قصايد حب منثوره

[فيصل المسعودي]

الشاعر / محمد الدحيمي






تقهويتك وله ... لومـا تقهويتـك بصفـر دلال =
تهيلتـك هواجيـس .. وقصائـد حـب منـثـوره

اهيجن لك .. بطرقٍ .. غار من مسحوبه المـوال =
حديت اغلى مغاتيـر الغـرام .. وجتـك منحـوره

تذكـرت الجديـل اللـي تمـوّج كنّـه الـشـلال =
وخد ٍّ يجهر البـدر بسنـاه .. ويجـرح غـروره

وطهور الرمش يرسم له على الوجنه غطى وظلال=
واذا سلهم يجرِّحه النعـاس .. وينقـض طهـوره

حبيبي ... ما بقى للشعر شيٍ يوصـف وينقـال =
ليا أختال الحور بعيـون .. مفضوحـه ومستـوره

سحرني كلّ شيٍ فيك .. والسحـر أغلبـه قتـال =
وتماديت وذنوب السحـر فـي القـرآن مذكـوره

حبيبي ... عاشقك معذور والله لو يجيـه هبـال =
اليا صار العشق شيـخٍ يسيـر العاشـق بشـوره

احبك ايه احبـك ياغنـى عمـري وراس المـال =
لك بقلبـي بساتيـن .. ومشاتـل حـب ممطـوره

لطيفك من سموم القيض في عين الولـه مقيـال=
واذا قصّرت .. يعذرني .. تـرى كلـن وميسـوره

أهلّي بالجروح اللي غـدا صـدري لهـا مدهـال =
واقلّطهـا بـروحٍ مـن رداة الـحـظ مـقـهـ‏وره

واداري حيرة العبرة .. واكابـر واقهـر العـذال =
واذا طرّوك قدامي .. نخيت وقلت .. أخـو نـوره

انـا والله لزومـات العـواذل والرجـال رجـال =
وهل الأمثال قالوا .. يبخـص القنـاص بطيـوره

ماحد يقدر يعلّق فـي خيـوط العنكبـوت جبـال =
ماحـد يقـدر يهـدّ ديـار لـك بالقلـب معمـوره

يجونك ناس والدنيا .. معاك ريال تسـوى ريـال =
واجيك ولا معـاي الا ّ... قصايـد حـب منثـوره

[ღالمقاطيღ]

صح لسان الشاعر وسلمت اخوي علي النقل المميز لاهنت ياصاحبي

[فهد العايضي]

هــــــلا وغــــــلا

بفيصل المسعودي

صح لسانك ولسان شاعرها

والف لاهنت

لاعدمناك يالغالي

[نوف]

اخي فيصل دائما مبدع

في اختيارك وطرحك

تسلم يمناااك وصح لسان

شاعرها انت سيد الابداع

اخوي فيصل


دمت سالما

[فيصل المسعودي]

المميز مرورك يامقاطي


تشكر اخوي


تحياتي

[فيصل المسعودي]

هلابك فهد العايضي


صح بدنك


وتشكر على المرور اخوي


تحياتي

[فيصل المسعودي]

اختي نوف


الابداع مرورك


وكلماتك المخجله والتي اكبر من حقي


لكي تحياتي