لغز جديد

[{ أبوفيصل }]

السلام عليكم ورحمة الله وبركاته


بنت الغلا تِنسب ال رجّال =وشلونها اللي تِسمّابه
مخفيَّة اللون زيْنة فال =لاجات بأقصاه لأحبابه
كلمه وكلمه على ايَّة حال =من لونها تعرف الجابه










.

[إبن ثعلي]

اعتقد انها بنت المطر تذكر ولا احد يعرفها

[{ أبوفيصل }]

ماااالك لواا يابوعبدالرحمن

[إبن ثعلي]

مخفية اللون زينة فآل
من لونها تعرف الجابه
تضاد غريب لكن ابو فيصل هذه عوائده
احكام اللغز وويش رايك في بيضة الديك تطرى
ولا تشاف

[{ أبوفيصل }]

تضاد لايوجد تضاد لكن طالما ذكرت فالبيت الاول
( وشلونها اللي تسمّاااابه )

ماااااالك لواا

[إبن ثعلي]

هذا اللغز يبدو انه السهل الممتنع
لكن ما اهتديت لحله

[{ أبوفيصل }]

اللغز انتهى يابوعبدالرحمن
لاتشغل التفكير فيه

( سويداء القلب )

[إبن ثعلي]

هههههههه صحيح يابو فيصل ولغز محكم
لكن ما طرى علي حله