لغز لاشلت عينه حله ابن ثعلي

[{ أبوفيصل }]

...السلام عليكم..،،..وبسم الله نبدأ...

انشدك عن رجال ،، لاشلت عينه
ما بحت به ،،،، لمبيِّحين الكنيني

حالن يحول بحال ،،، بيني وبينه
مثل الحجاز اللي ثبت من سنيني

لكن انا المقصود،، ما شفت شينه
هو غايتي،،ومشاهد أحباب عيني

[إبن ثعلي]

يابو فيصل رمعته بالكشاف واختفت الرمعه؟ ماادري انت حذفتها

[{ أبوفيصل }]

هلا بابوعبدالرحمن. الرمعه ماصابت

ابداً ماشفت على اللغز مشاركه..
لكن اللي حصل تكرر اللغز بالخطأ تقنياَّ وحذفته كلياً

[إبن ثعلي]

طيب ما شفت شينه ويش تعني هو شين والا ماهو شين؟ وهل العين الحرف الاوسط الكلمه؟

[إبن ثعلي]

عندي رمعة يابو فيصل ويش رايك في الحوظ اذا شلت الواو صار حظ والحظ ماينباح به وهو يغير من حال الى حال

[{ أبوفيصل }]

طيب ما شفت شينه ويش تعني هو شين والا ماهو شين؟ وهل العين الحرف الاوسط الكلمه؟
عينه في وسطه ولا هو شين .
اي استفسار آخر ؟ ☺

[{ أبوفيصل }]

عندي رمعة يابو فيصل ويش رايك في الحوظ اذا شلت الواو صار حظ والحظ ماينباح به وهو يغير من حال الى حال

مالك لوا


.

[عهود]

وعليكم السلام

صح لسانك ياصاحب الألغاز الجميله
الله العالم انه السفر وممكن الشعر( القصيد )وممكن ولا وحده
هههههههههه

[{ أبوفيصل }]

اهلا وحياك الله عهود مشكوره
يؤسفنا ولا وحده 🙄

[إبن ثعلي]

ويش رايك يابو فيصل في السفر اذا شلت العين يكون سر ماينباح به والسفر ماهو شين وتشوف احباب عينك اذا سافرت لهم

[{ أبوفيصل }]

ويش رايك يابو فيصل في السفر اذا شلت العين يكون سر ماينباح به والسفر ماهو شين وتشوف احباب عينك اذا سافرت لهم
رمعه مسبوقه ولكن
مالكم لوا

[إبن ثعلي]

من اللي سبقني؟

[{ أبوفيصل }]

وعليكم السلام

صح لسانك ياصاحب الألغاز الجميله
الله العالم انه السفر وممكن الشعر( القصيد )وممكن ولا وحده
هههههههههه

رمعة عهود يابوعبدالرحمن والرمعه بعيده

[إبن ثعلي]

ههههه والله ما شفتها لكن الرمعه جيده والا لا؟

[إبن ثعلي]

رمعه جديده يابو فيصل ويش رايك في النظر نظر اذا شلت عينه بصبح نر يعني هروب والهروب ما ينتبيح به والنظر هو اللي تشاهد به احباب عينك

[{ أبوفيصل }]

نر .. مالك لواا هههه
اللي في عين المطلوب كذلك حرف عين

[إبن ثعلي]

مادام يابو فيصل وضحت ان عينه هي حرف العين فهو سعد اذا شلت العين صار سد بمعنى سر ما بنباح به وفي حال ثاني سد فاصل وطبعاً السعد بمعنى الفرح والإبتهاج هو غاية كل شخص

[{ أبوفيصل }]

صح فكرك لاهنت نعم سعد وشرحك وافي 👍

[عهود]

ترددت واجد أقول الحل الصحيح سعد ..
الله يسعدكم يا اخواني

[عهود]

👏👏👏👏👏
ماشاء الله عليك يا ابن ثعلي تستاهل