بعد طول غياب ( ام النصائح البلويه )

[البلوي]

اخواني في منتديات عتيبة اعتذر لانقطاعي واعود اليكم بقصيدة لاستاذي /محمد بن عبيد البلوي ينصح بها ابنه / عبيد

لاشفت دلو(ن)فيه فتق(ن)وشقا =اعرف ترى الماء مايجي وافياً فيه
ولاشفت حبل السانية فيه دقا=اخذ الحذر من قبل تقطع مثانيه
ولااوحيت جرح(ن)بالمعاليق لقا=اعرف ترى ماعاد ينفع تداويه
والجرح لامنَه بسم (ن)تسقا=حم الحديد الصلب بالنار واكويه
والظلم لامنه لبس ثوب حقا=لابد ماتخلع ثياب(ب)تغطيه
ومن طق باب الناس بابه يطقا=في خير والا بشر ربه يجازيه
وماصابكم ماخطاك مهما توقا=ومااخطاك ماصابك ولو صاب راميه
روم المعالي ياعبيد وترقا=بالعلم والايمان تاصل لعاليه
والصالحات اخير ياعبيد وابقا=ادي حقوق الله ولبي مناديه
وعن لازم(ن)يلزمك حرصك تتقا=لاخير في رجل(ن)يخلي عوانيه
وفي عشرة الانذال حرصك تهقا=كم واحد(ن)بالنذل ضاعت هقاويه
وحرصك وراء المقفي تصيح وتنقا=من باعكم بالرخص بيعه بغاليه
وسط المجالس لاتهرج وتلقا=اصمت ترى ان الصمت ميزه لراعيه
واليا هرجت اهرج بلطف(ن)ورقا=وافصح لسانك لاتجي لكنة(ن)فيه
ان انكر الاصوات صوت النهقا=وفم الرجل واحد وثنتين اذانيه
بعض العرب بالوزن مايوزن اقا=لكن بفعل الطيب تندأ اياديه
وبعض العرب دمه كما دم بقا=دمه ثقيل وباردات(ن)علابيه
وبعض العرب مثل الذهب له تشقا=اتعب على الطيب الى ماتلاقيه
ياعبيد هذا واعرف اللي تبقا=حق الجوار وضيفكم لاتخليه
هذا كلام ابوك قول(ن)منقا=قول(ن)قليل وزبدة الهرج تكفيه
لولاى مااكتب بالقلم عالورقا=واملي هواجس خاطري يوم تاتيه
شب الحشا في داخلي واحترقا=لولا بيوت الشعر لاشب تطفيه
وصلاة ربي عد ماالنور شقا=على نبياً تمم الله مساعيه


استاذي الشاعر/ محمد بن عبيد الوابصي البلوي (الزعيم )

[حسام هوازن]

يعطيك الف عافية
وصح لسانك ولسان قايلها

يــ البلوي


ودمت بألف خير

[جراح العتيبي]

ماأجمل هذه القصيده


والله ان فيها من الحكمه



صح لسانك ولسان قايلها

[إبن ثعلي]

البلوي ماقصرت قصيده لايعلى عليها ومشكور لاتحاف منتدانا بها
تحياتي