لغز تعزيز ( محلول من ابن ثعلي ) صح فكره وصح تفكيره

[{ أبوفيصل }]

السلام عليكم ورحمة الله وبركاته


النحيل اللي سِوات الثمامه =لادخل في بنت مامثله نحيل
لابسٍ غير العمامه عمامه =وعمامته مع مثلها شكل ومثيل
لكن يأهل العرف يأهل الفهامه =ماينعرف له راس ماشفت له ذيل
وعمامته مثل المعَم فوق هامه =في معمّه وش يخلي وش يشيل





.



.

[إبن ثعلي]

هذا يابو فيصل المرود حق المكحله وعمامته الكحل

[المقناص]

وعليكم السلام ورحمة الله وبركاته

صح لسانك يابوفيصل على اللغز

نقول

قلم الرصاص والبنت البرايه

[إبن ثعلي]

الظاهر ان اللغز قضى عليه المقناص وانه قلم الرصاص والبنت المرسمه اللي هو في جوفها
والمعم المساحه وهي اللي تشيل وتخلي من الكتابه

[{ أبوفيصل }]

ماااااالك لواا يابوعبدالرحمن

[{ أبوفيصل }]

هلا بالمقناص صح بدنك لاهنت مشكور

القلم والبرايه ماااالك لواا

لابــــــسٍ غير العمامه عــمـامـه = وعمامـتـه مــع مثـلـهـا شكل ومـثيل

لـكـن يـأهـل الـعــرف يـأهــل الفـهـامــه = ماينـعرف لـه راس ماشفـت لـه ذيـل




:)

[{ أبوفيصل }]

اللهم صلي وسلم على محمد وعلى اَله وصحبه الغر الميامين الى يوم الدين

[إبن ثعلي]

يمكن يكن احد اعواد تنظيف الأذن؟

[عامر الروقي]

ابوفيصل

صح لسانك ونظمك للغز ورمعة ابن ثعلي ماعليها تعدي
والعلم عند ابوفيصل

[المقناص]

رمعة ابن ثعلي رائعه ولا عليها تعدي

[ابو سيف]

اللغز تعجيزي شوي
لكن انا اتوقع انه شي تستخدمه الحرمه
نرجو التوضيح يابو فيصل



النحيل اللي سِوات الثمامه =لادخل في بنت مامثله نحيل
لابسٍ غير العمامه عمامه =وعمامته مع مثلها شكل ومثيل

[{ أبوفيصل }]

يمكن يكن احد اعواد تنظيف الأذن؟
:ongue::ongue::ongue::ongue::ongue::ongue:
( عود الاذن ) ذو رأسين يستخدم لتنظيف الأذن
وفالحقيقه ماوضحته التقارير الطبيه انه يزيد الطين بله ولا فائدة منه الا
عند تجفيف الاذن من عوالق الماء المترسبة فيها
صح فكرك يابوعبدالرحمن وصح تفكيرك لاهنت وبيض الله وجهك على الحل القاضي
تحياتي

[{ أبوفيصل }]

صح ياعامر على التأيييد وبيض الله وجهك

[{ أبوفيصل }]

ابن مزحم هلابك واللغز حله ابوعبدالرحمن وقضى عليه

خيرها في غيرها