؛؛ لغز ؛؛ محلوول

[{ أبوفيصل }]

السلام عليكم ورحمة الله وبركاته

مساء الخير كيف حالكم وعساكم طيبين ، استلموا هذا اللغز


ياويش بنتٍ جنب أبوها وشيخه =شيخه ودايم جنب شيخ الشيوخي
تصدح بصوتٍ يرهج ابليس وصريخه =لبّى الشموخ اللي زهاه الشموخي





.




.

[إبن ثعلي]

لغز عويص يابو فيصل لكن عندي رمعه ما ادري
تصيب والا تخطي ويش رايك في قذيفة الهاون
وتحياتي لك

[{ أبوفيصل }]

حياك الله ابن ثعلي لاصعب ولاعويص
والرمعه ماصابت

[إبن ثعلي]

اجل ويش رايك في منارة المسجد تصدح بالآذان
اللي يطرد الشيطان

[همس النسيم]

وعليكم السلام ورحمة الله وبركاته
حياك الله وبياك يابو فيصل
صح لسانك واعتلا شأنك على هاللغز الجميل
من طول الغيبات جاب الغنايم
والغنيمة هالمرة جزلة وشكلها قضى عليها أبو عبدالرحمن
وانا معه بالرمعه

[{ أبوفيصل }]

هذه الحل الصحيح لاهنت يابوعبدالرحمن

[{ أبوفيصل }]

ابقاك الله ياهمس النسيم وياهلا لاهنتي

صح بدنك والرمعه صحيحه بالتأييد الصائب

تحيتي لكم

[إبن ثعلي]

الحمد لله إصابة الرمعه الثانيه وسبقت
همس بغت تقضي عليه قبلي