"" لـغز "" ( محلول من المقناص ) صح لسانه

[{ أبوفيصل }]

السلام عليكم ورحمة الله وبركاته


ياللي تبا لغزنا حله =جديد من ندَّر الأفكار
وش شايبٍ تدعمه شله =قدحَة شراره تشب النار
أول شبابه على مَله =مقباس شرٍ يثير أحرار
ابليس لاجاء يِفعَّلْ له =مع خدمته يشحنه بِصرار
لا مذهبٍ له ولا مِله =لاصار في وقتنا ماصار









.

[إبن ثعلي]

الله اعلم يابو فيصل ان الشايب حسن تصر الله
وابليس خامينئي

[{ أبوفيصل }]

مااااالك لواا يابوعبدالرحمن

يبدو ان اللغز صعب دام هذه رمعتكم الاولى

[إبن ثعلي]

ما فيه شك ان اللغز صعب لكن ويش رايك في الحسود النظول؟

[{ أبوفيصل }]

ماااالك لواا يابوعبدالرحمن

وبعدين فيه غلطه مطبعيه قد لاتذكر

( لامذهبٍ له ولا مله ) ليس >> مذهبٍ لي

[إبن ثعلي]

أول شبـابـه عـلـى مَـلـه
هل المقصود على ملة تعني حراره والا مله تعني عقيده؟

[{ أبوفيصل }]

المعنى في قلب الشاعر ويعتبر في مجمل اللغز ، حامي

[إبن ثعلي]

البارود يابو فيصل؟

[{ أبوفيصل }]

ماااالك لواا

[إبن ثعلي]

الإرهاب يابو فيصل؟

[{ أبوفيصل }]

ماااالك لواا

[عهود]

الفكر الماسوني

[إبن ثعلي]

الزند القديم يكون شايب على اساس انه منحني والشله الأصابع اللي تقدح به
على الصوان والضرمه؟

[{ أبوفيصل }]

ماااالكم لوا جميع

[إبن ثعلي]

ويش راي ابو فيصل في المشهاب ومنها المثل البدوي يلحق المشاهيب؟

[{ أبوفيصل }]

ماااالك لواا والرمعه بعيده

[المقناص]

صح لسانك يابوفيصل على اللغز الجزل

نقول طال عمرك

التعصب القبلي

[{ أبوفيصل }]

صح لسانك يابوفيصل على اللغز الجزل

نقول طال عمرك

التعصب القبلي
صح بدنك يالمقناص وياهلابك

:ongue: صح فكرك يسلم تفكيرك :ongue:

:SnipeR (37): بيض الله وجهك على الجواب الصحيح

( التعصب القبلي )

تحياتي لك وللجميع

[المقناص]

صح بدنك وصح لسانك وفكرك على اللغز الجزل

تقبل خالص تحيتي