عسى الله يفرج هم من وسع صدره ضاق

[عبدالعزيز بن حشيان]

اخواني وخواتي ابيات جديدة ارجو ان

تنال شي من اعجابكم وشكراً


عسى الله يفرج هم من وسع صدره ضاق
صبر لين طقن الشرايين من همه

ذبحنا غلا الاعلاف ومساعر الاسواق
وحد يشتري بالكاش واحدن على الذمه

ونتابع حوال الطقس ونتابع الزعاق
ونعاين مسار السحب وش تتجه يمه

عسى الله يجيب الخير وتخضر الاوراق
تباشير سيله تروي القاع وتعمه

ثلاثين ليل وبرقها فالسماء شعاق
مثل كيمر الاعلام في مجلس القمه

علشان ننساء كلمة الطاق مايطاق
وعميل ليامنه نزل راتبي خمه

وعلى الله توكلنا هو موزع الارزاق
كفيلاً بخلقه يجلي الهم والغمه

[إبن ثعلي]

صح السانك يابن حشيان ومن توكل على الله كفاه

[عبدالعزيز بن حشيان]

صح السانك يابن حشيان ومن توكل على الله كفاه

صح بدنك تسعدني مرورك تلرايع

[ماجد السويداني]

صح لسانك لاهنت

[عبدالعزيز بن حشيان]

صح لسانك لاهنت

صح بدنك اخي ماجد

[المغوار]

الله كريم صح لسانك مدد

[عبدالعزيز بن حشيان]

الله كريم صح لسانك مدد

صح بدنك يالمغوار اسعدني مرورك