الزند يقدح في شنب كل قداح

[عيد بن شده]

الزند يقدح في شنب كل قداح
اكبر شنب عن مهرة الغيد فاهق

عن كورها يبعد من الناس ضباح
بواسقٍ ترهق فكر كل باسق

طاح المطر ياصاح طاح المطر طاح
على وهاد الارض للقاع راشق

‏ماينفع المشتق كثر التمطراح
والحر فرخه حر والتبع باشق

لاح الهدف وارتاح كان انت مزاح
يرمي به التفاق رؤس الفواسق

دمه من التفكير يافارهه فاح
يبكي عديم الراي شخصٍ منافق

مابين مهجادٍ ومابين مصباح
وعلى رصيف الشمس والليل غاسق

خباب ابو وجهين والعم سباح
والقهوجي للهيل بالقدر دافق

قام ايتمرجح بالثميّله تمرجاح
بعد طلوع سهيل والجدي خافق

نطاح ذيب الخيل للخصم نطاح
لو كان بعض احيان ماهوب واثق

عيد بجاد بن شده

[عبدالعزيز بن حشيان]

ابو فهد


صح لسانك يالنشمي دايم معودنا على نوادر شعرك الرائع

[همس النسيم]

صح لسانك يابن شده
الله يعطيك العافية

[عيد بن شده]

ابو خالد.
همس النسيم.
اسعد الله اوقاتكم بكل خير وعافيه
وصحت ابدانكم جميعٍ

[إبن ثعلي]

صح السانك يابن شدة ولا هنت

[عيد بن شده]

لاهنت يابن ثعلي وصح بدنك