لغزٍمِشدّه للعوارف ( حله من ابوفيصل )

[{ أبوفيصل }]

لغزٍ مِشدّه للعوارف على اليا
وِلحضرة الحضّار لاجت وعدها

رجلٍ كتبني والمكاتيب عِليا
كل ماقصدني تمّم اللي بعدها

وليا اعتمدني بالجواب وسأليا
قال اعتبرني من بعدها سددها

ماهوب لابوزيد وْلا شوق عليا
شرواه يهنآ بالحياه ورغدها

✋🏻

[إبن ثعلي]

يالله حي العطاوي وين هالغيبات من طول الغيبات جاب الغنايم

اما اللغز والله انه عويص لكن ويش رايك في الحظ ؟

[{ أبوفيصل }]

تحيا وتدوم والله يبقيك يابوعبدالرحمن ، أبشربها

الرمعه لا والله ماهو بالحظ

[إبن ثعلي]

اجل ويش رأيك في حرف الياء للمنادى مثل قول يا ابو فيصل

[{ أبوفيصل }]

مااالك لواا

[إبن ثعلي]

طيب ويش رايك في الرقم السري للمنتديات ؟

[{ أبوفيصل }]

مالك لواا

حله منه فيه 😁

[إبن ثعلي]

كاتب الضبط؟

[{ أبوفيصل }]

مالك لوا يابوعبدالرحمن

[إبن ثعلي]

شاعر المحاوره ؟

[{ أبوفيصل }]

ماااالك لواا

[عهود]

سعدنا برؤيتك ياصاحب الألغاز الجميله
وصح لسانك ....
اللغز شي يدور حول الكتابه مشده على الياء تقصد
الشده اللي تكتب على الياء...

[{ أبوفيصل }]

وانا أسعد بتواجد الأخوات اللواتي مثلك ياعهود

وهلابكم في منتدى الألغاز وحياك مولاك

قد يدور في كلمات اللغز لكن هنا أتوقف واترك لكم التفكير

[عهود]

اتوقع أنها علامة الاستفهام

[{ أبوفيصل }]

للاسف الشديد

[{ أبوفيصل }]

مالك لوا

[إبن ثعلي]

اذا اخطأ سنان الرمح ما اصاب عكوزه
لكن ان شاء الله نصيده

[{ أبوفيصل }]

لغزٍ مِشدّه للعوارف على اليا
وِلحضرة الحضّار لاجت وعدها

رجلٍ كتب (ني) والمكاتيب عِليا
اليا قصد(ني) تمّم اللي بعد(ها)

وليا اعتمد(ني) بالجواب وسأليا
قال اعتبر(ني) من بعد(ها) سددها

ماهوب لابوزيد ولا شوق عليا
شرواه من (يهنا) الحياه ورغدها


الحل ياطوال الاعمار ( هاني ) اسم شخص
العذر والسموحه على الاطاله

[عهود]

ههههههههههه أجل الحل هاني
لغزجميل وخطير بنفس الوقت
يعطيك العافيه ي العطاوي

[إبن ثعلي]

ههههه والله أني شكيت في الكلمات التي بين الأقواس لكن لم يخطر ببالي الاسم هاني
مشكور يابو فيصل ما قصرت ولغز تمام

[{ أبوفيصل }]

الله يعافيكم ولايهينكم ، القصد من حله ماهو والله مرحميه ههههه
لكن قلت النوع هذا من الالغاز ماانتم لاقين عليه مدخل ،
وين ووين اللي يبي يفطن لهذا التمويه اللغوي والحرفي

لذلك حليته

[إبن ثعلي]

لا يابو فيصل اذا عجزنالازم تحله لنا لتنمية مداركنا