قصيدة الزعبيه ( شوفوها)

[هداج تيما]

هذه قصيدة ( الزعبيه)

وقد سمعتها من الراويه المعروف ( بدر العطاوي)

.................................................. ....................................

ياعم أنا زعبيه ماني هفيه

ولا ني من اللي هافيات جدودها

أنا من زعب وزعب ليا أوجهو

على الخيل عجلين سريع ردودها

طريح ليا طاح شافوه ترايعو

تقول فهود مخطيات صيودها

ونا مابين حبر والغرابه منزلا

ونهد في زين العرابا قعودهـــا

ونرعى قرار الحزم تسعين ليله

وغلا لاجن حرها في كبودهــا
وقليبنا غزير الجم ماها

مايسرون ورودها من صدورها

,,,,,,,,,,,,,,,,,,,,,,,,,,,,,,,,,,,,,,,,,,,,,,,,و

والقصيده أطول من كذا كما رواها الراويه

( بدر العطاوي) الدوادمي

[الشقاوي]

اشكر اخوي هداج تيما علي ما تفضل به وتصحيحا واكمالا للقصه والقصيده اليكم القصه والقصيده
وصاحبة القصيده من قبيلة زعب وهي بنت شيخ القبيله ويقاله ابن غافل ولكني لاعرف اسمها ....
والقصه حقيقيه مائه بالمائه ويعرفها الكثير من قبائل الجنوب الدواسر وقحطان ويام
وتعود القصه للشاعر ولوالدها ابن غافل ولقبيلة زعب وهي ان ابن غافل نزل بجواره احد ابناء قبيلة حرب القبيله المعروفه وكان يملك قطيع من خيار البل وفي اثناء مرور احد الاشراف من حكام مكه المكرمه في تلك الاثناء طمع في البل ) واقسم الا ان ياخذ الابل وعلم ان صاحبها في جوار قبيلة زعب ارسل الرسل لبن غافل بكل تعسفيه وظلم وطلب من زعب ان يسلموا الابل له طوعا والا يحل بهم مالايحمد عقباه ولكي يتمكنو من درء ظلمه اشار ابن غافل على جويره بدون ان يعلمه يبيعه الابل وباي ثمن يريد ولكنه امتنع (وهذا حقه) فرد ابن غافل وقبيلته على الشريف ان جارنا امتنع من بيع ابله وعرضوا على الشريف ان ياخذ منهم فديه بدلا من ابل جارهم وان يدفعوا له فرسا مقابل كل ناقه منها وطبعا في ذاك الوقت كانت الفرس تشترى بمجموعه من البل ولكنهم استهانوا بذلك مقابل حفظ جيرتهم واتقاء لشر هذا الطاغيه غير انه رفض ودينه وستين جدار الا بقطيع الجار وكان بامكان قبيلة زعب اخذ الابل عنوه من جارهم دون رضائه ويتقون المهالك ولكن قد يكون اهون في هذه الحاله لانهم قلة في ذلك الوقت وخصمهم لايستهان به ويملك من الجنود والعسكر ما (يطير النوم) ولذلك قرروا خوض غمار الحرب مع الشريف مهما كانت النتائج بدل من تقبل الاهانه واشتبك الطرفان وانتصر الشريف وتغلب عليهم وتفرقواوفي احد المعارك التي يقودها ابن غافل تاهت ابنته على جمل لها وفي اليوم التالي لجئت الى شجره وفي تلك الاثناء مر غزو من قبيلة الدواسر طلعت الشجره ولكن عقيدهم شافها واعطاها الامان با لايلحقها اذى بعد ان اخبرها من القبيله الفلانيه وتزوجها فيما بعد وانجبت ولد اسمه (سباع) وكان ابو زوجها لايهتم بها ويقول انها هميه وكان لايقسم لها من الصيد هي وابنها الى (الكاسع) وهو قسم الراعي وكانت ترميه خلف البيت الى ان طفح بها الكيل من عمها وقالت....



الـــقـــصــــيــــدة:
تهيضْـت ياسبّـاع دارٍ ذكرتـهـا" "ولاعاد منها إلا مـواري حيودهـا
سبّاع أمّك تبكـي بعيـنٍ ودمعَهَـا" "من عينها يحفي مـذاري خدودهـا
ولكن وقود النار باقصى ضميرها " "هاضَ الغرام و بيّحَ الله سدُودهـا
ولكن حجر العيـن فيهـا مليلـة " " ولكن ينهش موقها مـع برودهـا
دمـعٍ يشـادي قربـةٍ شُوشليّـة " "بعيـدٍ معشّاهـا زعُـوجٍ قعودهـا
زِعبيّـةٍ ياعـمّ مـانـي هَافـيـه " "ماني من الليّ هافيـاتٍ جدودهـا
أنامن زِعب وزعب إيلاَ أوْجَهـوا " "على الخيل عجْلاتٍ سريعٍ ردودها
أهل سربةٍ لادْبرَت كِنّهـا مهجّـرة" "وِنْ أقبلت كنَّ الجوازي وُرودهـا
لطاح طايحهم بشوفـي ترايعـوا " "تقول فهـودٍ مخطيـاتٍ صيودْهـا
لصاح صياحٍ بالسّبيـب تِفازَعـوا" "عزيِّ لغمـرٍ ثبَّـرت بـهْ بلودهـا
لحقوا على مثل القطا يوم وردته " "متغانـمٍ عيـنٍ قـراحٍ بـرودهـا
خيلٍ تغـذّى للبـلا و المعـارك " "ترهِق صناديد العِدا في طرودهـا
لا تلقحونَ الخيل يا زعب ياهلـي " "ترى لقاحَ الخيل يـردي جهودهـا
إن جَتْ سمـاحَ الخـدّ مايلحقـن " "ون جت مع السّنْداء لزومٍ يكودهـا
جينا الشّريـف بديرتِـه وإلتقينـا" "كلّ القبايـل جامـعٍ بـه جنودهـا
طَلَبْ علينا الخُورهجمت قصيرنا " "مِتمَوّلٍ يبغـي حنازيـب سودهـا
يَامَا عطينـا دونهـا مـن سبيّـه " "تسعين صفرا إحسابها ومعدودهـا
تمامها شعيطـان خيالـة مهـوّس " "أصايل صنع النّصـارى قيودهـا
اقطـع قبيلـةٍ ضفهـا مايـذرّى " "تشدي جمالٍ عظها فـي بدودهـا
قصيرنا في راس عيطـاً طويلـة " "يحجي ذراها من عواصيف نودها
عيّوا عليهـا لابِتـي واحتمُوهـا " "بمصقّـلات مِرهِفـاتٍ حـدودهـا
حَرَبنا العدى والبنت نشوٍ بهاامهـا " "واليوم قده منـوةِ العيـن عودهـا
تسعيـن ليلـة والعرابـا معقّلـة " "شمخ الذراء ومحجزاتٍ عضودها
شقح البكار الليّ زهن الدباديـب " "قامت تضالِع من مثانـي زنودهـا
خيـلٍ تناحيهاوتضـرب بالقـنـا " "مثل التهامي يوم أحلـى جرودهـا
بنات عميّ كلّهـن شقّـن الخبـا " "بيضِ الترايب ناقضـات جعودهـا
على الحنايا ناقضـاتِ الجدايـل " "سمرِ الذّوايـب كاسيـات نهودهـا
وجيـهٍ تشـادي مزنـةٍ عقربيّـة " "أقبل مطرها يوم حنـت رعودهـا
منهن نهارَ الهوش تنخَى رجالهـا " "ستر العذارى ماحضر من اسودها
لباسةٍ بالهوش للـدّرْع والطـاّس " " وعلى سروج الخيل كودٍ سنودها
مِن صنـع داود عليهـم مشالـح " "تجيبه رجالٍ مِـن غنايـم فهودهـا
يا ماطعنوا مـن حربـةٍ عولقيّـة " "شلفى تلظى يَشرَب الـدّم عودهـا
الليّ ايتموا في يوم تسعين مُهـرة" "مامنهن اللـيّ ماتـلاوي عمودهـا
تسعين مع تسعين والفين فـارس " "تحت صليب الخدّ تطوى لحودهـا
تسعين منهن بين ابويه وعزوتـي " "وتسعين عنانٍ واللواحي شهودهـا
قبيلـةٍ كـم أذهبـت مِـن قبيلـة " "لاعدّت الجـودات ينعـدّ جُودهـا
زِعب هُم أهلَ المدح والمجد والثنا " "من الربع الخالي للحجاز حدودها
إن أجْنبوا فالصّيد منهـم تحـوّز " "وضيحيها ومن الجوازي عنودهـا
وِن أشملـوا تهـجّ مِنهـم قبايـل " "ودارٍ يجونـه ضدهـم مايرودهـا
لامِن نووا فـي ديـرةٍ ياهَلونهـا" "تِقافت الظّعـان عجـلٍ شدودهـا
اركابهـم يـمّ العِـدى مِتعبينهـا " "بيضَ المحاقب فاتـرات لهودهـا
يَامَاخذوا من ضدّهم مِـن غنيمـة " "ولا صاوُغـوه بلطمـةٍ مايعودهـا
بنمرٍ تشـادي للجـراد التهامـي " "ماطاعت الحكام من عظم زودهـا
أشوف بالحـره ضعـون تقللّـت" "وابوي حمّـاي السرايـا يذودهـا
شفي معه صقـر تباريـه عنـدل " "مـرٍّ يباريـه و مــرٍّ يقـودهـا
أنا فتاة الحـي بنـت بـن غافـل " "كم مِن فتـاةٍ غـرّ فيهـا قعودهـا
شرشوح ذودٍ ضاربٍ له خَريمـة " "ما ودّك يشوفـه بعينـه حسُودهـا
حوّلت من نظوى ورقيت سرحـه" "حطّيت رفٍ فـي مِثانـي فنودهـا
وجوني ركيبٍ ونوّخوا في ذراها " "وشافني عِقيدَ القوم زيزوم قودهـا
قال انزلي يابنت وانـتِ بوجهـي " "ولا جيته إلاّ بالوثْق من عهُودهـا
أمرٍ كِتبـه الله وصـار وتكـوّن " "تسبّب علينا من الأَعادي قرودهـا
بكـونٍ شِديـدٍ ماتمنّـاه عــارف" "تعدّه عيالٍ عادهـا فـي مهودهـا
ذكرت وقتٍ فايتٍ قِـد مضىلهـم " "ويومٍ علينا مـن ليالـي سعودهـا
ضوٍّ زمت للمال من غب سريـة " "وضوٍّ زمّت عيدان الرطىَ وقودها
لكن قرون الصّيد باطراف بيتنـا " "هشيم الغضا يدني لحامي وقودهـا
تسعين عينا صيدنـا فـي عشيّـة" "وضيحيّة نجعـل دلانـا جلودهـا
قنّاصنا يذهـب شريـقٍ وينثنـي " "ويجيب الجوازي دامياتٍ خدودهـا
وروّاينـا يـروح يـومٍ وينثنـي " "ويجيب القلاصي لاحقاتٍ حدودها
ومدّادنـا ياخـذ حديـد وينثـنـي" "ويجيب الجلادي ضايماتٍ هبودهـا
وغزّاينا يغـزي حديـد وينثنـي " "ويجيب العرابا حافـلاتٍ ديودهـا
لنا بيـن حَبْـر وغْرابـا منـزلٍ " "لِهن في زيـن العرابـا قعودهـا
حنّا نزلنا الحـزم تسعيـن ليلـة " "وغلّ الأعادي لاجيٍ في كبودهـا
لامن حجى معنـا عليـمٍ ولا ذرى" "إلاّ شخوص العين قـب نقودهـا
ِقليبنـا غزيـرةَ الـجـمّ عيـلـم " "ما ينشدون صدورها مـن رودهـا
طوله ثمانٍ مع ثمانٍ مـع أربـع " "وسطٍ من الصفرا وقبلت نفودهـا
أهل عقلةٍ بحدّ الحاذ من الغضـى" "مادارها الـزرّاع يبـذر مدودهـا
ألفيـن بيـتٍ نازليـن جبـاهـا " "والفين بيـتٍ بالمظامـي ترودهـا
تخالِفوا في يـوم تسعيـن لحيـه " "علشـان وقفـت أجنبـي نفودهـا
دارٍ لِنـا ماهيـب دارٍ لغيـرنـا " "ماحدّها الرّمله وما ورد عدودهـا

[الحصان]

القصيدة لبنت ابن غافل من شيوخ قبيلة زعب وهي ام ال ابو سبّاع من الدواسروابوها ليس شيخ زعب انماهواحد شيوخها وشيخ زعب في ذلك الوقت هومحمد بن سحوب




تحياتي

[هداج تيما]

الله لا يهينك أخوي الشقاوي
وتسلم أخوي الحصان على ردودكم
.................................................. ...............................

والحقيقه أن الراوي المعروف ( بدر العطاوي) أشار إلى أكثر من قصه

تتحدث عن الزعبيه ( لكنه لم يرحج أي من القصص للصحه)

وعلى هذا الأساس لم أستطع كتابة القصه مالم كن حقيقيه

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,

مشكورين مرررررررره ثانيه
أخوكم ( هداج تيمــــــا)

[زيزوم نجد]

شكرن للاخ هاداج على تفاعله في المنتدى وانعاشه له

واثني الشكر للاخ الشقاوي على الطرح الجميل

قصه معروفه فالتاريخ ولا تخفى عن الرواه

ولها صدى فالنفوس

وقال صلى الله عليه وسلم (ارحمو عزيز قومن ذل)

تقبلو تحياتي

اخوكم

زيزوم نجد

[هداج تيما]

مشكوووووور حبيبي زيزوم نجد


والله لا يهينك... على المرور


وعموما القصص تختلف من راوي لآخر


ولكن تبقى الحقيقه هي الحقيقه


والله لا يهينك

اخوكم ( هـــداج تيما)

[بعيد المراميس]

هداج تيما

سلمت يالقرم على هذا الموضوع

نعم نحن لم نأت الى هنا الا للأستفاده من بعضنا البعض

سلمت ودمت


اخوك

بعيد المراميس

[هداج تيما]

هلا بالذيب

هلا ببعيد المراميس

ومشكور حبيبي على المرور

والله يسلمك,,,,,,,,,,,,,,


أما بالنسبه لنجاح المساعيد والله غن طاريها يجيب العافيه

هههههههههههه

هـــــــداج تيما