(( لغز )) محلوول من المقناص صح لسانه

[{ أبوفيصل }]

السلام عليكم ورحمة الله وبركاته



بنــتٍ لــبوهـا روح . . تحييه وتميته =من دونـها مـافاد . . تبقى لبوها روح
لوهي تجي وتروح . . وتــرد عافيـتـه =ماهيب شرب وزاد . . وش عاد لوتروح
من مبعدات الشوح . . ماغادرت بيته =فــبلادهــا لبــلاد . . من مبعدات الشوح






.



.

[إبن ثعلي]

هذا والله لغز رهيب يابو فيصل وهذا رمعه أولى ويش رايك ببطارية الكشاف او الحجرة حجرة الكشاف

[{ أبوفيصل }]

حياك الله ابوعبدالرحمن

مااااالك لواا

[إبن ثعلي]

اجل ويش رايك في بطارية الجوال ؟

[{ أبوفيصل }]

ماااااالك لواا يابن ثعلي

[المقناص]

صح لسانك يابوفيصل

وشرايك

الرمعه واللغز

او

خلية النحل

[{ أبوفيصل }]

صح بدنك يالمقناص

الرمعه والثانيه كلها ماصابت

[إبن ثعلي]

فيه رمعتين يابو فيصل الأولى ماكينة الموتر والثانيه المامه حقت الكشاف (اللمبه الصغيره)
وتحياتي لك

[{ أبوفيصل }]

مااااالك لواا

[إبن ثعلي]

اللغز حول الأجهزة او السيارات ولكن لدي رمعة جديدة ويش رايك في شريحة الجوال
واذا لم تكن هي ويش رايك في ابرة بلف الهواء حق كفر السياره

[المقناص]

وش قولك

بأسطوانة الاكسجين اللي بظهر الغواص

[{ أبوفيصل }]

حولها ولكن ماااالك لواا

[{ أبوفيصل }]

المقناص

مااالك لواا

[المقناص]

سرى الساري لو قلنا

ابرة السلاح او ابرة اللغم او سكة القطااااار

[{ أبوفيصل }]

مااااالك لواا

[عامر الروقي]

ابوفيصل

صح لسانك وطرقك للغز وبيض الله وجهك
وش رايك
الدقمه والسلف او الشراره والبوجي

[{ أبوفيصل }]

صح بدنك ياعامر ووجهك

مااالك لواا

[إبن ثعلي]

طيب يابو فيصل ويش رايك في عدسة النظاره وابوها البرواز

[{ أبوفيصل }]

ماااالك لواا

[المقناص]

حرارة الهاتف او بطاقة الشحن الجوال

[إبن ثعلي]

ويش رايك بكمرة المنظار الطبي؟

[{ أبوفيصل }]

حرارة الهاتف او بطاقة الشحن الجوال

:ongue::ongue::ongue:

صح فكرك يالمقناص ( حرارة الهاتف )

هذا اللي بنيت عليه اللغز والسبب هنا ( بنتٍ لبوها روح ) الروح وصف ليس
مادي ملموس كذلك الحراره ليست ملموسه بعكس الشريحه وهذا ماكنت اعنيه بأختصار

وانكان لاتطابق لها فالسموحه على طرح اللغز

[{ أبوفيصل }]

انتهى اللغز يابوعبدالرحمن عند المقناص صح لسانه

[المقناص]

:ongue::ongue::ongue:

صح فكرك يالمقناص ( حرارة الهاتف )

هذا اللي بنيت عليه اللغز والسبب هنا ( بنتٍ لبوها روح ) الروح وصف ليس
مادي ملموس كذلك الحراره ليست ملموسه بعكس الشريحه وهذا ماكنت اعنيه بأختصار

وانكان لاتطابق لها فالسموحه على طرح اللغز

صح بدنك يابوفيصل والحل وارد باللغز 100% بيض الله وجهك :03hbdsn13:

واعذرنا ترانا نرمع هنا وهناك كن معنا مظلة قفز

تقبل خالص تحيتي

[إبن ثعلي]

كفيت ووفيت يابو فيصل الا والله تمام
ولا يهون القناص اللي جاب الحل
وتحياتي لكم

[{ أبوفيصل }]

صح بدنك يابوفيصل والحل وارد باللغز 100% بيض الله وجهك :03hbdsn13:

واعذرنا ترانا نرمع هنا وهناك كن معنا مظلة قفز

تقبل خالص تحيتي
صح بدنك يالمقناص وصح لسانك على الحل القاضي

تحياتي

[{ أبوفيصل }]

شهاده على الصدر وسام لاهنت مشكور

تحياتي