لغز خفيف ( محلول من ابن ثعلي )

[المقناص]

بسم الله الرحمن الرحيم

لغز حصري اتمنى ان ينال القبول


بنتٍ تسمَّت براعيها=من جيل متوارثه لأجيال
في وسط ديره نلاقيها=وعن غيرها مالها منزال
مهنه ولاني بخافيها=مهنة شرف ترتقي برجال


تحيتي للجميع






.

[{ أبوفيصل }]

هلا ومرحبا وحياك الله يالمقناص

صح لسانك وبيض الله وجهك على اللغز الرائع

جاااري التفكير

[{ أبوفيصل }]

وش تقول في دومة الجندل

حصن بناه دوماء بن إسماعيل وتنسب له

والجندل معناه الحجاره

[المقناص]

البقى يامرحب وصح بدنك يابوفيصل

البنت محسوسه غير ملموسه

انتظر مرماعك القادم

[المقناص]

ابوفيصل ارجو تعديل اول غصن ليكون

بنتٍ تسمت براعيها

ليكون التوجيه 100%

[{ أبوفيصل }]

سدنة الكعبه

[إبن ثعلي]

الظاهر يالمقناص انها ناقة صالح والعالم الله

[{ أبوفيصل }]

البقى يامرحب وصح بدنك يابوفيصل

البنت محسوسه غير ملموسه

انتظر مرماعك القادم
ناقة صالح !! يقول المقناص

هذي يابوعبدالرحمن محسوسه ماتنلمس ونقول ملموسه

[المقناص]

ابوفيصل رمعه خطيره باقي عليك تكه وتاصل للحل

[المقناص]

ابن ثعلي

مالك لوااااا

[{ أبوفيصل }]

واااا تك صدري !! أنت لاقلت لغز خفيف عكس ماتقول اعرفك هههه

أجل يابومروان باقي عليا بس تكه :SnipeR (26):

جايك يالغز المقناص جايك

[عهود]

مسيتو بالخير

كم وزن اللغز (:

اجابه سريعه ممكن تكون السعوديه

[المقناص]

مايصعب عليك لغز يابوفيصل دامك من هوامير الالغاز

بالانتظار

[المقناص]

بلادي يالسعوديه

مالك لوا

الظاهر بردف بيت زياده للغز

[إبن ثعلي]

العذراء لقيب مريم العذراء؟

[{ أبوفيصل }]

مدينة

في قلب منطقة عسير

خميس مشيط

[إبن ثعلي]

مادام أبو فيصل يقول خميس مشيط انا أقول جده وقبر جدتنا حواء فيها
والعلم عند الله

[المقناص]

يالربع الرمعات مالكم لوا

[المقناص]

هذا بيت زياده للتوضيح ارجو اضافته للغز

مهنه ولاني بخافيها=مهنة شرف ترتقي برجال

[إبن ثعلي]

يمكن تكون الطوافه ياالمغوار ؟

[{ أبوفيصل }]

اشهدنها هي وكان على قولكبالقي تكه

جابها ابوعبدالرحمن والعلم عندك

[المقناص]

هذه الرمعه اللي تثلج الصدر

صح لسانك ياابن ثعلي وبيض الله وجهك

نعم الحل (الطوافه)

تحيتي وتقديري

[المقناص]

صح لسانك يابوفيصل ع التااايد

[إبن ثعلي]

لاهنت يالمقناص ومشكور والحمد لله قضينا
على اللغز بعد عدة رمعات

[{ أبوفيصل }]

صحت الالسن ولاهنتم جميعاً

تحياتي لكم