لغز جديد ( محلووول )

[{ أبوفيصل }]

السلام عليكم ورحمة الله وبركاته



أنا بنشد عن اللي لامشى رجلٍ تعد اِخطاه =ترى ممشاه بالملّي ويمشي لابغيته سنت
وأنا ماشفت له ماطا ولا ناش الوطا ماطاه =رجَّالٍ على حث الخِطا تلقاه يدوّر بنت
ويمرّ له بناتٍ لابغيت يمرّهن ما تاه =يوقّف له على بنتٍ حسب ماترغبه لاهنت









.

[إبن ثعلي]

لدي رمعتين يابو فيصل الأولى مؤقت جرس الساعه
والثاني عداد سرعة السياره والعالم الله

[{ أبوفيصل }]

ماااالك لواا يابوعبدالرحمن

[إبن ثعلي]

برواز الإبر والبنات اشارات الأرقام التوضيحيه
على جوانبه؟

[{ أبوفيصل }]

ماااااااااااااااالك لواا

[إبن ثعلي]

السفر على خط الإسفلت والبنات المدن التي يمرها؟

[{ أبوفيصل }]

السفر على خط الإسفلت والبنات المدن التي يمرها؟

الرمعه من حيث معنى اللغز لاباس يابوعبدالرحمن
لكن الجواب أدق من كذا وممشاه ( بالملي والسنت )

وهو بالفعل لامشيته يمشي

:)

[إبن ثعلي]

ويش رأي أبو فيصل في سلك السبحهه

[{ أبوفيصل }]

ماااااالك لواا

[إبن ثعلي]

الريموت كنترول حق الرسيفر والبنات القناوات اذا بغيت
اقف على واحده او اتعداها للأخرى ؟

[{ أبوفيصل }]

حول الدعوى يابوعبدالرحمن لكن

ترى ممشاه بالملّي ويمشي لابغيته سنت

وهذا اللي نختلف فيه

[إبن ثعلي]

مؤشر الراديو القديم ابو سلك والبنات المحاط
الإذاعية ؟

[{ أبوفيصل }]

نعم هذا هو الحل يابوعبدالرحمن مشكور لاهنت