{ لــغز } محلوووول ( الريال )

[{ أبوفيصل }]

السلام عليكم ورحمة الله وبركاته



اللغز يبغى منك تفكير وحَسِم =حسْمٍ يخلّي خافي احروفه تبين
وش الثنين اللي لهم نفس الأسم =تخالفوا بالشكل والصوره ثنين
هذا رهيف اصخيف في وصف الجسم =وهذاك يفرق عنه بالجنب المتين
الاسم واحد والتشابه بالوسم =وسمٍ يخلّي قاسي أوضاعه يلين









.

[إبن ثعلي]

الظاهر ياابو فيصل انه وسم المطيه
ووسم المطر والعالم الله

[{ أبوفيصل }]

اهلا هلا يابوعبدالرحمن

الموقع خالي على عروشه وش السالفه !!

كني فيه وحيدٍ لحالي :SnipeR (71):

الرمعه غير صحيحه واالمقصود من الوسم : علامه شي من هالقبيل

[إبن ثعلي]

الموقع يتواجد فيه الآن 500 فرد لكنهم لا يشاركون

[إبن ثعلي]

نحتاج يابو فيصل شرح معنى : تخالفو بالشكل والصوره ثنين؟

[{ أبوفيصل }]

نحتاج يابو فيصل شرح معنى : تخالفو بالشكل والصوره ثنين؟

" تخالفوا بالشكل والصوره ثنين "

بدايةً المقصود أن اسماهما واحد ومضمونهما واحد

لايختلفا عليهما اثنان ok يابوعبدالرحمن

لكنهما يختلفان بالشكل فقط

[إبن ثعلي]

اعتقد يابو فيصل انه(الألف الحرف والألف العدد1000)
والعالم الله

[{ أبوفيصل }]

مااااااااااالك لواا

[إبن ثعلي]

اجل ويش رايك في الألف اللينه والألف القصوره؟

[{ أبوفيصل }]

محاولة جداً جاده وكتفكير جيد

لكن اللي يفرق رمعتك عن الحل هو انه ملموس لا حسي

راجع البيت الثالث عسى ان تجد مايفيد

[همس النسيم]

وعليكم السلام
صح لسانك يابو فيصل
الفكر مجيم عجزت أجيب لو رمعة

[{ أبوفيصل }]

اهلا

حيا الله همس حاولي تجيبين الحل

يسلم فكرك ومايجيَّم واذا جيّم فاللغز رياضته :)

واللي أخير من هذا وذاك اَيات من ذكر الحكيم

[إبن ثعلي]

ويش رأي ابو فيصل في الختم الأصل والختم
على الورق اسمها واحد وتختلف في الشكل
واحد مادي والآخر رسم

[{ أبوفيصل }]

ماااالك لواا يابوعبدالرحمن

المطلوب متوافق جداً مع معنى اللغز ومع ذلك أدق اذا صح التعبير

[إبن ثعلي]

قلم الحبر والقلم الجاف؟

[{ أبوفيصل }]

مااااالك لواا

[{ أبوفيصل }]

انتهى اللغز ياجماعه

لكن عليكم بالجديد