لغز 10 على 10 ( محلول من ابن ثعلي )

[{ أبوفيصل }]

السلام عليكم ورحمة الله وبركاته



وش هنوفٍ ماشانها بشان =ما ليلاها مثل مجنونها
عشرها عشر ماترجع ثمان =والعشر ما اختلف مضمونها
لونها لون مع مر الزمان =عمرها ماتغيّر لونها





.



.

[إبن ثعلي]

والله اني يابو فيصل ما فهمت اللغز زين لكن ويش رايك
في فئة العشرة ريال النقديه
وتحياتي لك

[{ أبوفيصل }]

هذا بيت اضافي
واللغز يبي له تحليل فني فابحث رعاك الله

[إبن ثعلي]

رمعة ماني متأكد منها ويش رليك بشجرة العشر

[المقناص]

صح لسانك يابوفيصل على اللغز

رمعة ابن ثعلي ماعليها تعدي

[عبدالعزيز بن حشيان]

ياجماعه اضنها عشر شوال

[{ أبوفيصل }]

رمعة ماني متأكد منها ويش رليك بشجرة العشر
:ongue::ongue::ongue::ongue::ongue:

صح فكرك وصح حلك ( شجرة العِشَر ) بكسر العين وفتح الشين :)

مافيك حيله مشكور يابوعبدالرحمن لاهنت

[{ أبوفيصل }]

المقناص تأييدك تأكيد للحل الصحيح مشكور لاهنت

تحياتي لك

[{ أبوفيصل }]

ابن حشيان المطلوب بأسم بنت هي العِشَر الشجره المعروفه
كما يسمونها شجرة الجن

[إبن ثعلي]

الحمدلله صابت الرمعه يابو فيصل ومشكور على اللغز
اللي محبوك صح والشكر موصول للقناص للتأييد على صحة الحل