لغز صعب { محلول من همس النسيم } صح الفكر ويسلم تفكيرها

[{ أبوفيصل }]

السلام عليكم ورحمة الله وبركاته
لغز عساه ينال الرضا



وشهي اللي عمرها عمر الشبب =غصب راحت مدري راحت بالرضا
ليلةٍ صارت مثَل مدري سبب =والثمن مشروط لأمرٍ قد قضا
من فدايا شيخٍ يحل النشب =فدوةٍ للَّي على عوص النضا
احتداه الوقت وسلَّم مااحتسب =لجل لقمة عيش في وقتٍ مضا












.

[{ أبوفيصل }]

هو ليه كذا المنتدى

فوق الميه زوّار

واللي يشارك ابوعمار

[إبن ثعلي]

اللغز هذا دسم وما هو صعب وان شاء الله
نجيب خبر البنت يابو فيصل جاري البحث عنها

[همس النسيم]

وعليكم السلام ورحمة الله وبركاته
صح لسانك يابو فيصل
يمكن اللغز فعلا صعب علينا يالبنات لكن
على الرجال أمثالكم يجيبونه
خاصة اذا كان اللغز يتكلم
عن قصة أو مثل من الامثال المشهورة

[إبن ثعلي]

هذه بكرة ابن ثعلي يوم ضافه الذويي شيخ من شيوخ حرب
وراح يدور لهم شاه ولا وجدها وعود وذبح بكرته وكان ذوده خمس
نياق فقط وانشد شاعرهم يقول:-
يوم ان ابن ثعلي سرى مالقى شاه - الذود خمس وطب فيهن واختار
ذبح لنا حمرا ردوم محلاه = وراحت علينا من ليال أبو سرار

[إبن ثعلي]

وهذه رمعة أخرى يابو فيصل


يا من يبشّر بأريش العيـن راكـان

حنـا شريّناهـا وكمّـل نشبهـا

[{ أبوفيصل }]

صح بدنكم وحياكم الله ياهمس النسيم
اللغز ماهو شرط كل الرياجيل يعرفونه اكثر منكن
أنتن كذلك مطَّلعات على القصص والامثال
عموماً كلنا مالحقنا على هالسالفه ولا على المثل لكن مرّت علينا وسمعناها

[{ أبوفيصل }]

هذه بكرة ابن ثعلي يوم ضافه الذويي شيخ من شيوخ حرب
وراح يدور لهم شاه ولا وجدها وعود وذبح بكرته وكان ذوده خمس
نياق فقط وانشد شاعرهم يقول:-
يوم ان ابن ثعلي سرى مالقى شاه - الذود خمس وطب فيهن واختار
ذبح لنا حمرا ردوم محلاه = وراحت علينا من ليال أبو سرار

ونعم بربعنا علومهم كلها غانمه

القصة هذي اللي اوردتها قريبه من اللغز وحله

لكن اللي يفرق ان القصة المقصوده اشتهر فيها المثل اللي جاء من واقعها ،

والرمعه الثانيه ماااااالك لواا

بأنتظااار الحل

[إبن ثعلي]

لا تكون شيخة الرخوم
قصة علي بن لبدان اللي كتب على
سكينه قاتل مئه ومعتق ميه؟

[همس النسيم]

باع الكحيله بعشا ليله
هي اللي باع فرسه يوم احتد. يبي يعشي ضيفه. وبيعته من شان عشاء

[إبن ثعلي]

عز الله جبتي الحل ياهمس النسيم وننتظر
أبو فيصل ويش يقول

[{ أبوفيصل }]

:ongue::ongue::ongue::ongue::ongue::ongue::ongue:
:03hbdsn13: ياهمس النسيم صح فكرك وتفكيرك :03hbdsn13:
:SnipeR (37): انتهى يابنت روق لاهنتي :03jdfny13:

{{ باع الكحيله بعشا ليله }}

مطلق الجرباء زعيم بادية شمر
له من الشجاعة والكرم والشهامة مابرز به عن غيره
من قبيلته لكن كان لمطلق معارضون من شيوخ بادية شمر
وهم : التمياط وابن طواله والصديد ،إلا أن هؤلاء لم يستطيعوا الصمودَ أمام قوة
ونفوذ مطلق، فمنهم من ذهب شمالاً ومنهم من ذهب جنوباً .وقد خاض مطلق معركةالعدوة
عام 1205 ضد قوات الدوله السعودية الأولى وقد قتل في هذه المعركة ابنه مسلط
وكانت هذه المعركة هزيمة على شمر تكبدوا فيها خساير فادحة بالأرواح والحلال
وبعدها ذهب مطلق وقومه إلى حدود الحجاز وفي طريقهم مروا على صاحب قرية
وكانوا في حالة جوع وقلة مال بعد المعركة وقال مطلق لصاحب هذه القرية اريد
اشتري منك طعام عشاء لقومي ولكن صاحب القرية طلب فرس مطلق (الكحيلة)
مقابل إعطاءه الطعام لكن الموجود عند راعي القرية يكفي وجبة ليله واحدة
ومن عطف مطلق وشهامته باع فرسَهُ لصاحب القرية مقابل عشاء ليلة لقومه
لهذا أصبحت مثل عند شمر { باعَ الكحيله بعشا ليله}

تحيــااتي

[{ أبوفيصل }]

بالتأكيد تشكر على التأييد

لاهنت يابوعبدالرحمن

[همس النسيم]

صح بدنك يابو فيصل
الله يسعدك هذا وأنا أقول ماراح أحله
لكن الحمد لله جابه الله
تحياتي وجل تقديري لشخصك الكريم يابو فيصل