعودي]

قصيده للشاعر / سـيـف الـسـيـف




ياللي سألت املوع القلب وش فيـك =
كبرت عليه المشكلـه مـن سؤالـك
ناظر تقاسيمه على الوجـه تنبيـك =
إنه مـن اسبـاب الغيـاب إمتهالـك
هذي تراها عـن تساؤلـك تكفيـك =
وعن قولتك.. ماذا دها اليـوم حالـك
اقسم برب البيـت ماهـوب خافيـك =
إنـك جـروح القلـب وإن الغلالـك
واني رهيـن الود..والحكـم بيديـك =
وإنك ظلمـت.. وصاحبـك ماشكالـك
وإن العنـا كلـه نتيجـة تجافـيـك =
وإن الصبر :-همٍ ..يفـوق احتمالـك
وإن العـذاب يمرنـي فـي تحديـك =
وإن الامل لونه مـن الطيـش حالـك
نبضه قتلته لاجـل خاطـر تجنيـك =
ارضيت فـي قتلـه تغطـرس دلالـك
ماعاد باقـي شـي واقـول يمديـك =
دام الامل قبره على اطـراف شالـك
ارجيك!؟؟ماقصرت كم لي وانا ارجيك=
كم لي وأنـا اسـدد ضريبـة جمالـك
اتعبت ثـم ارهقـت قلـبٍ يناجيـك =
واليوم عايـف ثـم عايـف وصالـك
اكذب عليك إن قلت بكره..وناسيـك=
واكذب عليك إن قلت روحـي حلالـك
اللي بقالـك ماشفـع لـك تماديـك =
واكثر من الذكرى وش اللـي بقالـك
تسلطنت ذكراك فـي قلـب مغليـك =
في صـورةٍ صعبـه تمـر ابخيالـك
انا رضيت البعد.. وش عاد يرضيك =
قبلـت فالـي وانـت روّح بفـالـك
ولاعاد تسأل موجع القلب وش فيك =
يجـيـك ردٍ ماينـاسـب سـؤالـك

[راع المحاني]

حياك الله يافيصل

قصيده جزله بمعانيها وقافيتها.

صح لسان سيف وسلمت على نقلها هنا


تحياتي

راع المحاني

[فيصل المسعودي]

اله يبقيك ياراعي المحاني


تشكر على مرورك الجميل


ورد الطيب


تحياتي

[نوف]

اخي العزيز فيصل

تعجز الكلمات ويقف التفكير عن قول

أي كلمه سوى أننا أمام إبداع من مبدع

ولا أدري ما أختاره من القصيده لأستشهد

به لروعتها لانها كل بيت أجمل من سابقه

يعطيك العافيه وتسلم يمينك فيصل وصح

لسان شاعرها.

دمت ودام وجودك