مرثية

[{ أبوفيصل }]

ياذارف المي دمعة الحزن ياعين =قبل العزاء يسبق على ذارف المي
يالله ياحي ترحم أبْو المساكين =ريف الثكالا والمياتيم ياحي
في بارد الفي بين خضر البساتين =تجعل جنان الخلد له بارد الفي
عبدالله اللي له سِجل ودواوين =سجَّل له التاريخ مجدٍ كما الضّي
بالذاكره حي راعي العدل والدين =ذكراه يبقى في قلوب الملا حي
ماغاب ياخي في قلوب الملايين =دام الملك سلمان موجود ياخي
معاه كل شي قلب وقالب وباقين =له بيعةٍ ماقل من شانها شي








.

[إبن ثعلي]

صح السانك يابو فيصل
ورحم الله خادم الحرمين الشريفين

[عهود]

يالله انك ترحم أبو الكل عبدالله بن عبدالعزيز ال سعود وتسكنه فسيح جناااتك



يعطيك العافيه شاعرنا العطاوي ..

[عبدالعزيز بن حشيان]

ابو فيصل

صح لسانك يالنشمي تقبل مروري

[همس النسيم]

صح لسانك يابو فيصل ولا هنت
على هالقصيده الجزله
ورحم الله خادم الحرمين ووالدتي وجميع موتى المسلمين
وجعلهم بالجنان يتنعمون برضوان ربي