{{{ لــغز }}} محلووول

[{ أبوفيصل }]

السلام عليكم ورحمة الله وبركاته



ويش الهنوف اللي يجي بسمها اسمين =لاشلت حرفٍ يبتدي بحروفها
اِ لها سميّه فالبنات المزايين =بنتٍ تزيِّن بالخضاب اكفوفها




.



.

[إبن ثعلي]

لغز والله محبوك يابو فيصل لكن ويش رايك بعروس البحر او حورية البحر وسميتهما البنت العروس ويقال لها حوريه
ثم اللغز اللي قبله ماقلت ويش رايك في حله
وتحياتي لك

[{ أبوفيصل }]

من طيب ذوقك حبكته لكن الرمعه ماصابت حله

و رأيي في حل اللغز السابق مافيه كلام 100%

[إبن ثعلي]

طيب ويش رايك في البنت يجي من حروف اسمها البن والبنت؟

[عامر الروقي]

صح لسانك يابوفيصل ونظمك للغز

وش رايك

شهرزاد

[{ أبوفيصل }]

صح بدنك يابوناجي وياهلابك

ماااالك لواا

[إبن ثعلي]

طيب ويش راي أبو فيصل في مريم العذراء؟

[{ أبوفيصل }]

رمعتك الاولى ما انتبهت لها يابن ثعلي

وجميع ماذكرته ماااالك لواا

[{ أبوفيصل }]

ويش الهنوف اللي يجي بسمها اسمين =بدون حرفٍ يبتدي بحروفها
اِ لها سميّه فالبنات المزايين =بنتٍ تزيِّن بالخضاب اكفوفها
أتوقع اذا استبدلنا كلمة ( بدون ) بكلمة ( لاشلت ) ، اصبح اللغز مفهوم كالتالي :
ويش الهنوف اللي يجي بسمها اسمين =لاشلت حرفٍ يبتدي بحروفها
اِ لها سميّه فالبنات المزايين =بنتٍ تزيِّن بالخضاب اكفوفها

[إبن ثعلي]

انكشف اللغز يوم فهمتنا المعنى ونقول يابو فيصل
ياسمين اذا حذفنا الياء صارت اسمين
وتحياتي لك

[{ أبوفيصل }]

انكشف اللغز يوم فهمتنا المعنى ونقول يابو فيصل
ياسمين اذا حذفنا الياء صارت اسمين
وتحياتي لك
وهذا الصحيح يابوعبدالرحمن نعم ياسمين يسلم فكرك

[{ أبوفيصل }]

ابوناجي يبا يزعل على تعديلنا الكلمه مع العلم هي كلمه

لكن له مني لغز محكحك ومفقد قبل طرحه

[عامر الروقي]

ايوعبدالرحمن

كفو وصح فكرك وتفكيرك في حل اللغز وبيض الله وجهك
ولاهان من نضم اللغز
وليه الزعل ماحصل تقصير ومن ابوفيصل وشرواه تعلمنا

[إبن ثعلي]

الله لا يهينك يا اخ عامر ومشكور على الإطراء والعبارات الجميله
واللغز في البداية كنت فاهمه خطأ وانه بدون حروف لكن يوم عدله
ابوفيصل اتضحت الصوره
وتحياتي لك

[{ أبوفيصل }]

شكراً