لغز العتيبي

[سالم العتيبي]

اعذروني هذه اول مره اشارك فيها وارجو ان تنال رضاكم
هذا هو الغز

انشدك بنات عددهن فقط خمس
متشابهات بس عند الاسامي
الأوله تبعدأ كما مطلع الشمس
الثانيه كما النور يجلى الظلامي
والثالثه تغني عن الشوف واللمس
والرابعه تعشق بلياء غرامي
والخامسه تطمس ضمى الألوله طمس
وش حلها ياهل العقول الفهامي

[البادي]

مرحبا وحياك الله انت ومشاركاتك

ونا عندي رمعه .

اركان الاسلام

[فهد العايضي]

أعتقد إنك ذبحت اللغز ياالبادي

ننتظر سالم ونشوف رده

[الذيب الاشهب]

مرحبا وحياك الله انت ومشاركاتك

وانا عندي رمعه .

الصلاه

الذيب الاشهب

[طالع]

الضاهر والله اعلم انكم ذبحتو الللغز

[سالم العتيبي]

يسلموو للجميع وماقصرتوا على مروركم وشرفني ذلك لكن حل اللغز ماهو اركان الاسلام ولاهي الصلاه
فكروا فيها يالربع وبوضح لكم شوووي هي خمس حاجات والذيب يفهم معانيها
وشكرا
اخوكم:سالم العتيبي

[البادي]

يا اخ سالم واضح في اللغز انه خمس حاجات

ما جبت شي جديد وضح لنا بشي اخر انكانك

تبا اتوضح


البادي

[سالم العتيبي]

السلام يا الربع
وانت يا البادي قريب من الغز بس ما هو اركان الاسلام

[فهد العايضي]

مساك الله بالخير أخوي سالم

جايك وعندي رمعه وإن شاء الله إنها ماتخيب

الأوله : هي شهادة الميلاد

والثانيه : هي شهادة أن لا إله إلا الله

والثالثه : هي شهادة الدراسه

والرابعه : هي شهادة الحق

والخامسه : هي شهادة الوفاة


تحياتي لك

[جراح العتيبي]

فهد العايضي



والله سبقتني


الله الذي لا اله الا هو اني جاي احله بس
عليك بالعافيه

[جراح العتيبي]

سالم العتيبي


يسلموا على هاللغز الرائع

[سالم العتيبي]

يسلمووووو فهد العايضي رمعه طيبه منك وهو صحيح الاولى شهاده الميلاد والثانيه شهاده العلم والثالثه شهاده لااله الا الله والرابعه الشهاده في سبيل الله والخامسه شهاده الوفاة
وصح السانك وماقصرتوا على مروركم وشكرا لكم

اخوكم :سالم العتيبي

[فهد العايضي]

ومن قال سالم ياسلم

الحمد لله إنا ذبحنا اللغز

جراح تعيش وتحل غيره

ههههههههههههه